Tuk Tuk Thai

今日同媽咪嚟食lunch 見咁耐無嚟！平時經過佢都full 客既！話時話都幫襯呢間餐廳都超過十年以上、之前嚟經常嚟食晏！今日食呢個垃圾海南雞飯、非常非常難食！白烚雞咁、一啲味都無、超難食🤮🤮食咗兩啖、實在無辦法食落去！差到一個點😣同之前嚟食完全另一回事！非一般難食！見相就知我無吹水！另一個肉碎飯煎旦都唔係好食、起碼唔好係難食吖！我話晒都食好多間海南雞、呢間係絕對難食我唔會再俾機會佢！點解好好地一間鋪會可以做到咁…查看更多

泰式炒金邊粉金邊粉炒得比較濕身 蝦唔爽唔彈牙又細隻 對蝦嘅味道比較失望 同埋整體份量唔算大 男仔食應該會唔夠飽整體味道不過不失啦海鮮冬陰功湯個湯底飲落係幾惹味幾辣 不過啲蝦又係令我好失望 又細隻味道又唔好 希望可以改善下啲蝦嘅質素🥲同埋碗湯都幾細碗 同朋友2個人唔夠食🥲馬拉盞炒通菜食得出係即刻炒所以熱辣辣好有鑊氣👍🏻味道唔錯👍🏻椰汁冰不過不失冇乜特別整體嚟講就係不過不失泰國菜 午餐時間食應該會抵啲 但晚餐時間食就唔建議 嘢食中環區嚟講唔算特別貴 人均食咗180 但嘢食份量偏少味道又普通 …查看更多

#一個人的浪漫耐唔使都會嚟呢間Tuk Tuk Thai 食晏通常都係一個人嘅時候因為呢度中午提供多款lunch set 價錢由$70+套餐包泰式沙律/湯、主食、飲品、甜品唔知點解Openrice 最近咁多負評蕉媽就覺得食物中規中矩餐廳係泰國人主理、侍應廚師廚師都係泰國人我比較喜歡食呢度嘅湯粉例如冬陰功海鮮河今次食泰式手撕雞濃湯河味道都幾好，成碗俾我清晒甜品仲有椰汁黑糯米，蕉媽大愛Tuk Tuk Thai (中環)中環嘉咸街30號地下…查看更多

途經中環,想起好耐冇食泰國嘢,就去附近呢一間試下。行入門口好有泰國嘅氣氛,重貼曬泰國旅遊嘅相片,諗起好耐冇去bangkok真係心癢癢。Lunch set menu好抵食喎,有沙律或湯,主菜同dessert,仲有飲品㖭。咁就嗌個辣肉碎飯加煎蛋,前菜揀左沙律,飲品就嗌咗杯熱龍眼水。好快上左杯熱飲,同沙律一樣,不過不失。可惜肉碎飯就等咗好耐先上……唔知係咪廚房要等埋幾個order 至一齊先炒?! 終於上菜啦……嘩! 食落即刻消消氣喎,因為食到d肉碎係啱啱炒起,熱辣辣嗰隻,好好味呀! 食埋個dessert先, 係一件泰式椰汁糕之類, ooops竟然要用"好硬"去形容,係咪魚膠粉重手咗呢?完全唔合格。以呢個價錢,係中環黎講,呢個lunch緊緊合格。…查看更多

之前都有食過呢間, 店內裝修好泰國地道FEEL，因為會見到泰王張相LUNCH SET 覺得好抵食6,70蚊左右已經有前菜、主食、飲品(凍飲唔洗加錢，而且可以揀泰式奶茶) & 甜品今日再一次黎食，前菜揀青木瓜沙律，辣辣地酸酸地好開胃，主食要咗冬陰功湯粉，因為上次見到隔離枱湯底飲晒，決定一試，首先飲咗淡湯，湯底好香辣辣地好惹味，食左舊蝦，好霉呀淋晒,口慼爛溶溶好差，十分失望飲品泰式奶茶，正常泰奶偏甜，可接受最後甜品係南瓜糖水$70左右有晒4樣野，原本真心覺得抵食，而且食完濃味野都唔會口渴，但可惜食物出品質素唔穩定，大打折扣。…查看更多