54
4
0
港鐵上環站 E1 出口, 步行約2分鐘 繼續閱讀
電話號碼
28860325
營業時間
今日營業
11:30 - 16:00
星期一至五
11:30 - 16:00
星期六至日
全日休息
公眾假期
全日休息
付款方式
Visa Master AE 現金
食評 (60)
等級4 2018-04-20
6226 瀏覽
近年流行素食,不少人因健康、宗教或環保等理由而改吃素。筆者雖然未能茹素,但間中 Go Green 又或者食個素午餐,轉下口味,亦未嘗不可。早前從友人處得知,上環永樂街新開左間純素漢堡專門店,講真,素漢堡平日已經少接觸,仲要係全素版本,咁特別,當然要一試。店子其實係位於永和街這條小巷入面,以外賣為主,不過店門外亦設有檯櫈,客人可用作堂食。先研究一下餐牌,估唔到店子細細,但食物選擇都幾多,除了有一系列怪獸漢堡、兩款特色漢堡同一款泡菜漢堡外,另外亦有自選沙律、暖笠笠長通粉、松子沙律三文治、小食及每周怪獸湯等供應。怪獸漢堡共有四款,包括黑袍巨人、淮山雪人、火焰暴龍及森林守護者,被一身烏卒卒嘅黑袍巨人 ($68)  吸引,決定點來一試。食漢堡當然要有薯條,咁嘅配搭,肯定無得輸。麵包是以竹炭粉加芝麻造成,入口既鬆軟又富彈性;而中間夾住嘅素扒就係用黑豆、馬蹄、黑松露和藜麥等炮製,再配上新鮮番茄、大豆芝士、大啡菇和營養價值極高的羽衣甘藍,餡料十足。最喜愛就是當中的素扒,軟腍黏身又唔油膩,而且食落有幾分「肉」的質感,加上黑松露醬,香味十足。伴吃的 French Fries (+$18),質素亦相當唔錯,新鮮熱辣,唔太油,夠乾身,而且入面的薯肉,鬆軟粉嫩,食落去好有薯仔味。 如果唔想齋食漢堡,也可以試試店裡的長通粉,好似呢客黑松露忌廉長通粉 ($58)  配料雖然稱不上十分豐富,只有西蘭花和一些菇菌,不過長通粉好有水準,食落厚實而有彈性,爽韌清新,加上松露幽香,簡單得來非常好味。下次經過開呢頭,會再嚟試下店裡的其他素漢堡。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-18
3022 瀏覽
為環保出一分力,有不鏽鋼飲管啊!餐廳比較難找,開飯地址是永樂街1號,出地鐵向中環方向行,其實在永和街內。朋友在中環工作才輕易找到。 店面很細前面只有1張枱和2張椅。而且已經有人佔用,於是我決定買回辦公室吃。選擇了黑袍巨人$68 真係很巨大基本上我真的無法一啖咬下去店員雖然外國人,但懂廣東話又高大靚仔( ̄∇ ̄)首先炭飽真的很軟綿綿,夠鬆化覺得有點點炭的酸味。大啡磨菇又厚又 juicy. 但不覺有黑松露味道。厚蕃茄 很新鮮芝士 (像車打芝士,味濃咸)素扒 完全幾可亂真, 賣相像漢堡扒顏色,味道真的像肉味。(真正用黑豆 藜麥製成,有洋蔥香味有點芋頭口感)最後羽衣金蘭,很有脆口感,菜很新鮮。店內還有很多款式:我對西蘭花的森林守護者,都很有興趣,下次再來試這個。飲品我發現自己蠢了, 選了Smoothie 雜莓汁 $28味道不是不好,成份都是很天然很健康,莓味很濃有點杰。 不夠解渴 。而且付款後才看到有自家鮮果汁,我應該點這款,非常後悔 ABC Ginger 非常吸引,我一定會再來的!除了飽外,大家還可以選擇,雪櫃有些特別沙律,和冷意粉。大家為環保出一份力的標誌,店主很有heart 很喜歡♡ 小小一間店,充滿愛。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-14
1978 瀏覽
放假與太座到上環買些乾貨,又穿梭了橫街窄巷,發現了這間素食外賣店,其漢堡包甚有特色。這外賣店賣的是素食,有素漢堡包,素沙律,素意粉,素小食等,還有些從未接觸過的飲品。怪獸漢堡包系列有四款,也有其他如韓國泡菜漢堡,京燒片皮鴨漢堡,材料都是菇,豆,瓜,菜,番茄之類。我細閱每一款內容後,選了這款叫「黑袍巨人」及其他,約等了十分鐘便有了!店外有張高檯,兩張高椅,我們便就地解決。黑袍巨人是紙盒盛著,黑色的竹炭粉造的包很巨型,也很軟熟,揭開包的上半部,見到豐富的材料,有Portobello大啡菇,番茄,椰子油和黃豆造的仿芝士片,黑豆蓉和黑松露造的素漢堡,羽衣甘藍,醬汁是黑松露Mayo,其中黑豆蓉素漢堡口感幾可亂真,味道不錯,也很飽肚。太座點了黑松露忌廉長通粉,用膠盒盛著,把蓋揭開,黑松露的香氣湧了出來,除了長通粉外,材料還有黃甜椒,蘑菇片,新鮮冬菇等,黑松露醬與忌廉混成的汁份量剛好,長通粉不過腍,算不錯。飲品選了來自德國的白麥汁和黑麥汁,白麥汁與啤酒一樣,只是不含酒精,而黑麥汁味道似波打酒,微甜,沉鬱,我很喜歡。從來沒有試過吃素也吃得這麼多采多姿,況且為健康,多吃素食,一定有所得著。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-09-15
8 瀏覽
【基因改造漢堡⁉️2018年可以種牛肉⁉️🍔】➖➖➖➖➖相信講到素食大家 都一定會諗起啲咩叉燒齋,咖喱齋🤢而講到素嘅漢堡 一定只有大啡菇漢堡😌 今次我哋去咗中環一間叫 Veggi Monster 嘅素食漢堡店 試一個佢全新推出嘅impossible burger‼️相信本身食素嘅人都肯定聽過impossible food 呢樣野 ➡️一種可以媲美真肉質感嘅食物impossible burger 嘅「肉」主要含有織紋小麥蛋白同血紅蛋白🆎(平時食嘅肉就係血紅蛋白令到有肉味同埋睇落紅色) 所以佢地分別可以製造出肉質纖維嘅感覺同埋漢堡排嘅血色同肉味👅👅➖➖➖➖➖𝐈𝐦𝐩𝐨𝐬𝐬𝐢𝐛𝐥𝐞 𝐁𝐮𝐫𝐠𝐞𝐫 𝐒𝐞𝐭 ➡️ $𝟏𝟎𝟖Buger+Fries/M.Egg/Peach Gum+Single Juice𝐒𝐮𝐦𝐦𝐞𝐫 𝐒𝐩𝐞𝐜𝐢𝐚𝐥 𝐃𝐫𝐢𝐧𝐤 : ➡️𝐜𝐨𝐦𝐛𝐨 𝐩𝐫𝐢𝐜𝐞 $𝟐𝟐𝐂𝐫𝐚𝐧𝐛𝐞𝐫𝐫𝐲 𝐑𝐚𝐢𝐧Lavender , Cranberry Juice, Chia Seed𝐒𝐮𝐦𝐦𝐞𝐫 𝐂𝐨𝐨𝐥𝐞𝐫Pineapple juice passion fruit, elder Flower➖➖➖➖➖偏私主觀評價💁🏻‍♂💁🏻‍♀ 💁🏻‍♀WI: 首先表示我係一個沙律控🥗所有菜入面只係得菇類係唔食 但好多新式嘅素食通常都係用菇黎「扮」肉😟😟 所以一直以黎我對素食都麻麻地😞所以之前見到呢個基因改造嘅impossible meat 想即刻想試 同對佢期望好高🙌 !!我自己覺得impossible meat 真係有肉味🖤食落嘅質感同味道都有啲似煎香咗嘅咸牛肉🐂 牛肉還原度100%😍係素食恩物, burger入面仲有我勁鐘意嘅茄子❗️好夾‼️雖然茄子煎得油咗小小 不過仲有kale中和翻個油膩感 最欣賞係個包 好鬆軟 呢個包 我中箭😭💘而野飲有薄荷好fresh😭 一路食炸薯條一路飲罪惡感冇咁大 chia seed令到更健康 同McDonald新出嘅菠蘿特飲比真係蠃9條街🤗 💁🏻‍♂WU: 講真個句我係個無肉不歡嘅人🥦🤢🥦 🍖😍🍖平時同屋企人食完齋要偷偷地落街買份肉食 先平衡倒個心理 🤦🏻‍♂️硬係覺得唔食肉差緊啲嘢咁🙁所以一開始去試呢個burger之前係對佢一啲期望都冇...打算叫呀wi食晒就算🤷🏻‍♂️ 去之前已經搵定左下場去食嘅野 🤣點知... 佢地個impossible burger 係真心岀乎意料‼️ 我可以發誓唔係為咗賣廣告先咁講‼️佢好食到同真肉係有得揮💕 我相信大部份人依加都係心諗: 齋幾好食都同肉冇得比 就算個樣幾似🤷🏻‍♂️都係冇口感可言。But 相信我 呢個包絕對會令你改觀 🐛我好小會咁Hard Sale😂 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-03
158 瀏覽
無意中發現係公司附近的Veggi Monster新推出左Impossible Burger,塊漢堡扒係完全由植物而製成的純素肉類代替食品,口感&味道跟真肉扒冇乜大分別哦!加左自家秘製調味,令味道更豐富,加上烘得酥脆的麵包,滋味十足!另一推介Monster Egg即係香草炸自製淮山球,炸得香脆不油膩,內裡是香軟的淮山和薯仔蓉,加左黑松露醬香氣十足!最後飲埋杯超健康的ABC Ginger消減一下罪惡感,是由紅菜頭、蘋果、鮮橙等等蔬果自家製成的果汁,天然的甜味,大滿足啊素食都可以好好味的啊! 繼續閱讀
(以上食評乃用戶個人意見 , 並不代表OpenRice之觀點。)