491
16
2
開飯介紹
雞翼專門店，香港唯一慢煮再炸雞翼，多汁脆皮。有多款特別口味，如黑芝麻蜂蜜海鮮味、咖啡味等。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
食家推介
相關文章
上次試過一次雞翼放題後，今次又試吓另一間有多款唔同口味嘅～雞翼放題有分幾款套餐，最平嘅套餐係$138，但就只有3款口味任食。而我地今次就揀有$188 有10款口味+汽水任飲嘅組合嘅～雞翼90分鐘放題10款口味任食，汽水任飲 $18810款口味包括：水牛城醬、紐奥良香粉、死神醬、咖啡燒烤醬、黑椒檸檬、蒙古燒烤、田園風味、泰式甜辣醬、黑芝麻蜂蜜、巴馬臣芝士我最鐘意嘅係巴馬臣芝士口味，一向鍾意食芝士，見到雞翼面滿滿嘅芝士粉望到已經覺得非常吸引，食落充滿住巴馬臣芝士香。除咗芝士外，因為鍾意食甜味嘅醬料，所以會推薦呢款黑芝麻蜂蜜同泰式甜辣醬，兩款帶唔同嘅甜味，前者帶淡淡黑芝麻香，而後者則帶微辣。而最令人難忘嘅絕對係死神醬，雞翼上面仲加咗唔少辣椒粒，食到辣嘅友人都忍唔住話覺得好辣！而怕辣嘅我，抹去咗部分死神醬後，都仍然覺得好辣！怕辣嘅話可以先點1隻試下先！另外水牛城同蒙古燒烤都帶微辣，水牛城口味相對濃烈，適合重口味嘅人士！10款雞翼每次用QR Code 落單可以叫6款，而每款1份係4隻。第一轉直接落咗2次order，估唔到佢會一次過砌好一大碟俾我地，2個女仔邊食邊傾計，2個人慢慢食，一共食咗40隻雞翼，每人飲咗2罐可樂。因為當日掛住傾計所以只係落咗一次單，唔係嘅話應該可以再食多少少～📍📍📍📍📍📍📍📍Wingman (旺角)旺角彌敦道594-596號旺角新城17樓
繼續閱讀
🤩 Wingman 雞翼放題 😋Wingman 提供19種不同雞翼口味 🤩雞翼味道主要分為三類：濕身、乾身、特製單點又得，套餐或放題形式食都得 👌除咗雞翼，都有其他小食叫 👍🏻我地第一次嚟食，所以揀咗10款口味試下先 😄10隻口味任食‼️🔸蒙古燒烤味🔸紐奧良香粉🔸死神醬 🌶️🌶️🌶️🔸咖啡香味🔸泰式甜辣醬 🌶️🔸黑椒檸檬🔸黑芝麻海鮮蜂蜜🔸水牛城醬 🌶️🌶️🔸巴馬臣芝士蒜蓉味🔸田園風味➕ Free flow 罐裝汽水 / 或加錢轉🥤Iced Lemon Tea首先上面所列嘅頭4款，因為唔太食得辣或個人口味喜好關係，我地就冇叫到嚟食，費事浪費食物啦。採用法國無激素走地雞，肉質較健康，同脂肪冇咁多，肉質亦較嫰滑 😊泰式甜辣醬🌶️：即泰式甜辣雞醬，Wingman 呢度就加咗好多炸蒜蓉 🧄 食落更加香口又juicy 😋黑椒檸檬🍋：雞翼額外加塊鮮檸檬俾你自己唧汁，想幾酸就自己揀 😄 黑椒味幾濃，帶點微辣但不嗆鼻，仲好入味，加咗d檸檬汁比較開胃醒神d 😉黑芝麻海鮮蜂蜜 🐝：個人推介呢款口味！🔥醬汁香濃又甜甜地，加咗黑芝麻仲香口 😍水牛城醬 🌶️🌶️：傳統美國醬汁調製法。我打兩隻🌶️ 因覺得佢比泰式甜辣醬辣d，醬汁比出面食開嘅酸dd，感覺醬汁也較稠身濃厚，香辣味好快直入味蕾 😀巴馬臣芝士蒜蓉味 🧀：蒜蓉＋香芹＋Parmesan 芝士滋味推介🔥 芝士落勁多！😍 全部醃料入哂味！芝士蒜蓉香味好濃郁 🤤 田園風味 🧅：即係酸忌廉＋香蔥，十分香口，似食品客薯片咁 😆 令人想encore 🥰🍗 一round 可以叫6款雞翼口味，每款口味4隻🕒 用餐限時90分鐘🪑 同檯優惠需要一致🍷加錢可以free flow 紅酒、白酒、生啤、烈酒 🍺
繼續閱讀
2023年5月3日 星期三早排係網上面見到旺角有一間餐廳專食雞翼，仲有雞翼放題添，於是今晚放工之後就同老婆黎挑戰一下可以食到幾多隻雞翼！！搭完lift出嚟就見到餐廳既招牌，裝修到好似地鐵站嘅牆壁咁，好特別，啱晒用嚟打卡咁啱當日係星期三做緊優惠，每一隻雞翼都係$5，不過我哋嘅目標當然係任食啦任食雞翼分開幾個唔同嘅價錢，可以任食其中三款、其中十款又或者所有味道再加小食放題，而最平既話$138已經可以任食其中三款，我哋就揀左每位$188任食其中十款，相信應該都足夠另外唔止剩係得放題，見到餐牌都有提供幾個套餐俾客人選擇，有雞翼拼盤、小食同飲品，成個set都係二百幾蚊左右等左大約15分鐘左右，雞翼就一次過送上，不過店員話每次最多只可以叫六款，而每款都有四隻，食晒之後先可以再叫，避免浪費，見到擺盤都擺得幾靚，而且每一款雞翼都熱辣辣首先試咗呢一款泰式甜酸醬，酸酸甜甜幾惹味，而且上面仲有炸蒜添，味道更加豐富之後有黑椒檸檬味，冇諗過黑椒同檸檬都幾夾，檸檬中和左黑椒嘅辣味，所以食落去唔會太過辣，連唔食辣嘅老婆都好鍾意之後仲有紐奧良香粉味，上面加咗少少青檸，食落去感覺冇咁油膩，同埋調味粉食完唔會覺得好口渴最後仲有加州風情，上面晒滿咗芝士粉同蒜蓉，充滿鹹香之餘又夠味，如果有啤酒一邊食一邊飲，相信會更加滋味最後我哋兩個人只係食咗32隻雞翼就已經好飽，希望下次再有機會嚟試其他唔同嘅味道
繼續閱讀
細個嘅時候我唔鐘意食肉，唯獨對雞翼情有獨鍾😙WingMan採用法國無激素走地雞。一共有19款味道既雞翼，可以單點、叫套餐或放題。雞翼放題喎⋯聽見就happy！好耐無食過，再去瘋狂下🙌🏻雞翼90分鐘放題·10款口味任食·汽水任飲。逢星期一至四每位$188，星期五至日每位$208。10款口味包括：泰式甜辣醬·紐奧良香粉·水牛城醬·黑芝麻海鮮蜂蜜·黑椒檸檬·死神醬·BBQ咖啡香味·巴馬臣芝士蒜蓉·蒙古燒烤·田園風味特別推薦：✨泰式雞翼以為淨係普通雞翼加上泰式甜辣醬？表面既炸香蒜點就比到驚喜你😍✨水牛城醬雞翼酸酸辣辣既醬汁，好惹味，食極都唔厭😋✨黑芝麻海鮮蜂蜜雞翼微甜既蜂蜜加上芝麻香，味道又好討好喎💗✨紐奧良香粉雞翼乾身（無醬汁）既雞翼，但面層嘅紐奧良香粉好香口，都係驚喜之選🙌🏻✨死神醬雞翼嗜辣人士必選❗️個種辣味刺激到一個點😂放入口已經辣，後勁仲好凌厲下😂果然係死神醬❗️雞翼都大大隻，而且雞肉好嫩滑。兩個人食左大約40隻，你話係咪好多？絕對唔係，但都幾過癮幾滿足🙌🏻❗️記得order 1=有4隻架喇！想每隻味要少啲就要係remarks度寫低。到時叫錯份量就弊喇🤣🤣❗️
繼續閱讀
介紹返💁🏻♀️。。🇰🇷 雞翼放題 在旺角 🇰🇷。Wingman。旺角新城17樓。Chicken Wings ALL YOU CAN EAT 雞翼放題*10 Flavours 十種口味*Lemon Pepper 黒椒檸檬Mongolian BBQ 蒙古燒烤味Thai Sweet 泰式甜辣醬Cajun 細奥良香粉Hoisin 黑芝麻海鮮蜂蜜Buffalo 水牛城醬Reaper 死神醬Espresso BBQ 咖啡香味Cali Style 巴馬臣芝士蒜蓉味Ranch 田園風味+Soft DrinksIced lemon tea @ Additional HKD10。HKD188 + 10% @ Mon - Thu。HKD208 + 10% @ Fri - Sun🤫 唔講你哋唔知..飯腳仔其實係一個雞翼狂迷嚟㗎..平時一餐閒閒哋都可以食到廿零三十隻雞翼🤪前排佢喺度講嚟講去係咁話好想食近排都幾Hit嘅雞翼放題..所以尋晚一償佢所願..我哋終於去咗位於旺角嘅WingMan開餐～🤫 尋晚我哋被安排窗邊嘅二人位置..呢度地方都幾大嘅.. 燈光偏柔和..座位都幾舒適..我哋諗咗一陣決定揀佢哋三款放題裏邊中價嗰個Plan試一試佢哋個底蘊🤭..都有成十種唔同嘅味道俾我哋任食唔嬲㗎～🤫 咁WingMan嘅Menu寫得好清楚..每一款味道每次會俾四隻雞翼..每次落Order可以落最多六隻味道..另外汽水都係任飲嘅🤫 呢度嘅雞翼基本上分為乾身嘅雞翼同埋醃製過嘅雞翼..先唔講邊一隻口味我最鍾意食又或者邊隻口味最特別..因為佢哋原味淨身嘅雞翼ss本身就已經好正..雞翼隻隻Size都係大大隻而且炸得又夠乾身..真真正正嘅皮脆肉嫩..最重要係佢哋選用法國無激素走地雞..真係有信心保證～🤫 我哋第一Round梗係急不及待叫夠六款廿四隻雞翼啦..頭六位佳麗分別係泰式甜辣雞翼..Hoisin..Lemon Pepper..咖啡味..芝士蒜蓉味同埋Ranch🤫 個人最愛亦都係選擇咗要Encore嘅分別係巴馬臣芝士蒜蓉味同埋Ranch..Parmesan Cheese勁多勁多..佢哋應該係用個刨刨啲芝士出嚟嘅..厚厚一層軟綿綿嘅芝士再加香蒜粒粒同鮮嫩嘅雞翼..真係食唔停口..然後嘅所謂田園風味Ranch Wings面頭有酸酸咪咪嘅調味粉再加一啲蔥花..又真係幾醒胃Refresh㗎喎🤫 飯腳仔就最欣賞屬於醃製類別嘅泰式甜辣雞翼..佢話醃得超入味..雞翼上邊仲有大量嘅炸蒜..佢竟然可以做到一啖一隻..嘭嘭聲就食晒🤫 另外我就覺得咖啡味雞翼係最特別嘅..表面睇平平無奇嘅雞翼上邊多咗一啲咖啡味嘅粉末..雞翼帶有些少咖啡嘅烘焙香味..食落口又有小小嘅咖啡苦澀..原來味道係咁特別個喎🤫 仲有呀～唔怕死嘅飯腳仔2nd Round仲叫咗個死神醬雞翼..上枱嘅時候真係睇到都覺得辣呀..醃到紅卜卜嘅雞翼上邊仲要有好多辣椒粒粒..飯腳仔話辣度有十分滿分..食到後尾仲會辣到有啲苦添喎🤪🤫 檸檬黑胡椒味酸嘅程度比起田園風味更加強..酸味配埋粒粒黑胡椒連住Juicy嘅雞翼放入口..酸辣酸辣咁樣都好唔錯..然後蒙古燒烤味當然係大家都好熟悉嘅孜然粉味啦🤫 食咗咁多隻味..Hoisin Wings對我嚟講係稍為失色嘅..可能係因為我下意識覺得佢應該係甜甜地蜜糖味重嘅雞翼..但原來食落口係海鮮醬為主嘅味道..呢個純粹係個人口味嘅問題..但係真心講..隻隻口味都真係好值得試..同出邊街普通整嘅炸雞翼真係好唔同🤫 好啦～雞翼都介紹得七七八八啦..最欣賞嘅係呢度汽水任飲..食啲咁Juicy脆口嘅雞翼點可以冇原味可口可樂呢～一啖雞翼一啖可樂簡直係爽歪歪😎🤫 最後輕輕提一提..佢哋嘅雞翼即叫即炸所以都係需要些少時間嘅..我就覺得佢哋以即製嘅雞翼嚟講..上菜速度算係非常之快..所以個半鐘其實時間都相當充裕..下次再嚟食嘅時候我一定會揀最貴嗰隻Plan試吓..因為俾多六十零蚊就可以試晒呢度全部十九種口味嘅雞翼..有鹹蛋黃味..蜜糖芥末味..日式吉列咖喱味..仲有醉雞翼添呀～諗吓都流晒口水🤤🤫 差啲唔記得🤭佢哋呢度提供嚟食雞翼嘅手套質地非常之好..唔係薄切切會流晒啲油落隻手入邊嗰種..手感好好。。翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）。。
繼續閱讀