X2劉住您

舖面貼滿唔同菜式，真係多到眼花撩亂，最後揀咗佢哋嘅蜆肉蝦蝦湯拉麵，結果完全冇失望！蝦湯濃郁到癲，應該用咗大量蝦頭慢煲，鮮味爆棚，平時唔飲湯底都忍唔住飲到差唔多清晒。湯底香濃得嚟唔會過鹹，層次分明，真係飲得出心機。拉麵入面有三隻大蝦，啖啖肉，鮮甜好食；蜆都唔少，令整碗麵更添海鮮鮮味同口感。麵質適中，唔會太淋，整體配搭非常出色。以呢個價位嚟講，性價比真係高。唯一美中不足係舖頭只有企位，人來人往食得有啲趕，但味道絕對值得忍耐一下。鍾意超濃蝦湯嘅朋友，呢碗拉麵你一定要試！…查看更多

朋友強烈推介所以一試第一次食到蝦湯濃到好似喇沙咁樣 每一啖好似都有少少蝦膏味🦐🦐🦐🍜今次試咗 蠔蝦拉麵 有 三隻大蝦三隻蠔 $78🦪令人驚喜嘅係蠔嘅中間非常非常甜 size大約手指公長 飽滿 🦐大蝦頭都好多膏 蝦肉好靚彈牙新鮮 見唔到蝦腸🦐隔離有其他人食燒大蝦冷麵 三隻蝦亦大得非常誇張🍜個麵份量相對細d 可以留肚食其他野好羨慕住喺葵湧廣場附近嘅居民 可以成日食到好野 店舖好貼心有提供一張枱仔 不過剝蝦可能就比較難搞。Overall一定會推介俾朋友同埋會再食😋…查看更多

每次嚟葵芳必定食！佢嘅蝦味湯底真係濃到爆😋，啲蝦又大隻又爽口，食得出好新鮮😆！今次試左轉烏冬底，口感有啲腍，個人覺得唔及拉麵底咁彈牙同入味。最後我自己覺得最好食都係最強蝦湯拉麵同蝦子醬爆炒大蝦👍🏻🫡…查看更多

### 【粵語食評】葵廣「X2劉住你」掃街記：蝦湯轟炸味蕾，海鮮盛宴大滿足！ #### **📍環境同服務** 葵涌廣場2樓呢間「X2劉住你」，鋪頭細細但人氣爆棚！開放式廚房睇住師傅即場煮麵，鑊氣聲「滋滋」響，仲有陣陣蝦湯香攻鼻，未食先流口水。雖然位窄要企住食（間中要同人逼枱仔），但伙記手腳快、態度爽，等10分鐘就有得食，抵讚！ ---#### **🍜 三款主角逐個評** 1. **葵廣大富豪拉麵（$88）** **「海鮮開派對，蝦湯做DJ！」** 一碗堆滿蝦、蟹鉗、青口同蜆，仲有隻肥嘟嘟扇貝坐鎮！湯底係靈魂所在——用蝦頭熬足幾個鐘，濃到黏嘴唇，飲落鮮甜到似「跌落蝦塘」。拉麵掛湯力超強，索盡精華；蟹鉗已拆殼，啖啖肉夠貼心！不過麵質偏淋，如果鍾意硬身日本拉麵可能要扣分。 2. **海之幸牡蠣蝦湯拉麵（$78）** **「蠔仔爆汁，蝦湯昇華！」** 兩隻肥美廣島蠔浸喺橙紅色蝦湯裡，一啜爆汁，海水鹹鮮撞上濃蝦湯，鮮味層次大爆發！米粉索湯後滑溜帶咬口，仲有櫻花蝦撒面提香。可惜蟹鉗肉稍散，蟹味被蝦湯搶鏡，食蠔為主就冇得輸！ 3. **蝦子醬爆炒嘻嘻哈哈（$65）** **「鑊氣追魂call，蜆肉lam脷角！」** 即叫即炒！上枱仲「卜卜聲」爆緊，蝦子醬鹹香帶微辣，兜勻肥蜆同櫻花蝦，鑊氣衝天到隔籬枱都擰轉頭望。蜆肉冇沙又吸味，食到「嘻嘻哈哈」停唔到口！唯一挑剔係份量偏少，兩個人爭食要加多份！ ---#### **💡 加分位同插曲** - **玉子燒必點**：現場即製！蛋層嫩滑帶微焦，加$5爆芝士拉絲，鹹香夾蛋甜，掃街首選。 - **蝦殼爭議**：大蝦拉麵用全殼蝦，企街食搞到「手忙腳亂」。建議店家學蟹鉗咁預拆殼，懶人至愛啊！ - **冰蝦疑雲**：有食客指大蝦似急凍貨，肉爽但欠鮮甜，海鮮控可能要揀蠔或蜆更穩陣。 ---#### **✅ 總結：濃湯黨衝，環境黨忍** 蝦湯真材實料冇味精，飲完唔口渴，海鮮款式多又新鮮，價錢喺葵廣算合理！但怕逼嘅就避開飯點，或者外賣返歸慢慢嘆～ **再食指數**：4/5（扣分位：環境擠、麵質可改進） **必encore**：蝦子醬爆蜆、牡蠣蝦湯、玉子燒！ > 📍 **X2劉住你** > 地址：葵芳葵涌廣場2樓2018號舖（葵芳站D出口） > 時段：12:00-21:00…查看更多

就係見隻蝦咁大隻，又有幾個人等緊，所以就買一碗濃蝦湯蝦麵，一碗麵有五隻大蝦，拉麵底，面頭有櫻花蝦。一拎起飲個湯，真係真材實料嘅。再食一啖麵就覺得係淋咗嘅日本拉麵，由於我同老公share一碗，我即刻俾佢食一啖麵，佢好鍾意食拉麵都食唔晒。其實碗麵係平時拉麵嘅一半份量咁，即係唔好食，所以唔食。我哋係佢一叫Number就即刻拎，冇周圍行，絕對冇令到佢會麵等我哋。但係不得不讚個湯係食到佢真材實料用蝦頭熬製，飲完唔會好頸渴，但又未去到一飲落去嘩一聲。最麻煩係要企喺度食，因為已經好多人喺佢側邊將圓枱仔，我哋冇位放碗湯就要企喺度拎住個碗食，仲要隻大蝦係連殼，真係食得幾論盡。所以我絕對唔會再企喺度食大蝦麵。我建議舖頭將啲蝦剝咗殼先至比客人食。佢啲蝦殼又可以用返嚟熬湯。另外，大蝦嘅感覺，冇乜蝦味，睇落用料似係冰蝦，雖然佢有蝦嘅爽，蝦肉嘅質地係OK，但味道不鮮甜所以咁辛苦食，又唔係話好好食，就冇下次。…查看更多

個個食完都話個湯蝦味好濃我食完就覺得還好可能因為我心入面會忍唔住同馬拉d蝦麵比我會覺得佢可以再濃d如果對個湯期望好大既話有機會會有少少失望叫左廣島蠔蟹鉗蝦湯拉麵蠔係幾好食 多汁又嫩蟹鉗就一般 d肉好散又無乜蟹味不過佢會幫你剝左有肉果忽既殼呢個位我欣賞既麵質就偏稔果種 蛋黃色所謂日本拉麵唔係日本幼身果種似平時港式拉麵有果種麵質所以就中規中矩 唔會話難食 但又唔會話好食總的來說 會覺得食一次就夠下次去葵廣未必會再食…查看更多

📍 X2劉住您 (葵芳)葵芳葵富路7-11號葵涌廣場2樓2018號舖葵廣咁多野食，但呢間大排長龍一定係好野，試吓先😍😍😍👉 蝦兵蟹將蝦湯米💰78😋😋😋😋.8/5呢碗蝦兵蟹將蝦湯米真係好正！湯底濃郁，蝦蟹肉味十足，配合新鮮嘅蝦肉，實在令人驚喜。米粉吸收咗湯汁，鮮味十足，飲每啖湯都鮮味無比，食完之後真係想再嚟一碗！👉葵廣大富豪海鮮拉麵💰88😋😋😋😋.8/5葵廣大富豪嘅海鮮拉麵絕對值得一試！拉麵彈牙，湯底清甜，海鮮新鮮得嚇人，蝦、蟹、貝類樣樣都有。最令人驚艷都係佢最強既蝦蝦蝦湯，食完真係滿足到不得了！🥰🥰🥰🥰👉 蝦子醬爆炒卜卜蜆💰65😋😋😋😋.8/5呢道蝦子醬爆炒卜卜蜆真係一絕！蜆肉鮮嫩，蝦子醬嘅味道濃郁，炒得剛剛好，唔會太鹹。蜆肉口感層次豐富，令人食咗想再食。回頭:yesyesyes，佢啲海鮮真係勁新鮮！個湯正到痹，真係會想飲曬佢！食到lamlam脷😋😋我視佢葵廣必食！…查看更多

X2劉住您主打濃郁蝦湯🦐店內空間不算大😚但氣氛熱鬧開放式廚房👨🏻‍🍳睇到師傅們製作過程服務親切☺️有人情味即使人多😉等待時間都唔耐🦐最強蝦湯拉麵湯底濃郁極致，用大量蝦頭熬煮數小時，拉麵彈牙，索哂湯汁後更顯香濃，大蝦肉質爽彈，鮮味提升至巔峰😆🦪特濃蝦湯蠔米粉濃郁蝦湯加入肥美鮮蠔，湯底更鮮味，米粉搭配湯底後更滑順，必試之選👍🏻🍜清邁海鮮大雜燴冬陰功稻庭烏冬泰式冬陰功湯酸辣開胃，海鮮豐富，蝦、蠔、蜆、青口，充滿鮮味，稻庭烏冬有嚼勁，吸收湯汁更添風味😍🥘蝦子醬爆炒嘻嘻哈哈蝦子醬嘅鹹香與蜆嘅鮮甜相得益彰，帶來獨特海鮮香氣，有驚喜！😋X2劉住您📍葵芳葵富路7-11號葵涌廣場2樓2018號舖…查看更多

今日經過葵芳廣場發現有一間舖頭大排長龍重要散發住一股好濃郁嘅蝦湯味 於是想入去試一試佢係咪真係咁好味！生豪蠔蝦湯拉麵嘩！一上枱已經聞到陣蝦湯味衝出嚟，濃到好似跌落咗蝦塘咁！湯底真係冇得輸，飲落超鮮甜，仲有啲蠔仔嘅海水味吊一吊，飲完成個嘴黏黏哋，證明真係足料熬出嚟㗎！麵質就中規中矩啦，掛湯力唔錯，但最正係上面嗰兩隻生蠔——肥嘟嘟又冇腥味，一啜落去爆汁，同個蝦湯夾到震呀！海鮮蝦湯拉麵呢碗簡直係『海鮮大雜燴』！湯底同蠔蝦湯比就清淡少少，但飲得出用咗唔同海鮮熬，層次多啲～最驚喜係啲蜆肉冇沙！蝦子醬爆炒卜卜蜆鑊氣！鑊氣！鑊氣！重要嘢講三次！一上碟仲聽到啲蜆『卜卜』聲爆緊，香到隔離枱都望過嚟～蝦子醬落得好豪爽，鹹香帶微辣，啲蜆肉吸晒味，食到lam lam脷！份量都夠晒多，兩個人share啱啱好。排隊真係排得過！三款入面最推介蠔蝦湯拉麵，湯底贏晒～如果鍾意濃味嘅，記住加蝦子醬落去，個衝擊力會即刻升級！不過假日真係好多人，建議晏晝3點幾嚟避開人潮。X2劉住您葵富路7-11號葵涌廣場2樓2018號舖…查看更多

店面不大但經過時總聞到濃郁蝦湯香。老闆每天用大量蝦殼和魚乾熬湯至少6小時，湯底完全不添加味精，$60內就能吃到海鮮拉麵🙈✅蟹鉗蝦湯拉麵原隻蟹鉗份量十足，拆開後蟹肉飽滿，蟹膏濃郁但不會過膩。湯底呈琥珀色，入口是自然的蝦殼鮮甜，喝完整碗也不會口渴。麵條選了硬身口感，掛湯效果不錯👍🏻✅牡蠣蝦湯拉麵｜海鮮控推薦** 肥嫩廣島牡蠣有兩3大顆，咬開鮮味十足，仲有三隻煎得好香嘅大蝦，湯底能喝出熬煮時間夠長的層次感，真係好鍾意個湯底🥹✅陰功炒腸粉｜驚喜之選** 原本只是好奇試試，結果成為全桌最搶手！腸粉煎得香脆，裹上微辣帶椰香的冬陰功醬，搭配蝦仁和肉碎，鹹香開胃…查看更多

今天下午，我去到葵芳葵涌廣場2樓X2劉住您外賣。#櫻花蝦海老軍團蝦湯拉麵 $65我品嚐了美味的櫻花蝦海老軍團蝦湯拉麵。這碗拉麵色香味俱全，湯頭濃郁， 有五隻大蝦，蝦子的鮮甜在每一口中都能感受到。#蝦子醬爆炒卜卜蜆 $65元接著，我點了蝦子醬爆炒卜卜蜆。蜆肉鮮嫩，配上特製的醬汁，讓人垂涎欲滴。#1985玉子燒 $40最後，我嘗試了1985玉子燒，口感滑嫩，令人回味無窮。 這頓美餐的總價為170元，物超所值，讓我在美味的海鮮中享受了這個愉快的午後。…查看更多

前幾年好興濃蝦湯拉麵，好似去到邊區都聽到話自己嘅特濃蝦拉麵超級濃湯。亦都試過無數咁多間，名店有連鎖店有，上雜誌，廣告都有，明星衛xx都有推介過隔離店舖好出色，食完返唔到轉頭。當初就係聽佢講完，走去試，點知去兩次，都係四點幾，每次都話沽清，第三次放假專登12點幾去，終於買到嚟食，明明要BB辣，但係又好辣，個蝦湯味唔似煲出嚟嘅，粉絲一下就索晒啲湯，服務態度又差，完全唔覺得有幾好食。😵‍💫因為太鍾意食蝦嘅關係，見到隔離有呢一間《劉住你》又忍唔住試吓，點知一試！個湯底濃到不得了！😱真心好味到癡線！😱😱然後再睇佢哋社交平台，見到佢哋每日都用幾百隻蝦頭嚟煲，而且仲有五大隻蝦俾你！真係真材實料！「櫻花蝦海老軍團」🏆🏆🏆兩個老闆服務態度都超級好❤️❤️❤️…查看更多

今日嚟咗葵廣掃食，第一站就嚟呢間自稱「最強」蝦湯拉麵🍜 就嚟試試佢係咪真係「最強」！呢碗蝦湯拉麵唔止可以配蝦，仲可以自己揀其他配料：叉燒蛋，同埋蠔等。等咗15分鐘左右終於到我啦，即刻飲啖湯試試先❗️入口唔算好濃，但飲得出好香蝦味，有啲遜色嘅係拉麵唔係好有蝦湯味，懷疑佢係整熟咗個麵先再倒啲蝦湯落去🙈 但麵質啱啱好，唔會太冧或太硬～ 配料方面，最有驚喜係佢個叉燒好香，肥瘦均勻，食落好香口😋 如果嚟葵廣想食主食，都值得一試！…查看更多

話說葵涌廣場係我中學生時代嘅回憶之地，點解今次會專登入泥立食？係咪想重拾回憶？其實係朋友推介話呢度有性價比超高嘅招牌蝦湯麵，每日新鮮熬制，聽到都流晒口水！一入到舖頭，見到人流絡繹不絕，兩位大隻猛男喺度忙到飛起，真係以「誠意留」住每一位客！📌海之幸扇貝蝦湯拉麵🦪🦐🧡🍜熱賣之選！湯底濃郁到不得了，蝦味爆棚仲有大大隻扇貝同蝦，配合彈牙拉麵食落真係滿足感爆燈！📌北海道松葉蟹三兄弟蝦湯米粉🦀🦀🦀🦐🧡🍜季節推薦！松葉蟹三兄弟份量十足，肉質鮮甜米粉吸晒蝦湯精華，濃而不膩啖啖都係幸福滋味！📌 1985玉子燒+芝士🧀🥚玉子燒軟綿綿，芝士香濃上面仲有海苔同魚籽點綴賣相同味道都係一流係個完美嘅配搭！📌 蝦子醬爆炒卜卜蜆Top 選！卜卜蜆炒得好入味蝦子醬香氣四溢，仲有大量蝦子食到停唔下來，啱晒重口味嘅我！真係唔怪得咁多人排隊，誠意滿滿嘅味道真係留住您嘅心同胃！💖📍X2劉住您 (葵芳)葵芳葵富路7-11號葵涌廣場2樓2018號舖@lauchulei_x2#lauchulei_x2#lauchulei#X2劉住您#誠意留住您#蝦湯拉麵#蝦湯#蝦湯米粉#玉子燒#卜卜蜆#新鮮熬制…查看更多

香港｜葵芳｜X2劉住您之前已經聽朋友講過呢間食店喺葵廣超受歡迎，佢個招牌蝦湯係好正，今日終於得閒過嚟試吓。收工時間都幾多人，見到人哋個麵紅卜卜望落去好正。蝦蟹蠔蝦湯拉麵個蝦湯麵有唔同嘅配搭，而我就揀咗有齊蝦蟹蠔嘅呢一款。隻蝦好大隻又彈牙，蟹鉗同個湯都好夾，蠔好大隻好飽滿。個蝦湯真係勁濃郁，啖啖都係蝦嘅精華。個拉麵又好掛汁食到最後依然好彈。正😋泰冬陰功炒腸粉呢個配搭真係未見過，冬陰功味酸酸地同炒香咗嘅腸粉原來都好夾好惹味。而且都估唔到舖頭細細，但係都做到咁有鑊氣嘅腸粉🤩惹味爆炒雞腎雞腎好彈牙，而且仲用咗啲椰菜蘿蔔絲去炒好惹味，一人一嚿食吓食吓就清晒🤭X2劉住您 (葵芳)葵芳葵富路7-11號葵涌廣場2樓2018號舖#X2劉住您 #葵涌廣場 #葵廣美食 #蝦湯拉麵 #炒腸粉 #炒雞腎…查看更多