What The Food Cafe (已結業)

自從某次同同事食過漏單嚴重後，就很少再黎了，是日又有同事last day，好好醜醜都食番餐啦，近近地就黎左WTF。玫瑰山楂(+$5)餐湯同餐包勁快到，包微暖幾好食，羅宋湯足料味道對胃。餐飲加錢轉了特飲，玫瑰好香，酸酸地幾好味。紅酒燴牛筋腩飯($56)自己叫左個1號餐，無驚喜地等了廿十五分鐘都未上，其他同事個鰻魚蛋包飯已經食完，追單下店員話煮緊，其實好明顯係煮定嘅食材，又漏單啦…味道方面都幾好食，牛筋腩炆得軟腍入味，個汁都幾香。鮮茄焗豬扒飯($56)同事叫嘅3號餐焗飯等左四十五分鐘，都唔知係堅焗定漏單，但黎到唔熱㗎喎，咩因由呢？焗飯唔熱真係好失敗，啲飯好似漿糊咁。個餐有甜品送，叫店員上埋順便叫埋單，張單黎左但店員問甜品係咪真係要？你地埋單啦喎…食lunch得一個鐘，等上菜都過左大半，當然早啲叫埋埋單啦，埋單不能食甜品？咩邏輯呢？個甜品係咖啡啫喱，雪得太凍已結冰，ok難食，哈哈。唔知係咪生意唔憂做，叫落單叫左幾次啲店員都揚手示意知道，但繼續傾偈㩒電話，由以前lunch time爆場變成得返幾枱客，老板要認真諗諗啦。

食咗蒲燒鰻魚蛋包飯、燒菠蘿芝士牛肉漢堡包，跟餐有羅宋湯、餐包。羅宋湯足料。蛋包飯好食，鰻魚汁加半熟蛋真係無得輸，蛋係包哂成個飯多一倍嘅面積，認真足料，係鰻魚細咗少少。個牛肉漢堡，正！牛肉juicy，呢樣已經夠啦，係咪？野飲叫咗杯泡沫咖啡，味道正常；同叫咗黑糖泡沫鮮奶，太甜了。餐廳外面，由地面入口上到去餐廳門口感覺真係唔係咁好，同九龍區啲工廈比，可能好多做咗office，餐廳，零售或貨倉嗰啲好唔同，佢真係用嚟做工業，係工業！感覺唔係多好。室內環境方面好似有啲殘舊，不過工廈餐廳一般都係咁，唔知點解。價錢好多人話扺食。如果起旺區就係，起嗰個地方就唔係真係咁抵了。

星期六的下午4點左右，相約朋友到了粉嶺的一間Cafe，這間Cafe是位於工廠裏面的。由粉嶺火車站行到餐廳大約需要10分鐘，會穿過屋邨。到達餐廳後，店員安排坐窗口位置。 人流不多可能不是午餐時候。朋友話，呢度最出名嘅就係蒲燒鰻魚蛋包飯，必試。飲品方面，我哋叫咗荔枝紅茶，味道不太甜幾好鰻魚飯賣相不錯果然有厚厚的蛋，鋪在飯上，再加上鰻魚汁超級好食裏面不是普通白飯而是有汁的飯。燒菠蘿芝士牛肉漢堡，賣相也不錯。可是那個牛肉漢堡有一點失望他的肉質是軟的。。下次應該不會再叫，我只吃了一半便放棄了，店舖應該考慮改購另外一隻牛肉漢堡

呢一間真係隱世餐廳，因為就算你行到去門口，都未必知道有間咁靚嘅餐廳。門口仲有啲好得意嘅Pixel art.我琴日同一個外國同事光顧左WTF, 我個外國同事話呢間餐廳好有型，佢影咗好多相，我仲講笑咁話全粉嶺只有呢度嘅侍應係又後生又靚而且服務態度又非常好。今日突然睇到採訪佢哋其中一個侍應，叫MC，佢嘅服務態度真係非常好，爽快得來又做足一百分！我老婆仲話想去見吓MC有幾靚女！抵讚！值得推薦！

朋友介紹下才知道粉嶺原來有間頗有名氣的工業Cafe🏭，位置在粉嶺工業村，唔係朋友帶路，小妹應該都唔會識去。•蒲燒鰻魚蛋包飯$86🐟🍳🍛蛋包飯非常足料，估計用左3-4隻蛋🥚，鰻魚非常厚身🐟，而蛋亦煮得恰度好處，還有一點點蛋醬🍳，不會太乾身，不錯🤤！•燒菠蘿芝士牛肉漢堡$76🍍🧀🍔出面食一個有質地嘅漢堡包要百幾蚊，但呢度食一個包🍔就只係七十多，肉汁非常Juicy🥩，燒菠蘿好甜👍👍👍•WTF醬燒豬肋條意粉$76🐷🍝豬肋條可配飯/意粉/薯菜🍟，豬肋肉可選2個味道，我地揀左BBQ 醬🍢或蜜糖芥末🌭，但豬肋條🐷份量不算多，但$76的價錢也是不錯😋•雖然交通不太方便🤨，去到餐廳是晚飯時間，粉嶺沒有太多這種Cafe😗所以也有不少客人在用餐，由於每個主食都係70-100元內，質素亦不俗，性價比非常高，推介👍👍👍。

餐廳位於工廈一樓 不近鬧區由粉嶺地鐵站A2出口步行需約十五分鐘不過路程並不複雜 一進去餐廳 店員會詢問是否在工廈工作 因為餐廳門口寫明了只招待工廈員工 理直氣壯答 是在這工作的 就可以等待安排入座我們一行兩人選了 WTF醬燒豬肋骨 和 芥末煙肉雜菌忌廉意粉。 下單後店員隨即送了餐包和餐湯餐湯是蕃茄湯 不會太酸而且夾雜着不同的蔬果還帶點黑椒味道面包輕輕烘過 不會過乾過硬 很鬆軟 我很喜歡WTF醬燒豬肋骨($76) 6.5分🐵我們選了bbq醬 醬汁偏甜口味跟豬肋骨很撘 豬肉很淋 唯份量有點不足 如圖一樣只有4節肋骨 加上薯菜 選飯和意粉應該會比較好芥末煙肉雜菌忌廉意粉 ($66) 7分🐵意粉不會過淋 咬感偏碎醬汁夠而且帶海苔香氣用料味道正常亦足夠注意一點是 餐廳只收現金需另加一服務費

上次去完官塘工廈 hign tea食上癮🤤今次同男友走入粉嶺工廈食午餐～入到工廈，沿住飯堂方向佈滿用磚塊拼出來的圖畫，型格十足！我地揀左一個飯一個豬肋骨同兩杯野飲～原來主菜會跟羅宋湯同黑糖包，正丫🤤麵包暖暖地，送湯一流～個湯啖啖食到西芹，紅羅白，牛肉，而且好濃味，係足料既蒲燒鰻魚滑蛋飯 ✨好多蛋🤤🤤🤤滑嘟嘟雞蛋加上超多鰻魚汁 ，再夾埋鰻魚💕份量岩岩好，滿足視覺同味覺，正！話時話隻碟又真係幾靚，post多張先🙈另一主角 🐷WTF醬燒豬肋骨 伴薯菜 BBQ醬兩大件豬肋骨，啖啖肉，醬汁入味，唔錯飲品都有驚喜丫，越南滴漏咖啡☕️男友話啡有啡味，OK喎。。我就話邊食野邊望住杯咖啡滴滴下幾寫意～生活點滴濃縮成一杯。。☕️。。（文青上身😂）我果杯係🍍菠蘿梳打🍍✨紅色光係燈黎架，係杯裡面😂杯野無咩菠蘿味，不過幾夠氣，味道普通整體不錯，可以再來～

後輩今年公開試放榜前老人家就打打氣WHATSAPP一下啦咁後輩都好客氣話約左黎食飯咁我地都幾ADD HOC就附近食野後輩話想試呢間, 問我食過未其實佢剛剛開時我就食過嘅不過又係好耐之前嘅事所以再食都冇問題睇下係咪又係回憶先好食啦 我地叫左最出名嘅滑蛋鰻魚飯, 煙鴨胸麻醬忌廉意粉, 小食拼盤 滑蛋鰻魚飯同上次味道不太差別蛋好滑鰻魚又唔會太腥正常味道 煙鴨胸麻醬忌廉意粉汁味道不錯意粉質地也好的鴨胸就普通, 但唔會係超咸那種 小食拼盤薯角好食其他應該熱食時都唔錯但我老人家掛住講野, 食時已經凍左LU仲講到相都失焦🤣 咁就味道同回憶沒太大差別外面仍然係好混亂的工業大廈只係變左我係員工先食啦

What the food！ 好餐廳名取得好好！🙂位於工廈、入面嘅環境比想像中好好多、而家工廈的Cafe真係愈做愈出色！坐近窗位置會較光猛、類似sofa的椅、好好坐！蒲燒鰻魚蛋包飯係呢度嘅招牌菜！鰻魚唔算好大條、但係個蛋包飯好好味、配埋一齊食👍🏻👍🏻溫泉蛋蒜香大蝦卡邦尼！完全冇呃你嘅、有晒所有食材、又唔會太漏！香煎帶子黑松露燉飯！黑松露味好濃郁，但係個燉飯我覺得爭啲、太水了！煙鴨胸麻醬忌廉意粉好creamy👍🏻👍🏻

上星期剛旅行回來，好朋友又住在粉嶺，今天決定入一入粉嶺探探她，順道派派手信。上完她的家，決定一起去What The Food Café，這家餐廳她經常向我推介，今次特意試試。位於工廠的cafe，從火車站走過去大概10分鐘路程。Café裝修行工業風，燈光柔和，以沉色為主，因為有玻璃窗採光，有氣氛之餘又不會太暗。奉上的餐包是黑糖包，麵包烘得熱辣辣，外表香脆內軟，黑糖味好香，羅宋湯足料，蕃茄味濃郁。朋友說，這裡的招牌菜是鰻魚飯，她覺得很好吃，亦試過很多遍，今次決定一試WTF醬燒豬肋骨。豬肋骨有三款醬汁，包括原味BBQ、冬蔭公、蜜糖芥末，客人可選當中兩款，我們選了BBQ及蜜糖芥末。每件大概有3-4條骨，令我印象深刻的是豬肋骨燒得很淋，不會硬和痴牙，而且醬汁的味道充分滲透了肉內，吃下去很有味道。BBQ醬與豬肋骨當然是絕配， 蜜糖芥末令人有驚喜，蜜糖滲出淡淡的芥末味，香甜得來亦有芥末的刺激，很特別。意粉也很有咬口，一啖意粉一啖肉，味道剛好得以平衡。另外點了燒菠蘿芝士牛肉漢堡包，漢堡扒厚身，肉質很幼嫩不「鞋口」，咬下去也很juicy，再加上清香的菠蘿及半溶芝士，味道十分豐富。菠蘿益力多沙冰，飲品最忌

經同事介紹，今日終於試到遠在粉嶺工廠區的What The Food Cafe。由粉嶺地鐵站步行到餐廳，最少15分鐘路程，但都是值得。餐廳門口標明只招待工廈職員，大家見到都心知肚明。環境都是一貫工廈食肆模樣，樓底高，闊落從容。我和同事們都一致叫了招牌鰻魚蛋包飯，另加一杯脆脆咖啡沙冰。上菜時，大家都嘩聲四起！皆因蛋的份量非常足，而且鰻魚既大份又厚切！飯是拌著鰻魚燒汁，配上豐富鰻魚和蛋，美味非常。而脆脆咖啡沙冰亦有驚喜，咖啡味正常，並無因為是沙冰的源故而太淡。重點是它表面附上大量脆脆，味道是跟天使蛋糕脆脆一樣，好適合嚐甜的人。 

What The Food Cafe突然好多人話好食，所以住係粉嶺既我當然會去試下！佢位於工業區內，外表睇落平平無奇，但當你步出電梯之後，你就會發現佢既裝飾都相當有特色！第一次黎既時候，已經被佢既「蒲燒鰻魚蛋包飯」吸引左，所以今次帶埋朋友黎encore！點左餐之後，店員會送上曖曖的餐包同羅宋湯，羅宋湯內的料相當豐富，有好多菜及肉碎，係屬於偏酸的羅宋湯，未必人人喜歡，小妹我個人就覺得非常口胃！「蒲燒鰻魚蛋包飯 ＝ ＄76」，唔需要＄80就可以食到非常高質的鰻魚蛋包飯，真係好吸引呀！！！呢個鰻魚蛋包飯內的鰻魚係用心煮過，相當入味之餘亦且非常大條（手掌咁大），絕不兒嬉！由圖片所見，滑蛋滿滿咁蓋住左飯，加上紫菜做裝飾，外表都已經非常吸引！蛋汁＋滿滿鰻魚汁的肥鰻魚肉＋一口飯，可以話係我近年食過最好食的鰻魚飯！可能因為太好食既關係，小妹希望飯量可以增多非常推薦比大家！

今日母親節，經朋友介紹，帶左成家人去試食呢間西餐廳，環境好特別，响工業區的大廈，衛生及服務態度好好，我叫左鰻魚蛋包飯，選用左珍珠米做飯，鰻魚厚切，價錢又合理，大家可以試試！

大埔工廠區隱世cafe~ 位置有點難找😅有點兒Rock嘅感覺。日式Rock先來餐湯及餐飽, 湯有點水, 味道還濃郁👍芝麻餐飽好好味, 濃濃的芝麻味👍👍沙律清新香甜, 分量還多。最出名的鰻魚飯, 外表很吸引, 真的好好味!!😍鰻魚及蛋都是滑滑溜溜的~明太子意粉好味👍濃味派~足料!小食拼盤熱辣辣~有炸薯角, 洋蔥圈, 雞翼, 雞槌, 大大份。選擇不算很多, 貴精不貴多~~暖暖的山楂玫瑰茶唔太甜, 清清地~~最適合女士飲了。

而家好多商廈都會出現食肆，偏遠既粉嶺工業區都成為咗其中一員，佢地好多時都會靠口碑先多人知，呢間WTF口碑非常好，身邊起碼有5個唔同群組既朋友都分別介紹過比我，一於去試吓先！叫咗2個set，先嚟湯同麵包!大家見到嗎?好好好大塊牛腩呀！個湯夠濃又足料，單單係呢個湯都令我驚喜喇~WTF醬燒豬肋骨-蜜糖芥末/原味(配飯/意粉/薯菜)我選擇咗蜜糖芥末並配上飯，希望有個甜甜地既醬，融合我悠閒既下午，原來都有成5-6條骨，以HKD76嚟講，份量我覺得算OK，而味道而言，個蜜糖芥末醬比我想像中辛口，係比較獨特兼有自己既風格，又唔可以講唔好味，只係唔係一般女仔喜歡嘅甜甜口味~而個飯，並唔係一般白飯，係有味飯嚟嘅，由於佢處理過，相對地乾身咗D，而豬肋骨又係燒出嚟~加上個醬唔係好啱胃口，咁就......燒菠蘿芝士牛肉漢堡呢個漢堡既重點在於牛肉，偏偏就係牛肉出事，非常韌，咬唔爛