影片
食家推介
12月喇，節日嘅氣氛越來越濃厚🎄🎄🎄，想睇聖誕燈飾，去尖沙咀是常識吧😉！想搵個浪漫又可以邊食邊賞燈飾嘅地方，吾好浪費美好夜晚嘅每分每秒，今日介紹哩間Valeria Bar & Restaurant就絕對可以滿足你嘅願望～餐廳座位之間間隔十分闊落，有一邊雅座正對路邊的燈飾，一眼望出去，滿眼盛載溫馨華麗嘅聖誕氣氛，坐哩個位置系冇可能吾打卡，因為實在太靚，建議book咗位先去，reserve最佳賞景位置～而主角食物都毫不遜色，即刻睇下～▶️是日餐湯粟米忌廉湯🥣($68) 非常creamy嘅湯，入口系粒粒粟米🌽，香甜又濃郁。奉送嘅麵包籃配油醋，脆脆地好美味，仲可以沾上濃湯食用。▶️洋蔥芝士焗青口芝士焗青口以疊羅漢嘅形式奉上，溫馨提示要趁熱食用先鮮美，凍咗就冇咁好味喇！座位頭盤，分量合適，岩曬中意海鮮嘅我～▶️烤焗石斑魚柳🐟($268)擺盤精美之餘，石斑鮮嫩無骨，冇腥味，沾上醬汁，帶出魚嘅鮮味，分量剛剛好～伴碟嘅蔬菜種類繁多，五彩繽紛，烤焗過後上桌，營養均衡👍🏻～▶️深海海螯蝦 配 蟹肉蘆筍意大利飯🦀($288)哩個意大利飯真係啖啖都系海鮮，雖然價格小貴，但係非常足料！主角系拆殼後嘅蟹肉，幾乎每一啖都食到，此外還有海量青口肉、魷魚、鮮蝦、帶子，真材實料好味道！▶️法式奶凍🍮($78)我同老公都好欣賞哩個奶凍，勝在吾會太甜又吾膩，但係又食到濃郁嘅奶香，上面有少少鮮果帶出酸味，整體非常均衡。
繼續閱讀
Valeria Bar 佈置簡約時尚， 枱上 放上別緻的燭台 ， 分外有情調，坐在舒適沙發卡座， 透過大玻璃看到室外的五光十色聖誕燈飾， 感受到聖誕節日的氣氛， 再享受一個有情調的晚餐， 讓人樂在其中。粟米忌廉湯呷一口熱湯暖胃， 清新香甜，啖啖充滿粟米甜香，口感濃稠，令人窩心。白酒香草忌廉青口 大隻挺身的青口， 沐浴在滑溜的忌廉汁中， 青口鮮味嫩滑，每一口夾合滋味的蒜蓉及香草， 惹味中帶淡淡酒香，讓人喜歡。烤焗石斑魚柳石斑魚柳外皮烤至焦脆， 香氣十足 ，雪白的魚肉 ，鮮嫩滑溜，咀嚼時慢慢滲出甘香魚油，細膩口感，份外滋味。深海螯蝦配蟹肉露筍意大利飯肥美的螯蝦， 肉質爽彈，入口陣陣鮮香，意大利飯軟硬適中，而且每口米飯充滿惹味醬汁及鮮味的蟹肉絲， 濃稠鮮味，配上爽脆的蘆筍 ， 滋味味加倍提升，口感豐富。法式奶凍、抹茶芝士蛋糕震騰騰的法式奶凍， 滿滿的奶香， 十分吸引。 紮實的抹茶芝士蛋糕 ， 淡淡抹茶芳香， 甜度適中， 香甜細緻。
繼續閱讀
想去睇聖誕燈飾，就一定要去尖東啦！今日同老公趁住尖東尚算少人，就去左帝國中心附近睇下今年的聖誕燈飾！行左陣見有啲肚餓，就入左間從外面望落去都幾有情調嘅西餐廳！今次就叫左個湯，1個前菜同2個主菜！🫕粟米忌廉湯 HK$88粟米湯比我感覺唔會太杰，相信落粉唔算太多！🧆法式白酒香草忌廉汁青口 HK$178作為前菜黎講，青口份量唔算多，面層好多洋蔥，而味道有啲偏酸！🥘法式海鮮燴飯 HK$288本身想叫一個飯類，侍應同我講今日主廚推介唔係餐牌上嘅燴飯，話係special menu！講到咁特別，就當然要試吓啦！飯粒同一般既意大利飯都係偏向有少少生米既咬口，龍蝦汁味道帶微辣！🐟烤焗盲鰽魚柳配刺山柑汁 HK$268魚塊唔算大，但都厚肉，唔算好滑，味道就中規中矩！而配菜方面有我最鍾意既炒蘑菇，但味道偏鹹，配上魚一齊食反而可以中和左個味道！
繼續閱讀
去尖沙咀shopping行到好攰，要搵地方食晚飯，就諗起帝國中心嘅 VALERIA，已經好一段時間無去過食飯喇，靜靜地同朋友享受一個悠閒晚餐先。今次，選擇咗餐廳推薦嘅dinner set：精選餐湯、Appetizer、主菜、Dessert、drink有齊晒。周打蜆湯配上優質嘅麵包，湯好濃稠，香味撲鼻，可惜的係稍為唔夠熱，湯底帶啲忌廉，加上新鮮海蜆。前菜揀咗白酒忌廉汁青口，青口非常大隻，加上少少白酒調和，帶出香氣。 淋上忌廉汁之後，放上花瓣裝飾，特別吸睛，抵贊！我地點咗兩款唔同嘅主菜，香煎三文魚扒外脆內軟，啖啖嫩肉，香氣十足，配菜有雜菌同三色椒，加上微酸嘅忌廉香草醬，更加突出三文魚鮮味。蟹膏蟹肉以甲羅燒方式烹調，蟹膏鮮香、蟹肉嫩滑，而且份量十足。 意大利飯口感煙韌，入面仲有一梳梳蟹肉，非常甘香滋味。甜品有蘋果同士多啤梨兩種味道嘅芝士蛋糕，十分甜滑綿密。 最後點咗咖啡，香濃大杯，醒醒神後又可以繼續去火拼喇！
繼續閱讀
臨近聖誕節🎄，尖東海濱開始有燈飾了！今次去帝國大廈一間西餐廳，氣氛不錯。🍴芒果🥭莎莎帶子：煎帶子好嫩，中間呈半透明，配埋芒果粒就係清新頭盤👍🏻🍴烤焗石斑魚柳：焗魚柳和配菜炭燒香，配埋沙律汁醒胃。🍴松露雜菌意大利飯：雜菌新鮮，意大利飯煮得剛好。🍴蘋果芝士蛋糕、士多啤梨芝士蛋糕：蘋果味幾特別，士多啤梨味就一般。味道：🔅🔅🔅🔅新鮮：🔅🔅🔅🔅衛生：🔅🔅🔅🔅🔅分量：🔅🔅🔅速度：🔅🔅🔅
繼續閱讀