14
1
0
港鐵金鐘站 F 出口, 步行約4分鐘 繼續閱讀
電話號碼
69386618
營業時間
今日營業
12:00 - 22:00
星期一至六
12:00 - 22:00
星期日
全日休息
付款方式
現金
其他資料
加一服務費
食評 (15)
等級4 2019-07-03
2477 瀏覽
盛夏天氣又熱又焗,仲要間中嘅過雲雨實在令人無心機,更無胃口。呢個時候好就係食返啲酸甜開胃嘅食物,放工經同事帶路,黎到呢間以蕃茄做主題,全天然無額外添加嘅餐廳,品嚐一下用60斤鮮蕃茄及蔬菜熬煮嘅茄湯。經典蕃茄牛肋肉長通粉。無額外添加嘅蕃醬果真更清爽,味道唔會過甜或過酸。牛肋肉慢煮而成,入味之餘咬落毫不費力,兩者味道一向都係咁夾。而杜蘭通粉食落煙韌帶麥香,混和蕃茄醬之後十分好味。鋪面嘅荷蘭小蕃茄飽滿多汁,入口爽甜令人印象深刻。蕃茄龍蝦汁野菌天使麵。有別於一般紅噹噹嘅龍蝦汁,原來係熬煮醬汁時無落任何茄膏調色調味,所以顏色偏淡黃但仍味道濃郁。醬汁稀稠度啱啱好,掛滿到每條麵條上面。荷蘭小蕃茄繼續清甜爽口,雖然食到尾先發覺係寛條麵,但厚身麵條更同龍蝦汁配夾。蕃茄特厚切豬扒焗飯。豬扒同樣用慢煮製作,咬落鬆軟。焗飯同樣以蕃茄湯煨煮,所以入口除咗飯香更有濃濃蕃茄香味。有時街外食嘅焗飯會覺得過酸,但呢個就酸甜適中,配上焦香芝士,真係零舍好味。整體茄味十足,因為標榜純蕃茄熬製所以食落都唔使就住就住,無添加更健康。 飯後行經太古商場份外感觸,但知道現階段未可以放鬆。路仍然很長但只要港人團結一定會見到雨後陽光。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-25
771 瀏覽
呢間位於循記香港堂後方的餐廳,叫Tomato Story,叫得Tomato, 成間店主打蕃茄,係健康輕食,好啱OL!老店擴充營業, 搬家了。餐廳環境不錯,簡約風格感覺好舒服, 店員亦耐心為顧客解釋菜單, 剩係服務已經同同區的餐廳差好遠, 食落果然同以往街外食嘅不同! -  -  - -晚餐1人set都幾豐富,有沙律,加埋main course同甜品, 黑松露溫泉蛋野菌沙律 單是沙律就已經好有得色, 配搭新穎,每一個項目都好吸引, 黑松露好香, 溫泉蛋亦做到非常流心, 加埋煎得香口的野菌, 野菌沾滿了蛋汁, 健康之餘亦正好開胃開 - - - - 烤春雞香煎芝士義大利飯 烤春雞肉嫩皮香, 果仁與醃料的味道滿滿的滲入雞肉中, 非常容易切開,咬落口肉汁豐富,但重點!重點!重點是極度推介義大利飯!驚喜不斷!個蕃茄義大利飯煎得香口之餘,  因為mix埋左 cream and cheese, 所以係可以拉絲的, 非常濃鬱嘅蕃茄味就會由口腔攻上個鼻!然後加埋啲芝士, 真係極度推介!點都要試一試! - - -蕃茄意式奶凍 甜品當然以蕃茄入饌, 濃濃嘅奶香,順滑嘅口感,加上蕃茄的酸中帶甜, 清爽無負擔, 兩者完美結合實在非常美味!, 就係呢餐完美既終結。 - - 另外仲叫左一個飯 蕃茄牛肋肉蛋包飯 牛肋肉嫩滑Juicy, 肉質入口即溶,味道夠。滑滑蛋包飯賣相吸引, 蛋炒得誘人滑嫩, 蛋汁香味撲鼻而來。番茄好甜!新鮮健康, 皮脆多汁。蛋包飯飯底純粹用混合蕃茄去煮成,再煮到乾身,米飯唔會過淋, 做到啖啖茄味,唔係茄膏的假味, 味道夠堅, 超有心思! - - - - - 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-20
763 瀏覽
去灣仔揾朋友食飯,行行下發現新開左間番茄專門店~價錢唔算高,唔洗100蚊就有個飯,而且裝修都幾chic開放式廚房感覺乾淨明亮 可能因為新開,老闆都好好人咁請我試左下佢地既台灣番茄汁。番茄汁完全沒有放糖,飲落有番茄獨有的新鮮草香味。 我地點左一個烤春雞套餐,套餐包括前菜、主菜、甜品及飲品,另外仲單點左個蛋包飯share黎食。 番茄牛肋骨蛋包飯蛋包飯個蛋皮使用了湖北雞蛋,所以食落蛋味幾香濃,而且煮得都幾嫩滑。飯就當然是番茄飯啦,食落唔會太濕,質感剛剛好。而呢度既牛肋肉真係唔錯,好淋好入味。 黑松露溫泉蛋沙律呢個沙律係跟餐既,黑松露落得好大方,好重松露味 烤春雞香煎芝士番茄飯我地一切開春雞果陣真係哇左聲超多雞汁流出黎,從來都未見過咁嫩既烤春雞!咁啱老闆係隔離,我地就問佢點解會咁嫩滑多汁,佢同我地講其他餐廳因為貪快所以會先炸後焗,咁樣做法好快熟,但就會流失肉汁。佢地全程只用烤呢個方法,而且控製到啱啱熟就上菜,所以切開先會流曬肉汁。同埋個煎番茄飯竟然可以比春雞更驚艷,一切開係有芝士拉絲的,非常香口 蘋果批最後甜品係自家製蘋果批,陷料不算多,但酥皮好脆好重牛油味 另外我地仲叫左個橙汁,飲落ok但不是鮮榨的 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
608 瀏覽
灣仔新開了專門吃番茄的餐廳我同朋友又廿鐘意食番茄🍅緊係唔會錯過由於餐牌仲製作緊所以服務員推介烤春雞配芝士番茄飯餅dinner set另外再叫多一個豬軟骨通粉先上了佢地自家制嘅番茄汁真係好fresh,無添加糖或其他野,我幾鐘意前菜係黑松露溫泉蛋沙津,好重菇味大概等左15分鐘左右 Main course到左,意外地隻雞烤得岩岩好雞胸肉都好滑,好juicy,唔「鞋」最有心機係個番茄飯餅,入面加左芝士,味道濃郁佢嘅通粉好特別,食得出係手工通粉,茄湯濃郁新鮮唔係平時我地食嘅通心粉,彈牙d,厚實d甜品係金黃香脆既蘋果批,酥皮鬆軟 ,啲餡唔會太甜 , 岩晒我低糖既健康要求啊夏天熱辣辣 ,呢啲清新既菜式唔會太heavy 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
466 瀏覽
這家新店我第一次來,座位頗多,有單邊位適合獨食客。環境乾淨,裝修雅緻,坐得舒服Lunch menu 已印在餐墊上,飲品另加錢。不知晚上是否有另一個menu呢我點了經典蕃茄牛肋肉,有兩大舊牛肋肉,肉嫩多汁,份量剛剛好。最喜歡上面兩粒新鮮車厘茄,鮮甜juicy。湯底果然有濃濃茄味。tomato控表示很滿意滿足。這裡服務很好,職員有禮有笑容因為新開張,只接受現金,但我唔夠cash,哈哈哈哈哈,好瘀,唯有放低身上所有cash,出去提款再回來繳付餘下金額,幸好職員都體諒。要加一服務費Overall 我很滿意,可以再來 繼續閱讀
(以上食評乃用戶個人意見 , 並不代表OpenRice之觀點。)