33
3
0
港鐵油麻地站 A2 出口, 步行約4分鐘 繼續閱讀
所有分店 (3)
電話號碼
64342642
開飯介紹
雞翼專門店,香港唯一慢煮再炸雞翼,多汁脆皮。有多款特別口味,如黑芝麻蜂蜜海鮮味、咖啡味等。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 AE 銀聯 Apple Pay Google Pay
其他資料
網上訂座
酒精飲品
電話訂座 詳細介紹
加一服務費
有關獎賞計劃
食評 (37)
我同朋友都超鍾意食雞翼,成日食嘢都加碟雞翼嚟食,於是今次索性黎呢間專門食雞翼嘅餐廳,貪佢夠多款式,食雞翼當午餐。我哋兩個總共叫咗24隻雞翼,係有四款唔同嘅雞翼,每款六隻,即係每人每款都食到三隻,總共每人食12隻雞翼。雞翼有分濕身同乾身嘅,我哋就揀咗兩款濕身同埋兩款乾身。🥗Ranch 田園風味 $69呢款係乾身嘅,有sour cream同spring onions。我好鍾意呢款,sour cream味嘅粉嘅味道好香好正,成隻雞翼滿佈sour cream味。雞翼嘅外皮亦都好脆,入面嘅雞肉都好滑。🧀Cali Style 巴馬臣芝士蒜蓉味 $69呢款都係乾身嘅,有garlic、parsley同埋parmesan cheese。一見到嗰陣嚇親,因為啲parmesan cheese多到堆起曬。食落好香芝士味同蒜味,除左芝士之外都食到好多蒜粒,好香好正。🐥Spicy Buffalo|WINGMAN 水牛城醬 $69呢個係濕身嘅雞翼,佢寫係wingman special version,仲話係highly recommended,咁就試下啦。我覺得濕身雞翼嘅味道比乾身雞翼嘅味道更重,所以我建議食左乾身雞翼先。呢款Spicy Buffalo辣辣地,酸酸地,又幾好食,係一款整得幾出色嘅水牛城雞翼。🌶Carolina Reaper 死神醬 $69呢個都係濕身嘅,佢寫係Blend of fresh chillis,店員就話係好辣嘅。食落第一啖覺得唔係好辣,但食食下就越黎越辣,仲係嗰種唔停得嘅辣,一停低就會覺得條脷好辣。所以呢款我哋係留返最後食嘅,因為怕食完呢個之後,條脷會taste唔到其他雞翼嘅味道,我覺得我地呢個做法係明智嘅。🥫Saucy Dips (3 dips)$20我地加左$20加左三款dips,分別係泡菜蛋黃醬、黑松露蛋黃醬同埋墨西哥煙椒乳酪醬。其實本身啲雞翼都好夠味㗎喇,但係如果食完啲雞翼嘅皮,剩返少少雞肉,又想重味少少嘅話就可以點醬,感覺就好似多左三款口味嘅雞翼可以食咁。每隻醬都各有特色,味道好分明。每人食完12隻雞翼都好飽啦,下次再想食雞翼嘅時候再搵返呢個雞翼朋友先。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-07
1200 瀏覽
雞翼曾經榮獲全港10大受歡迎食材的第1位,筆者也自問是一個不節不扣的雞翼控。得知「Wingman」衝出港島,在旺角設立第3間分店,就決定要過來叫雞。「Wingman」旺角店在旺角新城17樓,佔地全層。甫步出電梯門已看到酷似地鐵站的玩味設計,餐廳內也有搞笑的霓虹燈標語。由於當時餓意不大,所以和朋友點了這個Netflix & Chill的拼盤,分別有3款口味的雞翼,共18隻,以及一款小食。雞翼分了乾身和濕身2大類。乾身中,試了印度唐杜里烤雞味,伴上紫洋蔥條作裝飾。雞翼面上沾滿香料味,入口是非常重的香料味道,完全是印度風情的感覺。水牛城醬雞翼味道香辣酸甜,本身已頗為誘人。而Wingman水牛城醬更是基於傳統水牛城醬的改良版,外層灑上芝士碎,入口先是一波芝士的羶香味。然後就是一股香辣感湧上喉頭,十分過癮。加勒比海風味用了胡椒、肉桂、百里香,還放了菠蘿粒作點綴。這款是三款之中辣感最輕。這款雞翼配了一款青醬,蘸點後,入口帶酸味,頗為特別。小食方面,選擇了牛油燒粟米。粟米塗上了牛油、蛋黃醬,再灑上了芝士。燒得香口,入口充滿甜香味。最後配上一杯清涼的檸檬梳打水作結。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-11
0 瀏覽
第一次食Wingman! 😝復活假期前夕晚,我同另外兩位朋友訂了9點入座。由於10點關門,帶座同事都叫我哋考慮散叫(放題係90分鐘,蝕!) 所以我哋直接叫咗一個4味拼盤(Loads O bird)再各人散叫一杯嘢飲,結果三個女仔食唔晒😹雞翼方面:1. 乾身-巴馬臣芝士蒜蓉味 (👍🏾👍🏾👍🏾👍🏾👍🏾) 2. 濕身-蜂蜜芥末(👍🏾👍🏾👍🏾👍🏾) 3. 濕身-自家製鹹蛋黃(👍🏾👍🏾👍🏾👍🏾)4. 濕身-新加坡辣蟹味 (👍🏾👍🏾) 一般,冇咩辣味亦冇咩蟹味小食方面:1. Spinach & Kale Salad (👍🏾👍🏾👍🏾👍🏾👍🏾) 食咁多雞翼要食沙律解膩!佢個沙律濕潤同埋個汁幾好味,唔係就咁比一堆菜你就算2. 啡菇(👍🏾👍🏾👍🏾👍🏾)最後三個人每人埋單各$206,如果你唔係抱住要食到返本嘅心態其實散叫平均一人食八隻再加小食已經好飽架喇! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-04-06
0 瀏覽
突然心血來潮好想食雞翼,於是叫埋好朋友一齊嚟試食啦,嚟之前見到雜誌稱呢間為”全亞洲最好食嘅雞翼店之一”,即刻好期待呀結果當然.....唔會令人失望啦!我地當日試左黑芝麻蜂蜜海鮮、黑椒檸檬、泰式甜辣醬、新加坡辣蟹味、燒烤味、死神醬、加州風味、紐奧良香粉、水牛城醬同巴馬臣芝士蒜蓉味(我地個套餐有包12款口味,但無奈得2個人,可惜試唔曬咁多)Overall全部雞翼都好好味當中我哋心目中嘅No.1都係巴馬臣芝士蒜蓉味,芝士同蒜蓉味balance得啱啱好!冇諗過呢個組合可以咁夾之餘仲唔會太膩,而且夠曬特別!另外水牛城醬就係我地一致覺得係optional嘅因為佢個味比較酸,酸到有少少cover左雞肉嘅味道,所以如果係麻麻地酸味嘅朋友就最好再三考慮喇最後不得不提,所有waiter態度都好好呀!嗰日好struggle,問佢地死神醬有幾死啦(又想試又怕死),佢地問番我地平時譚仔食開幾多辣仲話好多時佢地執枱嘅時候都會見到多數客人都係食淨死神醬雞翼大家要量力而為,減少浪費食物呀 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
0 瀏覽
上星期五同同事去咗旺角搵好嘢食happy Friday下,而同事就帶咗我去食雞翼,佢仲話有十幾廿種口味揀添 所以今次就介紹下呢間雞翼控必去嘅餐廳!我哋嗌左個Netflix & Chill套餐,可以揀三種口味嘅雞翼,各6隻,再加多一個配菜。雞翼方面,我哋分別揀咗蒙古燒烤味、黑芝麻海鮮蜂蜜味同埋巴馬臣芝士蒜蓉味,而配菜我哋就揀咗比較特別嘅燒牛油果!喺三款雞翼入面,我自己就最鍾意蒙古燒烤味,可能我個人中意食重口味野,佢嘅孜然味好重,食落好刺激,搞到個嘴好麻好痺 其次我就中意巴馬臣芝士蒜蓉味,佢嘅芝士好多下,加埋蒜蓉呢啲咁重口味嘅一齊食又係好夾 而黑芝麻海鮮蜂蜜味就無乜蜂蜜味,反而係海鮮醬味,我就覺得還好啦 另外個燒牛油果都好特別,燒到腍腍哋,面頭加左芝麻同青檸汁做調味,就咁食已經好唔錯,中意食辣嘅仲可以點埋佢隔離個醬一齊食!最後,我哋仲encore咗多個味,個新加坡辣蟹味,食落口超惹味,外面脆內裡超juicy 佢加咗唔少辣椒仔同炸蒜係面,唔食得辣嘅朋友仔嗌之前就要三思下啦而嘢飲我哋嗌咗lemonade同埋佢嘅自家製啤酒, lemonade就正常嘢,而啤酒飲落幾順喉,唔算太澀,女仔都啱飲 最後我哋都食到超級飽,估唔到食雞翼都可以當正餐咁食,仲要有咁多種唔同味揀,下次會再過嚟試埋其他唔同味 繼續閱讀
(以上食評乃用戶個人意見 , 並不代表OpenRice之觀點。)