802
35
5
港鐵油麻地站 A2 出口, 步行約2分鐘 繼續閱讀
所有分店 (2)
電話號碼
68326990
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付 其他
座位數目
100
其他資料
支持防疫 詳細介紹
網上訂座
Wi-Fi
自帶酒水
切餅費
VIP房
電話訂座
電視播放
當面支付
有關獎賞計劃
食評 (917)
等級4 2021-06-01
802 瀏覽
同朋友喺附近想搵地方坐低飲杯嘢,本來對上樓cafe沒抱太大期望,估唔到有驚喜😎食物質素唔錯,下午茶幾抵食添~ 原來cafe裏面有好多隻貓貓🐈🐈所以喺門口都要穿上一次性鞋套保持乾淨!當日我哋叫咗三個餐, 共HK$240~性價比高~1️⃣「泰式冬陰功海鮮野菌忌廉意大利飯」超讚😋 淨係睇名都覺得幾特別,因為比較少意大利飯會做fusion加入冬陰功元素😏 估唔到餐廳係調味方面拿捏得幾好,食得出有冬陰功味道之餘又唔會太辣,risotto嘅質地亦都恰當,煙韌彈牙,唔會過硬👍🏼 配埋藜麥胡麻醬野菜沙律及飲品 (+HK3 轉配URBAN CAFE 精選特調咖啡,凍飲)2️⃣ 小食餐:「芝士醬雞翼」配飲品 (熱美式黑咖啡, 不用加錢) 雞翼炸到香脆,肉質都幾juicy,芝士醬就唔係太濃味嘅~3️⃣ 「香辣蒜香煙鴨胸野菌橄欖油炒意大利麵」,配藜麥胡麻醬野菜沙律,補差價配 (熱)藍花皇家伯爵荔枝紅茶~ 意粉炒得Al dente,香口,整體不錯~ 花茶睇見有荔枝加入嘅,不過飲落去味道就唔太突出~過了一個唔錯嘅下午!💕 店子面積唔大,不過貓貓數量都幾多,所以總會碰到貓貓走嚟走去可以拍下照🐱🐱🐱 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-21
4917 瀏覽
呢間人氣良心cafe大家記得book左位先過黎避免要等太耐😋餐廳食物的性價比好高質素都唔錯啱曬係到坐下傾下計👍🏻.🍴二人套餐👫($278)🍴餐湯及沙律餐湯係南瓜湯可以飲到啖啖南瓜肉🤤沙律菜都幾fresh配胡麻醬好香😋🍴滋味二人小食拼盤(+$28)之前都食過好想食個腸但冇得單叫所以加左個拼盤🤣拼盤入面有薯角、法蘭克福腸同唐揚雞塊份量都幾多❤️每樣都好新鮮整出黎好熱大家要攤一攤先食😋🤣🍴温泉蛋煙肉野菌黃金卡邦尼扁意粉我個人都幾鍾意卡邦尼😋餐廳嘅温泉蛋做得啱啱好可以撈匀成個意粉令整體好有蛋香味配料又夠多👍🏻🍴西班牙黑毛豬肋骨配薯菜本身好鍾意食Ribs之前食過都唔錯❤️好入味好juicy同埋焗到剛好唔會好難切所以同朋友黎食都好易分😋🍴Oreo脆脆特濃朱古力(+$17)好推薦呢杯朱古力差唔多次次都係揀呢個🤣本身朱古力嘅味已經好濃郁配埋oreo好香~如果再多d oreo碎碎就更好❤️🍴香橙檸檬菠蘿紅茶(+$20)飲落好清新好fresh😋酸酸甜甜茶底都幾香配埋一齊都幾解膩😍餐廳性價比真係幾高重要有良心💛回頭率極高🤣📍 URBAN Cafe (旺角)旺角彌敦道566-568A號僑建大廈2樓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-20
5978 瀏覽
係貓貓呀係貓貓呀黎有貓貓既cafe,當然係為左貓貓啦,入門前有部機自動包住你隻鞋唔好整污糟入到去都幾多人,但同時都幾多貓,仲有好多唔同既品種,好得意cafe既環境簡潔舒適,不過為左俾貓貓有足夠空間,坐就無平時啲cafe凳咁舒服,不過有得同貓貓玩都抵啦餐牌就正常cafe西式野,意粉扒甜品咖啡特飲咁,價錢意外地抵餐湯南瓜忌廉湯,南瓜味好濃,沙律同步上枱,精美,性價比高黃金炸蒜卡邦尼煙肉扁意粉,賣相相當唔錯,似白汁多過卡邦尼,入口食落味道都ok,咸淡適中,白汁濃味,麵掛到汁但汁唔太多,卡邦尼黎講無咩蛋味,份量都夠既青檸薄荷蜂蜜綠茶,個樣真心好靚,青檸味好出幾好,飲落其實偏甜,但好彩有薄荷葉清一清,refreshing勞蘇食推介 —— 燒紐西蘭牛肉眼扒配黑松露燒汁當你黎貓貓cafe咁玩貓梗係主角而都預咗食物係入得口已經ok,點知出現左燒肉眼,賣相仍然係不錯,一切入口牛味非常香濃,肉腍而滑,燒得扒邊香口,實在相當好味黑松露汁好味得黎唔會搶牛味,肥位都有煎香,牛脂味好出好正薯條係粗薯,香脆而味道都好好味,整碟實在高質到驚香橙檸檬菠蘿紅茶,賣相依然一流,非常吸引,味道都唔錯,鮮果,唔會好多糖味,飲啖再食扒成餐飯驚喜左茶餐廳多少少既價錢,但食物質素好,飲品賣相正,個牛直情驚,而仲要玩貓貓先係主角不過又唔係完美,因為貓貓好多都唔太跟人,摸佢好多時會走,除咗啲熟客/員工,Tips:帶個袋去會有倍數機會被貓咪寵幸#不定期會有貓餵食時間#除食嘢時都可以係餐廳行黎行去同貓玩都好爽 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-16
3666 瀏覽
自細好喜歡寵物貓貓,所以特別喜歡來今日的餐廳,又可以一邊用餐,一邊近距離親親牠們,推開門已經有幾隻可愛貓貓 ,來歡池迎我們,客人入餐廳前必須戴上鞋套及清潔液搓手, 做足衛生措施,用餐時,可愛的貓貓一時跳上你的枱上, 一時跳上你的大腿上親親你, 逗得大家開心透了。二人套餐$278有餐湯,沙律,頭盤,主食及飲品, 十分豐富和抵食。是日餐湯是日南瓜湯, 香甜美味, 仲食到一絲絲南瓜肉添。爽脆沙律菜配上新鮮鮮蕃茄仔, 伴着酸酸沙律醬,真是令人胃口大開。滋味兩人小食拼盤(追加$28)即叫即製的小食拼盤,熱呼呼、香噴噴,每款炸到金黃酥脆,令人垂涎,炸雞外皮香脆可口,雞肉滑溜Juicy,腸仔皮脆肉嫩,配上粗身薯角,沾上甜酸茄汁, 滋味得令人停不下來。溫泉蛋煙肉野菌黃金卡邦尼扁意粉卡邦尼扁意粉完全沐浴在忌廉汁中, 香氣十足, 先輕輕把溫泉蛋叉開, 金黃色的蛋黃緩緩流下, 拌勻後與滑溜野菌及香口的煙肉一起吃,每口豐富而滋味, 津津回味。安格斯牛肉手工竹炭漢堡配薯角黑色的竹炭漢堡包, 賣相吸引, 熱燙燙的手打安格斯牛肉、半溶芝士及新鮮蕃茄和生菜, 夾在鬆軟的漢堡包裏面,分量十足,大口咬下去,口感超級豐富,牛肉十分軟稔,充滿肉汁,加上半溶芝士,是無比的邪惡和吸引, 伴碟的粗身薯角,入口熱燙燙,愈吃愈過癮。 精選特調咖啡特調咖啡,入口細味到繞舌的咖啡香, 香滑甘醇。草莓荔枝紅莓乾花茶(+$31)草莓荔枝果茶以蠟燭台座熱, 上枱時 ,傳來陣陣果香,入口先是馥郁荔枝香氣, 跟着是草莓及紅莓的香甜,清新解膩, 香甜迷人。抹茶雪山心太軟($25)抹茶雪山心太軟, 輕輕叉開鬆軟的蛋糕 , 流心抹茶緩緩流出,抹茶回甘而不澀,甜度適中, 及配上一球滑溜雲呢拿雪糕,味蕾大享受。. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-15
2680 瀏覽
我成日出街食飯最近先發現OpenRice原來有好多function我冇好好利用,最近又學識咗新嘅search功能,幫貓奴朋友搵到 URBAN Cafe。佢就鍾意好多貓貓好得意,我鍾意食西餐,我哋兩個都啱口味,門口先上鞋套,量體溫消毒雙手,做足防疫措施,感覺夠晒安心啦!小店有限時 90分鐘,所以我都盡快落單。Cafe 場面非常熱鬧,識嘅掛住食玩嘅掛住玩,套餐價錢優惠,包自由選擇 $38以下的飲品,又可以追加甜品。URBAN Cafe 精選特調咖啡清新又帶甘香,味道好,超濃咖啡味,無失望!滋味小食拼盤額外追加 $48 ,小食拼盤分量好大,雞翼、法蘭克福腸、唐揚雞塊、薯角;最啱就係 主食 之前傾偈嘅時候食,酥脆可口,美味又不油膩,可能食物太過香噴噴啦!吸引到貓貓圍住我哋,好溫馨呀!餐湯、沙律是日餐湯質感順滑,口味適中。沙律清新爽脆,加入醋汁,甜甜酸酸更為開胃。Spaghetti 日式青蟹籽大蜆大蔥忌廉扁意粉大蜆鮮美肉厚,最緊要無沙,加上特色青蟹籽同大蔥做點綴,賣相真係搶眼。這裏的扁意粉彈牙十足,吸收了忌廉的精華,而忌廉味突出,口感柔滑香口。Main西班牙黑毛豬肋骨 配薯菜西班牙黑毛豬肋骨厚身口感,足料肉質加上燒烤醬汁,味道濃郁,輕輕一咬便有骨肉分離的效果,入口鬆軟,濃郁的香味充滿整個口腔,還有意式薯菜真是滋味無窮。甜品雪山心太軟到最後又點少得甜品呢!追加了雪山心太軟,濃厚的朱古力香味,一切開如火山熔岩般流出來,配埋雪糕就係冰火配搭,口感完美有驚喜。 繼續閱讀
(以上食評乃用戶個人意見 , 並不代表OpenRice之觀點。)