83
46
27
電話號碼
22107071
開飯介紹
餐廳面向吐露港，可飽覽海景，亦設戶外座位。室內樓底高，空間感足。美式、意式西餐及泰菜同時供應。泰式海南雞飯，雞件嫩滑。另有滲入泰式元素的西餐扒類，如泰式香茅燒肋骨等特色菜。
繼續閱讀
附加資料
Last order: 21:45
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
-
網上訂座服務暫停
相關文章
☀️藍藍天空，陽光普照最適合踩單車🚴♀️吹吹風呼吸新鮮空氣。由大埔墟原單車徑出吐露港原海邊踩到入科學園見到間餐廳，日落西山下由黃昏🌆坐到傍晚，餐廳設有室外及戶外。而選擇室外位置環境開陽望山又望海好舒爽，但風🌬️太大，服務員貼心💖為我們坐台位置增添暖爐♨️，好溫暖啊！餐廳Menu內西、泰、越菜為主！🍤🥗大蝦柚子沙律-先來個手工沙津！平時食開嘅柚子比較苦澀, 而餐廳用到嘅柚子比較清甜及加入制過的香油、魚露、乾蔥、蝦乾，有口感，鹹鹹甜甜，好開胃🍍原隻菠蘿海鮮炒飯-分量十足，飯炒得乾身，菠蘿肉超甜多汁，配上滿滿海鮮（青口、魷魚、蝦超級豐富🍸Happy hour真係好抵飲$48-$58🍹Pina Colada -唔想淨飲果汁加少少酒，可以更易入口，椰香菠蘿味清新又好飲易入口!（Rum，Malibu，🍍pineapple appleJuice and 🥥coconut milk)🥃Negroni -微微橙香，酒精濃度強（Gin，Campari，Rosso，Orange）
繼續閱讀
約了友人從大埔出發行去吐露港，慢慢行約2小時到科學園，順便食個Tea，見到呢間餐廳的格局幾正即慶Chill下。餐廳面積頗大，設有戶外座位，內堂裝潢是西式的設計，樓底高有空間感，坐的是梳化椅，落地玻璃透入自然光感覺舒適。戶外座位都不少，露天呢個位置，好適合食泰國菜，欣賞海景吹下海風，感覺幾愜意，一場來到就揀室外。雲蕩過 春風吹 春風吹 吹散了負累~主打泰國菜及西餐，亦有all day breakfast及多款特飲及酒品，假日都有下午茶，但比小食吸引，叫了幾款小食3人開心Share。手機點餐幾方便。串燒沙嗲，$98，要了豬牛雞各2串，試左豬同牛，肉質軟腍幾惹味。酥炸鮮魷配酸辣汁，$98，口感香脆，味道似椒鹽鮮魷，口感爽脆，伴上酸辣汁食幾醒胃。芝士煙肉焗薯皮，$98，薯皮腍腍地有咬口，味道濃郁，配上芝士煙肉酸忌廉口感豐富。芒果糯米飯，$88，芒果有點微酸，有黑糯米及白糯米飯，口感軟糯味道香甜，食埋甜品好滿足呢。凍咖啡，跟餐+$5，友人的。凍檸蜜，跟餐+$5，味道不俗。食物正常水準，價格合理，坐得舒適，加上藍天及海風，飲下野吹下水感覺relax呢，下次有機再來。
繼續閱讀
踩單車回程mark定食Tom bar & grill，下午經過會有人帶狗狗嚟。夜晚就大家坐室內啦，天氣轉凍。黑松露薯條Truffles fries $68配Mayo係小心機，通常都係比蕃茄汁。薯條除咗有黑松露之外，仲有芝士碎。利用薯條嘅溫度溶化芝士添味道。巴馬火腿意式肉腸薄餅Parma Ham & Pepperoni $185豆苗裝飾，成塊都係意式肉腸嘅天下~ 薄既脆pizza，會更加突出意式肉腸既口感。意式肉腸係比平時嘅一般口同埋冇咁乾身，肥肉比較少。食落去覺得冇薄個款咸同乾身。馬拉盞豬頸肉炒河粉 Stir fried rice noodle with pork neck and Belachan $118洋蔥、三色辣椒、小粟米、芽菜同埋金不換。少少點綴係有小蝦米。雖然依度係食西餐，但係泰國菜都幾抵食。佢嘅份量都大，特別係豬頸肉份量好多，舊舊算厚切！上枱時候馬拉盞味道好腸，但係食落去又唔覺得，反而覺得做去食西餐嘅地方，佢嘅鑊氣都幾足夠！河粉係大條啲，口感煙韌！呢度嘅甜品係泰式嫁！！除咗有芒果糯米飯之外、仲有泰式椰汁西米芋頭糕同埋椰青肉大菜糕等等！另外都有雪糕嗰啲。
繼續閱讀
風和日麗，而老婆晏晝有義工活動，咁就當然同啲老友出車啦，不過，今次輕鬆啲，大埔沿吐露港踩去烏溪沙，再原路折返，大部份平路，好易踩。回程比預期早，所以，就晌科學園食個下午茶，晌單車徑側，有幾家餐廳，環境唔錯，點指兵兵就晌「Tom Bar & Grill」坐低咗。 其實，都知道呢類地方多多少少喺食環境，其實，我哋都喺貪佢有個好景，難得今日下午嘅天氣暖和，很有秋高氣爽之感。所以，比平時食下午茶坐得耐啲，傾多幾句偈！ 的確，環境喺呢度嘅賣點，雖然有室內，有室外位，但好明顯絕大部人都揀咗室外，皆因環境開揚，又對住成個吐露港海景，真喺心曠神怡。加上佢哋喺動物友善餐廳，故此，見唔少客都帶同心愛嘅寵物一齊嚟。 其實，室內嘅裝修都唔差，好別緻，地方亦好闊落，樓底又高，晌度用餐一樣感覺唔錯。 雖然有一大疊餐牌，不過，嚟得食下午茶，所以，重點都放晌下午茶餐牌中。價錢比預期中有少少貴，但明白部份成本都喺計及環境因素。 順帶一帶，呢度都流行自助點餐，掃描枱上嘅二維碼，就可以自行落單，當然，照慣例搵侍應落單都無問題啦。今日醉翁之意不在吃，所以，嘢食都喺求其點。 酥炸鮮魷配酸辣汁 $98見呢一款喺店家嘅推介，就先點嚟邊食邊傾。炸得香口唔油，啲鮮魷柔韌有咬口，沾上酸辣汁，微微辣勁，好醒神。 芝士煙肉焗薯皮 $98一客有4件，面頭鋪滿煙肉粒、蕃茄粒，底下先喺芝士，再淋上大量酸忌廉，賣相都幾吸引吓。一口咬落去，啲焗薯好有薯香，而幾樣配料混埋一齊，食味真喺唔錯。 公司三文治 $98呢個公司治跟餐牌嘅相真喺有較大嘅落差，所以，送到嚟外觀喺有啲單薄，睇啲料亦好似比較大路、普通，不過，食起嚟味道又唔差啫，只喺唔突出，賣呢個價有少少貴，當然，正如上文所講，個價仲反映埋晌個環境上。熱咖啡、熱奶茶、熱檸茶雖然餐飲可以升級，但我哋都喺揀番基本嘅熱飲。小弟揀咗咖啡，睇見面層嘅咖啡油，感覺已經幾對辦，實際上，杯熱啡又真喺幾唔錯，醇厚、芳香。 晌度只喺食個簡單嘅下午茶，足足坐咗個幾鐘，皆因真喺好舒服、好寫意，有種偷得浮生半日閒嘅感覺。
繼續閱讀
餐廳前面有海濱長廊，可以散步或踩單車，一邊望大埔，一邊望馬鞍山。餐廳提供泰菜同西餐，當日係下午茶時段。餐廳有戶外同室內座位。黑松露薯條 $65有一大羹黑松露，沙律醬係另上，好食，跟餐飲。。炸蝦餅配酸辣醬 $95蝦餅外層好脆，蝦肉彈牙。唔錯。跟餐飲。。酥炸鮮魷配酸辣汁 $98鮮魷彈牙，炸粉算薄，唔錯。跟餐飲。。酥油餅 Roti $58新鮮熱辣，好脆，無手抓餅咁膨鬆。餐廳野食同環境都唔錯。係科學園返工嘅大家應該無咩興趣，行商場行到悶哂，想有啲新意可以去試下。科學園仲有「金蛋」可以影下相，小朋友又有地方玩下。可以係沙田或大學話搭車入去。推介指數：8/10抵食指數：7/10📍 Tom Bar & Grill (沙田)沙田白石角香港科學園科技大道東16E號海濱大樓二座地下S088-S089號舖
繼續閱讀
您可能會有興趣的...