UURO

之前經過東港城，睇住依間餐廳裝修同開張，早幾晚終於嚟咗幫襯，超好生意，因為性價比超高，唔怪得知顧客絡繹不絕😂慢煮牛臉頰 $108配小食香烤粟米作為牛臉頰控，一見到餐牌有依個選擇即刻不作他選😂肉質好軟淋，配埋粟米🌽好正，份量仲好多。煙肉白酒鮮蜆闊麵 $78大堆頭嘅蜆，食極都有，蜆肉味甜，闊麵好掛汁，仲加咗蕃茄仔，感覺好清新健康😋松露野菌手工Pizza $78食咗咁多肉，叫返個素Pizza, 松露好多好香，一啲都唔吝嗇🍕依度嘅主食可以+$23配餐湯裸麥包及飲品，可以揀紅湯或白湯，另外佢嘅裸麥包好好食，甜甜哋好有麥香，我想encore😂焦糖海鹽雪糕牛角窩夫 +$28黑白心太軟 +$28雖然好飽，但都好想食甜品，窩夫好重牛油香，配天藍色嘅海鹽雪糕，好靚好好味。黑白心太軟流心做得唔錯，唔會太甜。評分：最高為5分治癒度：👩‍⚕👩‍⚕👩‍⚕👩‍⚕抵食度：💉💉💉💉💉翻兜指數：🩺🩺🩺🩺UURO將軍澳重華路8號東港城1樓188號舖📍坑口港鐵站A1出口12分鐘路程…查看更多

🍝 主打平價意式料理 🇮🇹，定價大概在 💰 $60-$110 之間，算是非常親民。以這個價錢來說，能吃到有水準的西式餐點 ✨，確實吸引。其中值得一讚的是 🐟 三文魚炒飯，炒得粒粒分明 🍚，魚肉鮮味突出，帶點煙韌感 😋，算是店內的招牌之一；另一道 🦞 龍蝦汁海鮮飯 亦很出色，醬汁濃郁 🥘，帶有鮮甜的海味 🌊，配料份量亦算足，性價比高 👍。美中不足之處，是部份飯類偶爾會偏乾 😮‍💨，如果能處理得更濕潤一點 💦，口感會更理想。總結而言，屬於一間「平💲、靚✨、正👌」的小店，特別適合 👩‍🎓👨‍💼 學生或上班族平日想簡單享受意式風味的一餐。…查看更多

行過東港城，見到呢間UURO嘅門面望落唔錯，亦係同區少有嘅食西餐，加上晚飯時間都唔係話太多人，就入去睇下有咩好食。店嘅面積唔細，坐位亦坐得舒服。小食方面，我哋點咗《蜜糖芥末雞中翼》同《超級惹味粟米》，主菜就點咗個《海鮮龍蝦汁意大利飯》。超級惹味粟米睇落份量好似唔係好多，但唔知點解食極都食唔哂咁。佢味道的確係惹味，同好燒得香，可惜嘅係啲粟米有渣，影響哂成個口感。蜜糖芥末雞中翼個雞中翼燒得好靚，令人胃口大胃，味道亦都好香，加上豐富嘅蜜糖味同點上芥未醬，令到個雞翼一啲都唔膩，再食多隻都冇問題。海鮮龍蝦汁意大利飯有唔少嘅海鮮配菜，加上剛好嘅龍蝦汁，同酸酸地嘅茄汁，唔會令人食到好膩，意大利飯做到Al dente嘅口感，呢個係值得加分｜我覺得佢呢個飯做得唔錯。好奇心嘅驅使下，又去搵下呢間餐廳嘅背景，原坐又係某大知名預製菜集團嘅，當然UURO係我食過佢集團其下質素最高嘅一間之一，，而價錢都合理，只係個人希望唔好食嚟食去都係果間公司嘅嘢。…查看更多

每次lunch都好多人排隊，今次12點啲人龍少啲，等咗10分鐘就有得入，6個人安排坐梳化卡位，有少少逼，張台唔夠位放晒所有菜。叫咗二個pizza,都好有質素，好脆而且有拉，好食過pizza hut👍叫咗一個龍蝦湯海鮮天使面🍽，同埋一個龍蝦湯蟹肉天使面🍛，個龍蝦湯及蟹肉其實味道好淡，海鮮天使麵材料高啲比較好食; 反而個海鮮燉飯好入味，好快清曬😋叫多咗兩個甜品:🧁個tiramisu係海綿蛋糕底，加咗啲類似乳酪嘅物體酸酸地，煎餅嗰個cream會會撻咗落嚟，味道一般海鹽紅豆雪糕窩夫係比較好食，窩夫其實係將牛角包壓成窩夫，好鬆化，配埋海鹽雪糕鹹鹹地幾match，有紅豆反而平一蚊，幾搞笑😂飲品方面，特別飲夠大杯，咖啡就係一般，仲要用紙杯上😑…查看更多

整體4/5～有性價比嘅Cafe👍～主菜（雞扒漢堡飯千層麵嗰啲）好食，不過食完冇印象😂我閱歷少其實覺得還好，呢個價錢有呢個質素我會再幫襯，但係食開貴嘢嘅屋企人就好似唔係好滿意了～作為藍色食物愛好者嗰海鹽雪糕焦糖牛角包簡直係天選甜品，海鹽雪糕當然夠海鹽味，奶蓋都超級好食無謂提，主要係嗰牛角包真心超級好食，焦糖味好濃但係唔膩，而且同嗰雪糕+奶蓋好夾，一熱一凍，啲雪糕融咗唔緊要佢會滲入去舊包度，連埋個奶蓋食更加好味！！！晚市加十幾蚊就有得食，午市普通價都係四十幾，超級抵食，快啲去食⋯～服務OK！記得有個好熱心嘅店員叔叔，佢好Q㗎同埋好熱心服務，態度超好🙂‍↕️🙂‍↕️…查看更多