Xolo (已結業)

有個fd見到有人推薦食呢間，睇落好似唔錯咁，有串燒食又有涮涮鍋食，而且仲有個放題優惠做緊，咁就諗住幾丁友一齊去試下，點知就咁就中伏！地方淺窄，得個四、五張枱，我地一坐低就已經寫紙點串燒點涮涮鍋，點知等左勁耐，起碼有大半個鐘，果堆前菜都已經黎左兩、三次，啤酒都飲左兩罐，都仲未見到啲串燒同個鍋，連鬼影都無！而且人又唔見，落左右土幾次單想問都無得問…淨係食果堆前菜都可以食飽你，佢至上一盤串燒，仲要燒到又燶又乾，以為燈光昏迷就睇唔到，一放入口就知係牛肉乾啦XDD最好笑係個涮涮鍋，等得最耐，要等隔離枱人地走左用完五死個爐先至可以拎過黎輪到我地用囉…what？！咁如果人地食到你閂門我地咪唔駛食涮涮鍋囉？！然後個鍋啲湯勁咸勁油，個火都只係俾你㷫住鍋湯，慢到你即使放條蟹柳落去淥都最少要等十五分鐘（反曬白眼🙄️）真係無辦法再食落去，成堆乾曬嘅串燒同果堆淥極都未熟嘅生肉，完全係浪費曬我地啲時間！

一開始見咁多好評，所以先去試，試完⋯差到⋯激發我12年黎第一次打食評🤪真係唔打過唔得🙄比定心理準備其他想去嘅人.其實一入到去已經覺得伏味好重😅好想走但同行家人話一場黎到咪試下，最後照試坐左一陣，出面d燒烤煙攻曬入黎室內環境煙霧離漫、好焗😑.所謂串燒放題，冇乜邊樣嘢，係燒🤬🤬🤬幾乎全部都係炸！得菠蘿係燒嘅⋯但係罐頭嘅⋯.茄子、瓜類炸完似油浸咁🤮d油多到成張紙都有一攤油🙄🙄其他肉類炸到乾曬，第一次食⋯脆嘅牛肉卷🙄真係好耶、可以炸到脆曬！真係要比個叻佢👍🏻👍🏻.所有嘢都係冇調味嘅、雞翼冇醃過，完全冇味，問題係，問佢有冇調味料可以自己加，結果只係得兩支辣豉油，其他都冇⋯⋯⋯.食物質素本來已經唔係d咩好嘢基本上全部都係來貨，來貨都唔係d咩問題問題係，連d平時好穩陣嘅嘢食佢都可以攪和晒日本甜薯、煙鴨胸都可以乾到一個點⋯⋯原來係高手嚟㗎喎！又要比個叻佢👍🏻👍🏻👍🏻.得牛肉卷係佢地自己整但牛肉係梅、唔知放幾耐嘅味特等叫兩次、兩次都係一樣情況🙄.有d落單嘅冇黎、冇落嘅又比我地😅真係唔知落單紙仲有咩意義？？！！.檯面見到好多昆蟲仔行黎行去🙄佢地仲多過d食客⋯⋯.$198+10%，呢個價錢真係單點好過🙄一個

今次真係嬲到震每人兩百幾，四個人食左千一蚊竟然食埋d cheap野、垃圾野！食番普通放題、散叫燒烤店好過！一開始睇見食評，諗住小店，會有heart,會好過普通連鎖店，點知我錯哂，以為寧願幫襯大店有水準好過！起碼投訴有門，食材唔會臨時沒！琴日我地揀左個中間價格套餐，238/位另加一，諗住食佢推介燒鰻魚！我哋入咗四張單，沒一張齊，仲要等勁耐！我地食8:00-10:008:00俾單，8:40先有嘢食！仲要唔齊！主打嘅燒鰻魚冇，要九點先見到一串鰻魚，仲要同我地講鰻魚沒哂貨！咩料呀？我地食個貴餐，只係食一串鰻魚！有沒搞錯！我地即刻嘈佢，話佢做日式放題咁快沒貨，你咁做我地俾平價套餐都得啦！佢先肯死死地話拿半條鰻魚出黎話即時解凍！全晚叫左十串雞腎，一串都沒黎過！追佢單，佢竟然話沒貨！omg!最普通雞腎串燒都沒貨，咁佢做咩燒烤店！可能街邊燒烤店都有貨！仲有last order,想叫燒菠蘿（佢係罐頭菠蘿），竟然又話冇貨！我真係估唔到咁大間舖頭，連一罐菠蘿都冇！咁佢唔使整雜果賓治，菠蘿雜飲！食物方面：差一個字形容，我都唔知自己食左咩！牛肉好似冇醃過咁，唔鹹唔淡，完全冇味，得浸雪藏味！所有野都沒味咁，我建議

呢度係一間專食日本串燒放題既餐廳 即係主打串燒任飲任食放題 食足2小時都只係198一位,非常抵食 包小食4款 串燒海鮮 蔬菜 酒同飲品任飲 小食有 清酒煮蜆,餃子等等串燒肉食選擇都有常見既牛,豬雞,鴨胸 魚等等串燒種類多 款款都燒得好香口 例如牛肉 魷魚都好出色 牛肉燒得香口惹味,魷魚鮮味彈牙 仲有燒海蝦 秋刀魚 魚柳都係好好食海蝦大隻爽甜,特別一提要食燒鰻魚串 厚身大串燒汁惹味 又肥又嫩滑 牛肉金菇卷都唔錯燒蔬菜都試唔少款,脆肉瓜片同大蔥串都好惹味 集中火力做串燒,水準出色抵食平均消費$200評分8/10荃灣楊屋道67號地舖

夏日炎炎又想食串燒我有朋友住係荃灣有一間日式餐廳叫XOLO 於是叫我陪佢一齊食位置係楊屋道街市附近 搭西鐵過黎荃灣西行出去 十五分鐘就到店舖位置又容易搵菜單中選擇好多 有套餐 串燒 拉麵 有各種酒類 真係好岩一大班朋友過黎聚會串燒款式應有盡有當中揀左燒蠔半打 燒肉拼盤 ( 內有豬柳肉, 牛西冷, 雞柳同雞翼各2串 )蠔肉新鮮 而且連埋蒜蓉蔥花同埋獨有醬汁一齊燒 有獨特風味 又不會過咸 一啖咬入口 爽燒肉拼盤當中特別欣賞 牛西冷 咬口即時融化 仍保留肉汁   雞柳 , 豬柳肉都燒得唔錯  日式黑豚肉豬骨湯拉麵配料好多 而且擺切幾有心思賣相己經忍唔住即刻黎食特別讚賞豚肉煮得好入味 又唔會太咸  冬菇好明顯燒過再放拉麵上流心蛋又做得出色整碗拉麵似食到一種功夫菜大蝦鮮蜆肉豬骨湯拉麵大蝦同蜆肉一齊煮 湯底試到豬骨味之餘又試到海鮮鮮味拉麵硬度較為適中 加上流心蛋 又一碗好味既拉麵今餐我同朋友都好滿足 絕對會向朋友介紹黎荃灣 Xolo 一齊聚舊一齊食好東西

<<Thursday Couple 為食記👣😋>> 今日都係黎荃灣，接男友收工，好耐冇試過食串燒，見到荃灣有間新嘢！決定為大家身先士卒！😂😂😂試下呢間新舖先！不過原來幾正！🥳打開道門以為呢度好細，其實入面提供左好大嘅隱蔽環境，有足居酒屋嘅feeling~ 係我同男朋友都覺得係好舒服嘅環境！🤩😋而我哋未嗌食物前，已經feel到職員好好嘅服務態度，除此之外，環境清雅，其實諗諗下都幾適合和三五知己黎呢度開幾支Sake ，chill 下，玩下！😂😂見佢都幾主打呢樣嘢！但我自己就唔飲酒嘅😂🙈來來來！講翻食物先！🥳🤪首先係燒肉拼盤！份量超大，咩肉類都有啲，可以滿足你幾個願望，燒得好香，肉質都夠嫩，尤其雞翼燒到離曬骨，啖啖肉，正！😍🥰其實本身想呢度嘅招牌清酒煮蜆，但今日賣曬了🥲唯有等下次。之後係，芝士蒜蓉蠔！今次唔好彩芝士冇曬，但因為海鮮燒烤係呢度嘅主打都要嗌！蒜頭嘅味好濃厚，加埋佢哋嘅特色醬！🥰食完果然係正，就算少左芝士，味覺仍然好豐富，口感飽滿，下次可以叫多啲。十分推薦！😉果然佢啲海鮮質素不錯不錯！🤩食串燒，梗係少不了金菇同韭菜肥牛卷，呢兩個都味道正，加上佢入面嘅

見好耐冇去嘅居酒屋，就同朋友去呢間荃灣新開嘅XOLO食下。首先叫咗個前菜枝豆同埋牛舌，配埋啤酒一齊飲好爽快。今日叫咗兩個晚市套餐，分別係個燒肉拼盤同埋個燒菜拼盤。另外仲加咗幾串唔同串燒啦。首先嚟嘅係燒肉拼盤，呢個價錢入邊包左咁多種唔同嘅串燒，分別有雞翼，雞柳，牛西冷等等。 最鍾意呢度嘅串燒係有充滿炭火味嘅，尤其個雞翼燒得啱啱好。 另外仲叫咗個燒一口餃子，雞皮，雞腎多款唔同嘅串燒，全部都燒到好好食。一邊成一邊飲啤酒同朋友傾偈吹水都坐幾舒服👍而燒菜拼盤入面就包左啲冬菇秋葵同翠玉瓜多款大路嘅串燒，呢度嘅翠玉瓜燒得好Juicy，之後我哋食完都encore左兩串。大推

今晚放工約咗老友去荃灣食野，好耐冇見一於揾個地方傾吓計，有朋友提議食串燒，可以飲吓嘢食吓嘢就最合適喇！大家都非常贊成，於是走入一間門面不是太大的店舖，原來推開門入到去好大！而且冷氣夠晒涼，感覺到非常涼快，坐位又寬闊舒適，啱哂我地傾計🥳見到餐牌有套餐，包括串燒肉套餐及串燒蔬菜套餐，想飽肚啲既仲有拉麵套餐🍜套餐仲包括一杯餐飲/啤酒/清酒🍶🍺酒精飲品款式非常多。另外仲有好多串燒款式，小食，拉麵等等～串燒燒得好香，皮脆肉香，一路食一路飲，啲拉麵湯底亦非常濃郁，真係大快朵頤👍🏻😋跟住又柯打咗肥牛金菇，肥牛露筍，肥牛韮菜串燒，肥牛露筍味道相當配合，又柯打多半打蒜蓉炭燒蠔，唔錯👍🏻諗起都回味😋

荃灣一帶嘅美食多，今日路經呢間小店，見到店鋪嘅裝修幾有特色，帶點日式亦不失復古嘅感覺。同朋友都唔算太肚餓，見佢有串燒食同野飲，喺店員介紹下就入左去。以為佢哋店淨係得兩枱嘅小店，原來入到去穿過大門仲有個神秘大廳，入面嘅環境就比較似餐廳bar嘅格局。首先點左幾款串燒，叫左豬雞牛肉串，都係即叫即燒，火喉焦度都恰當，而燒雞翼都細心咁將雞翼件切開一半至上碟。之後到燒蔬菜類，都燒得幾香口，個人覺得佢個燒蘆筍肥牛幾出色，蘆筍入味唔會太生，配埋佢地嘅秘製醬汁十分惹味；而拉麵就不過不失，始終唔係拉麵專門店，但係都整得賣相唔差，上菜時又夠熱。飲野選擇都有各種幾啤酒同cocktail/mocktail等等，叫左杯菠蘿汁好濃郁，天氣炎熱飲完夠哂消暑。價錢方便其實都唔算太便宜，勝在平日黎到人唔算多，同朋友黎聚下飲下都夠舒服，而店員服務都好好。

Xolo 在荃新天地二期對面的地舖，看到餐牌便宜的價錢吸引了我，這裏是日式串燒居酒屋，進去感覺舒適，非常適合朋友聚會，飲酒談歡。幾個朋友二話不說便點好餐，喜歡這裡套餐送的飲品，除了汽水、果汁，還包括啤酒、清酒，超值！可惜這晚清酒已賣完，我們點了果汁和啤酒。煎羊卷肉豬骨湯拉麵套餐$82,煎羊卷肉非常多，絕對不是敷衍幾片羊卷肉放在拉麵裏，而且還有粟米粒、紫菜和溫泉蛋。溫泉蛋超推介，煮得非常美味，流心的蛋白和蛋黃超香滑的；豬骨湯味道夠濃，拉麵麵質稍為軟一點，但連著豬骨湯一起吃也不錯。朋友單點的照燒雞扒豬骨湯拉麵$68, 照燒雞扒是另上的，份量也很多，而且雞扒燒得雞皮微脆，雞肉嫩滑，有照燒汁吃得更滋味。燒肉拼盤套餐$132, 是串燒來的，也是這裏出名的招牌菜，有豬柳、牛西冷、雞柳、雞中翼各2串。最喜歡燒雞柳，沒想到燒過的雞肉仍然嫩滑，而且有燒汁帶出鹹香味道，口感不錯；豬柳爽口不會乾；牛西冷燒過後肉質較乾身，但有牛肉香；燒雞翼每串有兩隻，已切開中間燒，除了更快熟，也更香燒烤味道。餐飲的菠蘿汁，味道也不錯，酸酸甜甜，吃串燒飲杯果汁，又可消除油膩，更開胃！青島啤酒，很久沒喝過了，很喜歡這種麥香味道，

垃圾服務， 食物淡而無味一踏入鋪, 已經同店員講openrice book左位， 姓咩入座後， 叫左第一輪野之後， 分別有3個侍應走埋黎問係咪book左位? 要確認我嘅訂座。。究竟d店員遇到咩問題? 要3次走埋黎再3確認我嘅訂位, 我真係黑人問號？？？落單個女仔應該係發夢mode第一輪已經落錯單, 叫2串黎1串, 無叫又黎左🤷‍♀️叫第2輪，仲勁！ 全張單漏左無落！ 問返落單嗰位小姐, 佢完全零印象咁款最搞笑我地仲未知落漏單嗰陣， 已經問我地係咪埋單? 真係好有趣～～～～～間野其實唔係好多枱客， 但亂到一個點！講返野食， 餐牌其實得好少選擇除左牛舌好味， 其他都淡而無味雞賢有d雪臭味油甘魚餃得個面有味, 裡面完全無味燒雞翼一樣無味雞肉還好西冷牛好"諧"雞皮正常其實唔係食左好多野咋, 因為第2張單全漏呀嘛順便一提， 佢有一set set啤酒嗌， $178 一set, 但係罐裝黎

肉、肉、肉食肉嘅感覺真好荃灣楊屋道街市附近新開咗一間不錯嘅串燒小店牛舌、金菇肥牛卷、雞皮、雞亦超香口牛舌嘅 厚度剛好因為我很討厭薄薄的牛舌有厚度有彈牙感再加上鹽燒脆面香口到....我再encore左幾串牛舌韭菜及金菇肥牛卷唔會燒到乾乾的入口好juicy雞腎、雞皮一客有2串算係幾抵雞皮唔係燒到勁脆似薯片個種燒雞翼真係燒到緊緊熟最怕喺出邊食雞翼食到近骨位有血水滲出我食咗四隻都冇事完全離晒骨…正，燒蠔是半熟上面金黃香脆的芝士夾蒜蓉配上軟滑的蠔雙重口感最後我點了蒜片炒牛肉但你都變咗蒜蓉所以炒出來變咗水份較多建議用返蒜片比較香口野味啲今次我冇飲酒但我知道店內有梅蘭菊竹Sake cocktail🍶下次多幾個人先一齊試試

一星期的開始，收工食個串燒🍡 relax下先， 這間店門口細細，原來內有乾坤☺️ 甚有特式的居酒屋🏮「清酒煮蜆」清酒鮮甜，我連湯也喝埋☺️「照燒雞扒豬骨湯拉麵」雞扒燒至金黃色👍🏻，而且拉麵份量也唔小🤗👍🏻👍🏻「燒虎蝦」中size，有鹽在面層🤗「燒雞翼」一串2隻，脆口，仍有水份爆出👍🏻「燒牛舌」厚燒牛舌👅「串燒拼盆」有多款（秋葵/冬菇/豬柳肉/雞柳/牛西冷-各2串）超級抵食👍🏻👍🏻👍🏻👍🏻❤️備註：🔺地方好有私人地方感覺，岩哂一班人聊天飲酒🍻🔺店員雖小，但也有禮積極👍🏻

好耐冇食串燒喇🥺 嗰日行開荃灣見到有間新開嘅日式串燒小店，一於就試下餐廳室內有冷氣空間，串燒即叫即製！串燒雞翼($24) 皮脆肉嫩，帶有鹽燒嘅風味但又唔會太咸，好有驚喜！另外點左金菇牛肉卷 ($26) 肥牛好入味，金菇都好爽口，咬落去爆汁😝 照燒雞扒拉麵 ($68) 都好好食，照燒雞扒外脆內嫩，照燒醬好惹味，而豬骨湯無落味精，唔會太咸，配埋半熟嘅溏心蛋真係超正！選擇困難嘅話可以揀串燒拼盤($138) 唔使諗，不過個人都係中意跟自己preference散叫多啲 另外叫左個清酒煮蜆($88)份量超多，但如果清酒味更重就好了😛總括而言真係好有驚喜😍😍

今日約左個好耐冇見既朋友，就搵左間唔太嘈又好岩傾計既餐廳呢間餐廳主要食串燒，岩哂我呢個食肉獸既朋友！餐廳內有門中門，感覺有啲似神秘國度枝豆 $38好欣賞呢度既枝豆係熱架而且又唔會落鹽蓋左豆本身既味道有啲餐廳會落鹽的，搞到好咸！芥末八爪魚 $32燒茄子 $55呢個茄子真係必食豐富既蒜蓉再加埋秘製醬汁一齊燒，非常好味，食既時候仲十分juicy燒翠肉瓜 $15 +燒雞皮 $20呢度既雞皮好岩我口味係脆架燒得夠乾身，再加左辣粉，味道更提升燒雞翼 $24雞翼燒既火侯岩岩好，好有肉既彈性熱辣辣非常juicy呢個係encore之選，我哋已經叫左2 round燒虎蝦 $62虎蝦好新鮮，夠鮮甜，蝦肉好爽彈燒牛西冷 $22燒豬柳肉 $20豬柳肉肉質好嫩滑不過略嫌太細舊了！如果每舊可以大返少少會更有口感！呢間餐廳既價錢好親民呀