309
27
10
港鐵北角站 B4 出口, 書局街入, 步行約2分鐘 繼續閱讀
所有分店 (1)
電話號碼
27779033
開飯介紹
Villa Villa 主打西式輕食,獨特創新自家風格,食材均自家製,包括手造麵包、手打意粉、手轆薄餅及份子元素甜品。 繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
*最後落單時間:21:10
付款方式
Visa Master AlipayHK 支付寶 現金 AE
其他資料
網上訂座
酒精飲品
切餅費
泊車
電話訂座
賞訂座積分
加一服務費
當面支付
有關獎賞計劃
食評 (391)
等級4 2021-04-20
0 瀏覽
第一次嚟錦屏街食嘢,驚覺呢度食肆林立,自成一角,果真是大鄉裡出城😂。我哋幫襯嘅係出名長龍店 Villa Villa,好彩有訂位,坐低冇耐,就已經見到出面開始聚集等位人潮。三大一細,叫咗三個 set lunch 同一客薯條,店員主動畀咗四份餐湯同餐包我哋,服務超貼心,呢度絕對有分加🥰。餐湯質素超高,蘑菇味勁濃,啖啖都食到菇片,飲完齒頰留香🤤。黑色嘅餐包我估係竹炭麵包,少少鹹,少少脆,多多麵包香,如果可以提供埋黑醋同橄欖油就更加正。主菜我較喜歡蒜香銀魚蓉蜆肉扁意粉,銀魚蓉夠鹹香,蜆肉大大粒亦頗鮮味,唔錯;卡邦尼意粉正常水準,只係略嫌蛋黃味爭少少;雙重芝士薄餅嘅芝士比想像中少,味道反而冇底下嘅蕃茄醬咁搶,topping 我哋揀咗煙三文魚,同個 pizza 味道都算夾,個墨魚汁餅底黑媽媽幾得意,不過味道同一般餅底冇咩分別。最後加多份黃金炒薯條,蛋黃味超濃,鹹鹹香香,好好食,不過食完好口渴😂。呢度另一個特別之處,係所有店員都著住祖雲達斯嘅球衣,店入面仲有好多球隊嘅擺設,好肯定店主係祖記嘅 fans。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-18
158 瀏覽
朋友生日飯,提議咗幾間小店,最終揀咗呢度。之前已經嚟過,知道食物質數有保證。除咗啤酒之外,飲品買一送一,友人叫咗凍朱古力奶同埋熱朱古力奶。兩款比較,熱朱古力奶連埋三粒棉花糖,成個感覺好好,比較推薦。另外我哋見到隔離枱叫咗杯白色起晒泡嘅飲品,都幾吸引,原來佢係乳酸特飲,下次會試吓。嘢食我哋叫咗一個Double Cheese Pizza,Parma Ham Pizza,Mushroom Pesto Pasta。Pizza實在非常出色,我真心推介你哋一定要叫Pizza。相比下去, pasta就冇咁出色,並唔係唔好食,只係給Pizza比下去了。小食我哋叫咗別是嘅黃金炒薯條,炸雞,一口炸芝士。佢哋所有炸嘢都做得好出色,炸雞係非常香脆同埋Juicy,一口炸芝士個感覺有啲似椒鹽豆腐咁嘅口感。至於邪惡薯條,嚟到真係一定要試,邪惡無比。甜品我想試佢個朱古力蛋糕,可惜一早賣晒,唯有下次再試。今次我哋試咗藍莓輕乳酪蛋糕,同埋Creme Brûlée Cheesecake。兩個之中我會推介cheesecake,因為輕乳酪蛋糕實在太淡了,我個人比較喜歡龍尾嘅甜品。總括嚟講今餐食得非常開心,嘢食好味,一定會再返嚟。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-11
364 瀏覽
今日黎到北角食lunch餐廳用足球做主題⚽️員工嘅裝束全部都係波衫睇黎鋪頭嘅老闆一定好鍾意睇波😂每個set lunch都包一碗湯同埋麵包麵包超鬆軟 面頭有啲甜甜地嘅番茄醬🍅都幾特別🙈蘑菇湯好濃郁 仲有超多蘑菇粒 好足料啊❤️主菜方面我地揀左北海道帆立貝意大利飯帆立貝超級大粒 仲好鮮甜🐚義大利飯軟冧 好啱港人口味質感仲好creamy 味道超濃郁🥛真係好啱我口味👧🏻❤️我地仲嗌左個明太子鮮蝦意粉鮮蝦好彈牙🦐明太子醬份量好多 鹹鹹地 仲帶有少少辣味配埋酸咪咪嘅番茄乾食真係好夾🤓另外一份主菜係辣肉腸番茄芝士墨汁pizzapizza餅底加入左墨汁 所以係黑mom mom 不過味道其實同普通pizza差唔多😂餅底好脆 芝士份量好多 配有好多番茄酸酸甜甜辣辣 味道好豐富❤️另外我地仲加配左個鹹蛋黃薯條哩個薯條超級足料!每條薯條沾上好多鹹蛋黃脆卜卜之餘 仲好有鹹香 邪惡都要繼續食❤️ 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-10
247 瀏覽
北角係出名多嘢食,今次搵咗一間位於喺北角地鐵站附近嘅Cafe餐廳,雖然近地鐵站,但係個位置都幾偏僻,平時唔會經過,要特登搵先會搵到,店舖都比較細,服務員都偏後生。由於佢啲座位放到好滿,所以坐得好迫,唔係好舒服,如果想傾吓計食飯就唔建議去呢間餐廳啦。不過佢啲嘢飲都幾特別,去打下卡都可以,意粉就好普通,價錢都合理又唔係偏抵食,想叫多幾碟菜其實張枱都放唔落,所以快快脆脆食完就走,去附近地方再飲吓嘢好過。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-31
564 瀏覽
我encore左呢間接近10次😌除咗因為佢喺friend屋企樓下🤣仲因為佢真係太好食!太有良心!Menu上所有option都係好食嘅🤩每當嗌餐即送餐湯同包 餐湯係濃郁嘅蘑菇湯 仲有焗到好脆嘅竹炭包😍😍😍💟自家製芝士帆立貝意大利雲吞 [$188]有冇人同我一樣 好鍾意食Ravioli!!!呢個係每日限量供應des!!! 食到雲吞嘅餡料有菇同肉 口感好滑 芝士汁唔會搶走食物嘅味道 加埋大大舊鮮甜嘅帶子 好鮮味des!!!💟黃金炒薯條 [$68]係signature 鹹蛋黃薯條!🤩🤩我每次必嗌 平時同一大班人嗌兩客都唔夠🤣🤣🤣 每一條薯條都充滿住鹹蛋黃 食落好香好香 每條都唔會鋪唔滿 唔駛揀嚟食架damn!!!!! MUST ORDER THIS OK LOL💟西班牙黑毛豬 [$198]呢碟都係成日encore 每舊黑毛豬都啖啖肉 仲要好稔好juicy 佢個秘製醬汁鹹鹹甜甜咁 同個肉好夾 加埋鋪滿醬汁嘅瓜同菜粒一齊真係好好食QAQ💟北海道帆立貝意大利飯-黑松露忌廉汁 [$198]5舊 係5大舊帶子😱😱😱好足料啊!好怕risotto稔badbad 呢個risotto除左食到粒粒嘅感覺 黑松露汁好濃好creamy 好鍾意🤍🖤💟烤雞菠蘿薄餅 [$148]相比其他菜式 呢個相對普通 用墨魚汁整嘅黑色pizza係幾特別 但啲雞塊唔係好juicy 建議試返佢地嘅雙重芝士pizza 惹味好多🧀💟Villa Villa [$75]用左France Chocolate同Baileys調成嘅朱古力酒 唔會醉嘅話 我想飲多幾杯🤣🤣🤣好好飲 好易入口 朱古力味又濃 賣相仲好靚添!佢哋啲特飲(黑毛豬隔離好多泡泡嗰兩杯😂)都好受歡迎 推薦大家嚟食呢間真係好正😚💛💛 繼續閱讀
(以上食評乃用戶個人意見 , 並不代表OpenRice之觀點。)