27
4
1
港鐵上環站 A2 出口, 步行約5分鐘 繼續閱讀
電話號碼
35656129
營業時間
今日營業
18:00 - 23:00
星期一至六
18:00 - 23:00
付款方式
Visa Master 現金 AE JCB
其他資料
加一服務費
食評 (34)
無論由上環站、香港站定中環站過去,都必需經過大大少少嘅斜路先去到石板街。雖然行上去唔係話好斜,但大熱天時行,你都咪話唔辛苦。位於石板街旁嘅 Yakiniku Great,全店主打一樣食物,日本黑毛和牛!餐廳走fine dining 路線,所以座位唔多,bar 枱大約可以坐10-12個人,另有一長枱適合大班人一齊暢聚。由於餐廳走專業高檔路線,所以只主打和牛,當中有唔同嘅部位任君選擇,bar 枱前有一幅 beef cut 大圖片,客人可以清楚對照餐牌上唔同牛肉部位嘅位置同名稱。我對牛肉部位唔太理解,所以職員都好細心,會逐一解釋每個部位嘅口感同肉味。如果都係揸唔定主意,仲可以揀omakase。我就選擇咗一個每日限量供應10 set 嘅 KIWAMI omakase。呢款omakase 總共有7款肉,一開始當然係刺身 Negitoro,大塊紫菜上擺放了少許飯,再配上和牛肉茸,少許洋蔥、蔥粒及淡醬油,一次過放入口,味道完全不如想像。初頭以為會食到好濃嘅牛肉味,甚至會有少許腥味。但食落先發現,原來係十分清新嘅鮮味,有少許似食呑拿魚toro,牛肉脂肪令肉質非常嫩滑,淡淡牛肉味隨之而來,係意料之外嘅味道。刺身之後係Shakushi 同 Misuji 職員除咗介紹每一款和牛之外,仲會為你燒埋,當然客人亦可以選擇自己動手,享受燒肉嘅樂趣。一薄一厚嘅兩個不同部位都係稀少部分,Shakushi 每邊燒約三秒之後配上bubble soy sauce 同即磨wasabi 一齊食,食落覺得油脂含量較高,淡淡肉味。相反牛肉粒 Misuji 就牛肉味濃郁,亦因爲厚切嘅關係,食落好似食和牛扒一樣,肉味蔓延口腔之中。再嚟就係人企最高嘅Misuji同Daisankaku。相比之前厚切,misuji 薄肉片入口即融,而Daisankaku係赤身肉,油花無咁豐富,但食落肉味更濃郁,更有嚼口。兩款肉各自配上以蘋果汁同麻油特製嘅燒肉醬汁,增加味道層次。第三碟燒肉係厚切西冷,肉味最濃,油花不算多但分佈平均,而且好有彈性!再之後就係一個配木魚湯嘅燒肉,原諒我真係記唔得晒d名稱,因為實在太相似,又全部日文。呢款燒肉每邊燒幾秒,跟住將佢浸落木魚湯到進食,其實用嚟間場的確幾好,木魚湯可以幫手清一清口腔,迎接之後嘅最後一碟和牛,亦係全晚嘅主角!Chateaubriand係整隻牛最中心、最厚、最高級嘅部份,係非常柔軟嘅極上和牛肉,職員話一隻牛只得3塊呢個部位,真係不得了!職員燒到半熟後將牛肉放喺白飯面,面頭再放上新鮮北海道海膽,再淋上用牛油、蒜頭同醬油煮成嘅醬汁,再灑d蔥粒,望見都流曬口水!相機食咗幾十次自己都未食!海膽牛肉同日本香飯一次過擺入口,係形容唔到嘅美味!如果話金莎係天堂跌入凡間嘅美食,呢個絕對係宇宙跌入我面前嘅人間珍品! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-27
1615 瀏覽
適逢拍拖八週年,諗住食餐好既賀賀佢,見有人話呢間唔錯就去左試。我地無嗌到set,因為個set包既部位唔係隻隻都想食,所以就單點,價錢都係差唔多。佢d牛部位有d已經醃過,但我個人鐘意食番最原始既味,先知道牛既質素。我地嗌左佢店入面最popular果幾個部位,肉質嫩滑,入口即溶,再配個冷麵中和油膩,食完真係好滿足🤤兩個人食完埋單二千頭,性價比都幾高,但之前食過另一間叫Nikushou,兩間對比之下,呢間水準就明顯遜色! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-26
1721 瀏覽
不管近年來有多少家持着日本米之蓮大名以來的日本烤肉,始終不及Yakiniku great. 日本牛肉的專業,每個部份都考慮到。嫩滑、入口即溶。不用花巧,牛肉靚就夠了 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-12
1909 瀏覽
因公司有高層萬歲 有機會黎到呢間高級日本燒肉餐廳 黎之前已經好有期待 畢竟有同事食過表示一試難忘當天有餐廳店員打左比我地問要選咩野食 我地點左Omakase 極 係最貴的果個set 令我期待感上升原諒我真係忘記左每一碟牛的部位 但味道我就記得好清楚先黎牛刺身壽司🍣 呢個作為頭炮 其實我係失望的 可能我果舊有筋 有點太un 感覺 麻麻地開始有燒肉食啦 店員每上一碟牛 都會好詳細講要點燒 燒幾耐 同埋用咩汁食 呢點十分抵讚 好專業 講番呢碟牛 牛花平均 重牛味 但唔係果種有入口溶類型 因為佢唔算太見肥呢2 款睇上去就知道慢慢入高潮 左手邊那款 十分好食十分好食 佢係好易咬開 但唔係溶/淋到無口感果種 同時牛味十足 係全晚第2好食 右手邊那款雖然比較失色 但其實都好好味黎到呢碟 是比較大而薄的那種 雪花平均都唔算好肥那種 味道口感係有點似去日本餐廳食燒牛肉飯果種 呢到全晚最好食果碟 睇相大家都應該唔難估到點解會係全晚最好食吧! 無論係牛新鮮程度 脂肪比例 牛香 口感 都係絕頂 無地方可以批評 簡單黎講 係一塊令人一試難忘 食果下會 “wa” 出黎的接下來去到差唔多熱食尾昇 係呢個燒牛肉海膽丼 係店員幫我地燒的 海膽新鮮有甜味 加上出色燒牛肉 係完美組合黎到最後甜品部份 係芝麻雪榚 總結黎講 係絕對絕對 要試的一間餐廳 其質素絕對對得上佢的價錢! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-02-18
2556 瀏覽
已經唔係第一次去呢間燒肉店, 真心覺得好食,食完第一次之後一食難忘。 食牛,我只會食美國牛或日本和牛。 喺香港, 如果我要食貴牛,我只係會去Lawry's 或Yakiniku Great。 原因好簡單, 除咗肉質 & 牛味,最緊要嘅係環境氣氛。 Yakiniku Great 有我喜歡嘅輕鬆, 少咗我最怕嘅其他高級食店嘅拘謹。 試問 樣樣食物都要循規蹈矩先至擺得落口,何來樂趣可言。 辛苦搵來自在食, 花錢食好嘢梗係要心情輕鬆無拘無束啦!整體嚟講, 我覺得 Yakiniku Great 值90分。有改善嘅空間。不過要留意 appetizer 係要另加錢。 繼續閱讀
(以上食評乃用戶個人意見 , 並不代表OpenRice之觀點。)