影片
以上資料只供參考, 請與餐廳確認詳情
返屋企前經過啟田街市，見到有新餐廳開張，收工時間都有啲人排隊，又覺得佢幾香，就去買咗隻大烤雞。俾完錢，職員話要等5－8分鐘，因為佢哋啲雞係即叫即烤～大概等咗5分鐘，就可以拎到餐，佢有4款汁可以揀，本身職員推介麻辣汁，但因為屋企有小朋友，所以就揀咗牛肝菌汁。返屋企路程大概10分鐘，拎到返到即刻食都仲係好夠熱。打開紙袋，真係幾香，不過始終因為焗住，外皮變腍咗少少都在所難免，可接受啦。一切開仲流雞汁，肉質都幾滑，點埋菇醬又幾惹味，小朋友都話下次想再食。期間都見到幾多人嗌其他飯餐／海南雞，下次可能會試下海南雞或者炸雞～
繼續閱讀