Tuen Mun Baguettes

營業中

休息中

this vietnamese stall nails it- the crispiest and the BEST baguettes we’ve had! u can choose from lemongrass beef/ pork neck/ chicken… all stuffed w chicken liver pâté, pickled radish & carrot and fresh coriander我自己比較少食越式法包，但係同行食開嘅朋友話係成世人食過最好食嘅。麵包超級超級脆，裏面有雞肝醬、酸蘿蔔、芫荽。香茅牛肉超惹味，朋友試咗豬頸肉同雞都話正

試咗豬頸肉法包，個包嘅外皮非常香脆烤得可口，豬頸肉份量好多，亦都好香脆，當中嘅醬汁配搭減少油膩感！Tried the pork neck banh mi , the outer skin of the bun was very crispy and deliciously baked. The pork neck meat portion was generous and also very crispy, and the sauce inside reduced the greasy feeling!

收藏咗兩年，終於有機會食到啦🥹其實除咗banh mi仲有撈檬、撈麵同飯不過一場嚟到當然是佢個主打banh mi一共九款口味，可+$5加雞蛋▶️ 扎肉法包 ($42)個法包脹卜卜大大個🥖烤焗至香脆「嚓嚓」聲，唔會硬或刮口搽上牛油同大量雞肝醬，雞肝醬似肉醬質感，好惹味同時油份令法包冇咁乾身基本餡料有醃蘿蔔紅蘿蔔絲、青瓜片、芫荽🌿分佈平均亦足料扎肉三大片，味道正常，口感似腸仔▶️ 雞肉法包 ($42)算係佢哋signature，不過反而冇預期好食雞肉調味略嫌淡咗啲🐔同埋唔夠厚肉▶️ 豬肉法包x2 ($42)賣相幾靚仔，應該係幾款入邊最好味嗰個▶️ 越式凍咖啡 (+$10)飲落係雀巢咖啡味🤣味道偏甜，但係都好飲嘅呢個價錢值得加錢-呢個Banh mi喺香港嚟講算唔錯，不過可能自己喺越南同星加坡食過好食啲嘅😅整體法包香脆，餡料充足，唯一係調味上差啲香葉味服務幾好，全部即叫即製，暖笠笠店主亦好親切環境雖然冇正統堂食位，但旁邊有得自己開枱同有啲膠凳仔，我哋四個人坐喺門口食頗有風味🤭性價比高，平均$40-50/個，食晒成個banh mi絕對夠飽肚👍🏻

好想食炸脾同法飽。收工就急急腳去搭車（巴士係屯門公路轉車站 轉 67x, 何福堂站落），3分鐘唔洗就到。可能已經成一年多無來，本來坐地嘅木樣餐牌，變咗係頭頂有燈照著。比以前光孟咗，感覺企理咗。可能都近8點，人比較少，好快就有得拎。即刻打開食，熱熱的。邊行邊食😹 行去搭車嘛（如果，唔太趕時間，鋪頭對出有個公園仔，但要小心鳥糞）。講番個法飽，麵包好脆，入面嘅牛肉、肝醬 同 配料都好夾。 加10蚊果杯茶亦都夠味。可惜係無堂食。

某日在社交平台 見到有人推介屯門這小店，今天終於食到，果然名不虛傳！小店一間，應該是家庭式經營，主要做外賣，但門外有小枱及座位可以即買即食。越式法包的選擇有豬、牛、雞、扎內等，價錢均一$42，實屬抵食！飲品也不貴，越式凍咖啡也只是$15，跟餐的話，只需加$10，感受到街坊小店的老實價格。點了一個雞加一個豬，大大個，滿滿的餡料，香脆的法包，加上大量的自家製醃蘿蔔，酸酸甜甜，配合啖啖濃味的肉，以及香菜和肝醬！大滿足！屯門這邊的居民真幸福！

屯門一日遊📍緊係把握機會食返夠本，呢間都bookmark 咗好耐！之前睇YouTube介紹已經好想食🤤終於的起心肝去試～小店不設堂食主要做外賣，而且店面都不算起眼，我哋都搵咗一陣先見到，一到店舖，就見到有人等緊外賣～香茅牛肉法包🐮🌯一拎上手熱辣辣大大個，法包個面勁脆卜卜擦咗肝醬食落唔乾，牛肉腌得好入味好香🤩配上蘿蔔絲🥕加青瓜🥒勁足料，口感豐富，真心出色‼️不知不覺自己都食咗大半個，兩個人share 作為下午茶份量剛剛好～連平時挑食嘅男朋友都忍唔住要搶食🤭✨ 建議大家一定要即食‼️脆卜卜的口感實在令人難以抗拒 🩵依家已經回味緊，一定會再食🥺

唔使點等好快就有得食，星期日下午去，得2-3個人排隊(包括我)有張細枱仔，可以坐低食一陣～幾好但多人就未必有得坐～Menu上有幾款法包，我地叫咗個香茅牛肉法包，份量好大，兩個人食剛剛好，價錢上好抵食第一次係香港食越式法包，有少少期待～好足料，牛肉啖啖肉，易入口，但略嫌有少少乾同埋法包有少少硬身，可能我唔太識欣賞 所以一定要配野飲，都好抵，加$10就有得飲，當係解暑都好正值得推薦大家一試，但就未必特登過嚟屯門食luuuu

前日（22-9-2024 Sun）晏晝有事要入屯門辦，辦完後就搵嘢食，由於我唔係好肚餓，而之前search過有越南法包食，於是行嚟搵，搵到喇，原來呢喥主力外賣，但見有張枱擺喺出面，於是都決定坐喺喥食，我就決定要$36.00嘅肉醬法包，跟餐可以優惠價$10.00要凍青檸檬紅茶，老公要52.00嘅越式雞肉撈檬，同樣跟餐以$10.00要凍青檸薄荷葉梳打。等咗一段時間，嘢食整好，但用膠袋裝住，老闆娘至發現我哋係堂食，而佢哋冇俾筷子嘅，我哋就自己攞。睇見我嘅肉醬法包係幾大件，見到有啲蘿蔔絲同青瓜，食落，法包好脆口，食到肝嘅甘味，但夾埋醃過，酸酸地嘅蘿蔔絲同青瓜，好好味。4.5分老公嘅越式雞肉撈檬呢？份量都幾多，佢食咗就大讚好食，從未食過咁好食嘅撈檬，佢話個檬好滑身，雞肉嫩滑juicy，個汁又好好味。到我食喇，食到雞肉有香茅味同微辣，個汁酸酸地，魚露又落得啱啱好，好味。5分至於兩杯嘢飲呢？我嘅凍青檸檬紅茶好似同普通凍檸茶冇乜分別，唔會太甜有少少澀。3分而老公嗰杯我就冇飲到。抵食係2.5分

原來係屯門很得輝附近,,有間性價比又高質嘅越式小店依間小店係由越南人親自煮理我試咗個香茅豬肉法包同青檸薄荷葉梳打個法包好大個,豬肉份量幾多🐷🐷🐷包身咬落口感鬆軟唔乾個餡用自家調製既醬,,仲配搭埋酸蘿蔔絲,青瓜等🥒🥕豬肉好juicy,夾埋配料口感豐富,又唔膩兼開胃食完咸咸地,飲返杯青檸薄荷葉梳打解渴一流飲落去好香濃薄荷葉味幾清新🍋有淡淡青檸味走甜都唔會酸同梳打水好夾飲品唔大杯,啱啱好夠解渴🥤

我心目中世一嘅越南法包！我會搭個半鐘車專程過嚟食，仲要食兩個先夠🥹真係好好食🫶🏻越式扎肉法包 $39老細係越南人，正宗越南風味🇻🇳🥖法包大大份，即叫即整，拎上手好有份量，而且老細非常大方，落配菜好重手👍🏻外脆內軟又熱辣辣嘅法包，夾滿爽脆醃蘿蔔絲、青瓜、芫荽等餡料，仲有爆多肝醬，十分夠味！鐘意濃味嘅人，一定會愛上❤️而扎肉切得夠厚，咬落去爽口Q彈，好夾！雞蛋法包 $36雞蛋煎得好香口，外面脆脆地，入面有少許流心，好正！睇相都見到好多肝醬，好邪惡🤤呢個價錢絕對物超所值，好推薦大家試！

呢間屯門越南小店真係好高質，每次入屯門都必食。最心水推介係佢嘅法包，就算食咗晏都會買一舊慢慢食.....😋🌯🥒🥕配菜多首先佢餡料超級多，配菜多樣，而且非常豐富，有芫茜、肉醬、青瓜、酸瓜、醃漬酸白蘿蔔、紅蘿蔔等，配合起嚟口感非常好又爽又脆又又酸酸甜甜感覺，非常開胃、清新！🌿🐓🐖🐂餡料有三款揀有烤牛肉、烤雞或者香茅豬扒三款揀。其實三款都好食，但我自己偏愛烤雞，貪佢健康，因為配菜多，所以食烤雞都好清新，又燒得幾香；香茅豬扒都唔錯，香茅味都出；烤牛肉就普通，少少乾身。即係🐓>🐖>🐂🥖法包🥖法包烘熱，外層幾脆，句身煙靭帶嚼勁，加上大量配菜。個包好大件，絕對可以當正餐食。成件事真係好得！😍😋🤭環境🤭注意佢只有外賣，沒有堂食座位。不過可能佢太好食，無論我咩時段去，每次都有三四個客等緊食物。🤗注意🥘法包真係要即食，有次攞走10分鐘後食，法包已經有少少腍，又冇咁熱，已經同即食爭一段距離。其實佢其他檬粉都好好味，下次再介紹。🤗

最近兩次食都好重味精,食完口乾好耐春卷出品質素下降,返到屋企已經淋晒,以前都唔會...似係包裝盒問題?法包味道保持到。平時都係叫呢啲食。出品質素持續下降,店方看到請重視。不過重味精真係好難頂...

先講點餐，紅日第一天入去，門口有一枱人，我前面有兩個人點了餐，但兩個出單都有問題。因此唔好預期會快同準，香港人嘅快同準應該喺呢度係唔會出現嘅，因為真係越南人經營大家比少少耐性。麭的外皮係熱同微脆，咬下會感受到麵包鬆軟。我叫的是豬肉包，豬肉偏肥，係肥到會知道嚼緊肥膏。芫茜是食咁多間店最少的一間，酸蘿蔔配料加了沙律醬，反而唔係好酸，沒有清新爽口的感覺。麭內的肝醬，不同其他店的細滑，這店的肝醬比較大粒，似肉碎多啲。整體所感是可以的，但山長水遠專登入去食就未必有這需要了。

我叫了香茅豬扒包，友人叫了香茅雞扒包。份量很大，材料也很充足，味道還很好吃！以這個價錢來說，真的物超所值！法包烤得又香又脆！豬扒肉非常足料，由第一口到最後一口均有豬扒，味道醃得很惹味！除此之外，還有醃青瓜絲和醃蘿蔔絲，也給得很多，青瓜和蘿蔔能中和豬扒的油膩，但是不會奪去香茅味的濃郁！讓人驚喜的是，它還塗了厚厚一層吞拿魚醬，讓豬扒包的味道非常有層次感，雖然味道豐富，但配起來非常好吃！我從來未試過吃得這麼津津有味，豬扒包讓人一直想吃一直想吃，完全沒有厭膩的感覺！這麼大塊的包，我也少有地全部吃得下，可想而知它有多美味！這個豬扒包真的是我吃過最美味的豬扒包，讓人非常滿足！來屯門的人必定要試！

✨飯類都有驚喜由係未搬舖之前已經有食法包，到搬左係新舖之後覺得乾淨啲衛生啲，新舖的確遠左小小但有時都會掛住行去買。平時都主要係食法包，但今日好肚餓就決定試下佢啲飯。🐔炸雞肉飯 $52開頭叫炸雞飯以為會係有粉醬包住嘅炸雞，食落係同法包餡嘅雞肉相似。打開睇原來飯係包埋一隻煎蛋，菜心、配上小小豉油同葱油，睇落份量好似普通。一路食先知原來配醃蘿蔔絲同紅蘿蔔絲，配上飯食好清新。雞肉份量都可以，食落都有汁唔會乾。配上紅蘿蔔絲解左雞嘅油膩感。食食下就食完成碗飯，加上配料食完就好飽。凍咖啡 配餐 加 $8☕️咖啡味濃，同一般越南咖啡一樣偏甜。飲飲都都有少少上癮🙈如果平時食開法包，都不妨可以試試佢個飯。轉下口感，雖然配料同法包大致上相似，但食落都有驚喜。小店主打外賣，見到有時有比食客坐係旁邊快快食完。放飯時佢地有時都比較多單，都要等耐小小，有需要可以打去電話落單先☺️