Top Blade Steak Lab (希慎道)

營業中

休息中

今日同朋友喺銅鑼灣附近食飯，突然好想食牛扒，所以揀咗呢一間專食flat iron嘅餐廳，另外一個俾佢吸引嘅地方係佢嘅任食薯條，所以決定一試！佢最平嘅牛扒餐，只係大約$200左右，相當抵食，因為你可以瘋狂追加薯條，所以其實完全唔驚唔夠飽，但係唔好睇佢免費追加，佢嘅薯條質素10分高，條條都好脆，而且味道啱啱好。而佢嘅牛扒可以俾你揀幾多成熟，而且肉質同埋口感都十分之好，絕對係一間，如果你諗唔到食咩就可以去試嘅扒房！

呢間係幫襯咗好一段時間嘅銅鑼灣平民扒房，成為心目中區內搵食嘅pocket list，最鍾意佢嘅前菜同無限refill任食薯條，每次幫襯晚餐都要叫埋先做到圓滿嘅一餐。今次主食揀咗特別版招牌平鐵牛扒Medium，同埋慢煮黑毛豬腩卷，前者雖然比較raw，但係食起上嚟唔會好韌，啱啱好入到口而後者個豬腩卷係12小時慢煮而成，起碼唔會淨係食到過多比例嘅肥肉，有埋水蜜桃、炒紅椒洋蔥做伴碟食落去減輕到油膩感，更為開胃！整體用餐體驗非常好，下次會再邀請朋友一齊幫襯。

朋友慶祝生日，職員笑容滿面，安排坐下後，會主動介紹餐牌是日有咩係無提供，Today's guest chef及餐廳推介的香草平鐵牛扒，兩款都可以選擇熟度， 我哋都叫左5成。Today's guest chef有唔知點解多咗陣炭燒香味而香草平鐵牛扒比較有牛味。比較驚喜嘅homemade sauce pork penne ginger fuston sauce個Homemade fusionsauce做得好好👍好味。今日同朋友慶祝生日職員幫手拎蛋糕出嚟嘅時候都會同你講句生日快樂同埋開下玩笑個氣氛都非常之愉快。整體表現都唔錯，有機會都會再嚟。

我同朋友慶祝生日，喺網上搜尋一間唔錯扒房，職員安排坐下介紹餐牌，剛剛推出一個新Today's guest chef及餐廳推介的香草平鐵牛扒，我哋落單每樣叫左一款。最令我哋留下印象就Today's guest chef可以選擇熟度，仲有加埋自家製埋蕃薯蓉及日式燒汁，配搭唔錯。加上職員服務態度唔錯，主動問我哋使唔使加薯條👍👍👍。埋單後還會溫馨提示我哋用呢張單可以去隔離研香食糖水，當$5 coupon用。今日同朋友很開心可以試到牛扒及糖水，很開心。下次一定會再來。💛💛💛加油

Revisiting was definitely another surprise. Without any disappointment, staff's welcoming greet was sweet. Friendly smile with polite positive attitude. We tried their calamari which was tonight's special appetiser. It was okay. Crispy with golden yellow batter. Appropriate thickness of batter. By dipping the spiced thousand island sauce, it was as good as it shall be.I tried their tonight's special with medium rare. It cooked to perfection. Moist and tender. Perfectly seasoned with quite an int

前所未有咁難食嘅意粉我一家人母親節去食飯 其他三位都嗌扒食首先一個嗌三成一個嗌七成熟結果兩份都係一樣 個樣睇落似五成熟都算我叫咗龍蝦蕃茄茄汁海鮮卷意粉即係類似而家好出名嘅網紅意粉點知一嚟到我真係塊面黑到全枱人都想唔識我碎濕濕嘅卷意粉熙琳琳嘅蕃茄汁加兩隻雪藏蝦我自問廚藝好垃圾都煮得好味過佢10,000倍仲要最尾仲好意思叫我 如果下次覺得唔好食可以食咗一啖之後叫廚房整過仲要話自己都試過都知道麻麻哋請問咁樣真係一個實際嘅建議？？一間餐廳，如果連你個侍應都覺得唔好食嘅嘢點解可以放上枱？一定要擺幅相出嚟俾大家睇係一嚟到嘅模樣

有次行完利園shopping後好肚餓，經過呢間餐廳，試咗個signature嘅TB打扁漢堡包，塊牛肉都幾juicy! 薯條好味😋值得欣賞嘅係漢堡包下面張紙，用咗風琴式設計，可以好似口罩咁笠住個包，食起上嚟無咁lea hea🤣

呢間餐廳我間唔中都嚟。可以話由佢要排隊等位食到佢而家可以直入揀位坐。都唔係話無原因，其實我爭在睇佢幾時比啲西員工搞到執粒。之前嚟食扒，店員好細心講解我哋知有乜嘢推介，建議食幾多成熟。到今時今日，一入舖頭就有個西口西面既女服務員以茶記阿叔既tone問我哋幾位同呼喝我哋「等等」。到我哋坐低自己睇好食乜嘢，就舉手嗌寫嘢。當時另一位戴眼鏡嘅男服務員再次毫無禮貌、黑口黑面咁呼喝我哋「等!等!」，目的係要serve一個遲過我哋入嚟而「比較熟」既客人。同佢講解餐牌，同企係度等佢決定、同點菜。成個過程我係隔嚟張枱望住佢，佢係對我呢枱客人可以話係0專重。都算，好記得間舖初初係好有heart咁主動幫客人無限添黑松露味薯條。松露就無左好耐，男務服務更加只係見到果一位「比較熟」既客人。其實我哋就只係一枱之隔，只係問佢要唔要多啲薯條，全程係見唔到我哋…唔通我哋係入左結界？

今日是但搵左間坐低食晚飯就搵到呢到成個餐牌選擇唔多，肉類多價錢唔算貴，普通扒餐價，而食過既朋友都會知呢到既黑松露薯條係無限fill,而且都係新鮮炸起，今日我就揀咗是日特別版招牌平鐵牛扒，同埋慢煮黑毛豬腩卷。我見到個刻覺得個牛扒。。下，咁細舊收我$2xx….但當我食左一啖就明了，勁嫩肉…..好好食🥹🥹個豬仲更加不得了，啲肉勁嫩勁軟，怕肥唔可以食了，因為佢中間係卷住啲肥膏，就係卷住啲膏煎勁香啲肉留住本身既油，成件事好軟好天然既腍🥹可以一試！！野飲叫左dirty lemon tea。。麻麻。。。無落糖咁。。。好健康。。仲有一杯mango velvet smoothie….香精甜。。。。不了有時時唔鐘意係地板太跣，同埋俾我放袋既兜入面係痴笠我無用到，衛生要再注意一下。

是日精選牛扒 ★★★★☆今次嘅主角係香氣四溢嘅牛扒，火候掌握得宜，肉質嫩滑。配上新鮮迷迭香點綴，香氣撲鼻。牛扒外層燒得香脆，內裡仲保持粉紅色澤，完美演繹medium rare嘅口感。最正係配埋嘅薯條，金黃酥脆，外脆內軟，絕對係牛扒嘅最佳拍檔。餐廳環境 ★★★★☆位於銅鑼灣嘅餐廳設計簡約時尚，米色座椅配搭深色木桌，營造溫暖舒適嘅用餐氣氛。開放式天花設計增添空間感，座位間距適中，私密度都幾好。最欣賞佢哋嘅餐具選擇，黑色餐盤突顯食物顏色，擺盤都幾講究。前菜推介 ★★★★☆炸魷魚圈外脆內軟，配上新鮮檸檬角，酸香開胃。炸粉層夠薄，魷魚夠新鮮，完全冇漏油嘅問題。特別一提佢哋嘅蘑菇小食，簡單調味都好開胃。主菜精選 ★★★★★慢煮牛柳配大蝦係我嘅心水推介，牛肉質地軟嫩，醬汁香濃惹味。配上新鮮蘆筍同大蝦，搭配得好完美。最後仲送上生日蛋糕，係開心果味，香濃幼滑，甜度適中，係一個完美嘅句號。酒品選擇豐富，紅酒白酒都有一定水準，價錢都幾合理。整體嚟講，食物水準高，絕對值得推介。

服務員態度欠差，牛扒質素好差，好像平價冰鮮牛肉扮西餐一樣。與兩位朋友去這間牛扒用餐，之後大家都又屙又嘔、胃痛、成日全身冇力。最後需要去醫院急症室求醫。真的沒有下次，食物質素及服務差過茶餐廳，份量又細；牛扒好似茹毛飲血、服務員拒絕再加熱，薯條🍟好似乾屍一樣，質素差過McDonald，不明白為什麼這些都是賣點。每位二三百元的餐飲，現時香港及內地有好多西式餐廳選擇，真的不建議因為看了食評、去這些地方。

一入到去已經超好服務，員工好好禮貌～薯條一見差唔多食晒就過嚟幫你添，好欣賞Order咗個豚肉通粉都幾好味～下次試埋個意粉薯條熱焫焫～好脆卜卜😍我2個人食咗3兜～真係食佢都飽！之後oder咗份牛扒，好香牛味 好淋～yummy～有質素好服務嘅餐廳真係唔多！會回頭～

👍🏼抵食指數：⭐️⭐️⭐️⭐️😋好食程度：⭐️⭐️⭐️之前朋友介紹過呢間扒房，因為佢嘅薯條係無限添加，已經覺得好新奇，香港好少有呢類扒房可以任黑松露薯條，而且價錢唔算貴，性價比極高。而呢間 Top Blade Steak Lab 位於唔算好多人嘅布慎道，大家經常去cwb 搵食嘅一啲都唔陌生。限時推介 #酸洋蔥平鐵牛扒五成熟嘅 #牛扒，（夾埋 #薯條 ）份量夠一人食，塊扒都幾厚身，咬落下都幾嫩，而且明顯有鎖住肉汁，味道同口感唔錯，亦無太過熟，但唔算係好高質嘅肉扒，呢個價錢算係咁。個 #烤蒜頭 好好食，味道好出，夾埋牛扒一同進食，口感一流！反而佢配上酸洋蔥就有少少唔太夾，可能我唔太好食酸洋蔥，感覺有嘅怪怪地。 #牛肉汁扁意粉
反而個扁意粉有少少失色，意粉煮得有啲生，咬落口就有啲硬，個牛肉汁就不過不失，唔算好出眾，普通牛肉汁嘅味道。所以建議都係食返牛扒會好啲。佢嘅薯條係值得一讚，好脆口，而且侍應時不時都會問食客需唔需要添加。任食薯條確實係佢嘅一大賣點，性價比都尚算高。

非常差的用餐經驗，我們四人每人點了一份主菜和飲品。牛扒和意面味道還可以，朋友點的豬鞍架，一半都是肥膏，全是油根本吃不下。跟店員投訴，他說因為這些豬都是一樣比較肥，然後他說要不換一個別的漢堡給我們。我們就答應了，等了20分鐘，當時店裡只有兩桌根本一點都不忙。我們期間催了一次，店員說馬上好了。過了10分鐘我們又再問，然後他們就說其實我們根本沒有在做新的給你。店員也有點難為情，這就說明可能是廚師發脾氣？哪有這樣的服務態度，浪費時間也很生氣。如果一早說明白不給換哪我們為什麼要我們等那麼久？完全是垃圾店鋪，以後都唔會返嚟! 今時今日咁嘅服務態度真的很過分

係附近行完街，想食好少少，於是就去左呢間主打食flat iron steak, 薯條任食嘅鋪頭！男朋友簡左是日精選嘅慢煮平鐵牛扒，而我就簡左經典香草平鐵牛扒。order 完之後佢就會先上薯條，薯條都係即炸同埋係你面前即撈，非常重truffle 味，都幾好食！你鍾意嘅話可以free flow 食到嘔都得，佢係70分鐘任食等左一陣就上啲牛，相比之下，慢煮嘅方式係比普通平鐵牛扒餐係滑嫩好多，再加上黑椒汁，非常好食。而香草平鐵牛扒就多左陣香草味，煎完口感雖然比慢煮鞋少少，但仍然keep 到陣牛味，可見牛嘅質素都ok! 美中不足係份量比較少，食量較大的朋友可能會覺得唔夠喉（可能佢都係諗住用薯條打爆你個胃)