Veggle Cafe (已結業)

Veggle Cafe 觀塘店31/8就結業，想再去食嘅朋友留意喇～好消息係，據知佢地選址浸大重開😉大家密切留意喇😊💚純素卡邦尼 Vegan Carbonara💚夏威夷薄餅 Hawaiian pizza💚沙律+番薯條 Assorted salad and sweet potato fries💚豆腐提拉米蘇 + 純素雪糕 Tofu tiramisu and #happycow icecream💚豆腐沙嗲+ #新豬肉 餃 Tofu satay stick and #omnipork dumplings佢哋個Carbonara真係第一次試，第一啖怪怪地~原來廚師特別用咗腐乳做醬汁😱～但食落又幾過癮，好快就清曬😉🤣其他食物保持一貫水準👍🏻希望新店快啲開，又可以食到咁美味嘅純素菜式😊…查看更多

最近又回到了觀塘區，今日放工一個人去搵 late lunch，見到評價唔錯特意走來試試。第一次黎觀塘懂廣場地下食嘢，原來好似一條食街咁，都是小店放幾張檯，感覺像 modern 版的大排檔。兩點幾去到坐了一半人，好熱情嘅姐姐介紹有咩食，款式其實不算多，沙律就有幾款又有唔同配搭，好似幾吸引。不過我唔好沙律，於是叫個魚柳包餐，有配蕃薯條，餐湯，一款沙律，我揀咗最 basic 嘅雜果，見到仲有藜麥呀冷麵呀西蘭花等等，飲品我叫了凍豆奶咖啡，要加八蚊。飲品先上，咦原來所謂咖啡，原來係咖啡味豆奶，仲要好細杯 == 個杯邊重要痴笠笠 :( 跟著送上餐湯，應該係南瓜湯？但好稀好水，唔太好味.... 好啦主餐到，隻碟好細，所有嘢擺埋一齊，個包其實都好細...分開咗兩部分，有兩件魚柳，番茄，羽衣甘藍，同另一面有素芝士。味道 OK 啦，其實都係 green common 代理個幾款素食嘅配搭，但實在太細份又無咩特別，旁邊的蕃薯條都不夠脆...仲有，用 burger 方式咁上但無比刀你隻碟又細究竟點食呢... 個餐普普通通啦，但收 $98 我就覺得唔太抵。見到附近其他人叫啲沙律意粉份量都好細，有個叫細沙律都要成 $70 真係好細碟。叫得 cafe，收咁嘅價錢，我會 expect 好少少嘅食物/服務/環境。相同價錢我應該會選擇其他餐廳了。…查看更多

Veggle Cafe - 由店舖名字、裝潢，以至餐牌推介的有機食品/飲品，都給人一種很健康的感覺，中午繁忙時段，有不少附近工作的上班一族前來光顧，地方不大，但門外可加開兩至三張檯(有需要時)，座位尚算舒服，可惜冷氣不夠凍，食了一陣已經很熱。今日點了素芝士汁什菜丸焗通粉(無五辛 – 葱、大蒜、韭菜、蕎頭、洋葱)，配番茄湯和熱豆漿HK$83，等了大約8-10分鐘，食物賣相很精緻，份量頗大，番茄湯較稀身，番茄味道不夠濃，豆漿偏甜，素芝士汁什菜丸焗通粉硬了一點，幸好有芝士香味，價錢略高，但夠飽肚。:)…查看更多

明明叫咗3號餐，點知過咗一陣同我講唔小心整錯咗2號餐，問我可唔可以照要。。。咁我見到整咗就費事浪費，雖然我麻麻哋，咁我就問可唔可以俾多少少沙律呀，佢話梗係唔得啦要加錢嫁！Ok😅點知轉個頭隔離枱都落錯單。。。…查看更多

近排因為一些事接觸了吃素食，尋尋覓覓去吃過了不少的店鋪，但這。總情有獨鍾。因為緣份嘅驅使，朋友便帶我認識了這一間素食店從來不喜歡吃素食的我，出色的食物，令我改變對素食的態度，最有心的還是這一間的veggie cafe 總會有不少驚喜素食看似好dry，但這卻改變定義Pizza ，意粉也十分吸引又吾算太貴❤️❤️最令我愛上的是麻油西蘭花❤️❤️Special thanks 老闆的素食Tiramisu ，真的好好味…查看更多

🔹是日素菜湯+一款自選沙律+中東包 $48.🍲今日係雜菌湯~好濃好結最足料,每一啖都係攪碎左嘅雜菌渣omg😱真心真材實料!我仲偷聽到老板娘話呢個湯係無蔥蒜架😆.🥗沙律我揀左西蘭花🥦食到好香嘅麻油味同黑胡椒味😍完全係我杯茶!!!!不過份量就相對少左啲,可能係因為呢個係tea set🙈我估得6-7舊左右. 同埋會有啲沙律菜,但味道同出面嘅一樣無咩特別lol.🍞最後有2塊中東包,包嘅口感幾軟唔會乾,入面夾住少少香草醬,幾特別架每個餐都會送花茶,開頭我叫店員唔使比我因爲我係唔飲的,但店員話比左錢唔好曬,就比左個茶包我叫我帶翻屋企🤣…查看更多

早幾天吃得比較多，今天想清清腸胃，朋友便帶我來試試這間素食餐廳。這間餐廳很細，是一間小店，但意想不到午餐也有頗多選擇。我點了一客墨西哥薄餅配西蘭花沙律餐，配上蕃薯薯條，餐湯和一杯有機花茶，份量很多，墨西哥薄餅竟然有四大塊，我還加了$15加了一份蘋果藜麥沙律，如果早知道午餐的份量這麼多，我便不用加沙律了。特別一讚蕃薯薯條，甜甜的，不錯，比平時一般的炸薯條更特別。聽說這裡的甜品頗特別，下次有機會試試，因為今天太飽了。…查看更多

今天有點事要來觀塘辦一下，看到這純素小店的食評不錯，決定來這裏試試，果然有驚喜，很開心可以找到一間這樣有心思的純素小店。我點了一份午餐，牛油果腐竹雞漢堡配沙律。其實點這款餐之前，我猶豫了一會，因為有其他幾款的午餐也很吸引，例如鷹嘴豆全麥漢堡餐等等。午餐好味道，特別是番薯薯條，有別於一般薯條，很美味，而沙律菜也很新鮮，牛油果蓉搭配全麥漢堡感覺也挺新鮮。此外，午餐還另外附送一碗南瓜湯和一杯有機花茶，很貼心，店員說是排毒的。其實除了午餐之外，我本來還想另外再點他們的炸牛油果和焗番薯丸等等，可惜我沒有這麼大的胃口😆最後，我家了$15點了他們的甜品，Tofumisu (tiramisu提拉米蘇)，非常特別和美味，很難想像可以用豆腐取替蛋奶等等去做Tiramisu，豆腐軟綿綿的，有一點像乳酪雪糕，不得不讚店主真的很有創意。…查看更多

veggle cafe 是我在觀塘區唯一會幫襯的小店。他們很用心做素食，set lunch / dinner 的沙律又大碟又多元化，仲包杯豆漿/花茶，或加$10 轉藜麥奶。主菜非常好味，食完好飽肚。服務都ok有禮貌。他們會不少有新菜式，例如最近有炸牛油果。試過，入口即溶，超好味。有follow 開他們的Facebook，得知他們用上的是靚油（ olive oil) , 所以注重健康的人士絕對可以放心食用。價錢親民又高質的小店，香港黎講真係無幾多間。 Veggle Cafe!! 推！！！！…查看更多

上星期日（31/3），我到觀塘遊覽。 晚上相約了朋友到附近吃晚飯。原本晚餐的地點不是Veggle Cafe，是意外來到這裡的。第一次到Veggle Cafe。 晚上7:00後的時間，只有三位客人。 （這是我離開時拍的，那些客人已用餐完畢了。）這裡其實地方很少。 可以容納的客人不多。 大約就是十人左右。地方小，卻有很多東西掛和貼在牆壁上。 空間感更小了。 幸而座位不算擠迫。我們點了二人套餐，$258。 沒有加一服務收費。 但有最低消費每位$70。 只接受現金和八達通付款。 而且需要餐前付款。單點兩份主菜已與套餐的價錢差不多。 所以，我們便選了套餐。套餐是包括三款自選沙律、小食（炸牛油果、番薯丸、紫薯丸）、餐湯、6寸自選薄餅、一款主菜、甜品（Tofumisu和Happy Cow雪糕配雜果）和飲品。沙律在冷凍食物櫃內存放。 要到那裡挑選。我們選了藜麥、紅菜頭和雜果。 另有沙律菜附送。沙律醬像千島醬的顏色。 不過，這裡是純素餐廳，這沙律醬並不是平常吃到的千島醬。小食的炸牛油果、番薯丸和紫薯丸與沙律一併送上。 番薯丸和紫薯丸不會太香脆。 口感軟軟糯糯的。炸牛油果則是外脆內軟。 我們即時有燥熱的反應！餐湯是番茄湯。 沒有太多番茄的酸味。湯的質感不會太濃稠。牛油果醬雜菜薄餅（沒有五辛）。 原價是$108。配料有羽衣甘藍、青椒、西蘭花、椰菜花、番茄、牛油果醬和Diaya純素芝士。 薄餅是薄餅底。 味道不太有深刻的印象。牛肝菌雜菌玉米露筍腰果汁意式糙米飯（沒有五辛）。 原價是$130。牛肝菌的味道芳香。 朋友說腰果汁的味道有點古怪。 而且令人感到容易飽膩。雖然看不到醬汁泡著米飯，但米飯都吸收了醬汁。 米飯變得黏糯。忘記了飲品有多少選項。 我選了豆漿。 原來是黑豆漿。 放久了有豆奶皮，感覺是新鮮製作。 有少許甜味。朋友選的是花茶。 不知道是甚麼花茶。 但她似乎不喜歡那味道。最後是甜品。Happy Cow雪糕是巧克力味道。 雜果變成不甜的草莓。Tofumisu即純素Tiramisu（意大利咖啡慕絲）。 以豆腐、腰果、橄欖油、椰子油、龍舌蘭蜜和麵粉製成。 後來才知道含酒精，實際上我不能吃。 但已點菜了，否則便單點菜式，不要套餐。口感是軟滑的。 酒的味道不太濃。 然而，晚上睡不著覺，不知道是否酒精的關係？朋友看到這餐牌，是冬天限定的芝士火鍋套餐。 沒有吃過純素的。 有機會可以一試。…查看更多

觀塘東廣場好多小店食野，想食個下午茶，行行下見到間食素嘅cafe，細食嘅我又想減肥，食d清清地嘅沙律就至啱啦！ 下午茶時段有沙律，我叫左個3樣嘅細沙律，配熱花茶。水果有2粒手指提，2粒青提，一細粒西柚(無味)，同1粒蜜瓜，另紅菜頭同南瓜，無端端有塊吾知咩包，係無咁味！份量細到呢，我咁細食都覺得太少，個所謂花茶，其實係一個earl grey 茶包，仲要都好難飲下，個沙律味道好一般，杯茶飲左2啖就吾想飲。個侍應吾知係咪新黎，又打錯單，又送錯枱，得3枱客都搞錯！…查看更多

今天放工約了朋友食晚飯～就選了公司附近的這間素食餐廳🍴這間餐廳都挺受歡迎的，星期五晚上差不多整間都坐滿了人！幾乎每枱人都叫了個二人套餐，當然我們也不例外啦！二人套餐（$248）三款自選沙津：沙津有不少選擇，都挺吸引的！炸牛油果兩件+番薯丸+紫薯丸：第一次食炸牛油果🥑好食，口感外脆內軟！ 而番薯🍠和紫薯丸就一般，麵粉味比較重！6吋自選薄餅：味道可以～但因為我吃不慣素芝士，口感滑滑的！不太喜歡上面的芝士！主菜選了千層焗菜！就正常味道啊～tofumisu+椰子油雪糕配雜果甜品質素不錯的，對我來挺新鮮的！套餐還配了餐湯+飲品，我覺得這個2人餐不錯👍🏻每款食物都是小份的，但有挺多款食物，讓你可以一次過試多幾款菜式！看得出是個用心的店家～價錢又不貴～值得一試喔～…查看更多

差不多人地收舖才幫襯，都有點不好意思，好快點左個二人set dinner , 盛惠二百幾蚊晚餐包括一份三式沙拉+ 炸牛油果+ 炸芋原/薯粒，一個六寸pizza, 一份黑松露拿破倫粉，二個甜品和二份飲料三式沙拉+ 炸牛油果+ 炸芋原/薯粒，沙拉款式多都不錯，炸牛油果好特別我喜歡，炸芋原QQ的。黑松露拿破倫粉：酥皮包薯泥，配黑松露醬不錯，不過酥皮可再香口脆d另外pizza 也不錯，甜品有tiramisu 和雪葩，個人喜歡雪葩多一些。…查看更多

周五下班同友人想食素食就來了東廣場中的素食小店餐廳位置距離地鐵站大約走5分鐘位置十分方便門面雖說不太大，餐桌較少，但夠溫馨選了一個二人餐，價錢約2百多，可選三樣沙律配料，還配上幾粒紫薯波波和蕃薯波波，脆口有咬勁，推薦！  餐內還有兩杯飲品，兩碗餐湯素芝士口感比較黏稠，菇菇大大粒好有份量，餅皮也十分脆口和薄，一份會切成4片，十分易入口番茄醬十分美味，鮮味十足，千層麵也有咬勁，底層是粟米糕，口感軟綿有水份，十分特別餐內還附兩份甜品，一份是素Tiramisu  ，酒味香濃，咖啡粉和cream  十分配，一甜一苦，互相中和，底層蛋糕質地較實。另一款是椰子油雪糕，這個十分推薦，又香又滑！十分好吃！整體來說質素不錯！食物選擇以一間小店來說算是很多，味道也不錯，唯地方較少，是次坐圓桌，椅子不太舒服。會再回來食！…查看更多

新年傳統上家家戶戶都要有骨落地（即係有肉食），今次我地一家（其實只係兩大一小…XD）就反傳統，一於黎過有菜落地！ 不過你知啦，新年流流要食素，又唔知開舖未，都唔知邊間好。所以！就去左素食既混戰區之一：觀塘。點解咁講，不知不覺呢到已經有唔少既素餐廳，而大部份都係上樓既（觀塘人/打工仔真好啊！） 今次就黎左係東廣場裡面既「Veggle Cafe」。係呀，聽個名都估到係西式，通常新年都食中菜，但我地去左食西式呀。一來近地鐵，二來有開，三來黎過，四來係咩呀？當然係因為好食啦～食野先食間野個殼。去過東廣場都知，地面果層都幾多野食，不過相對啲舖都比較細。但麻雀雖小，五臟都係有既！一眼望埋去，招牌幾可愛，裝飾唔多，但又有啲colorful，都算靚麻雀黎！然後一睇menu唔洗點諗即叫左兩個餐：1) 焗雜菜批配蕃茄汁（粟米糕、甜椒、茄子、素芝士）2) 牛肝菌什菌栗米露荀腰果汁意式糙米飯到呢到點都要先講個沙律。沙律係自選，自行到中間個櫃到揀，個人覺得呢個位係全店最正，見到都已經好吸引！（而且好似係會轉款添）岩岩講完沙律，轉個頭就馬上出場！我地分別叫左黑椒麻油西蘭花同薄荷香草汁雜菜（配羽衣甘藍）。前者係簡單左啲，不過個汁真係好香，唔留口既話真係幾秒就想食哂佢；而後者同樣個汁好香，加上最近都多左見到既「超級食物」羽衣甘藍同藜麥，夠哂營養。另外特別既係當中有柚子肉，好味！跟餐既南瓜湯亦有誠意喎！裝南瓜同薯仔打爛，加入少量黑椒，sorry，有冇得添飲？個胃engine開順左，跟住就黎兩位主角！唔洗講野，睇個賣相已經好誘惑，想成個口將佢擁有！又係一味唔覺自己食緊素既菜式。素芝士同蕃茄汁香濃，切感同口感都good！拿拿臨試埋第二位佳麗！岩岩果位香濃誘惑，呢位就清新脫俗。不過真係好清新脫俗（真係要講兩次）。事關呢個啲甘荀味真係好勁，當然我係食甘荀既人，唔知其他人覺得點，因為陣味真係勁到好似有種食緊中藥既感覺！但營養值係好高嘅～個餐重有兩杯野飲跟，不過因為相對普通，所以就唔介紹喇～總之都係好飲架啦。不過係到題一題，如果飲凍豆醬，佢係會比支膠樽裝你。食素，都係為愛護環境，所以如果可以，就飲熱架啦（而且其實都好快變暖）～…查看更多