Waalah (已結業)

同男友遊遊盪盪搵地方食野，行左將軍澳廣場揀唔岩，將軍澳中心又唔岩，於是去天晉搏下。一開頭見到第一間西餐，完全一個人都無，放棄。之後見到間日本料理，好多人食放題，但唔想食太多。於是落地下，見到個menu好抵，一個主菜加50蚊，可以多個主菜，所以膽粗粗入去試下。餐廳環境寛敝，走工廠風，但好多大枱，好適合一家大小或者一大班朋友聚會。其實黎到見到客人唔多，得3張枱有客，可能平日夜晚關係，但亦不敢抱太大期望，因為價錢真係好抵，唔知係咪同味道或者質素有關。我地叫左個肉眼扒同埋雜菌pizza。其實原先想特別啲叫北京填鴨pizza，點知甘岩當晚無，職員就推介左雜菌pizza。pizza上枱係薄批，感覺唔會食得太滯，食落好脆，連我唔太好芝士嘅人，都覺得個批幾好食，於是我都食左3塊，啲菇同個芝士好夾，菇味好出。之後係肉眼扒，男友揀左5成熟，佢對食扒一向有要求。以我就唔好甘生嘅肉，但係偷食左佢外圍比較熟嘅部位都幾好味，炭燒味濃同埋牛肉都保持到肉汁，幾嫩，男友都讚好味。估唔到甘平價錢，食到甘高天準。（題外話: 原本想訂 Crowne 頂樓間西餐，點知無位 。。）今餐忽然慳返唔少，呢間都值80分，下次會再幫襯。…查看更多

餐廳不完完整整落於商場內，但反而景觀更開揚，在自然光線下享用午餐，感覺更是寫意。點了個煙肉菠菜橄欖油扁意粉（$48）應該是周一至周五才有的午餐餐牌，價錢十分貼地！另點了一杯香茅荔枝餐飲（+$5）餐飲有如此特飲，又所加的價格來說：十分便宜。先看意粉，份量不多。對於食量大的人而言肯定不夠。對食量不大的我而言，也覺得是下午茶的份量。配料挺少的，菠菜幾乎看不見。不過味道則不錯，有平常晚餐百元以上的水準。飲品是好喝的，香茅與荔枝味挺平衝，沒有那一種味蓋過另一種。總結：是午餐不錯的選擇。…查看更多

假日成日都要諗節目，帶住啲小朋友去嘅地方都係玩，玩同玩。通常假日無咩機會食餐好，因要照顧小朋友為先，食嘅都以方便為主，一係就會專登去親子餐廳俾佢地玩同食。今次就試下同佢地食Brunch，嘗試享受下久遺嘅Hea爆生活模式…呢度有個專區可以俾小朋友畫下畫睇下書，咁好彩我地被安排坐在這專區附近，所以小朋友們一到步就已自動自覺去探索呢個區域了～由於到步時間尚早，所以我們點了一份All Day Breakfast及一份Egg Benedict。呢度每個小朋友（唔記得幾歲内…）餐廳會提供一份免費餐。呢個造法其實喺美國好常見，係香港比較少。。呢個All Day Breakfast好豐富，似美式，各項食材也可以。Egg Benedict同小朋友嘅免費餐影唔切相… 味道方面還可以，無驚亦無喜。其實，呢度最好就係可以俾小朋友自由活動下，我地大人又可以慢慢歎返杯茶。最後埋單兩百左右，算係性價比高。出面有個停車場，用電子消費就有泊車優惠，真係幾方便一家大細嚟嘅。…查看更多

很久都沒有食呢間餐廳，但冇諗過今次食的食物真的很麻麻。每樣野都很乾。最跌眼鏡的是american pancake ... 見到menu的形容，打埋星recommend ,加埋幅圖，以為點左冇死, 唔會差得去邊啦。點知碟野一黎，同menu 見到的落差很大！非常失望賣相頹差，味道平平，cream又冇，糖將又冇, jam同生果得很少，很嗇色。乳酪估唔到用碟仔上🤔 完全感覺被騙，不值這樣的價錢。不要以為餐廳裝修不錯，但食物質素不符格調。果然食客人流反映質素。我諗冇下次。…查看更多

之前嚟附近食嘢見到有班可愛嘅小朋友喺呢間餐廳開緊生日會，吸引我哋行過去睇吓餐牌，好似都唔錯，已經決定好今日嚟。餐廳裝修簡約有格調，客人唔多，感覺幾好。我哋每人分別點咗一份午餐，另加一個小食，午餐價錢都幾抵，小食就有啲貴，不過食物唔錯，幾好味。板燒豬肩，醬汁同肉好夾，唔會搶咗肉嘅味，入口肉質嫩滑，帶有油脂，好好味吖。雞肉長通粉，雖然係雞胸肉，不過唔鞋，通粉有咬口唔會太淋，芝士味唔算濃。卡邦尼扁意粉，雖然醬汁好杰漿住意粉，但食落一啲都唔乾，唔錯:)。最老土薯條，薯條粗大炸得唔乾幾好，不過芝士同肉汁剩係得面嗰幾條有，其餘嘅要點茄汁。香茅荔枝幾特別。自製西LAH!紅茶唔酸唔太甜啱我。另外呢張印仔卡惠顧午餐一份會蓋一個印，夠5個可以享用免費午餐一份。…查看更多

餐廳內有黑板，吸引到小朋友去塗寫適合有小朋友的爸媽去用膳，當晚進去人不多，環境尚可食物不錯，只小食類較少主菜還可以點了一個4人餐2款小食選了脆卜卜炸魷魚&越式網中卷1款凱薩沙律1款煙燻三文魚扁意粉1款10吋傳統夏WAA 姨薄餅1款炭燒肉眼扒4杯特飲（每杯$5 ，加錢轉）香茅荔枝 （超難飲）三酸葡萄乳酸香橙梳打…查看更多

早兩日同朋友聚會，本來諗住去將軍澳食Vortex burger，點知冇開鋪，於是就改咗去呢一間同朋友之間戲稱為 “買一送一” 嘅西餐廳，因為呢間鋪啱啱開張嘅時候做緊星期一至五main course買一送一，所有酒精/ 非酒精類飲品都係，所以計返條數係幾抵食，但係今次同班朋友食完之後，完全顛覆左我對呢間鋪頭嘅印象。買一送一優惠已經完咗，而家係做緊加50蚊多一個main course，送嘅飲品亦都局限左喺非酒精飲品，我最初覺得無所謂，因為我地都覺得呢間嘢係唔錯嘅，不過經過今次之後，我以後都唔會再踏足呢一間鋪頭。我地叫左兩個main course同埋兩款小食。首先有樣嘢好重要，就係所有嘢食都係唔熱嘅！連熟食最基本嘅要求都做唔到。兩款course分別係一個好似叫做 ”咩肉都有pizza” 同埋一個肉類拼盤。個所謂咩肉都有嘅pizza就得幾粒唔熱嘅雞肉，幾塊迷你火腿，少量芝士同一個急凍餅底。廚師連將呢塊pizza放入微波爐叮返熱佢嘅動力都冇，侍應就咁將塊Pizza係室溫咁樣上俾我哋，咁樣有意義咩？塊pizza淡而無味，幾舊雞粒比牛肉乾重乾身，咁樣糟蹋塊pizza又有咩意思呢？而個肉類拼盤包含左兩件羊架，一件豬肩肉，一塊西冷同一塊雞肉；配菜有幾塊洋蔥同薯角，另外重有一細碗gravy同黃芥末。落單時都有個小插曲，個侍應姐姐同我地講話冇曬羊架，可以轉其他肉類，我哋話轉豬肩肉，點知最後上菜嘅時候又有羊架，難道經理，廚房同埋侍應們都唔知道溝通係咩一回事？講返個肉類拼盤，所有肉都睇得出唔係即刻烹調，唔緊要，不過都係果句，廚師連整返熱佢嘅衝動都冇，請問你對得住自己份職業嗎？你對得住食材嗎？個拼盤就咁室溫serve俾我地，成個拼盤惟一有少少溫度嘅係塊豬肩肉，不過塊豬肩肉放入口嘅時候就如同咀嚼緊橡膠，可憐了一塊豬。除此之外，拼盤上嘅肉都係非常之乾身，塊雞肉尤甚，直頭係乾過而家街上嘅枯葉；兩件羊架毫不肥美，而且一啲調味都冇；塊西冷俾廚師燒到well done，如果我要食熟透嘅牛肉，我不如去美珍香？配菜方面，洋蔥係生嘅，幾舊薯角係隨便飛一飛水，然後放少少黑椒喺面，就當係煮好咗，口感同未煮過薯仔其實唔係好大分別。黃芥末醬係現成嘅，而個gravy，我唔知佢地放左幾多日，總知有陣怪味。肉類拼盤最畫龍點睛嘅地方係，廚師好stylish咁將啲肉放喺木盤上面，但出事嘅嘅係，其實返木盤有浸up味，唔知塊木盤有幾耐冇洗過呢？我地重叫左兩款小食，分別係炸魷魚圈同埋薯條，其實我已經冇期待過會係即炸，上到枱，一夾，放落口，當然係一啲都唔熱啦，炸魷魚圈啲粉漿重多過舊魷魚本身，炸薯條係淋嘅，淋過一個瞓左超過10年嘅枕頭，如果瞇埋眼咁食，你會以為自己食緊薯蓉。服務方面亦都係一個亮點，我哋一行四人坐低之後，冇人會比杯水我哋，要開聲問先會有，餐廳入邊嘅侍應行路都係縮頭縮骨，上菜嘅時候唔會講呢個係咩黎嘅，而且佢就咁放喺張枱嘅邊位就算，唔會幫我地整理下張枱上面嘅空間同擺位，做咩啫而家？玩遊戲？睇吓邊個可以將啲嘢擺到最亂？一般來講我係唔會嘥咁多時間打篇文去批評一間餐廳，我試過食食吓嘢，有隻曱甴係天花板跌咗落嚟；亦都試過食到啲嘢係變味嘅，係臭左嘅，但係我都冇好似今次咁樣，打篇千字文發洩自己嘅情緒，但係今次我真係好唔開心同埋好嬲，因為我覺得waalah嘅廚師唔尊重食材，經理唔尊重食客，待應唔知自己做緊乜嘢。一間咁樣嘅食店，不如執左佢啦，唔好喺度獻世啦。PS：由於太嬲，一張相都冇影到，但如果你對於我講嘅任何一句說話有懷疑嘅，你不妨自己去體驗下。…查看更多

這間餐廳非常浪漫，悠悠燈光，陪襯典雅的裝修，貴氣十足。食品方面我叫了肉眼牛扒及羊架.肉眼牛扒5成熟，煮得剛剛好，牛肉能充分鎖住肉汁，非常有水準。而羊架5成熟，配上芥末和迷迭香味的麵包屑，味道有小小羊羶味，肉質細嫩。…查看更多

晚餐時段做緊主菜買一送一當然價錢最後係計貴啲嗰嗰主菜，而主菜每樣都至少$130up ■ 千島醬海鮮薄餅🍕 $132啲醬唔多唔少 啱啱好 平時出面食類似嘅啲醬多到膩 不過海鮮種類唔多 都係得魷魚蜆肉等等■ 鮮蝦扁意粉🍝 $135份量都幾少:(相都見到 如果唔係買一送一主菜 哩個價錢唔夠抵食囉 味道OK嘅 正正常常■ 最老套薯條 $55（肉汁、芝士🧀）見到嗰名覺得幾搞笑 吸引咗我芝士有小拉絲 薯條又唔會好淋好脆 啱啱好！■ 香茅荔枝🍸 $38?好重香茅味 個人dislike■ 葡萄乳酸🍹 $38? 哩杯正常好多…查看更多

Terrible service. My wife and I went there for brunch. I ordered fried eggs (煎蛋) but they gave me scrambled. I told them not to put butter on my bread but they did. They also forgot to put baked beans on my plate. Unlike me, my wife did want butter for her bread. But they used to have butter in individual packages for the customer but they now no longer have, must be a cost cutting measure. They also offered hash browns before but not now. Overall, the brunch selection is much more limited than before. They must be trying to cut costs. …查看更多

父親節周圍都係人，大概七點半黎Popwalk四圍兜見到呢間裝修唔錯又冇人等，於是問兩大一細有冇位，佢攪咗陣話有位俾我地，係一張勁細圓枱仲要搖搖up up，基本上係兩碟意粉都放唔落！但其實間餐廳係有張四人同六人空枱，仲有至少兩張枱差不多吃完埋單，我地問可唔可以轉枱，佢話唔得，d枱係reserved晒，問咗三次到最後黎咗碟意粉之後先肯轉枱俾我地！講番食物，total order 咗四樣野：1. 鮮蝦扁意粉：咸到甩肺，乾真真，意粉又硬，蝦亦麻麻！2. 海鮮Risotto：一食落口，d飯硬到好似未煮過，d魚好腥！我食食下呢個飯同意粉之後就超胃痛，唔知係咸得滯定硬得滯定兩樣加埋，總之胃痛，超慘！3. 脆炸雞翼：嘩，炭一樣，黑蠻蠻，味道還可以，但基本上自己BBQ都唔會燒到咁膿！4. 焦糖Pancake(香蕉加朱古力)：頭三樣野黎到發現基本上都唔啱小朋友食，即刻order呢個甜品因知道制作需時(餐牌寫20分鐘)，order時waiter話要半小時，冇所謂，我地等。結果等了接近半小時，覺得唔對路，追問一下有個甜品未到(特登唔講名)，個waiter圍埋manager傾咗陣，心知不妙，再叫個waiter過來問佢情況，佢話幫我check check廚房要幾耐但冇話漏單．跟住又走咗去部機前面又幾個人圍埋．我再叫佢番黎問其實係咪漏單，佢先話係！你話呢間野係咪short架，漏單唔出聲，我地緊係話唔等直接埋單啦，於是我地帶咗小朋友去第二度再食甜品好過！所以呢個甜品唔知o唔ok，不過不抱期望！個manager最後過黎講句唔好意思但仲問我地order咗邊樣甜品，唔知問黎做乜😓佢又唔係賠償d乜野俾我地喎！冇啦啦洗咗幾佰蚊但唔知食咗d乜，完全唔飽仲要食到胃痛，因為佢d野好細碟，兼且食唔晒，因為d飯真係超硬，貼錢買難受就係呢d😪差，差，差，重要的要講三次！…查看更多

星期六晚，7:45pm又係周圍排長龍，見呢度唔洗排，又肚餓，所以入左去。叫左2人扒餐，先上左兩杯白酒，身邊好多細路勁嘈又跑來跑去，玩到個沙包流曬d發泡膠豆豆出黎，不過我都明白小朋友好難坐定定，所以都忍耐。之後等左20分鐘，都仲未有野食，跟住同侍應叫跟單，即刻上到頭盤，食左一啖已經上埋羊架，究竟點解等左咁耐，而家可以一次過上曬？好想知原因(｡-_-｡)食食下杯白酒都唔凍，即刻變左藥水味。羊架5成熟，肉身軟、味道不錯但有少少位韌，薯蓉和蔬菜都不錯。這個質素價格適中。我諗如果唔肚餓淨係想坐下都可以嘅。…查看更多

今日中午約左阿囡食lunch，知道Pop Walk商場個邊有好多餐廳。雖然這邊不似得Pop Corn商場咁熱鬧，可能少些人流，反而覺得這處環境好舒適。行到見到Waalan，間餐廳裝修得好特別，於是入去試下。卡邦尼意粉 - 卡邦尼醬濃度適中，意粉好乾新，好好食。漢堡包配薯條 - 牛肉好有咬口，薯條大大條，新鮮炸得好靚。…查看更多

13-05-2018（日）母親節尋晚媽媽節，同兩個仔去左西九龍中心，第一站當然去扮靚靚啦！跟住就同兩條𡃁去溜冰，玩左幾個鐘，踩入將軍澳搵埋家姐，一齊慶祝母親節😎今次係家姐負責搵地方食飯，好多都Full晒，得返呢間仲有位訂，慶時夜長夢多一陣又無位，所以就食呢間。5大1小，叫左4人餐再另外散叫!飲品：1杯熱朱古力1杯鮮奶咖啡☕️2杯特式紅茶☕️食品：雞翼最老土薯條🍟凱薩沙拉🥗卡邦尼長通粉雜菇飯肉醬意粉好多肉Pizza 肉眼扒豬腩骨西餐我一向麻麻地，不過呢間又的確唔算太差，我好欣賞杯特式紅茶，味道有點少甜又唔會太甜，同埋個飯都好好食，仲有果個豬腩骨，真係好味道！唯獨是所有食品既份量都超級【小】至於塊肉眼扒就最失望，店員問我要幾成熟？我話要8成熟，佢竟然話無！佢話只得3-5-7-全熟，我話我真係想要8成，佢都堅持話無，全熟既我又嫌會太硬，最終格硬迫我揀左7成，塊扒上枱切開仲有見血，睇見都無胃口⋯我覺得我對食物既煮熟度有要求應該唔過份吧？點解反而要我地將就間餐廳⋯⋯…查看更多

早餐叫了個熱香餅餐，仲有火腿，菠蘿，煎蛋，實在太難食，雖然都知道熱香餅唔係佢現整，但係都要認真返熱架，但出來的食物不但外表一看就知一早做定，仲要係凍冰冰，熱香餅更是硬到唔飲水都哽唔落，毫無誠意，仲要$58和要加$12先有飲品。餐廳只有外表吸引，食物就差勁，不單款式少，價錢與食物質素不合理，不會再試。…查看更多