W.O.M. (已搬遷) 新店位置

< 隱世小店 >估唔到係觀塘呢個位置都可以有間平靚正小店。仲要有日式同西式野食選擇!個人認為最抵食就係日式自選set餐, 因為岩晒我呢啲有選擇困難症既人 每樣都有啲 而且細細份 岩岩好夠飽肚

呢間小店地方較細，平日午市都幾多人，今日2個人都等咗半個鐘先入到。午餐有日本菜、漢堡同意粉揀，價錢貼近100蚊左右，同區嚟講都算幾進取。😬和風高湯牛肋肉煮物 ($108)🐄🍲🍱呢款煮物大大碗，湯底好似關冬煮用上鰹魚湯煮，飲落有好香昆布味；牛肋肉肉質紮實但唔會難咬，牛味都幾濃，係後勁有小小膻味；蘿蔔入味無渣，炆得軟腍，新鮮清甜。椒麻帶子裙邊🌶🐚帶子裙邊爽脆，味道酸甜中帶點辣。個人覺得椒麻味可以重啲，依家只係食到啲辣味。熱蜂蜜大麥茶☕️唔係好飲到蜂蜜味，麥味唔會太濃，唔會有陣燶嘅茶味，清清地都唔錯~😋呢度食物價錢唔算平，但份量同味道都對得住個價錢嘅，如果外賣自取仲有9折。個人覺得間唔中去開附近都可以試下，至少唔會失望先~🌝

呢座大廈有好多食肆，今日同事帶我去W.O.M. Lunch😊進店前店員細心為客人噴手消毒👍🏻Lunch Menu有兩種選擇，一種係「和風午市套餐」，可於熱主菜、前菜冷盤和飲品各選一。熱主菜的款式都幾特別，本來想試蓮藕雞肉煎餅或日本南瓜新豬肉末架！但原來後頁洋食午市套餐都好吸引喎！我點咗「忌廉老灣汁雞肉辣肉腸意粉」，同事點了「鮮菠蘿香辣煙燻豬肉漢堡」店員還細心溫馨提示意粉有少許辣👍🏻意粉汁濃而不膩，恰到好處👌🏻同事的漢堡肉很新鮮和juicy👏🏻套餐跟餐湯/沙律和熱飲，今日選了忌廉蘑菇湯蘑菇湯略嫌咸咗少少🤏🏻還有加了甜品（名字太長忘記咗，大約係朱古力cheesecake吧！）甜品好好味不過如果兩位女士用餐的話建議只點一件share，因為都幾膩和滯

今日同同事farewell 一行6人2位同事先行拎位 要齊人先可以入座餐廳內座位數20人左右Lunch 人均消費約$100 -$150W.O.M.餐廳主打早餐、輕食簡餐及晚市頭盤等等....以水彩畫風繪畫既Menu 好靚 😍👍🏻自家設計 4位同事都叫左漢堡包setY1.招牌手打安格斯牛肉漢堡 *2Y2. 青辣椒手打安格斯牛肉漢堡 *2由於漢堡包 即叫即做，要等比較長時間漢堡包配薯條內料有洋蔥 蕃茄 芝士片 煎蛋等等 十分重量👍🏻肉汁不算很多，不過牛味都幾香濃喱個價錢試得過Y1同Y2 只係醬料不同辣與不辣之分😆

近日重回office, 就到公司附近食lunch。記得一年多前曾經到訪, 午餐食物味道唔差但食物唔夠熱, 所以自此亦沒有再光顧。朋友想到訪此餐廳, 就再去一試! 餐廳防疫措施做得幾好, 入座前會以消毒噴霧噴一噴顧客衣裳👍🏻午餐menu已轉了,有和風和洋食(西式)套餐, 款式頗多, 而且價錢合理。主菜選了醬汁洋蔥雞腿肉(唔記得exact名字), 前菜八爪魚餅串幾好食。整體調味適中, 一set上擺盤吸引, 而且出菜速度比上次光顧大有進步, 感覺餐廳運作有系統了!

首次光顧，懷着好奇的心態😄可能是單幢大廈，所以連升降機也比一般細小，每次只能容納幾個人，所以要耐心等待⋯到達門口時看到要排隊，立即擔心不知道要等多久！幸好剛剛有人結賬，可以順利有位坐☺️看到menu 後覺得幾特別，全部五選一，可以自由配搭同事喜歡食牛，自自然然選擇了(M2)醉酒燴牛舌+ （S1)味噌香蔥油揚夾餅牛舌配上薯仔🥔+紅蘿蔔及西蘭花🥦色香味俱全夾餅做法和中式差不多！白飯上加上了飯素，特別增加胃口！我只❤️食魚，自然選擇了（M4)和風汁煮鰈魚+（S5) 章魚小丸子碟魚的口感好特別，好似入口即溶食章魚小丸子時，立即令我回味昔日在日本食小丸子的感覺！

自從發現左呢間下午茶抵食後， 我久唔久就會黎try try.但我依定先知我原來一篇都冇寫過... 所以今次一次過大放送....因為呢間真係值得推介!!!🌟北海道雞腿湯咖喱 x 忌廉蟹肉薯餅 $96唔係我既， 不過賣相好吸引， 睇落唔錯。可以搵次試試下午茶餐好吸引!!所以我多數都係黎食TEA//🌟韓式辣醬熱伴烏冬 $48呢個正呀， 我見到有醣心蛋先試佢。辣就一般不過好惹味。 同埋係真讚岐烏冬黎。 滑嘟嘟好味道！🌟炸魚柳蘑菇忌廉濃湯天使麵$50炸魚柳上先，食晒都未見到個天使麵 lol.反而個天使面湯底比較稀唔夠濃嘛。朋友話都係上次試我個烏冬好食啲！🌟迷你熱狗薯條$45朋友叫嘅我冇試，不過就咁睇我覺得公司三文治性價比高過呢個好多！公司三文治$56有雞肉，煙肉，烚蛋，菜絲，蕃茄。勁厚！！！ 賣相嘗心悅目！淨係個樣一上黎隔離台個個眼望望呀！ 好有去左日本cafe 既感覺！ 麵包已烘底。 煙肉好香口又唔會乾柴！ 正呀！！招牌waffle. $52終於食到。 砌得好靚。睇真d 其實係得半份。 嗱， 對waffle 有份堅持既我， 對佢唔太滿意， 脆就夠脆，不過太空心。 同唔夠蛋香。不過我都收貨既，

今日就到貓貓同綿羊同事同我食生日飯呢間餐廳都幾多人而且裏面環境比想像中細又覺得有啲迫夾不過衛生功夫做到好足👍🏻除咗量體溫之外佢仲象徵式咁噴一噴啲殺菌嘅嘢係我哋身上環境就一般，不過服務態度都唔錯我叫咗個和風定食鰻魚佢啲餐有主菜加冷盤加嘢飲咁樣嘅我就將鰻魚加上胡麻冷豆腐，再加多一杯latte佢哋一個就叫明太子意粉一個就嗌左炸雞定食簡直係日本韓國外國國際菜😆我哋大家都冇share自己食自己所以我評論唔到佢哋嘅食物但係佢哋話俾我聽都唔錯而我嗰個鰻魚就可以嘅，份量都唔算細而且我幾欣賞佢啲飯唔係白飯不過覺得性價比比較低另外因為生日所以我哋另外加錢嗌甜品我個綠茶雪糕都好好食，不過係比較偏向甜嘅多啲貓貓同事嘅紅豆丸子佢話非常唔錯侍應仲話俾我哋知下次嚟應該冇咗，會轉第二個甜品Menu😯早知我都食呢個啦😅

位置比較偏唔近地鐵站，勝在附近多商業大廈，午市比較旺🕞輪後時間🕤今日比較早食午餐唔洗等位，餐廳設計佈置都好有特式但地方唔算大，想食記得提前訂座🥢推介食品🥢1️⃣ 日式和風牛肉飯$88有好一排無食牛肉飯，竟然呢間鋪頭有，二話不說就點左。牛肉嫩滑，又夠薄身，入口有種溶化嘅感覺🤤有牛汁另外上，唔會令白飯濕晒👍🏻配埋餐湯-蘑菇忌廉湯，整體成個套餐都唔錯好味 😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦🏦（5分最高）

好快就過年🎉 #小秘書 跟 #朋友、#同事 嘅 #團年飯 已經排到 #年廿九😅 不過都只想搵大家出嚟聚下🥳 #人生路不熟，我哋呢日只好 #重遊舊地，再一次嚟到 WOM 食飯。無可否認，#WOM 杯 #咖啡同 #食材 都比地面間Cafe遜色，但係我就反而鍾意呢度多啲... 點解？感覺嚟啫😅呢日我叫咗個 #WOM #Singnature #Burger🍔 #LunchSet🍽 #餐湯 煮得好夠熱、入口好creamy👍🏻 #漢堡包 嘅外觀令我喜出望外😆 厚厚嘅 #漢堡扒上面加上 #芝士 同 #青瓜🥒 成個配搭本來係唔錯嘅，可惜 #廚師 唔夠細心，咁大個 #漢堡包 居然無幫客人用食物紙包裹😅 一啖咬落去好容易就搞到成手肉汁😅 仲有呢... 個 #漢堡包太淋，對我來講口感麻麻😏 不過整體服務都係唔差，只係一見我哋放低刀叉就想我哋馬上走... 明嘅明嘅🤪

#開工大吉 🍊梗係要食好啲... 誤打誤撞我哋上到嚟 WOM 食我哋嘅 #開年飯🍽 #WOM 開喺 FCC嘅三樓，唔係經過見到樓下嘅廣告，其實都幾難搵得到👀 #餐廳 地方唔算太大，不過啲擺位都唔算太迫，#餐廳佈置 有種 #小清新 嘅感覺。佢哋嘅 #LunchSet 選擇唔多，敗家嘅#小秘書 就只有 #獨愛 最貴嗰款 #黑松露海鮮意大利粉 配 #溫泉蛋🐣 #意粉 口感煙韌、再加上少少#黑松露醉 喺面，增加層次感😋 最後我叫咗杯 #凍咖啡 做呢餐嘅結尾☕️ #咖啡豆 都幾香呀😚 整體嚟講，價錢係有啲貴，不過 #食物 同 #服務 都好好，起碼食飽都可以坐一陣先埋單，無人嚟穿梭「抹枱」先啦🤩

公司office啱啱搬去牛頭角, 就開始喺呢頭揾食。同朋友十二點半前到達餐廳, 已經見餐廳95%滿座, 好彩仲有最後一張walk in枱。是日餐湯係西洋菜忌廉湯。平時只係見西洋菜係中湯出現, 冇諗過同忌廉一齊煮又咁夾喎! 主食方面, 我叫咗’新鮮本地農場黑毛豬肉漢堡’。漢堡配生菜, 蕃茄一齊食減少油膩感, 而配菜有薯條同牛油粟米。朋友叫咗’韓式泡菜牛肉飯’, 味道夠而且泡菜份量唔少。可惜, 整個午餐的食物都完全唔熱, 而且樓面服務員不足, 無論點菜定出菜效率都比較低, 好多waiting time, 所以呢間餐廳應該不會encore了。

本約了同事去試，落左order點知因工作行唔開，唯有打包同事拎反黎比我食。Burger 薯條小小凍左都仲可以咁好味D湯仲好熱下次一定要堂食！好味好豐富，物超所值。

食物：個日嘅時日餐湯係粟米蘑菇忌廉湯，唉，唔記得影相俾大家睇。粟米同蘑菇味好夾，味道濃郁，好好飲呀！❤️❤️🍔新鮮本地農場黑毛豬漢堡豬肉漢堡扒夠多汁，蔬菜都幾新鮮。薯條🍟係粗身薯條黎嘅，外脆內軟，正！反而，餐配嘅粟米略為失色，乾身而且甜味唔夠。整體上份量夠大，男同事都夠食。👍🏻👍🏻👍🏻👍🏻意式肉丸意大利粉味道正常發揮，意大利粉唔會太軟，軟硬適中，肉丸調味豐富。❤️🦞龍蝦汁蝦仁青口扁意粉賣相已經好吸引🤩，海鮮無雪藏味道，龍蝦汁鮮甜，好味。扁意粉麵質都唔會過於軟身，有咬口。😋😋😋坐位安排：午市人齊入座 2-4人枱，人多要分開坐

大家都知牛頭角工業區無野食，咁就推介大家要來食WOM啦，又是一間樓上cafe,上三樓一開lift門就到。我同朋友就決定點兩款互相share,一份招牌burger再加和風鰻魚意粉。兩款都好好食阿，個burger夠曬juicy,肉堡都煎得香脆，配菜亦充足，令整體唔會太肉食獸。滿意之作。另外意粉亦有驚喜，味道香濃，令人不禁眨眼食曬，配作紫菜及魚鬆使口感增添色彩，誠意之作。餐廳環境不大，但座位還算坐得舒適，服務員態度和藹親切，like