58
11
2
港鐵九龍塘站 C2 出口, 港鐵九龍塘站 H 出口
繼續閱讀
電話號碼
21168055
開飯介紹
主打薄餅，餐廳充滿意大利風情，以淺啡色為主，加上植物和白色帆布的點綴，令人感覺十分放鬆。
繼續閱讀
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
有關獎賞計劃
食家推介
相關文章
2158 瀏覽
想避開人流，提前一日慶祝母親節。外父鍾意食牛扒，外母鍾意食pizza，小女兒鍾意食薯條煎豬扒 ⋯⋯ 唔使諗，一定係食西餐。之前朋友推薦「又一城」有間意大利家庭式餐廳，牛扒非常正、非常抵食，pizza 批底是現場即製。一於提前訂位試試。「Va Bene」 於1980年代中期已經在蘭桂坊開業，係蘭桂坊最早的意大利餐廳。那些年的蘭桂坊剛開始薄有名氣，係潮人聚腳點。之後範圍不斷擴展，越來越多酒吧食肆進駐，到了1990年代，蘭桂坊已發展成為世界知名的香港旅遊景點。「Va Bene」也一直駐守蘭桂坊，在2001起被「Gaia group」收歸旗下，直至2016年才搬去西營盤，過了不久結業，轉攻上海。估唔到去到2020年回歸香港，並選址又一城。採用半開放式設計，遠遠望過去，見到已經滿座，好彩有訂位。餐廳裝修風格摩登時尚，氣氛有點熱鬧，主力客源係家庭聚餐或朋友聚會；感覺上不太適合男女朋友或兩公婆撐枱腳。餐牌內頁設計簡單，勝在菜式照片印刷精美，引人垂涎三尺；每道菜式都好吸引，令人難以抉擇。同所有西餐廳一樣，享用主菜前先奉上免費麵包籃。三款麵包括各有不同口味，有的鬆軟；有的表層硬脆、內𥚃軟綿，有點似法式長麵包；有的較為粉身，味道微酸。總有一款啱口味，只嫌麵包唔夠暖笠笠。Va Bene Super Cheese Trifola ($198) 係推介菜式及全素 pizza。睇個名就知道，Pizza的材料全部都係芝士，一點肉類都沒有。根據餐牌介紹，共有四款唔同口味嘅芝士，包括 Taleggio、Ricotta、Padano 及 truffle mozzarella。望見一點點黑色微粒，就知道底層份量最多的芝士是 truffle mozzarella。Pizza 批底係餐廳自家現場即製。由麵粉開始，搓麵糰、發酵、最後用麵糰棍輾出批底。所以焗制完成之後， Pizza 邊緣位置不均稱，並非工整的圓形，而且發脹並形成一層脆皮。一口咬下去，批邊表面鬆脆、又有少少焦香；內層則鬆軟兼充滿麥香。芝士味道非常濃郁，加上淡淡黑松露獨特香氣，估唔到原來純芝士 pizza 都幾好食。雖然真係食唔出每種芝士的味道分別，亦唔明白點解要用上四款芝士；唯一知道嘅就係，如果只用單一芝士，味道層次感會差好多。之前朋友極力推介，促成今晚要了 Australian Wagyu Premium Beef Tomahawk ($988)，造就第一次食tomahawk。斧頭扒其實即是連著肋骨的肉眼扒，每件最少重 1.2kg，超過 2kg也是等閑事，足夠四人分享。外型及尺寸大小一如其名：牛肋骨加上大大塊肉眼扒，同一柄斧頭真的一模一樣。影完相之後交由靚女侍應將斧頭扒分身。五成熟的 tomahawk 經過了幾分鐘的 resting，肉汁被吸回，切開牛扒後沒有血水滲出，只見到淺粉紅色的肉心及隱約分布的脂肪，未食已垂涎三尺。講牛肉脂肪分布均勻細密，Australian Wagyu 當然及不上日本和牛，但澳洲和牛始終也是貴價優質牛肉品種，點會唔好食。這一件斧頭牛扒肉質甜美、又有油香，表面又烤至有香脆口感，實在好食。甚至斧頭扒邊位的脂肪，由於同樣烤得表面焦香、多餘油份又已經烤溶滴走，剩下的脂肪同樣好食。各款豬種之中，西班牙伊比利亞黑毛豬公認味道最佳，估唔到 Canadian Pork Rack ($228) 也不遑多讓。豬鞍烤至九成熟，烤爐造成的格仔焦燶紋令豬鞍更香口。切開豬鞍，見到兩邊不同的豬肉紋理。淡白色的豬梅肉扒肉質軟腍、充滿肉汁；靠近豬鞍骨的軟肉就多了一層層相間的明顯脂肪，咬落除了肉香之外，多了滿口油脂，香而不臊，風味較豬梅肉扒更佳。整體味道同西班牙伊比利亞黑毛豬鞍有得揮。醬汁同樣出色，除了燒烤肉汁之外，還加入了新鮮蘋果蓉。唔係第一次食豬鞍配蘋果蓉，但經過今餐之後，就肯定質素有高低之分。記得之前在某間普通西餐廳食過類似的煎豬扒，蘋果蓉太甜、有啲假，燒烤肉汁又得個鹹字，欠缺肉香。至於 「Va Bene」的蘋果蓉配燒烤肉汁就非常出色；酸酸甜甜的鮮蘋果味道無添加，與豬鞍非常匹配；果酸、蘋果香甜與豬鞍的油脂香氣將豬鞍肉味進一步提升。本來諗住叫兩份意大利麵或者意大利飯，估唔到原來件牛扒及豬鞍份量這樣多，幸好只叫了一客 24-month aged Parmesan Cheese Wheel Pasta ($168)，否則浪費食物就不好。可以從五款配料自選組合，包括燻肉、海膽、黑松露、鵝肝及魚子醬。揀了燻肉 Smoked (bacon +$8) ⋯⋯ 總覺得意大利麵只需要配煙肉、風乾火腿或海鮮，選項上的其餘四款食材有點格格不入。一如名字及圖片，主配料就係 Parmesan Cheese。烚熟意大利麵後，用忌廉汁稍稍炒香；再趁熱辣辣放入原個 Parmesan Cheese wheel 內，利用意大利麵的餘熱融化芝士，造成香濃稠身的醬汁。雖然可能係最簡單嘅意大利麵，但往往越簡單、就越美味，也越容易為大部份人所接受。醬汁香濃、芝士味十足；麵條雖然並非自家製作，但食材優質，煙韌、彈牙、有咬口。兩至三人分享就剛剛好，今晚要四大一小分享，就唔係好夠。今晚試了Pizza、牛扒、豬鞍、意大利麵，家庭式意大利餐廳的主要菜式都試齊了。每一道菜式的味道都很出色，食過返尋味。難得價錢唔算貴，份量亦合理；絕對係朋友聚會的首選意大利家庭式西餐廳之一。
繼續閱讀
2021.6.8 Tue Lunch 🤤☺係又一城搵到間性價比高嘅西餐廳，樣樣都好食，讚👍👍👍😋只有Lunch有半自助餐食，超多人。有主菜8款左右你揀，但我覺得沙律吧啲野食仲吸引🤩以下係沙律吧食物: 任食，高質🥰不停驚嘆牛扒同豬手點解可以咁好食，豬手食到有脆皮，但肉勁腍，牛扒又香又腍，仲可以不停去拎(不過好快俾人拎哂，再refill)😘仲有我食好多嘅芝士波波♡竟然有間半自助餐嘅芝士波波係好食嘅！真係好神奇。我見都好多人食。不過有啲會腍啲(新鮮啲，真係食到好香芝士味)，有啲硬啲(無咁香芝士味，我諗係放耐咗啲嘅)。。。前菜沙律仲有好多你揀，不過我專食芝士波波，唔想哂位(胃)😆🍰蛋糕甜品有10幾款，幾乎款款都好食😋有千層蛋糕，檸檬撻，木槺布甸，tiramisu ，朱古力蛋糕等等........全部有水準👍非常驚喜🍉就連水果(西瓜，蜜瓜，哈蜜瓜，果啲)都好食，最神奇係菠蘿都好好食！好甜。。🌷食物質素令人非常滿意，已經想食第2次。
繼續閱讀
又一城開咗間新嘅意大利餐廳，早前已經好想試，特登約好時間同妹妹放工後去食個晚餐。.餐廳氣氛唔錯幾有情調，而且服務員有禮。分為戶外比較開揚嘅用餐區同私隱度比較高嘅室內用餐區，幾啱同情人或者朋友來聚餐。.坐低後服務員好快送上麵包籃，內有5款唔同嘅麵包🥯。當中以香草麵包同芝麻牛角包最出色💕、點埋旁邊嘅意大利黑醋同橄欖油就更加好食。.📍Va Bene Super Cheese Trifola ($198)Va Bene 黑松露多重芝士薄餅薄底Pizza唔易覺得膩，邊位非常薄脆重點係上面加咗多種芝士，食落口感柔軟而且有富有鹹香，雖然冇肉但都唔會覺得單調，黑松露味幾突出，一人食咗半個都唔覺油膩，好食😋💛。.📍Boston Lobster Linguine ($298)波士頓龍蝦扁意粉龍蝦意粉啦以蕃茄汁做底，帶辣味🌶。意粉煮得啱啱好🍝，有咬口又沾滿醬汁，味道惹味。除咗有原隻開邊龍蝦外，本身都落咗龍蝦肉一齊炒，入口啖啖都食到龍蝦🦞，龍蝦冇煮得過熟，入口新鮮彈牙而且充滿鮮味，非常好食😋。.📍Homemade Tiramisu ($128)自家製提拉米蘇係呢個嘅signature dish，基本上個個嚟到都會叫。份量唔少，一定要2人分享✌️🏻。Mascarpone食落口感軟滑細膩，手指餅吸滿香濃咖啡☕️，加上表面嘅可可粉實在非常好食❤️，鍾意食甜品嘅必點。.📍La Farfalla ($118) 📍Marine Splash ($68)2杯飲品presentation 都好靚❤️，但味道就一般😹。清藍色嘅Marine Splash喺一杯冇酒精嘅mocktail，就喺一般梳打類飲品嘅味。La Farfalla 賣相更加靚😍，但味道我地真喺唔中意。
繼續閱讀
晚上係九龍堂上完堂就去到附近的Festival walk揾食. 餐廳提供好多菜式, 奈何餓過飢, 去到9pm個胃口已經麻麻, 所以衹order左一個pasta, 加一個海鮮湯, 兩個人share.Pasta+海膽好creamy, 海膽好高質. 海鮮湯成個海鮮大集匯, 有蝦, 帶子, 青口, 魚, 蜆, 細蕃薯. 個湯超似龍蝦湯但無龍蝦味, 係濃郁的, 但覺得唔夠味, 整體一般.
繼續閱讀