影片
有日番工放break去左悅來坊食野，見到無乜食過依間，就去試下。雞翼扎肉冬蔭功湯河。冬蔭功味唔太夠，不過依間可能會較為港泰fusion D，所以都可以接受。扎肉都幾好食，雖然少左D越南正宗既黑椒味，有d似較為滑爽既豬肉丸片。雞翼同街外既餐廳差唔多，不失不過。整體而言，除左個湯底之外，其他都係可以接受到既範圍，過得去，但唔係依個價錢中食得最好食既一間。
繼續閱讀
剪完髮後諗住下午茶時間想坐低飲杯野，行到悅來見到呢間餐廳個名及佈置咁特別、同埋下午茶餐價錢都ok既情況下入咗去…點知…第一、餐廳職員唔會理客人入來，冇人招呼，直至我自己搵位坐係度好耐、舉咗好耐手先有人見到我，當其時餐廳人客唔多，唔覺得會有咁忙囉！！第二、當我點餐時個服務員先講"冇擺位比你呀"我唔會知道你地啲餐具係放係邊，亦唔會知道你地既操作…係一個咁唔高興既心情下食下午茶，真係食龍肉都冇味！！ 係心不下點咗下午餐其中既香矛雞翼薯條，都要一讚啲雞翼比較外面既味重，可能係做泰菜關係，至於薯條就係普通貨色，冇乜特別、只係跟上泰式酸辣汁及茄汁…
繼續閱讀
蒜茸飽-好像是$38-6大件吃咖哩必備,可試泰式生蝦-$138 有一大碟~肥美的,中間的汁不錯青咖哩牛肉-好像是$88牛腩硬,汁都不感覺到是咖哩呢泰式鳳爪-$58份量ok .入味,辣!但唔夠野咪
繼續閱讀
路經荃灣悦來酒店發現地下層一間超水準既泰菜，侍應推介佢地既西餐，抱住嘗試既心情點咗法國生蠔及羊鞍，超水準！生蠔新鮮又有海水味，絕無欺場。羊鞍表面焦香多汁，絕對唔比任何一間西餐差👍 無想過可以係一間泰國餐食到禁有水準既西餐，絕對值得一試！點了餐牌上推介既幾款泰菜，海南雞，咖哩蟹配蒜蓉飽亦無令我失望。最後埋單每人大約$250倒，價錢合理。順帶一提，泰式生蝦非常新鮮配特別既泰式醬汁，唔怕食生野既朋友可以一試👌
繼續閱讀
從小到大也在這區出沒，見過不小食店的更替；好的不好的也會轉變。酒店商場之前也有大變動，不小店鋪也靜靜的消失；也有很多的新東西可以嚐試一下。中午走過看到此店還在，看看有什麼好食喇！餐廳是食泰菜加酒吧的格局。見到餐牌，就點店長推介試下。青咖哩雞飯餐，上檯時覺得好簡單好似碟頭飯。但不管了，味道才最重要；先試下吧。青咖哩內有豆角、茄子、雞塊及香葉加上青咖哩汁。嘩！好熱，快快的吃一口想不到熱到咁！汁醬有咖哩香；也帶有一點微辣，不過最重的一定是椰漿味，吃一口好像在飲椰汁一樣。配上材料送飯其實是可以的，但喜歡辣的我就差了一點點…不過如果不能吃辣的人，是會喜歡這個平淡的刺激。奶茶也可以，點了小甜來試；也沒有出現苦澀味。好海南雞套餐，這裡沒有標榜什麼正宗海南雞，也沒有什麼海南雞之家之類。不過這個套餐，是我近來有記憶中是最出色的一個！海南雞套餐有湯、飯、飲品、醬油及主角海南雞。醬油一碟有三款，酸辣、薑蓉及黑醬油。酸辣汁刺激，有泰菜口味。薑蓉可方便你把雞當白切雞吃吧！而黑醬油我用筷子點一下就知道對板了！因為醬身十分之(傑)，似濃縮的老抽一樣。要知道黑醬油是海南雞的靈魂，如果不對就變白切雞了。蘿蔔湯咸咸的，不過蘿蔔十分淋；食蘿蔔的話都唔錯。油飯真的是有雞香味，而不是得其色而失其味！外觀看到不會太油膩，米飯粒粒分明；色澤金黃。飯也充滿蒸雞的汁之精華味道，十分出色。海南雞沒有多餘脂肪，入口十分嫩滑。沒有肥的感覺，也有雞的鮮味。比之前其他店食過的不能同日而語。加上三重醬油(酸辣、薑蓉及黑醬油)，立即把滑滑的雞增添上豐富的味道。酸甜辣香滑通通包含！在這麼近的地方有如此出色的海南雞真是喜出望外！因為這海南雞，令我心動會再來試下它其他的東西；看會不會是荃灣最好的泰菜。
繼續閱讀