V&K Cafe (已結業)

同同事一齊試伏 。意粉淡如水 。海鮮全部都係清水煮 。落埋明太子都冇味 。三文魚意粉冇汁 。乾爭爭打晒kick忌廉雞意大利飯又水浸咁 。d雞有雪味台鄧非常窄 。隻腳長d都冇位擺

第一次過嚟 幫襯 絕對可能係最後一次， 感覺係 一間完全唔會用心去製作嘅餐廳， 驟眼 嚟睇 以為自己去咗台灣食緊便當， 不過真係有形無實， 呢頭叫 嗰頭已經送餐到你檯面， 工作效率 快過任何一間 快餐店 ， 輕輕咬了一口 滷肉，嘩！鞋颯颯的 到達頂峯， 梅淋牌 雞中翼 冇嚟味道 ， 米飯完全冇台灣米飯 香滑軟糯 嘅風味， 根本就 完全唔好食, 咬咗兩啖之後 起身立刻走人。 前前後後 逗留唔超過五分鐘， 破曬以往幫襯任何一間快餐店用餐紀錄 …………跟住就行咗去附近牛頭角得寶商場 去到大勝豬扒， 再叫返碟 豉油皇雞翼煎蛋飯。嘩！同頭先嗰幾隻雞中翼 簡直就係 爭天共地， 雖然呢度啲雞中翼唔算係極品， 起碼都係熱辣辣 圓潤飽滿 雞肉入味， 咬落去有少少韌性 充滿肉汁， 加埋隻太陽煎蛋， 米飯拌勿咗少量蛋液 同埋 秘製醬油， 熱騰騰嘅米飯 食落有少少溏心嘅效果， 可以感受到餐廳 嘅 用心製作， 呢啲先至喺營商之道。

在九龍灣吃午飯真的讓人覺得很煩惱，不一定坐得舒服之餘價錢亦不便宜，不好吃的店更比比皆是。誤打誤撞地到此小西餐廳吃午餐，環境不錯，燈光，座位，溫度都讓人覺得很relax，比起兩米距離的門外喧鬧，真的覺得有午休時間的感覺。隨便點了時日午餐「香烤雞扒配忌廉黑松露汁意粉」，員工都十分溫柔有禮，食物上得很快，賣相不錯。雖然份量看來少，但其實很足，差點吃不完。一整塊大雞扒用軟趴趴的膠刀切開切得非常容易，還以為是特別厲害的餐具，原來雞肉入口濃香滑嫩，跟醬汁和意粉很配，驚喜得要馬上紀錄一下，為店評評理。

全體同事瀨野之作，睇見門面正正常常，咪一齊買外賣試試佢囉，我自己食吉烈豬扒飯，一食就知死火。塊豬扒薄到得4mm, 仲細塊過肉片炒河d肉片，但d 吉烈粉就成23mm 厚，成塊大細就4隻手指咁上下大。個吉豬醬汁就太酸，加埋d沙律醬，成咁感覺就好似食d酸左既油咁。真係搞唔掂。另外，同事食意粉都話麻麻地。主吃質素就可以用差黎形容，但都好既就係有一粒維記雪米糍同埋有個沙律係送既，都幾好食。同埋員工幾好禮貌。不過呢間真係無下次。

叫左兩個餐🥳有飯有意粉✅飯秒上，好有兩宋飯感覺！沙律菜無味飯ok無驚喜，骨都有四五舊，不過真心無乜肉，個汁好食！不過唔夠多！食左好大舊白飯。個飯好食！！💁意粉係海鮮意，有汁，但無乜味，無乜料，唔係好知食左乜。。😱甜品係雪糕糯米糍，可以想像到食到尾粒嘢嘅精神去到邊🤣🤣🤣如果六十幾蚊食個lunch就唔會再試🤫🤫希望店舖可以減少用膠兜餐具，其實見到都有一點失望！🥲🥲姐姐都好服務嘅。大家辛苦喇！！先叫餐比錢再送餐！餐量比較細，食左都唔飽！

喺附近返工，有日經過見到 未試過就同同事入去試下， 呢間餐廳 門口睇落都靚靚地正正常常， 喺門口望咗幾眼，門口侍應招呼我哋，見未食過就入去試下。 間餐廳要喺門口畀咗錢買咗餐先至可以入去搵位坐， 一坐低就覺得中伏。 位置好窄， 二人一台打 對住坐， 但係坐走廊嗰個一定會畀侍應經過撞到。見住佢廚房將啲嘢食放落即棄餐具到， 嘢食全部用即棄餐具，紙兜膠杯， 嘢食飲品上到嚟賣相非常一般， 食落仲唔多掂， 蜆肉意粉得幾粒蜆肉仔， 又細份， 野飲仲好難飲， 望埋同事實嘅嘢，三文魚得細細塊，唔知想點， 真係唔會再返轉頭。

九龍灣食個Lunch起碼都$50up啦🤔一係就無堂食嘅小店/ 2餸飯/ 米線….我居然搵到$49 嘅西式意粉😳就好似發現新大陸咁開心💕🍝卡邦尼溫泉蛋意粉 (原價$54, 外賣9折$49）呢個價錢有埋野飲！係柚子峰蜜🍯☺️仲有一個小沙律 🥗滿滿沙律菜！最有趣係，溫泉蛋係獨立一隻連殼🥚要自己打，咁就唔怕外賣攞到番去震爛哂啦係咪！？😅結果都好成功，好靚咁打落意粉。亦岩岩好，係半熟狀態😋..最驚喜係有一粒「雪米糍」！🍓草莓味嘅～$49包埋甜品，相信成個九龍灣得呢間先有呢😛值得一星期食1-2次啦！

經過門前面見好幾多人喺度等外賣中, 就係咁吸引我入到去試吓。淨係門前嘅menu其實都幾吸引, 有半隻燒春雞, 德國咸豬手, set lunch $60左右有交易, 而家無論糖色或外賣都有九折優惠。非常簡約裝修香草烤雞半隻配意粉($62), 包沙律菜、熱飲及甜品。店員將我set order奉上時, 頓時感到非常無奈及失望, Cafe 堂食點解全部都係即棄餐具？ 香草烤雞似白烚然後灑上香草及淋上黑椒汁,  顏色一啲都唔似烤過,  幸好雞肉鹹鹹地, 肉質還算可以, 最緊要係冇乜雪藏味, 不過一啲都唔香口, 就當自己喺度食緊鹽焗雞好了。意粉煙韌有咬口, 揀咗黑椒汁很明智。爽脆沙律菜甜品 ~ 啫喱冬瓜茶~很甜, 乾燥天時飲,你可以定義為夠潤。堂食可以用返重用餐具會好啲!

話說之前miss左個意大利粉搵日去堂食試試啦長型鋪面唔算太多位係門口落單 拎號碼牌等上菜堂食都係用即棄餐具🍴方便快捷咁處理訂單有啲唔環保♻️連沙律🥗啫喱都預先裝好個蓋堂食其實係咪可以慳返？落餐先發現原來佢每星期都會更新A-I既menu想食既話不妨去佢fb睇下最新餐牌今次叫左香烤羊架配白飯及紅酒燒汁羊架唔會太重羊羶味煮得啱啱好鮮嫩多汁😋不過就好似一般般手工意大利雞肉雲吞配黑松露忌廉汁及意粉🍝意大利雲吞總以為好細粒點知佢真材實料大大粒啖啖肉 爽口彈牙加上百搭黑松露忌廉汁食指大動 值得推介

新開左一間西餐廳🍴價錢適中各款價格約莫都係$50～70左右跟餐飲同甜品以西餐黎講真係一個唔錯嘅實惠選擇喜愛肉食既我哋一下子就決定左試比利時🇧🇪黑啤酒🍻雞配白飯雞肉軟滑 不過由於係黑啤味道特濃 略嫌苦澀冇飲開黑啤既朋友 未必會鍾呢個味道同埋香烤蜜糖鹹豬手配白飯及洋蔥白蘭地汁雖然個人比較偏好脆豬手但口感煙韌蜜糖味唔係好重 較鹹配飯開胃😆甜品 係酒味水果啫喱中和返油膩感 😋不過友人推介既意大利粉 竟然冇點到😅有機會 會再去試試☺️

某天要去工廠區個邊睇嘢，回程路過呢一間，望落都唔錯咁，係門口餐牌又揀到，但無端端揀咗餐🤣 因為我哋好多時唔使飲品，都唔知點解⋯⋯明明睇緊單叫😆 終於攪到又沙律，又飲品，仲有甜品⋯⋯其實全部都可以唔食😅 我揀飯-黑椒汁串燒牛，女友揀軟殼蟹意粉。兩個都麻麻地，個牛飯，個汁都幾好(好彩，如果唔係都唔知點食晒個飯)，因為啲牛都幾麻麻，我又怕太紅(唔係太熟) 又太大舊又唔夠淋。 女友個意粉，麵粉味都幾重。 仲有甜品👎🏼👎🏼真後悔冇清醒啲單買⋯⋯軟殼蟹仲要腥味，都幾唔新鮮😑

這家樓面只有一條像窄巷的快餐小店，menu設計有心思，全都是大餐廳出品，但均是三兩樣食材加料頭便可成菜的西餐套餐，而它除了外賣，連堂食也用紙盒，總之，快餐王道，夠快、夠方便。... 噢，還有，要夠好味！套餐麻雀雖小，“標配”一應俱全，沙律、甜品全預先包裝好，出菜快，剩下的瓶頸只是如何快速把主菜做好。但不要小看那倆的式甜品及沙律，放在圓形膠兜內，賣相還很理想，味道當然也不錯。看，這即時製作的意粉，賣相美觀，還熱辣辣的，意粉夠Al Dente，蝦夠大隻，有鮮味，並無欺場，意粉汁味道不錯，份量剛好，蠻有水準！像前文所說，這些都是西餐百搭食材，所以只要菜式設計得宜，像香港茶餐廳一樣，只30種食材也能造出數以百種美味菜式，這兩百呎小店也把這道理融會貫通，發揮得淋漓盡致。

算係新開在九龍灣商業區的平價西式餐廳，在光榮茶餐廳的旁邊總是走漏眼。顏色就唔知喇，但店鋪的室內裝橫以白色和木色為主，電視播放著Viu TV。某個星期五的中午走過，裡面只有一枱客人而旁邊的光榮大排長龍，經過幾次都是這個情況，同事提議之下試試佢咩料～㨂好食咩就埋去Cashier落單, 揾個位坐底後，店員好快就送上飲品和食物。忌廉菠菜汁煙肉鮮菇扁意粉 ($52)忌廉加上芝士，算係幾多餸 - 菠菜和煙肉，汁比較稀不能掛在意粉上，要手動撈勻。意粉有咬口偏硬，忌廉汁味道ok! 匈牙利燉牛肉配白飯 ($58) 汁上加上忌廉令整件事present得很好，味道不錯以及份量適中，但唯一但牛肉很瘦及很韌，希望店家可以用些有半肥瘦的牛～番茄海鮮意粉 ($58)不過不失的番茄意粉選擇。總括來講食物質素與價錢對等，五十幾蚊可以食到西餐，有salad（應該係cesar salad汁，好味！）及跟一杯餐茶，最重要是在繁忙時間不用等位！餐盤也印有絲印鋪名在上面，認真度加分！店鋪用的白光燈令人卻步，令人聯想起街邊雲吞麵檔用的燈光，與餐廳定位不一致。建議改用室內色溫選用黃光，給予人較溫暖的感覺。我相信對吸引食客有一定的作用

今日返工落去食飯，見到有間新cafe新開張，咁我就去試一試佢啦，咁你都知啦，九龍灣本身就唔多野食選擇，而家多左一間，好食既話就可以多一間輪流食，其他間間都食到唔知揀咩好。咁唔誚廢話啦，直接入正題。係條街行過行過去嗰陣已經熱到出晒汗，見到有個泰式涼拌柚子雞絲，完全係諗都唔洗諗直接揀左佢。點解? 有泰式又有涼拌完全就係一道消暑涼品，仲要加埋柚子雞，簡直係一味夏天熱門菜式既究極體。咁講返個雞，泰式味又唔係覺得好有，不過個柚子味好突出，因為真係有一粒粒既柚子，個雞係手撕雞亦都十分滑。個飯就係白飯冇乜特別，整體黎講都值好高分，不過份量就有小小唔夠，要注意吓。

今日放lunch見到間新餐廳，諗都唔諗，即刻俾佢門口親切嘅笑容吸引，再望一望係cafe同冰室fusion嘅格局，九秒九入咗去😽😽100%建議如果大家鍾意食清淡野可以嚟食今次叫咗一個慢煮牛丼 一個三文魚蜆肉意粉首先個慢煮牛，最好食竟然係個飯🤤至於個牛，應該由未開鋪就開始慢煮，心機十足，一舊細細既牛就可以令我既牙骹係短短十五分鐘運動量十足😆開心仔 啱晒我呢啲減緊肥嘅人。至於佢上面個啡色液體，應該係汁嚟，小妹本住冒險精神，快吞轟，無事！呀，係無味。不過好啱胃口，因為我每日都係食白焯🥰🥰個意粉我都食得出大廚嘅心思，希望呈現出每樣食材嘅鮮味。每一日嘅層次好分明，輕鬆就食到三文魚，蜆肉，意粉嘅味道。☺️走鹽主意係我要特別加分位，畢竟現代人鈉吸收太勁了🤮講到咁都係希望間餐廳可以再改善，繼續努力