Triple O's by White Spot (士丹頓街) (已結業)

記得triple o’s 岩岩嚟香港嗰陣時（我諗大大話話都有十幾年前），覺得佢啲burger 都幾貴架，雖然係好好味，但對於當時仲係學生哥嘅我來講，真係太貴，唔會成日食！估唔到今時今日佢嘅定價仲停留緊係十幾年前，感覺上都無乜加過價當而家一杯咖啡閑閑哋都$40-50嘅時候，佢嘅物價就變得相對唔貴了嗰日我哋叫咗兩個包，一個係original, 另一個係bacon and cheese ，另外加咗薯條同埋Oreo奶昔，好邪惡好豐富嘅一餐！由於啲漢堡扒太過juicy, 所以食到我哋成隻手都係汁其實都食得幾狼狽，不過真係好好味！薯條熱辣辣香噴噴又脆卜卜，仲好香薯仔味添，必食呀！另外Oreo奶昔係跟餐額外再加$22 ，入面有一球雪糕，好邪惡但係食完嘅時候個人好滿足！大讚呀

📍Triple O's by White Spot中環蘇豪士丹頓街9號地下.🤓Bacon Cheese Burger💰$69.🤓Combo (French Fries & Earl Grey)💰+$29.本來想食5019之去到明明有枱但佢同我講無位🥲轉個角有第二間burger 無乜諗就入入到去係無人 第一下反應竟然唔係驚有伏 係覺得靜靜地幾好睇黎真係返工返到傻咗 去到唔想對人嘅地步.坐咗埋角落高枱 然後諗咗勁耐食咩好個中文menu廢廢地 每個包啲細字description more or less the same 英文menu先寫明每個burger有啲咩.餐廳貼心地係有提供餐具嘅但我果斷就酒精搓手液然後用手拎住食之後有個男仔黎dine-in 全程用刀叉食真係自愧不如 斯文同manner睇黎都無我份.個漢堡唔係疊到好高好啱打卡個啲好事黎 食得方便啲用支籤吉住片醃青瓜喺包面係佢嘅特色黎然後挑食嘅我望都無望就抆走咗佢佢claimed係澳洲牛肉 咁我食唔出origin啦但好juicy係真嘅 一路食一路都滴汁啲餡幾夾 無話特別有邊隻味突咗出黎 件事係溝得埋嘅好食.薯條係粗薯條 水份足 唔乾身

中環Soho區，除咗酒吧都有呢間連鎖快餐店，店入面得兩三張吧枱，相信呢間主打做外賣生意。我哋入咗店內，職員都好親切有禮貌，而我地就叫左兩個餐。➡️ Mushroom Burger Combo ($69+29) ⭐️⭐️⭐️💫牛肉好厚好juicy，不過就比較油。而我最鐘意嘅係d蘑菇，增加咗個口感之餘仲中和翻牛肉嘅油膩感，啲蘑菇汁令到個包冇咁dry。➡️ 5 Pieces Chicken Strips ($59+29) ⭐️⭐️⭐️💫唔會炸得太乾，入面嘅雞仲幾嫩。外皮好脆好入味，唔會太鹹，點埋d芥末醬，正！Triple O‘s by White Spot 地址📍: 中環蘇豪士丹頓街9號地下 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️抵食💰: ⭐️⭐️⭐️💫