316
64
34
電話號碼
21159956
營業時間
今日營業
11:30 - 22:00
星期一至四
12:00 - 22:00
星期五至日
11:30 - 22:00
以上資料只供參考, 請與餐廳確認詳情
食家推介
有段時間沒有到訪尖沙咀區，旺區當然要習慣性訂枱。今次被安排的位置有點意外而且很滿意，可以靜靜的自成一角進餐，用手機掃二維碼點餐。先來的是他他三文魚沙律 ，賣相色彩繽紛，有輕微炙燒過的三文魚片、魚籽、沙律菜，淋上酸酸甜甜的沙律汁，是一份開胃菜。點了三串串燒，免治雞肉棒兩串(碟下方) ，以為是軟軟的免治雞肉但肉棒結實好味。碟上方是雞胸軟骨串燒 ，入口後能咀嚼軟骨，味道適中，有醬汁輔助較好。一串份量就算是一人享用的話都不夠!熱騰騰，滑滑的日式蒸蛋。無論是大人或小朋友都喜愛蒸蛋，用料豐富，有菇、蔥、蝦等，味足。我們喜愛鮪魚，一客鮪魚壽司盛 有小卷四件、卷物兩件、手握壽司六件。手握壽司六件，三處鮪魚的不同部位，味由淡到濃，肉質柔軟。無論是那一款壽司或卷物，口感都很好，只要慢慢咀嚼便能品嚐美味。雜錦天婦良 有蝦、茄子、粟米等。茄子一件厚身再切薄片，天婦良的麵衣厚度適中，炸後乾爽不油膩，備有蘿蔔蓉及醬汁與天婦良是絕配。漂亮的一行穴子牛油果卷，卷物入口軟綿綿，中間的鰻魚肉鮮味及稍為結實的口感，不錯!價格是稍為偏高，但少食多滋味是正確的。食物及服務水準一如以往的好，是小妹喜愛的日本料理餐廳之一!
繼續閱讀
食lunch路過，入去試一試。突然之間想食個切角魚生飯。$238。自己QR code落單。落咗個淨食，店員非常之好。同一個價錢，幫我轉返佢做一個定食。即係有埋麵豉湯同沙律前菜。😃😄👍🏻嗰碗飯嚟到，真係好大碗！多飯，多餸，超多魚生！講真，真係覺得抵食，而且質素唔差，價錢合理。值得推介。講真，如果離開呢一頭，特登嚟食呢一間都值得。因為可以給返個泊車！🤣😅😄👍🏻中午食飯時間又唔使等位。不過想提一提。個friend嗌咗個叉燒拉麵，感覺唔係好得。所以不值得推介。 個叉燒，係真係叉燒。 有少少似係中式嗰一種。😂🤣🤣 佢真係糾正咗我多年對日式叉燒嘅想法。 個面同湯底，質素好似同味千差唔多。
繼續閱讀
牛肉烏冬非常硬，完全咬唔到海膽手卷海膽見唔到，紫菜係濕咗或者係冧咗，完全咬唔開，問個經理係咪新鮮整佢話即刻整㗎？點解即刻整會咁樣？帆立貝壽司勁細粒食食吓唔對路，仲爭一個西京燒未嚟我哋同佢講如果未整就取消咗佢不過好彩經理態度都算好就話因為今晚好多人食師傅好質素先下降幫我哋取消咗，但係真係好失望，價錢唔係平，但係質素真係仲衰過元氣，起碼人哋個手卷啲紫菜係食到先啦，佢呢個手卷$158海膽就見唔到紫菜就濕嘅都唔知放咗幾耐
繼續閱讀
今日嚟到海港城一間日本餐廳睇吓餐牌，嗯好啦一於試吓！餐廳都算大另外想讚啲待應服務態度都好好👍🏻又有禮貌又幫得手好快啲嘢食就嚟咗第一樣就係海鮮海草沙律份量適中，其實都幾多三文魚，海草喺最底，仲有鮮蝦嘢食全部都有鮮味💛！第二樣係三文魚蓉卷除咗夾喺飯嘅三文魚，仲有舖喺面嘅三文魚😍 食落口感💯最後一樣係豬骨湯烏冬菠菜、油豆卜、豬軟骨✅後記：海港城好多餐廳，感覺好多都貴，但性價比唔高但呢間唔錯👍🏻 有機會可以帶其他朋友再嚟
繼續閱讀
之前明明同屋企人嚟食都冇咁差，點解會咁㗎？好後悔食咗呢一餐飯，成$1000都唔知食咗啲乜，唔係太少啊而係太飽啊！但係我嘅要求唔係要食都好飽但係難食呀嘛！😩因為咁啱有市集喺海港城，點知又係冇嘢睇嘅攤檔太少啦。行一個圈都唔使15分鐘咁咪食飯囉見到有間食韓燒或者shabu shabu諗住咁貴費事食點知嚟到呢間仲衰人哋起碼啲裝修都高級啲啊佢嘢食嘅選擇都幾多嘅，不過質素差係一個重點，我哋樣樣叫啲-串燒啦壽司啦！串燒我喺出邊一啲專門食串燒嘅舖頭食仲好過，完全冇啲串燒嘅感覺最難食係個牛舌，食到爭啲想嘔，又咬唔爛仲要成$100壽司都係啦，佢比出邊嗰啲壽司大件啲，飯又比較煙靭，連我最鍾意食嘅炙燒左口魚裙邊我都覺得好一般，超失望囉埋單仲叫我哋買coupon即係叫我哋再嚟一次😣梗係唔得啦
繼續閱讀