XTC Gelato (已結業)

已經想試好耐~!今日終於試左啦~!!一個字,正!!個店員真係好好人~我幾乎隻隻唔知乜味既都有試,佢都仲好好笑容~今次試左開心果同walnut dream,好好食,食到好多walnut呀,好足料,本來想試lavander,但係店員哥哥話今日冇出~唔緊要啦~下次先試,反正一定有下次~by the way, 雖然係small size cup,但係店員"筆" 得好滿,食完真係好滿足,個人鍾意xtc既gelato多過最愛既hagaadaz ar~

今晚0係度試0左CAFFE ARRABICA & HONEY MELON.唔知點解,個honey melon比起我0係中環掂食的,甜0左少少.而咖啡味的一款就真係好重咖啡味,正!!d咖啡濃到少少苦,但完全冇影響隻gelato本身0崏吸引力~唔錯!

琴日星期日, 同我女朋友同一個女仔朋友一齊去試試(等左好耐囉)....開頭試左薰衣草同Chocolate XTC．．分開試時幾好味咁喎．．咁咪要左依兩隻囉．．．但食吓食吓．．．覺得薰衣草太甜啦．．陣薰衣草味太勁啦(好似食緊薰衣草ｄ花咁．．好勁)---隻chocolate XTC好有黑朱古力既感覺(本人勁BUY)．．．最尾食左大部份chocolate同食剩ｄ薰衣草, 咁諗住玩玩吓 啦．．將兩隻味攪亂來食．．點知隻chocolate既苦味中和左小小薰衣草既甜味．．好得意@,@

終於等到其中一種我最like o既味做flavour of the week 喇!即買一pack 1.2 kg!但係呢.好似無平日食o甘濃味同o甘多雲呢拿籽wor..........順便一提,如果自己o係home 都想食番佢o個種溶溶o地o既feel, 一定要拎出o黎溶一陣先得呀~

尋日又黎XTC食雪糕. 今次要左白朱古力同埋牛奶紅莓, 兩種都係gelato. 兩種雪糕都好滑, 滑到近乎軟雪糕, 唔似而家市面好多標榜健康o既gelato整到好似sorbet 咁. 白朱古力味無欺場, 直情好似食緊冰凍o既液態白朱古力咁! 而牛奶紅莓味係牛奶味雪糕撈左d紅莓蓉, 由於紅莓同白朱古力亦都係好夾o既食物, 我呢個配搭簡直perfect!

終於有機會去到XTC o既九龍唯一分店！而最優勝的是，此店正是眾分店之中鋪位最大、雪糕口味選擇最多的一間！是次試了花椒八角味..... 可惜是接受不了~

入口是正常朱古力味，慢慢感到辣味。幾特別。不過吃完半杯都幾勁，畢竟辣椒屬刺激性的食品。可以先試食看是否接受到才決定。

一直都好想試佢地既出品，但分店一直都係香港區。我是九龍人。所以一直欠缺推動力。星期日坐巴士去尖沙咀，一落車就見到。食左Chocolate XTC 加Mango，Chocolate XTC 朱古力味幾濃，不太甜，好味。Mango xxx (唔記得詳細名稱)好fresh，好香芒果味，但係甜左少少。下次會試其他。各位食家，有無試過hot chocolate 呀? 係咪辣既? 味道會唔會好怪??

今日要搭天星回家, 熱熱地所以好想食杯醒胃的雪糕, 入到來唔知食邊款好, 所以問下個嬸嬸sales可唔可以試食, 我話想食d酸d既, 佢好主動咁介紹唔同款比我試, 試左成4,5款, 最後要左青檸同芒果, 青檸真的很酸, 不過我鐘意, 相反芒果就甜既, 如果唔係咁甜會好d~

其實XTC 有些味道的確不是人人接受/ 喜愛，(個人就接受不了肉桂及薰衣草)，不過這裡最好的地方是可以試食，不喜歡的話大可再選另一款，STAFF 都會很樂意幫忙。

其實呢,我覺得薰衣草味都唔係o甘差ar.......我係幾like ga~

Hot Chocolate - 真係吞o左之後,先有d辣味攻番上o黎,幾得意. 但唔夠Chocolate XTC 好味同濃.Pistachio - 好好味啊,好香開心果味.好!Blu - 即係藍莓. ok.Guava - 好香石榴味. 唔會太甜, gip 或者酸. 一個好清o既雪芭.Plum - 清新o既布lum味. 都好呀Lavendar - 好唔掂... 白花油味. 想死!Cinnebar - 香濃肉桂味, 加埋朱古力味o既話,就好似mocha 咁!暫時o黎講, 都係最鍾意食Chocolate XTC!

今日又o黎天星xtc 食雪糕,基本上都試過哂d味ga喇,除o左有nuts o個d,因為我好唔like nuts ga!最後要o左~1)Vaniglia Madagascar >好香vanlia 味ga,真係好好食2)choco ice >chocolate 味o既冰lor,d好碎o既冰混左入去,口感唔錯!3)薄荷>無咩特別,都唔多覺有薄荷味我其實最想講呢,係個女sales 真係好好好人仲好好笑容tim ar!所以呢~xtc一定係我最愛o既雪糕店ar!如果你未試過就一定要去try o下喇!

一來我覺得佢的味道好似好新鮮, 好特別我上次買了朱古力同李子味flavor of　the week 會抵d, 因為會$100一盒(好貴)不是的話, 要$150一盒(仲貴)二來我覺得佢的包裝好得意外賣仲有個紅色袋仔

8月31號,同frd食完和民,行開呢度,咁就買雪糕~有好多種好得意既flavor,辣朱古力,開心果,薰衣草...好好笑既係香蕉味既叫"banananana"~哈哈~~~*我叫左蕉同honey yoghurt,frd要西瓜同木瓜~well,香蕉好蕉味,西瓜好西瓜味,木瓜好木瓜味咁囉~反而鍾意個yoghurt~酸酸地好食~~*ps:個叉仔好得意呀~~~*