Tonkotsu 8 by 三田製麵所 (香港國際機場機場一號客運大樓)

營業中

休息中

冇外賣自取咁做咩要俾人揀？Office order完一路冇人接單心諗唔接我單 我都唯有去買其他嘢食所以落嚟問店員係答我 佢哋冇啲咁嘅嘢真係好無奈喺機場返工嘅人，記得唔好喺度咁外賣自取浪費你嘅lunch time時間

📍 Tonkotsu 8 by 三田製麵所 @tonkotsu8_hk 🧭赤鱲角暢達路1號香港國際機場機場一號客運大樓5樓抵港層接機大堂(非禁區)💰人均消費: HKD90.20🆗柚子鹽湯拉麵 Yuzu Ramen $82個湯好淡，柚子味濃但除咗柚子味咩味都無拉麵口感有啲似辛辣麵，唔啱我叉燒都普普通通下次都係唔好亂試期間限定😂#MFJ香港機場 #MFJ日本菜 #mfoodjournal #mfj #foodie #hkfoodie #foodblog #hkfoodblog #japanesefood #hkaiportfood #香港機場美食 #日本菜

今次去到三田製麵所，好期待要挑戰下佢哋嘅經典定食！率先登場嘅，當然係招牌豚肉拉麵，汁靚到不得了，一啖落肚，滋味啱晒心水🍜。嗰塊豚肉，厚切得嚟又卜卜脆，有種咬落去即刻化喺口裏嘅幸福感。話說啲麵條，勁到彈牙得黎仲唔失真味。至於小食，我點左章魚小丸子同煎餃子，小丸子口感彈牙，外脆內軟，掂晒！而煎餃子就嘅話，外皮煎得金黃香脆，餡料又多汁鮮美，啱晒我哋呢班食貨😍。順帶一提，我仲試咗個黃金牛肉丼，佢嘅牛肉簡直係軟滑得嚟牛味十足，米飯香甜好夾，真係食到停唔到口！講真，呢度嘅食物真係使到我忍唔住想大叫，隨時都得意滿滿，大滿足！啲菜單上嘅味道同質素，真係入屋即刻做大家開舞會咁，興奮過癮！下次想帶多幾個鐵口嘅朋友黎，一齊享受呢度豐富嘅味蕾盛宴！🎉

到達機場，有多國美食，選擇進入拉麵店，叫了兩客拉麵。裝修仿日式，大家做得比較親密，如多人一起傾談氣氛就變得熱鬧。醬油拉麵，份量適中，面的韌度也恰到好處，叉燒的厚度相對比較薄，如需多幾遍就需加錢了。醬油湯底，略嫌較多油，此不易飲用。黑豚拉麵，此面的特色在於湯底，黑油味道建議可以濃郁一點，但整體而言味道不錯。可是，面調試有的，味道亦比較淡。加$28有餃子套餐，反而餃子的味道較為出色，加配一罐飲品，價廉物美值得推介。

從來未試過食個咁難事既拉麵，沒配菜，麵同個黑蒜油豬骨湯好似完全冇關係咁，清水煮麵都唔至於咁樣一啲味都冇沒，我自己落啲雞湯煮都好味過佢。 叉燒完全唔係叉燒黎，又難食又硬，唔知邊度搵啲咁既肉。個湯成碗油，我的確叫黑蒜油但唔係第一次食黑蒜油既人都睇得出真係純油，唔知點食得落。野飲仲勁，烏龍茶一杯杯黎，真係賺到盡。難怪間野唔洗排隊，大家如果肚餓其他餐廳又排隊真心建議隔離7仔買啲燒賣或者叫過M記，入返市區/返屋企先食。真心難食到痴線。

事隔5年，終於要飛啦！！！！！🤪🤪所以今日同大家介紹下機場性價比超高既拉麵店🍜～機場既餐廳普遍比其他地區調高價格，而呢一間拉麵店相對性價比超高！二人餐有2碗拉麵、2個小食、2杯飲品，埋單都係200左右，只需人均$100左右就可以係機場食到拉麵🤩🤩湯底濃郁，加上辣油調味，為湯頭增加一點變化，唔會太辣，只係輕微帶出一點辣味，十分温和。加上經典日本拉麵配菜-叉燒，配以豚骨湯，味覺以非常協調。美中不足係叉燒有少少乾硬撈麵賣相吸引，色調配搭令人食指大動😋面頭用栗米、紫菜絲、辣肉碎、大量香蒽，最後正中心放上一顆日本蛋黃，未食已經流晒口水🤤🤤味道食落香香辣辣，加上香蒽調味，撈埋肉碎，口感豐富得黎又刺激食慾！雞翼煮得過熟，肉質有啲「鞋」，不過炸雞中翼上淋了一層韓式甜酸醬，味道酸甜酸甜，滿開胃的。另外，留意要盡快享用，因為甜酸醬包裹既炸雞放太耐的話，外皮會淋晒，影響口感。炸雞超好食！送上枱時重係岩岩炸起，熱辣辣的🤩🤩皮薄肉嫩！外脆內軟！內裹充滿肉汁，而且3件都大大件，份量十足。😋

自從機場冇咗T2，每次都係離境大堂嗰幾間食，選擇好少。今次決定去抵港大堂睇吓，原來開咗間拉麵店！晚上時間坐滿晒，不過都好快有位。 裝修以木材為主，牆上掛上日文餐牌，充滿日式感覺。食物方面比我想像中多選擇，除湯拉麵，仲有撈麵同咖哩飯。鐵板炒飯好似幾好味，可惜賣晒🌟 醬油拉麵 $72🍜醬油湯底清甜，唔會太咸🍜 配上特製粗麵，爽口彈牙🍜叉燒冇咩肥肉🍜份量適合一個女仔，而且味道清清地，冇咁肥膩🌟叉燒炸雞拉麵 $88🍜一見到忍唔到嘩咗聲，又叉燒又炸雞好邪惡😂🍜炸雞又大塊，又鮮嫩多汁💕🍜濃厚豬骨湯底，湯底甜甜地🍜呢個配幼身拉麵，即係一蘭個種，麵質煮得剛好，唔會太淋另外所有麵類、飯類均可跟餐，$28 有餃子加飲品🍜餃子外皮煎到金黃，皮薄餡靚總結：係機場呢個價錢食到呢個質素真係抵食！職員服務態度友善！日後去機場又多個選擇啦！

: Embarking on a delightful culinary journey at Tonkotsu 8 in HK International Airport🍜 Tonkotsu Ramen White: Creamy, flavorful, and oh-so-satisfying! The milky broth and tender cha siu in this bowl of goodness had me craving more. 😋🥟Dumplings: These bite-sized parcels of joy were perfectly steamed and bursting with savory goodness. Dip them in the soy-based sauce for an explosion of flavor! 🥢With only 30 seats, Tonkotsu 8 offers an intimate escape from the airport crowds. Don't miss out on this

之前食過一次呢間覺得唔錯，今次飛吉隆坡前決定再食多次！炸雞香辣撈麵 $88▪️撈麵賣相吸引，側邊圍滿炸雞，而中間有粒蛋黃▪️炸雞同埋撈麵嘅份量都比想像中多▪️炸雞皮薄肉多、十分juicy▪️撈麵醬汁有好香嘅麻油味，完全食唔停口醬油湯櫻花蝦拉麵 $73▪️季節限定拉麵▪醬油湯底香濃▪️配料豐富，除咗櫻花蝦仲有豚肉▪️啖啖都有濃郁嘅櫻花蝦味▪拉麵超彈牙炸雞中翼 $34▪️雞中翼大大隻，咬落去超多汁▪️唐辛子風味辣辣地十分惹味

抵港已晚，又要等半個鐘先有巴士，決定食埋晚餐先番屋企。去左機場抵港大堂五樓既三田製麵所，車水馬龍的人群，要等候片刻才可入座。餐廳裝潢行日本🇯🇵風格，掛滿日式燈飾，木紋條子風格，加上用木牌以日文寫上食品名稱，仿似置身於日本🗾。醬油湯櫻花蝦拉麵🍜+ 吉列豬扒套票：麵條充滿嚼勁，呷一口湯頭，鹹香得宜，櫻花蝦蔥粒湯底透出深色亮麗的湯汁，可按個人喜好加白芝麻，份外提鮮，日式豚肉肥瘦比例適中，風味絕佳。吉列豬扒炸粉不厚，外脆內軟又熱辣辣，即叫即整！皮脆肉嫩。豚骨湯櫻花蝦拉麵+餃子🥟套餐：豚骨湯呈奶白色，用上豬骨頭熬製，份外豐腴濃厚，加上櫻花蝦鹹香加持，香氣十足。餃子煎得好，黃金外皮，皮薄餡靚。總結：值得再光顧落機後上機前醫肚首選

#20230614 🤍📍 Tonkotsu 8 by 三田製麵所 @tonkotsu8_hk赤鱲角暢達路1號香港國際機場機場一號客運大樓5樓抵港層接機大堂(非禁區) 🍽️沙田沙田車站圍1號Citylink1樓111號舖太古太古城道18號太古城中心Apita B1樓TKS-04號舖➖➖➖➖➖➖➖➖➖➖➖➖➖➖➖➖➖➖#孖住食 $198 🥢 #原味豚骨拉麵 🥢 #香辣豚骨拉麵 💭 難得係機場可以食到啲價錢合理既野食👍🏼呢個二人餐係市區都算係抵，更何況入到機場，平時市區啲拉麵都未必有配料跟🍜呢間仲每碗有半隻蛋🥚麵質唔會淋抵讚，塊叉燒又唔會好鞋，當然唔好太高要求，呢個地方呢個價錢比呢個質素，絕對係🐷既接受程度內，所以幾好😎. 🥢 #自家製黑胡椒雞翼#章魚丸子 $38#煎餃子 $34💭 老實講，小食就真係正正常常咁，無話邊樣特別標青，章魚丸子太實又太多沙律醬，下次唔會再叫，其他兩樣都過關，下次再尼🐷都會再幫襯既，因為機場可以選擇既唔多，而呢間又抵食係最大吸引力🤩. 🥢 #可口可樂 🥢 #檸檬茶 .#赤鱲角美食 #🐷在赤鱲角 #沙田美食 #🐷在沙田 #太古美食 #🐷在太古 #🐷_食

之前機場封左關，有唔少食肆都閂左門，依家開番關正常運作番多左好多選擇但我都係中意幫襯呢間拉麵舖🍜因為最幸福既事係落機食翻碗暖笠笠既拉麵🌶️而呢間出面都有分店，不過係機場食係別有一番風味。🐒叉燒炸雞拉麵💰$88+$8加辣今次嗌左叉燒同炸雞2款一齊既拉麵🍗一碗就嘆哂2款招牌配料🥓另外因為我中意食辣所以都嗌埋加辣，咁就可以試埋個地獄湯底，滿足哂我對拉麵既要求俾佢粒炸雞嚇親😂勁大粒又厚肉，而叉燒就正常，入味之餘都肥瘦適中🐷一個女仔食都非常足夠另外枱面都有檸檬水提供🍋如果唔想買野飲既都唔怕口渴，職員既服務態度好好👩‍💼面對住唔少外國客都十分耐心👍🏼十分欣賞店員。如果係飛之前都可以考慮下食埋個拉麵先入禁區，暖暖個胃就可以上飛機舒服咁訓教啦✈️

估唔到喺機場度搵多一間餐廳好食到我覺得要推介俾大家😍機場出名純粹填飽個肚🤐直到今日我要為機場平反 絕對唔係美食沙漠🏜️🍛吉列豬扒咖哩飯 係即叫即炸 熱辣辣🔥皮脆肉嫩😍食一啖已經愛上❤️🍜叉燒炸雞拉麵 湯底濃厚 完全係地道拉麵店嘅味道😛🥟餃子炸雞套餐 餃子煎得好香 皮薄餡靚🤩🍵凍綠茶& ☕️烏龍茶 配埋飲品食完濃味嘅嘢配返杯綠茶 消消濟🫄••••••••••••••••••••••••••••••🍽️ Tonkotsu 8 by 三田製麵所📍 香港國際機場機場一號客運大樓5樓

送完朋友機, 就順便係機場食埋午餐先走。簡單食左碗香辣撈麵都幾唔錯,撈麵送上檯時係暖暖地，好易入口, ,上面有好多辣肉碎，下面亦都有秘製撈麵汁🤩另外仲有唔同嘅配料，例如日本雞蛋、蔥花、韭菜,、生蒜、粟米同紫菜等等💁🏻‍♀️隨麵亦都跟一碗海帶湯，撈麵麵質比較硬身, 但不會唔會死實實拌埋辣肉碎同秘製撈麵汁, 仲有滑滑的蛋黃, 食落香口惹味, 層次和口感亦都俱備。尤其是夏天唔想食成碗湯熱辣辣的拉麵,呢碗香辣撈麵就最合適。, 

「說了再見，約定再見」🧳 送完親戚上機之後快手搵食，黎到接機大堂五樓見到車水馬龍的三田製麵所拉麵店🍜就走去排隊。店舖面積不大， 裝修用上簡單木紋條子，簡單日本木系裝潢，仿似置身日本🇯🇵掛滿日式竹子燈飾，份外明亮光猛。湯底料十分多元化，有白湯、醬油、鹽味，海鮮系拉麵🍜都是熱門的。豚骨拉麵🍜（黑麻油味）+ 餃子🥟（跟餐）：呷一啖湯頭，黑麻油湯底濃郁而不會過鹹，拉麵軟硬適中，毫不吝嗇的蔥花提升香氣，厚切叉燒脂肪部分軟糯同時肉質有咬口，溏心蛋呈流心效果，帶點滷水味道，不錯！餃子煎至香脆可口，外脆內軟，是基本的野菜豬肉餃，內餡仲保持肉質。豚骨拉麵🍜（香辣）：濃厚的湯底，加上一層香辣，淡淡有層次辣味，而且不會太油膩，相對溫和的微辣，食完都不需飲水。仲可以按自己需要加入白芝麻增香氣。總結：餐廳乾淨光猛明亮拉麵🍜高質 有日本🇯🇵味道