影片
影片
相片
麥茶
酥脆吉列豬扒泡菜鍋烏冬
+580
+83
食家推介
相關文章
WOWDON 位於啟德sogo 14樓，主要食韓式烏冬，寬條烏冬更加係限定商品。我地當日星期五下晝大概5:15嘅時間去到餐廳，已經見到排晒長龍，原來食寬條烏冬要等5:30 先安排入座。店員會逐一問排隊嘅顧客食唔食寬條烏冬，但係可惜問到我哋嘅時候已經無晒寬條烏冬。不過往好的方向唸，我哋可以早啲入座。………………………………………………酥脆吉列豬扒泡菜鍋烏冬⭐️⭐️⭐️⭐️⭐️吉列豬扒雖然唔係另外上，而係放喺湯麵上面，但係邊位都脆口，肉質鮮嫩多汁，吸左泡菜湯反而更惹味。湯有酸酸辣辣嘅泡菜味，好開胃。而烏冬都好爽滑彈牙，好味。韓式牛肉辣湯烏冬⭐️⭐️⭐️⭐️⭐️配料係韓式牛肉、海帶絲、蔥。湯底同泡菜湯都有少少類似，但係就少咗泡菜嘅酸味，個人比較喜歡依種辣湯，好韓式。麥茶 ⭐️⭐️⭐️⭐️餐廳免費提供麥茶，幾好飲，店員都密密幫我哋加茶。前菜 ⭐️⭐️⭐️⭐️前菜係醃蘿蔔同醃青瓜，份量唔多，但係口感爽脆，味道偏酸。………………………………………………WOWDON 嘅主食都過百蚊一份，雖然價錢唔平，但係佢份量好夠，如果唔係過好肚餓，叫一份烏冬，一份炸餃子/小食 share 食，其實都會夠飽。
繼續閱讀
今日嚟到啟德SOGO行街～見到 #WOWDON 就試下先😆 呢度主要係食手工製麵、自家熬製醬汁與湯頭☺️ 不過我就叫咗鰻魚飯配迷你熱烏冬套餐&香炒牛肉澆汁自家制冷烏冬🤩 冷熱烏冬既口感彈牙，牛肉都好多架😍湯底用左昆布、柴魚、竹筴魚長時間熬製，湯色清澈、風味濃郁～入口能感受到驚喜與誠意👍🏻👍🏻而咗鰻魚飯既鰻魚彈牙～入口又有種軟棉棉既感覺😍值得一試呀🥳Wowdon（九龍城店）@wowdon.hk📍九龍城啟德協調道12號雙子匯1期崇光啟德店食匯堂14樓1403號
繼續閱讀
睇完衛食攻略之後bookmark左，到左睇阿仙奴個日諗住睇波前試下。點知中哂伏。首先餐廳係好有原則，未齊人唔可以入座，even話會叫定兩個餐都唔得。咁都唔緊要啦，最緊要好食呀。講真，一個烏冬百幾蚊都唔算平，會有d expectation，叫咗一個炸雞冷烏冬，一個飛魚子半飯配熱烏冬。烏冬質素其實同丸龜製麵冇乜分別，拌飯就係韓式拌飯咁，只不過冇咗肉囉。如果拌飯係好食過個烏冬嘅。冷烏冬嗰種硬直頭好似未煮熟咁，炸雞就得三舊。睇返間嘢，開頭好多食評讚佢，跟住後尾啲食評都係話普通。
繼續閱讀
我哋專程為咗寬條烏冬慕名而來，可惜已經賣晒。大約2:30pm入座，叫咗明太子伴烏冬、炸王餃子同天婦羅炸蝦冰鎮竹盤烏冬套餐。 明太子伴烏冬（$125）我嗰碗明太子伴烏冬幾特別，有唔同嘅配料令到口感好豐富，烏冬煙韌有咬口，整體幾好味！ 屋企人叫咗天婦羅凍烏冬，我哋仲叫咗餃子一齊share。 我碗明太子烏冬等一陣就到，但就黎食完，屋企人個凍烏冬都仲未上，唔明點解成半粒鐘都仲未有。 大約3pm既時候我地向店員查詢，佢聲稱會幫我地睇睇，但佢走向廚房之後無回音。炸王餃子（$58）觀察到附近枱同我哋差唔多時間入嚟嘅食客都仲未有嘢食，期間廚房冇出過餐一段時間，都冇辦法，唯有繼續等 。過多5分鐘，廚房先陸續出餐，我哋嘅餃子到咗，附近食客烏冬都陸續到達，除咗我哋個天婦羅烏冬。 等到距離落單接近40分鐘，我地忍無可忍決定取消訂單。 點知店員衝向廚房返轉頭先話：「仲有1分鐘就煮好！」 但因為等得太耐，我哋最終決定取消。埋單時，店員未有主動解釋或致歉，令人失望。訂單記錄⏳時間線整理：• 2:28pm 落單明太子伴烏冬 • 2:31pm 落單冰鎮凍烏冬、炸王餃子 • 2:42pm 明太子伴烏冬上枱 • 3:00pm 向店員追單，但冇跟進 • 3:03pm 炸王餃子到咗 • 3:11pm 取消凍烏冬，店員先話「仲有1分鐘」 📌 總結： 1. 食物質素OK，但等餐時間不合理，冇提前通知要等咁耐。 我估計當日同我差唔多時間入場既食客平均都要等20分鐘以上先有嘢食。2. 服務流程可改善，例如主動跟進訂單或道歉，會讓客人感覺較好。 3. 出餐次序混亂，附近幾枱客同樣受影響，希望餐廳能調整安排。雖然烏冬好味，但整體體驗非常失望，希望餐廳會有改善！
繼續閱讀
見社交平台經常有人介紹呢間啟德嘅闊條烏冬,於是約咗朋友星期六去試試!!雖然食唔到招牌寬條條烏冬,不過見佢哋出咗夏日新品🤭🍜 明太子牛油拌自家製熱烏冬(HK$125):如果係辛辣明太子,味道應該會開心D,牛油加生雞蛋已經好邪惡,連埋脆脆口感更足🍜飛魚子飯配迷你烏冬套餐(HK$128):配料超級足,而且保溫程度係食到底都仲係暖笠笠兩個套餐都頗大份,同fd 子兩個一人一set,食完已經食唔到Dinner,當兩餐既狀態😂😂呢個價錢又好似黎講幾抵😂😂😂
繼續閱讀