70
25
9
港鐵尖沙咀/尖東站 J 出口, 步行約2分鐘
繼續閱讀
電話號碼
27628822
開飯介紹
文青風cafe，採用大落地玻璃窗、木系為主的裝修配襯植物擺設，非常舒適。自家製作部分食物，如每日新鮮製作的手工意粉，是和閨蜜共聚、約會及假日放鬆的好地方。
繼續閱讀
營業時間
今日營業
10:00 - 21:30
星期一至日
10:00 - 21:30
*最後截單時間21:00
以上資料只供參考, 請與餐廳確認詳情
有關獎賞計劃
食家推介
相關文章
行尖沙咀總係聞到一啲甜甜香香嘅味道，次次都好想響度食嘢，尤其想食甜食😋K11既6樓中間有個平台，可以一覽維港嘅景色我哋食之前傍晚時分睇了個維港日景，食完之後睇埋個夜景，平日既夜晚唔會人迫人，點影同點睇夜景都得。😉呢層旁邊有幾間餐廳，我們揀左間幾受年青人歡迎既Ukiyo呢間餐廳燈光光光猛猛，入去感覺比較有活力同年青餐廳行文青休閒路線，木枱木凳木色系裝修，開放式廚房。睇左佢地Menu先點了 黑松露炒蛋慢煮雞胸All day Breakfast炒蛋加咗黑松露好香，配烤過麵包片👍🏻旁邊有沙律菜、有煮過嘅菇，整碟All day Breakfast都好豐富。小食有 明太子雞翼佢係去咗骨嘅雞翼，入邊夾咗明太子，煎香咗雞翼外皮好香脆和風煙燻辣茄汁配慢煮澳洲和牛面頰手工意大利闊條麵呢個闊條麵小辣，牛肉煎得medium rare，上面仲灑左芝士碎。既然我們今晚咁想食甜品，最後就order咗個 熱情果烏龍茶麻糬窩夫，第一次食呢種麻糬好似醬汁咁淋在窩夫面，另外有一個雪糕球呢個窩夫份量夠四個人分，我們食埋呢個窩夫加埋出去平台睇埋個夜景，感覺好飽好滿足😆😆
繼續閱讀
平時間唔中都會去K11 Musea 6樓睇下景 今日終於黎呢間Ukiyo食麻糬窩夫啦😍 睇返餐牌原來除左窩夫仲有好多野食都好吸引🤩 Hojicha latte $50先黎一杯飲品 焙茶味香濃 拉花都唔錯呀😆 黑松露炒蛋慢煮雞胸 All day breakfast $98呢個all day breakfast好豐富呀🤩 除左個雞胸之外 仲有日本本菇、黑松露炒蛋、烤芝士、自家製酸種麵包😬 雞胸煮得岩岩好 唔會太乾同埋味道岩岩好炒蛋炒得滑身 黑松露味好香自家製酸種麵包好出色👍🏻 加埋芝士真係好食😋 慢煮24小時日式叉燒紫菜窩夫漢堡 $128呢個窩夫漢堡有驚喜呀😬 窩夫即叫即整 熱辣辣 外脆內軟既口感👍🏻慢煮叉燒煮得軟淋又入味 加埋日式紫蘇油醋汁 酸酸甜甜好清新 炸蕃薯條 $68炸得香脆同埋蕃薯感覺健康啲🫢 揀左黑松露蛋黄醬同埋明太子蛋黄醬 2個醬配埋蕃薯條食都好夾呀😋 焙茶黑糖麻糬窩夫 $168重點黎啦🤩 果然冇令我失望呀🥹 窩夫外脆內軟仲要係焙茶底 有淡淡焙茶味 再有少少玄米茶醬起面 喜歡茶味既我係十分喜歡😋 仲有一大塊煙韌黑糖麻糬起面 再加上豆腐雪糕同埋cream 加埋一齊食真係好幸福🥰 整體來講 呢間Ukiyo 環境舒適 食物質素唔錯仲好岩打卡 窩夫好食😋 一定會再黎試其他味😬
繼續閱讀
平日晚餐搵左間靚靚餐廳Ukiyo同朋友撐枱腳。Ukiyo位於K11 6/F，就腳之餘，環境一流。我地叫左幾樣share。主食- 龍蝦汁配大蝦三文魚籽手工意大利寬帶麵。意大利寬帶麵 好闊身而且有一定厚度，食得出係手工整嘅麵，而且咬落好煙韌，唔會一口粉嘅感覺。大蝦挑走左蝦腸，值得一讚，蝦肉陣牙有鮮味三文魚籽份量都幾多，咬落多左份鹹香。小食- 香煎一口慢煮澳洲和牛板腱。份量適合兩個人share充滿肉汁，好香牛肉味仲一d都唔韌，仲加左胡麻醬調味，令牛肉味更突出。飲品- 靜岡莖茶，清新味啖，飲落好舒服。甜品- 海鹽焦糖比利時朱古力麻糬窩夫，比相同想像中更大份窩夫好高質，有香濃嘅朱古力味。做到表面香脆，但裏面係軟綿，水份適中嘅口感。係目前食過數一數二嘅窩夫。麻糬煙韌，唔會太挺身/食落覺得過乾。朱古力雪糕超香濃，窩夫連麻糬，雪糕，朱古力cream一齊食，完全係四重享受。朱古力控必試！整體非常良好，下次想再試多d食物~
繼續閱讀
位於K-11 Musea 6樓既Ukiyo Cafe景觀開揚，穿過6樓空中花園就會到達，以簡約日式既裝修為主調，整間咖啡店透光度十足，加上四周放左d植物擺設，卑人有種慢活悠閒既感覺英式慢煮澳洲和牛面頰全日早餐配自家製酸種麵包慢煮澳洲和牛面頰睇落好似好嫩咁，入面帶粉紅，可能呢個部位脂肪唔多，一切已經feel到好韌，咬落都覺得韌，味道亦都無咩調味，黑松露蛋同其他既配菜都味道正常，反而個自家製酸種麵包我覺得係最出色的宇治金時麻糬窩夫窩夫上面鋪左一層大大塊既麻糬，再撒上大量抹茶粉，抹茶窩夫外脆內軟，麻糬同窩夫兩者無論味道同口感都好夾，又脆又煙韌，微甜、既得意又好味，仲有一球青檸雪葩、豆漿忌廉、紅豆、抹茶爆谷，無諗過係咁好食Mocha拉花係天鵝，因為有朱古力，味道都較甜，呢杯真係岩晒鍾意甜甜地但又怕咖啡味太重既朋友White Coffee咖啡味比較淡，奶泡亦都打得一般，拉花好快散，整杯味道都唔夠rich，唔太滿足到我，有點失望Uji Latte用上京都抹茶粉，抹茶味唔算好濃，轉了燕麥奶走甜，所以拉到呢個形狀已經非常唔錯🤭整體環境係幾舒服，又有陽光滲入咖啡店，卑人有種好有朝氣既感覺，但我張枱比較近開放式廚房，廚房d油煙好醃眼，我食到一半個鼻開始塞同流眼水，抽風系統有待改進，價錢亦都偏貴，雖然貴，但個窩夫真係好好食🤭
繼續閱讀
今日天淸氣朗，這間餐廳有著落地玻璃窗，陽光透進室內，份外開揚明亮。加上木系素色的陳設，再配上𥦬外的瞭寬的高樓景緻，安靜又舒適。餐點方面以輕食為主，有waffle, burger,意粉，all day breakfast 和甜品等。慢煮24小時日式叉燒/青蘋果/田園沙律$108這沙律份量十足，沙律菜十分新鮮輕盈，用的是紫蘇油醋汁，酸爽清新。而日式叉燒有三片，是半肥瘦，十分軟滑，帶醬油風味，再次吃一口清新的青蘋果解膩，很飽足，不錯吧。Flat white $45這咖啡的拉花很美，而且泡沫豐盈幼細，口感十分香滑，有著甘香溫和的咖啡風味，有水準。 香橙伯爵茶開心果黒糖麻糬窩夫$168這窩夫足兩人分享。窩夫大大件又厚身，但口感輕盈鬆化，但那黑糖麻糬比較似膠水，厚厚的，似－層香甜厚身的伯爵茶黑糖膠水黏著窩夫，加埋冰涼的開心果雪糕，再配上淡口的香橙茸，整體味道是ok的，但不太喜歡那黏厚的黑糖麻糬質感。甜蕃薯條這甜蕃薯條是正常水平，有蕃薯的甜味，可惜炸得唔夠脆口乾身，再沾上黑松露蒜茸沙律醬和酸酸地的日式辣茄汁，幾惹味，味道是ok的這兒的環境開揚，又舒適寧靜，是一個k11 Musea take a break 的好地方。
繼續閱讀