35
8
1
港鐵長沙灣站 A2 出口, 步行約6分鐘 繼續閱讀
電話號碼
98165211
附加資料
提供節日到會套餐,可致電外賣自取
營業時間
今日營業
10:00 - 20:30
星期一
10:00 - 20:30
星期二
全日休息
星期三至日
10:00 - 20:30
公眾假期
10:00 - 20:30
付款方式
現金
食評 (51)
我知道長沙灣天悦廣場附近新開咗間Try My Bread🍞嘅小食店,無論social media嘅介紹抑或同事講起,都見過聽過好幾次。但我一直未有意欲去試,因為自己對於麵包無乜大興趣,加上得麵包食,好似唔多夠飽咁。但同事再三yo我試下,話當團年咁話,好啦好啦,一行三人起行。小食店位於營盤街,其實個位唔算太旺,可能因為新開嘅關係同落得廣告多啦,竟然咁多人等緊同排隊👀。我哋事不宜遲即刻睇下餐牌有乜食先,食物選擇主要係法包🥖同滑蛋吐司🍞,另外仲有啲小食。麵包類嚟講最平都要$40一份,飲品另加$10😳。小店定價喺深水埗區嚟講未免太太太進取了吧?由於第一次嚟食,大媽同事提議不如試吓啲精選推介啦,我哋三個就可以試哂門口個牌列出嗰三款3️⃣。咁我哋就去落單啦,老實講我望咗個牌一眼,真係背唔哂三款推介個名,要望住個餐牌recall一下,要啲時間搵返個名出嚟,但長髮女店員塊面開始黑面🌚。算,嗌完食物後,我哋嗌飲品,見到話飲品加$10,但唔知係指邊啲,就多問一句。點知上述嗰位女店員好唔情願咁講除咗沙冰嗰兩款以外都係加$10喎☹️。唉,之後聽到都有其他食客問同一問題,如果咁唔耐煩,點解唔貼張紙仔講呢?咁樣會清楚啲之餘,我哋又唔使煩你囉。不過小店有一樣抵讚嘅地方,就係上菜速度算快,畢竟得兩個人煮,又有咁多客人,我哋都唔使等好耐就有得食👍。食物係即煮,熱辣辣送上的。首先上嘅係小食,煙肉粒芝士醬脆脆薯格($28),價錢唔平,不過份量都算多,而且真係好脆🤤。薯格好大塊,個汁係車打芝士醬,幾惹味,整體係好食嘅,但未到好驚艷囉。再者,我估唔到呢樣已經係四樣食物入面最好食🙈。正宗越式法包🥖($44),法包造型係吸引嘅,有唔少餡料同埋都幾好味,有醃青紅蘿蔔條🥕、青瓜同扎肉。而芫荽同辣椒,店員會額外問你要唔要。至於法包個醬,我估計係肉鬆mix沙律醬?其實越南正宗地道嘅法包應該係用上鴨肝或者鵝肝醬,當然都有可能小店已經用咗,但我就食唔出,因為個醬偏鹹同埋辣,估計用上胡椒,但過量而蓋過咗其他味。除咗餡料同個醬之外,我最失望係個法包本身😟。因為比較實同韌,一啲都唔鬆脆,完全做唔到外脆內軟嘅效果。如果個包唔好食,餡料再好食都無用啦...。同區荔枝角道嘅人氣越南餐廳嘅法包完勝咗Try My Bread。軟殼蟹滑蛋吐司🍞($50),我相信依個係小店嘅招牌名物,而呢個吐司都真係我哋點嘅三款包入面最好食。而呢份吐司獲得較高分嘅原因係因為隻軟殼蟹好好食,即炸好酥脆,蟹肉保持到juicy之餘,仲食得出鮮味🦀。軟殼蟹係幫手搶咗啲分,但我個人覺得佢同滑蛋其實係唔夾的。呢個組合只係將兩樣好味嘅嘢,放埋一齊,但毫無synergy effect(協同效應)😂。由於我哋share食,所以拆開咗個包,仲開心大發現隻蟹其實只係佔咗吐司嘅一半,為咗個打卡造型,而突哂隻蟹出嚟,確係吸引嘅,但入面其實只係得生菜🥬嘅空心老倌🤣。洋蔥牛肉滑蛋吐司🍞($40),呢個係三樣麵包入面最差嘅一樣,我自己就一定唔會encore。首先講咗個餡先,說好的辣芝士醬呢?食哂成份吐司都搵唔到,普通沙律醬就有😑。我可以話滑蛋拼牛肉係夾過滑蛋拼軟殼蟹嘅,但普通料囉。茶記嘅沙嗲牛肉包應該仲好食。作為餡料嘅洋蔥牛肉係用上🐮肥牛片,不過比較細塊同乾身,而且醃到好鹹同幾辣下,同法包個醬一樣重口味,但洋蔥味又唔夠出。洋蔥牛肉係唔好味,但都唔係令我失望嘅主因,而係吐司嗰兩片包完全唔合格👎🏻!聽講呢種吐司係參考自韓國嘅Egg Drop,我就無食過,所以唔知原味係點。講返Try My Bread,🍞吐司塊包嘅其中三邊嘅皮只係被輕輕燙過,得個樣又唔脆,再加上麵包本身好乾,唔係鬆軟、要飲水先食到嗰種,口感似隔夜麵包...。雖然我相信小店用嘅應該係新鮮麵包,但可以考慮入貨入第二種,否則烹飪技巧再好,都只會做壞招牌...。我認為吐司如果似韓國Issac Toast嗰種會好食啲😉。飲品方面,我哋三條友都加咗$10嗌埋,而且專登叫三杯唔同嘅試下。我自己飲🍋青檸梳打,味道正正常常,無咩特別。另一同事叫咗咸檸梳打,我本身唔好呢個口味,所以無試。兩杯梳打都係用上一罐罐嘅梳打水。大媽就要咗熱洛神花蜜,呢杯係三杯入面最好飲,因為洛神花嘅酸被蜜糖中和返,而且味道濃郁,唔錯。服務方面,落單嘅長髮女店員令我有啲唔高興😣,但另一位短髮女店員(我估係老闆)就友善好多,亦都比較主動。佢見我食完嘢都仲有大大杯梳打未飲完準備拎走,佢話不如比個杯蓋我,同埋亦有為我遞上紙巾😄。所以綜合返,服務我唔會俾到太低分。我明白經營小店真係好忙,要一腳踢,但如果想食客成個體驗好啲,店員態度都係重要嘅一環。假若成為排隊店,更加會做到無停手,小店而家應該襯新開多客人嘅時候,demo一下,唔好咁容易做到忟,咁先會令人返轉頭。環境方面,舖位真係好細,加上小店用咗較大嘅位置做廚房;基本上得幾張好窄嘅bar枱仔可以堂食,立食會更適合🙈。因此,一有食客食完起身,個坐位好快就會有人坐咗。小店已經夠細間,但唔知係咪新開嘅關係,未執好舖,而家有ok多嘅位用咗嚟擺貨,實在太浪費空間了...,加上有礙觀瞻。總括嚟講,我認為小店無論環境、食物、服務同定價方面都有大大嘅改善空間🤭!公道啲講,而家各方面都唔可以話係好差,但做飲食業艱難,競爭又大,要做得住,真係要諗諗方法🤔️。食物其實一定唔稱得上難食,但你賣成$40-$50一份,真係要對得住個價錢。而家性價比真係較低,以前我覺得burger得個包都好唔抵,但起碼有塊漢堡扒食得飽。如果男仔食吐司,我估起碼要食兩份先夠。食物係有特色,但作為招牌,應該要整得更加好食,先留得住班客,否則只會係貪新鮮感食下,一次起。題外話,聽講小店都有賣早餐,價錢平啲。我希望小店而家仍然係試業階段,嚟緊陸陸續續會有所進步💪,下次嚟食我係可以俾笑哈哈的。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-28
0 瀏覽
牛油果拼蝦仁滑蛋吐司($50)蛋🍳好滑配合埋牛油果🥑 系長青既早餐配搭麵包烘過 有脆而鬆軟既口感🍞底下仲有少量生菜增加左成份吐司既層次感可惜感覺蝦仁🍤同其他材料既份量太少而成份吐司食落未算特別性價比唔太高😬下次要試軟殼蟹滑蛋吐司 繼續閱讀
(以上食評乃用戶個人意見 , 並不代表OpenRice之觀點。)
呵呵呵終於來了,看到了許多介紹還有是黃店,當然要來吃一下,怎知道真的非常愛上了!今次🧒🏽就吃了他們出名的脆炸軟殼蟹滑蛋吐司,真的有一萬個正點,軟殼蟹真的好好好味,雖然是炸的但是絕對不會吃到滿嘴是油的感覺,加上滑蛋還有那個蛋黃醬的很好吃!而👦🏻就叫了 #德國芝士孖腸滑蛋吐司,這個吐司有了全部他愛吃的東西,所以他真的旋風式吸入哈哈哈哈,吐司真的很正點,又脆又有那個煉乳和牛油真的很好吃呀!飲料方面都有很多選擇,這次我們試了梳打還有越南滴滴咖啡,梳打真的很解渴,夏天真的都很適合! 繼續閱讀
(以上食評乃用戶個人意見 , 並不代表OpenRice之觀點。)
Try My Bread提供唔同包款~唔止賣相靚~味道都好正~去得長沙灣,一定要試下呢度嘅名物「炸軟殼蟹滑蛋吐司」!喺烤得香脆嘅吐司上,夾住滿瀉嘅滑蛋及原隻炸軟殼蟹,真係睇見到心心眼呀!😍人龍長久不散嘅小店~造訪當日,正值中午,已見Try My Bread現長長人龍🤢又係我討厭嘅人龍...不過真係太想試呢個包,只好等囉!😫好彩都無我想像中等咁耐(店員超級摩打手😏👍🏻),落Order連製作,約20分鐘,軟殼蟹吐司就送到我手👏🏻好足料嘅炸軟殼蟹包~當一餐正餐咁食~絕對無問題~令我意外係,呢個包比想像中大好多,足足有我手掌咁大,而且啲餡超多,基本上,食到吐司底部都仲有好多滑蛋,勁足料!🤩對我嚟講,一個包當一餐食用都無問題!至於味道,我覺得非常滿意~!原隻炸軟殼蟹好酥脆,炸得夠乾身,食上去唔會一口油,而且蟹肉滿布蟹膏,肉味濃郁,好高質!我亦好愛佢哋嘅滑蛋,量多之餘,火喉處理得剛剛好,唔老,又唔會水水的,連埋香脆嘅烤吐司食,成件事無得頂!😝新出嘅梅子鰻魚法包!入面夾咗原條鰻魚!!我又試佢哋嘅新包「梅子鰻魚法包」!🤩老闆娘係越式法包Fans,會定期係越南入貨,供應正宗嘅越式法包比客人~另外,仲會自家設計新口味,比大家嘗鮮!今次佢哋就融入日式手法,推出呢款梅子鰻魚法包~呢個包真係不得了...攞係手時,差唔多有我一節手臂咁大😱好巨大!!!入面仲夾住原條鰻魚、滑蛋、青菜,名符其實嘅巨無霸包!足料到爆!!!好彩今次搵咗大食朋友幫手食咋!😂食呢個包,真係啖啖鰻魚肉,好鬼滿足~而且老闆喺包中加咗梅子,平衝咗鰻魚嘅油膩感,酸酸甜甜咁,幾開胃~🤤另外,我哋仲叫咗期間限定嘅法式焦糖燉蛋吐司!燉蛋質地偏硬,不過蛋味好香濃,頂層焦糖脆脆甜甜,唔錯!底層吐司脆磚好酥脆,如果加多啲糖醬會較好,就咁溝燉蛋食,有少少Dry~牛油果沙冰,好香~一啲都唔膩~呢個真係超推薦~估唔到椰子同咖啡咁夾~今次我order咗牛油果沙冰、椰子咖啡沙冰&蜂蜜柚子沙冰~牛油果都係偏膩嘅水果,但喺度飲嘅沙冰,飲上去好順口,無死甜feel,卻又不失牛油果味,天口㷫飲,解暑力唔錯!椰子咖啡沙冰超正!大推薦!椰子味好香濃,突出咗咖啡嘅馥郁芬香味~而且質感好順滑,打成沙冰咁飲,味道一流!至於蜂蜜柚子沙冰就酸酸甜甜,飲完有種好爽嘅feel,感覺都唔錯~!🤤 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-06
203 瀏覽
脆炸軟殼蟹🦀滑蛋🥚吐司🍞 $50呢間店🏡屹立於比較靜嘅地方但佢都算多人食👩‍👩‍👧‍👧👨‍👩‍👧‍👧👨‍👨‍👦‍👦睇相📸好似唔太大舊 但其實只係佢包裝高📦佢實際係都幾大份🤤 都可以填埋個肚🤰🏽個軟殼蟹🦀 係幾好食 都幾大舊 偏鹹 d 沙律醬🍶 甜甜地 mix 埋麵包🍞啱啱好👌🏼佢最細心❤️嘅地方係 佢會分層👻底有蛋🍳 然後呢上一層就有菜🥬 之後再夾蛋🍳唔會話食到尾 無哂料😋😋 繼續閱讀
(以上食評乃用戶個人意見 , 並不代表OpenRice之觀點。)