W.O.M. (已搬遷) 新店位置

果然平日既午市超難搵位 等左大約 20 分鐘先坐低呢間之前都食過 野食樣樣都水準不錯 同埋會定期轉 Menu 每次黎都有d新意佢店面比較細 坐得會小小逼 今日人多 order後餐湯都等左10分鐘先上到 今日餐湯係蘑菇湯 好好飲 佢既餐具同店面都好文青 簡結得黎幾有格調因為減肥叫左個沙律 🥗 但真係好食 佢有d洋蔥絲 甘 蘆薈片 醃過既蕃茄🍅仔 雞絲量都好足 加埋麻醬同酸酸甜甜沙律醬好開胃 我好快就食哂Overall覺得野食幾好 係等耐小小 建議大家避開煩忙時間好似平日lunchtime

星期二和舊同事午飯，上星期已致電去訂枱，因為 Openrice 的訂枱不是 lunch hours。打極電話冇人聽，直到星期二約 11am 先有人接電話，但訂枱只限6人或以上 12:30pm 之前！要食飯就 walk in 等啦。Okie，我 12:20pm已到，當時有張4人枱仔，但服務員說你要3人齊晒先俾枱，就算我另一朋友都到埋，2/3 都唔可以俾枱。然後另一批客到，即時把4人枱給了他們，到我第三位朋友到 (12:30pm) 時已沒有枱，最起碼要等到 1pm！牛頭角係工廈區|新商貿區，樓上餐廳食晏要過百元但又唔可以訂枱，想點？

已經第三次來食，食咗一次早餐同一次下午茶，每次食完都有差足電嘅感覺！ 兩次早餐都係食full breakfast, 份量十足，啱哂我呢啲食一餐當兩餐嘅人，包嘢飲，杯即磨咖啡都幾好飲，$68 間中食下都唔算貴！ 多士可以揀麥包或普通白麵包，第一次揀咗麥包，但覺得同普通白麵包分別不大，所以第二次就慳返幾蚊。如果覺得太飽都仲有其他輕盈啲嘅餐可以選擇！之前仲試咗下午茶嘅Waffle, 都唔錯，同早餐一樣，都係用心嘅出品，所以如果趕時間就未必係一好選擇！午餐都仲有意粉，漢堡包之類嘅食物，不過未有機會試！

在繁忙時間前10分鐘，三人到達餐廳用膳，被分配到四人桌面，當時全店有八成是空的。侍應居然要求將一位女士加插入我們四人枱中，說繁忙時間都會全店會非常滿。我們拒絕後得到不善對待。但其後全店大部份四人位都是有一格空位，而那女士亦全程座兩人為直至用膳完成。侍應安排極之有問題及不友善。

其實我好少寫食評，因為市面上大部份嘅餐廳食物味道都係一樣，standard 而且好一般，即使你比五六百蚊食一餐。今次有緣嚟到呢間餐廳，係經過一位朋友嘅介紹。兩位主廚製作食物非常用心，每一件食材都經過佢哋精挑細選，由頭盤至主菜，每一件食物既味道非常有驚喜，好好食，好新鮮🤤🤤🤤🤤🤤。呢個素質嘅食物，係市場上真係好罕有，而且價錢相對便宜。依間餐廳環境唔算好大，但係裝修精緻，係一班朋友食飯選擇嘅好地方🥰真心推介，希望大家食到真正有”味道”嘅食物。

聖誕節前的星期五相約數位好朋友一聚，因近年市面食市變得非常商業化，佳節常以所謂的套餐作青睞，味道卻只是平平無奇，特此一嚐新地方，為是次meet-up帶點新元素。結果是出乎意料，W.O.M.是一個卧虎藏龍的地方，每口都能感受製作者的心思！用料新鮮，尤其在沙律菜中體現到，沒有殘花敗柳的上碟，presentation更令食指大動。是夜有別於日常，跟坊間同樣有Christmas menu以配合節日氣氛，共有4 course及包餐飲，但價錢卻相宜得多，沒有多餘的感覺。整體裝潢/環境簡約，很cosy很舒服，服務殷勤友善！餐廳亦有小露台供吸煙人仕享用的空間，貼心不過！無法不極力推薦，節日後一定會番嚟試其他menu！

之前聽朋友說附近的商業大廈3樓開了一間不錯的西餐廳，所以今天過來試試。地方不太大，只有幾張枱，所以建議12點半前來。看看餐牌有沙律~雞扒~海鮮飯,還有意粉。暖沙律其實也很吸引，下次會試，今次叫了雞扒。🤗同事分別叫了意大利龍蝦湯燴海鮮配飯$108同黑毛豬肉漢堡$98前菜選擇了沙律，如果餐湯便是南瓜湯。意大利龍蝦湯燴海鮮配飯$108貌相很吸引😻喝下去湯味很濃郁，而且有不同的海鮮種類，但份量不算多。價錢相對覺得貴。墨西哥香辣雞扒$88配上薯仔粒粟米及青豆。雞扒吃下去很juicy!雞皮有一層蜜糖在上面，可是皮沒有煎得很脆，有點失望😞薯仔粒的份量不多。整個餐吃下去，對女孩子來講也只是剛剛好。漢堡的份量比其他大，配上芝士番茄生菜，非常好味。薯條真的是胖胖的，和名字一般😂叫了一杯凍檸茶，這杯反而有一些驚喜，茶味濃幾好飲。