影片
開飯介紹
一齊叫雞!香港唯一慢煮再炸雞翼,多汁脆皮隆重登陸中環. 12隻口味加上創意配菜型格工業風餐廳
繼續閱讀
營業時間
今日營業
12:00 - 23:00
星期一至日
12:00 - 23:00
*最後下單時間:22:00
以上資料只供參考, 請與餐廳確認詳情
有關獎賞計劃
相關文章
被同樣係雞翼控嘅朋友約埋一齊過黎瘋狂食雞翼，夠晒盡興🥰呢到有散叫拼盤或者放題選擇，今次我地揀左10款口味雞翼放題(平日$188/人)，任食90分鐘，真係畀你極限挑戰食量同埋味蕾。每款雞翼都各有特色，想試盡世界各地風味，一定要嚟呢度！店鋪空間唔算太大，座位唔會太多，所以想食嘅話就訂定枱穩陣D😉本身包埋任飲汽水，或者可以加$10升級任飲凍檸檬茶，夠晒冰凍解渴，食咁多雞翼落肚都冇咁熱氣感覺😆首輪田園風味：口味走清新路線，帶有酸忌廉淡淡香味，唔會太過濃味，食完覺得好自然舒服😄泰式甜酸醬：酸酸甜甜，帶少少微辣，同雞翼非常搭配！泰式醬汁入晒味，雞翼咬落去仲有啲黏口嘅效果，非常惹味，私心推薦🤤咖啡燒烤醬：帶有淡淡咖啡燒烤香，食落去有少少焦糖化嘅甜味，然後帶微微嘅苦韻，係一個意想不到嘅新鮮口味😄紐奧良香粉：充滿南部風情，紐奧良香粉帶有少少辛香料味道，口感厚實，雞翼外皮炸到微脆，咬落去香氣四溢😉加州風情：撒上左芝士粉，蒜香、芝士咸香同雞翼味道好夾😋黑椒檸檬：檸檬嘅清新加埋黑椒嘅微辣，配埋香脆嘅炸雞翼，呢款味道平衡得好好，食落去冇咁油膩，係一個比較清爽嘅選擇😋第二輪同第三輪水牛城醬：絕對係最經典嘅美式雞翼口味！酸酸辣辣，加埋微微嘅牛油香，食落去勁惹味，完全重現正宗美國酒吧雞翼嘅感覺😍死神醬：真係死神級挑戰！辣度極高，食完真係會逼你狂飲野！如果你係嗜辣人士，呢款絕對係必試，不過要有心理準備，真係會有啲上頭🔥中式海鮮醬：充滿地道中式風味，海鮮醬濃郁，帶有鹹鮮味，雞翼吸收晒醬汁，好有層次，食完仲有少少回甘👍🏻蒙古燒烤：蒙古風味帶有濃厚嘅燒烤香，醬汁微甜，仲有少少孜然嘅感覺，好適合鍾意燒烤味道嘅人😎WINGMAN嘅雞翼放題真係激正，10款唔同風味畀你慢慢試，每種口味都有自己嘅特色，絕對唔會悶！鍾意雞翼嘅朋友一定要試吓，睇下90分鐘之內可以挑戰到幾多款口味！絕對值得推薦🥰補MENU
繼續閱讀
🐓 10種雞翼口味放題（Mon-Thur: $188/位, Fri-Sun: $208/位）90分鐘任食，口味有10款，每次落單最多可以點6款，每款最多可叫4隻，汽水可以任飲，可以另+$10享用凍檸茶任飲或者$150紅白酒、啤酒同烈酒任飲；雞翼係用左歐盟認證走地雞，無激素同不含抗生素，仲炸得香脆juicy唔嚡口，食幾多隻都唔怕10款口味有：❤️ 水牛城醬 Buffalo用上辣椒醬同白醋，味道酸酸辣辣，好惹味🍋🟩 紐奧良香粉 Cajun Spice用上新奧爾良香料同青檸，青檸將香料嘅味道提升，味道帶微辣🧀 加州風情 Cali Style面頭有大量嘅巴馬臣芝士同少量番茜碎，食落口蒜味香濃，同芝士嘅咸香味道好夾，芝士控嘅朋友必點🥵 死神醬 Carolina Reaper咁多款口味之中最辣嘅一款，辣度強勁，比起韓國辣雞麵嘅辣度有過之而無不及，食完會feel到舌頭同嘴都有發麻感覺🤎 咖啡燒烤醬 Expresso BBQ近聞聞到好香嘅咖啡味，醬料用上自家製BBQ醬，面頭灑上公平貿易嘅咖啡粉，估唔到咖啡同BBQ醬放埋一齊無遺和之餘仲唔會有咖啡嘅苦澀味🍯 中式海鮮醬 Hoisin Glaze面頭撒上黑芝麻，加上有落蜂蜜，味道甜甜地，食落有啲似北京烤鴨🍋 黑椒檸檬 Lemon Pepper 雞翼面頭有幼細嘅黑椒碎，檸檬汁份量可以按照自己口味而選擇擠幾多，味道清新得嚟又食到黑椒嘅香味🇲🇳 蒙古燒烤 Mongolian BBQ用上滿滿嘅自家調製孜然粉同四川花椒，有啲似食緊香辣版土匪雞翼🧅 田園風味 Ranch用上酸忌廉同洋蔥做調味，味道相對其他口味比較清新同偏淡，建議可以食呢款先，同埋鍾意食sour cream嘅朋友必點🇹🇭 泰式甜酸醬 Thai Sweet Chill面頭有炸蒜粒，加上甜酸比例啱啱好嘅甜酸醬，好開胃✨ 整體來講，呢度上菜速度都算幾快，職員友善同主要用英文對答；餐廳用上大量cassette帶、霓虹燈同仿九龍皇帝作品作裝飾，玩味之餘有舊時港式味道，同埋餐廳唔算好大，位置唔算太多，記得去之前要訂枱
繼續閱讀
之前見到有人食雞翼放題好似好開心😂呢日去挑戰吓！！餐廳喺中環上半山自動扶手電梯嗰條路上去～轉角7仔隔離嗰棟，好容易搵😊店舖唔係好大間，我嗰日平日去都好滿，最好book定位！!#90分鐘任食 有幾款餐；▶️ 3款雞翼｜平日$138 五至日$148▶️ 10款雞翼+任飲汽水｜平日$188 五至日$208▶️ 所有口味雞翼+小食+任飲啤酒汽水｜平日$260 五至日$278最後我哋揀咗 #10款雞翼+ #任飲汽水 😂😂 可揀✨水牛城醬 🌶️✨紐奥良香粉🌶️✨加州風情✨死神醬🌶️ 🌶️ 🌶️✨咖啡燒烤醬✨中式海鮮醬✨黑椒檸檬✨蒙古燒烤🌶️✨田園風味✨泰式甜酸醬檯面寫住雞翼 #無激素 #不含抗生素 ，仲用 #歐盟認證走地雞 食多幾隻都唔怕😂上菜速度快，汽水落咗幾轉都係秒出！！👍勁有效率～用QR code落單，每款嚟4隻，每次max可以叫6款雞翼都好快到，隻隻都Juicy唔會太乾，我哋今次叫咗呢幾款試：泰式甜酸醬、加州風情、蒙古燒烤🌶️黒椒檸檬 、田園風味 個人推介💁🏻♀️#泰式甜酸醬 - 呢個醬無得輸，平時我都鍾意食😍 個面有啲炸蒜，酸酸甜甜夠惹味！#加州風情 - 有蒜蓉, Parsley, Parmesan Cheese，芝士味香👍 #黒椒檸檬 - 落埋新鮮檸檬汁，檸檬味出晒嚟另外 #蒙古燒烤 幾香孜然粉味，不過估唔到都幾辣😮😮我見到死神醬有成3個辣椒，食辣初哥的me唔敢試😂😂其實我最想試係醉雞翼，可惜佢係要最貴個plan先食到，我對自己食量太無信心😂我今次食咗12隻😀好想知大家試過嘅話，可以食到幾多隻？😂😂😂留言話我知！！！！
繼續閱讀
之前嚟過呢間餐廳食佢哋嘅雞翼放題，印象中幾好食，口味又多。前排口痕想食，於是前幾日再revisit，睇下佢哋嘅水準保唔保持到～當晚去到叫咗個「雞 全部都係雞」嘅拼盤，包24隻雞翼（4款口味）同埋2款配菜($398)。成餐食到我舐舐脷，下次再encore！加勒比海香辣雞這道雞翼配以菠蘿粒，醬汁濃厚鹹辣之餘還帶有菠蘿的酸甜，口感層次相當豐富。加洲風情雞翼表皮覆蓋住厚厚嘅芝士絲，濃郁嘅芝士味與大蒜味相互融合，形成一種獨特嘅香味，食落又幾夾幾可口。水牛城醬呢碟雞翼展現經典美式風味，雞翼肉質滑溜，淋上充足嘅醬汁，其酸鹹又微辣嘅味道相當突出，適合鍾意口感豐富又濃味嘅朋友。蒙古燒烤 這道乾身雞翼表皮撒上豐富嘅孜然粉、四川花椒和芝麻粒，風味十足。每一口都釋放出香料嘅層次感，雞翼不單至味道好惹味，口感仲好酥脆，推薦呢款～黑松露芝士忌廉汁通粉通粉嘅Q彈口感令人滿意，而黑松露、芝士和忌廉的濃郁味道更讓這道菜變得無比奢華。每一口都充滿了creamy嘅幸福感，表面亦撒上適量嘅麵包糠，為菜餚增添了變化，好食！火炙牛油果 這道菜搭配豉油汁同埋青檸，不過個人鍾意淨食牛油果，唔加任何調味去品嘗牛油果原味。而呢碟牛油果新鮮美味，燒味並唔太重，灑係果嘅表皮嘅黑椒為整體味道增添咗一絲趣味同變化，整體口感相當清新！百香果檸檬梳打 清新可口，檸檬的酸味十足，並且冰涼舒爽，搭配濃厚嘅熱情果味，令人感受到夏日的活力～蔓越莓青檸梳打 蔓越莓嘅果香濃郁，青檸的酸味同樣突出！
繼續閱讀
如果身為雞翼控既你 千其吾可以錯過呢間位於中環既「Wingsman」🇺🇸🍗 主打超過20款吾同口味既雞翼放題 All You Can Eat❕10 Flavorus $188 / Per One融但我地就揀左10款口味放題已經足夠😆 雞翼經過油炸至外皮金黄酥脆 内裏多汁 再裹上調味粉或醬汁更惹味🤤• Bulfalo 水牛城醬 : 酸辣濃郁 甜咸平衡• Cajun Spice 紐奧良香粉 : 香辛料複合香氣 微辣煙熏味• Cail Style 加州風情 : 融合左芝士 蒜蓉 蕃茜既味道 輕盈卻不乏味• Carolina Peaper 死神醬：狂暴辣度 痛并快樂既風味層次• Espresoo BBQ 咖啡燒烤醬 : 融合咖啡香氣同燒烤醬風味 風味獨特• Hoisin Glaze 中式海鮮醬 : 甜鹹平衡 醬汁濃郁帶微甜• Lemon Pepper 黑椒檸檬：酸香開胃 微辛濃郁 爽口不膩• Mongolian BBQ 蒙古燒烤 : 帶有微微既孜然同辣椒香氣• Ranch 田園風味 清爽不膩 帶有淡淡Sour & Onions 香氣• Thai Sweet Chill 泰式甜辣醬 : 酸甜微辣 熱帶風情超開胃叧上呢個價錢仲包埋飲品放題 如果想揀檸檬茶另外加$10就可以暢飲🍹
繼續閱讀