11
14
7
港鐵灣仔站 C 出口, 步行約3分鐘 繼續閱讀
電話號碼
31013036
開飯介紹
Uptown 90 是一間設有午市及晚市套餐的餐廳,環境舒適,可以唱卡拉ok和擲飛標。 繼續閱讀
營業時間
今日營業
11:00-23:00
星期一至日
11:00-23:00
付款方式
Visa Master 現金
座位數目
80
其他資料
酒精飲品
電話訂座
電視播放
球賽直播
招牌菜
三文治 牛扒薯菜 吞拿魚配尖直通粉 豬柳飯 檸檬汁龍脷魚 雞扒天使麪
食評 (34)
等級1 2017-07-07
559 瀏覽
跟餐主食足料我同同事一人一個餐,豬排跟春卷同薯蓉$63牛利意粉$54 好多舊牛利,比起出面可能得3-4舊,佢至少7-8舊可轉飯/意粉/薯蓉/薯條,等等每人加$1 可有任食沙律吧同甜品,仲有餐湯。埋單加一。都只係$60同$70食到好飽。性價比係相當ok。食個大x樂,都要$40-$50只係多廿蚊,又飽肚味道都比大x樂好。所以性價比好高埋單後發現下次星期一至四去食憑單可以免加一有機會可以再約同事星期一至四去食每人仲平多幾蚊 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-23
927 瀏覽
今日到遲左放飯,無時間去遠一點餐廳,只好在公司附近搵食,見到有間樓上餐廳,查看了豎立在地下的餐牌,見到價格算便宜,決定幫襯。餐廳的裝修格局似酒吧,估計晚上都是招待老外喝酒的。午餐有四至五款選擇,另加$19 可享用湯及自助沙律吧。由於我們都不太肚餓,所以只點了午餐,包一杯熱飲。侍應先奉上一杯熱奶茶,味道中規中矩,但份量偏小,只及一個茶杯的大小,喝幾口已全部飲完。至於主菜西冷牛扒,賣相不差,都算大塊,但牛肉味欠奉,質素似快餐店貨式, 旁邊的大陸同事也是點了牛扒,他說他的牛扒太硬,切不開,最後他放棄食用。整體來講,七十幾元的午餐,實在不能奢求什麼,能夠裹腹已算不錯,不要抱太高期望。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-01-15
4044 瀏覽
好耐無黎啦, 今日同事突然間即興話黎. 所以十一點零打黎book 位. 印像中以前個電話好難打, 而且重人山人海. 有時即日係book 唔到. 但今次即日book不但好快有人聽. 而且lunch time都未滿人. 可能附近真係開左好多差不多價錢的餐廳, 大家選擇多左. 黎呢度最開心係除左主菜外, 重可以享用埋佢的自助沙律吧. 若果你唔叫餐. 只食呢個沙律吧都唔平, 所以叫set其實係抵. 沙律吧範圍唔大. 但以一個set包埋黎計. 款式算很不錯. 湯有白湯同紅湯. 沙律都有兩三款(包括生果, 薯仔或者羅絲粉). 什至有辣有唔辣. 然後還有蕃茄仔, 菜, 春卷, 茄子及蒜蓉包等等. 由於小女子不能食辣, 所以都係以沙律為主. 印像中佢的湯係主打, 以前會餐前飲一款, 餐後再飲一款. 不過今次黎. 無論係紅湯或者白湯, 大家都覺得淡味好多, 而且料都變小了. 好失望. 同事們share食的. 不過呢碟我興趣不大. 只係要左個蒜蓉包伴湯, 但有點硬. 浸下湯食會好d.大部份同事都選西冷牛扒. 一見到個size佢地都超興奮, 因為超大份. 就算無飯都一定飽. 而且唔un. 煮得剛剛好. 佢其實會問你要幾成熟. 但若果大家無所謂. 佢一般裡面大約五成熟, 外面七成熟. (同事提供)而我今次食龍脷柳意粉. 睇落份量唔係好大, 但因為有個沙律吧. 所以咁的份量就剛剛好. 好多時龍脷柳一般都會整到好咸, 但佢唔會太咸算ok. 只係有少少乾. 餐飲以前凍飲好似唔駛錢, 但家下凍飲都要加兩蚊啦. 最後係用番佢比你張單, 可以係一個月內黎食有discount.  繼續閱讀
(以上食評乃用戶個人意見 , 並不代表OpenRice之觀點。)
等級1 2015-11-23
2552 瀏覽
相信喺灣仔工作過嘅朋友,都知道Lunch時間在灣仔要搵嘢食真係有啲難度,所以當日放假的我14:00先出動(任我揀) 門口大大隻字寫住,幾十蚊食到半自助餐,一試之下,出奇地好,牛排一定足8oz仲要係好食嗰隻(夠晒"林"), 這件牛排無咩肉汁, 就係無肉汁我先至LIKE (因為肉汁咪啫係血)加埋伴個黑椒汁ONSIDE【超正】,我朋友就點咗個Pizza份量十足,最特別係PIZZA個醬,個個食PIZZA都食蕃茄醬(這裡是用千島醬囉)真係絕配加埋焗至金黃色的芝士包埋個Salad吧。。。令到幾年無寫食評嘅我都要寫一寫 。。。。。。。。。。。。。。。。。。。。。呀……仲有呀,埋單嗰陣個侍應比咗張收據我,叫我下次黎show呢張嘢(有9折)我一定會再黎囉 繼續閱讀
(以上食評乃用戶個人意見 , 並不代表OpenRice之觀點。)
等級2 2015-11-14
1656 瀏覽
對於銅鑼灣的形形色色的酒吧已沒什麼興趣了,所以發掘了新的消遣地方。這間酒吧位於灣仔區,地鐵下車後步行5分鐘便能到達,十分方便!晚上下班後便和好友們一起到來玩樂。那兒的職員老闆也很友善,服務態度不錯!至於食物方面,不得不讚的是炸魚柳呢 外脆而肉質出奇的嫩滑!是必吃的送酒小食!環境方面也挺好的,不會太嘈吵,因很多酒吧會把音樂調得很大,對面朋友的說話也聽不清楚,幸好這兒沒有這個問題出現過 大家不妨一試! 繼續閱讀
(以上食評乃用戶個人意見 , 並不代表OpenRice之觀點。)