55
3
2
港鐵天后站 A2 出口, 步行約9分鐘 繼續閱讀
電話號碼
28188807
開飯介紹
坐落於大坑精品酒店,以上世紀三十年代的經典前衛風格,另有一番時代感。餐廳採用來自世界各地時食材,而開放式廚房更可讓客人一睹大廚精廚藝。 繼續閱讀
營業時間
今日營業
12:00 - 15:00
17:00 - 00:00
星期一至四
12:00 - 15:00
17:00 - 00:00
星期五至六
12:00 - 15:00
17:00 - 01:00
星期日
12:00 - 15:00
17:00 - 00:00
付款方式
Visa Master 現金 銀聯 支付寶
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
加一服務費
室外座位
當面支付
有關獎賞計劃
食評 (60)
等級4 2018-10-12
176 瀏覽
朋友揀左間位於大坑既餐廳,好彩有book黎到基本上full哂~餐廳仲有個露台位可以室外用餐,望出去都覺得幾好feel牆身壁畫超靚,相信入邊應該畫左唔少大坑既地標,用黑白painting,得別有feel,有點中西合壁既感覺呢張相等左好耐先影到,原來頭頂既燈拼砌左餐廳名TIPSY,應該都係餐廳既特色之一。PS: 為左影佢等大部分客人走左先影到,好彩唔洗等到收鋪!黎得高級餐廳都要飲下酒扮下high class,咁岩見餐廳有special set,四隻生蠔加兩杯白酒都係148,好抵食!生蠔中等size,海水味唔太重,質感爽甜! 用黎做開胃菜相當唔錯!Blistered Spanish Red Prawn in sake and sesame oil以為佢係類似涼伴既蝦沙律之類,原來係熱食~餐廳話大蝦主要用SAKE同芝麻油調味煮熟,食之前再燒一燒香!之後蝦頭既膏壓哂出黎再撈埋下邊既脆米一齊食~本身脆米無咩味,撈左蝦膏之後好似食緊蝦餅咁,蝦味超濃蝦肉好滑好彈牙,而可能蝦肉拆左殼煮,平時食既蝦肉都係得蝦味,呢隻蝦反而煮得非常入味,除左蝦既生仲食到少少酒香都調味料既香味。Pan-seaed Foie Gras with Poached Pear鵝肝大件又厚身,一切開仲有油脂湧出,鵝肝騷香,入口又香又滑入口即溶! 超正! 真係肥都抵另外佢既梨都煮得好好食,煮到裡裡外外都咁軟身,食落梨味唔錯,微微帶甜幾開胃。Charcoal Grilled USDA Prime Striploin呢份炭燒西冷非常之靚,外邊burn burn地,入邊可以見到非常粉嫩,同朋友要左五成熟因為餐廳己經幫我地切開左,所以冇得落手切,唔可以憑落刀去感受佢佢肉質同纖維未食之前先講講sauce,餐廳提供左honey masturd,另一隻食落應該係olive sauce西冷真係燒得靚,切落去好有手感,食落有少少炭火香,牛肉味濃而且有質感,肌肉纖維唔會過份用粉打散,仲有牛肉應有既韌性之餘食得出嫩身。邊位有一條有咬口又唔膩既脂肪,食落香口又唔覺膩。雖然牛比較瘦,但食落啖啖肉香亦不失嫩滑質感,比起油脂比例高既牛更好食Sea Urchin Pasta with Flying Fish Roe and Fennel Foam呢份意粉,海膽醬做得好出色,材料只有海膽同黑色飛魚籽,再配上海膽醬同茴香泡沫海膽醬非常濃郁而且份量好多,每條意粉都有creamy既醬汁包住,再加上海膽一齊食,海膽味濃上加濃!海膽醬鮮本身都夠鮮甜,再加上茴香泡沫,甜味更上一層,唯一美中不足係意粉軟身左少少,我比較鍾意硬身少少既口感 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-12
70 瀏覽
想係比較classy嘅餐廳飲下野、食下飯、吹下水,可以去天后的Tipsy。環境十分cozy,仲有outdoor table,天氣開始涼爽,很多客人都選擇坐出面。磚頭的外牆,店內有很多大窗,樓底也很高,裝修很有外國feel。枱的空間感不錯,不會太擁擠,椅子小sofa座得幾舒服。晚上9-12pm free flow house wine $188/person,另外,Happy hour 3-9pm,buy one get one free都好抵飲,嚐酒朋友不可錯過。Oyster promotion ($148/set) cp值超高!包括 4 oysters & 2 glasses of chardonnay (remanno, chairman's selection 2017),來自澳洲的白酒有淡淡的果香,容易入口,非常適合配生蠔飲,可以中和酸度,帶出海鮮甜味。French oysters 海水味適中,口感creamy,本來只有4隻,店家見咁夠大隻,再送多隻,非常大方。Pan-seared foie gras with poached pear ($228),賣相吸引,厚身鵝肝煎得好香,焦面少少脆,細膩滑潤,入口即化,配甜味的深色醬汁,加上用酒浸過的梨肉,感覺更美妙,食每一啖都好幸福。Blistered Spanish red prawn in Sake and sesame oil ($188),用上深海的西班牙紅蝦,係坊間少見的優質食材,已預先用清酒、芝麻油、鹽等醃好,店員會用特別的機器先把蝦子火炙。很美的蝦子。然後在食之前把蝦頭的羔擠出,想不到可以有這麼多羔,可以拌脆米食,蝦味極度濃郁,味道很鮮甜,而蝦肉是半熟的,很滑嫩,令人一試難忘。Charcoal grilled wagyu M6 ribeye ($388)Wagyu M6 ribeye超級好味,已經放了海鹽,烤得很香,有些表面還脆脆的,入面是粉紅色的,優質的肉質不能言喻,你的舌頭會告訴你。Sea urchin pasta with flying fish roe and fennel foam ($288)有驚喜,用上高級食材- 馬糞海膽和飛魚子,海膽味極濃郁,飛魚子入口卜卜聲,唔腥,意粉有彈性,醬汁很稠,每一口都食到海膽的鮮味,真材實料,茴香foam好特別,平衡返海膽的味濃,係我係香港食過最好味的海膽意粉!Iced coffee ($48)的foam很厚,咖啡很順口,用上意大利咖啡豆和咖啡機,味道香醇,有回甘。Hot earl grey tea ($38)的透明tea pot很精緻,附上檸檬片或奶,飯後泡一杯茶也是很愜意的,它的保温能力也很高,放久了也不容易變涼。店員介紹有wine pairing event,Sallier de La Tour, Italy x European Fusions Wine dinner係18/10,$598就可以食到6道菜配不同酒,菜式也相當吸引,cp值破錶! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-10
71 瀏覽
營營役役返工一個星期,我同好姊妹捱到成個人吽哂一向都知道大坑多美食,我地決定做一日貴婦,來大坑的酒店食返個豪華LUNCH~!4隻生蠔,兩杯Chardonnay-$148/set午餐以呢個set開始,實在係太令人開心了呢款生蠔品種雖然唔係好大隻,但非常鮮甜又creamy,加上少許海水鹹味,超級美味12:00-15:00 任飲紅酒、白酒、prosecco-$138因為我們的目的是吃個貴婦lunch,喝完兩杯白酒後當然意猶未盡,竟然有個咁適合酒鬼的優惠,最正的是,竟然連週末也一樣有這優惠三款酒也喝過之後,我們最喜歡prosecco,不斷添飲,應該每人都飲左一枝,真係落街買都冇咁抵,大推薦,酒鬼絕對要呼朋喚友來試試~餐包雖然睇落好平實,但味道相當不錯,麵包很香軟,沾上黑醋非常好吃。終於要介紹set lunch,水準也很不錯:AppitizerPan-seared Crab Cake with Creole RemouladeCrab Cake蟹肉好鮮甜,仲有個醬汁非常creamy,而且帶點酸甜,很開胃。Warm Potato Salad 冇諗過薯仔沙律的賣相都咁靚:食完前菜心情已經很好。MainCharcoal Grilled Pork Loin with Ginger Carrot Puree and Lemon Couscous $148Pork Loin是豬的里脊肉,是最嫩滑的位置,冇筋,口感非常好。以炭燒方式烹調,非常香口,加埋相配的醬汁,食到LAM LAM 脷~USA Ribeye (8oz) with Mashed Potato and Shallot Sauce $158 我經常都食Ribeye,作為最愛的食物之一,對呢樣野都幾嘴刁呢碟的質素就絕對符合標準,,牛味濃、表面脆、裡面嫩,正!令人驚喜的是連旁邊的薯茸也很美味,口感很細緻,一定要試~最後以精美甜品作結。因為飲酒飲得太開心,走果陣仲留意到,原來其他時段都有不同的飲酒優惠,各區的酒鬼要注意喇~整體來說,是日午餐令我們很滿意,美酒佳餚,環境舒服,得到貴婦享受,但價錢卻不難負擔。非常值得一再光顧 繼續閱讀
(以上食評乃用戶個人意見 , 並不代表OpenRice之觀點。)
我好鐘意周圍explore 下, 就好似今日發現大坑有個古蹟叫「蓮花宮」。在發現蓮花宮時,發現到一間樓上 Bar & restaurant, 感覺好舒適。入到黎,感覺好舒服,如果想晒太陽又可以去露台位置。先送來白香脆多士,超crispy, 再配橄欖油同黑醋,我地既星期六 Happy afternoon 開始勒~Appetiser 老公點左 Roasted Zucchini and Eggplant with Figs Jam Toast先咬一口無花果多士,好香無花味,但又唔話甜到漏,好好味。再配燒香左既矮瓜,好軟又唔油,而且帶著微燒既香。仲有加左胡椒既翠肉瓜,好惹味;同埋燒香左既紅椒,微微辣。依款 appetizer very good我就點左 Pan-searedCarb cake with Creole Remoulade外面煎香,內裡滿滿既蟹肉,軟綿綿,充滿著蟹既味道。而且加左洋蔥粒,惹味之餘,又增加左佢既爽口感。配上旁邊既特製醬,帶著麻醬同芥末既香,yummy😘佢依度只要加$38 就可以 點Additional Fresh Oyster of the Day ~Main course 我點左:Charcoal grilled pork loin with Ginger Carrot Purée and Lemon Couscous廚師用左慢煮後,再煎件豬脊肉,保存住肉既水份,肉身軟得後外面又有微微既煎香味道。佢旁邊既薑紅蘿蔔檸檬醬,好特別,輕輕辣又帶點甜,同豬脊肉一齊食,無咁油膩。旁邊既珍珠藜麥用左洋蔥同牛油煮,令到藜麥既臭青味無左之餘,又好味,而且好林。😊中間既青豆都不能忽視,調味出色,去除左那份青草味,好入味。老公咁鐘意食牛肉,梗係叫:USDA Ribeye (8oz) with Mashed potato and Shallot sauceMedium rare, 岩岩好,無overcook, 肉好軟,表面煎得好香,好香牛肉同牛油味。而且表面輕煎帶著既焦香味,好想追住食😋旁邊既著蓉加左重量牛油,岩晒我依d 牛油同薯仔既愛好者😘依度做緊Enjoy Free Flow Package 加$ 138 飲任;包括white wine red wine, prosecco.🍷🥂🥃老公咁鐘意飲酒,點可以唔enjoy 呢~我就點左杯 長江No.7, 非酒精,我杯酒呀!佢成份有: Blue Curaro, Pineapple, Passionfruit , Sprite顏色超級靚,甜甜地,再加上sprite 既sparkling ,色味感都做得好好!🍹甜品係士多啤梨開心果乳酪🍓香滑既乳酪,加上脆脆粒粒、開心果粒粒同甜甜既士多啤梨,依個下午大滿足啊😍 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-02
253 瀏覽
人年紀大了總是喜歡說從前,今次與太座到大坑吃晚餐,所見景物,兒時的回憶立刻又浮現眼前。大坑的街道排列很特別,成多個井字形,我看過一些歷史資料,原來以前銅鑼灣道對開已是海,前面的中華遊樂會,皇仁書院,維多利亞公園都是建在填海得來的土地上,當然建於1855年,已列入香港古蹟的蓮花宮當年也是臨近海。從小認識大坑,主要是當年隨娘親返娘家探望居住在大坑的外公外婆,當年覺得這個小社區很寧靜,民風樸素,家不閉戶,區內有冰室,士多,燒臘店,五金店,鏡舖,而最多是汽車維修店,至於像現時的酒吧,日本餐廳,西餐廳則一間也沒有。隨娘親返娘家,除了娘親見到自己父母開心外,我們幾兄妹也特別開心,因為外公會帶著我們幾個饞嘴的丫頭去冰室歎紅豆冰、吃奶油多,需知家中連多士爐,雪櫃都沒有,難得有機會一邊吃有又香又脆的奶油多,一邊吃涼入心扉的紅豆冰是何等興奮之事!記憶中還有隨娘親到蓮花宮拜觀音,或是和外婆的鄰家小孩到大坑街坊福利會打乒乓球都是樂透的事!到長大了也會獨自去大坑探望外公外婆,然而,時光荏苒,老人家都走了多年,再走進大坑,大都是為了去看舞火龍。這晚和太座來到蓮花宮前一間精品酒店內的餐廳,為慶祝某個紀念日,這餐廳暨酒吧甚具特色,裝潢以黑和金為主,入門處有偌大酒吧,擺滿各式美酒,牆壁畫上大坑的風情繪,簡約的長梳化和圓背座椅,給人一種隨意、不拘束的舒適,令人將日間煩瑣庶務統統都拋諸腦後,餐廳還有露天花園雅座,讓喜歡吞雲吐霧的客人有喘息的空間。香港的西餐廳,十間著了九間都有凱撒沙律,不是不喜歡吃,而是太過千遍一律,了無新意,可喜是這是第十間,太座極喜歡吃沙律,從「小碟」一欄中點了烤羅馬生菜蟹肉沙律,以船形長碟盛著,輕烤過的羅馬生菜,爽脆有加,而蟹肉與蛋黃醬是好朋友,已扭作一團,又加三文魚籽陪襯,並以新鮮無花果提升可愛度,太座當然吃得很愜意。接著這道「小碟」,或可稱作前菜,西班牙紅蝦伴日式脆米,甚具席前觀賞價值,侍應端來小桌子,放西班牙紅蝦於架上,紅蝦本身加了日本清酒和芝麻油焗過,呈半熟狀,侍應以600度高溫火槍,炙燒蝦的頭和身,高溫迫使蝦頭內的蝦膏蝦油盡出,再放於日式脆米上,脆米吸索蝦膏蝦油,甘香可期,伴以甜美蝦肉,無懈可擊!紀念日來到餐廳酒吧,有不同種類之飲品,我倆也要舉杯慶祝,選了杯 mocktail 叫長江7號給她,以Blue Curacao,菠蘿汁,熱情果汁和汽水混合而成,用高身杯盛著,藍調如湖水般美,而我點了杯雞尾酒Kiwi Orchard,以氈酒,荔枝酒,蜜瓜酒和檸檬汁調製而成,果味芳香,酒精度不算高,適合我這逢場作戲的偽劉伶。為配美酒,多點一道烤和牛脷配莎莎青醬,和牛脷經炭燒,特別焦香,牛味極濃,軟滑可口,一般青醬用來煮意粉、做沙律,但原來其羅勒和果仁成分配牛味也很銷魂!碟中還有一圈圈薄片白色物體,原來是鮮白菌片,一濃一淡的配合,是很好的平衡。終於到主菜出場,西班牙烤乳豬配醃製紫椰菜,乳豬皮烤得夠脆,肉質夠嫩,很滋味,醃製的紫椰菜,加了葡萄乾同煮,伴件乳豬同吃,果甜將乳豬的味道進一步提升,與中菜吃乳豬點砂糖原理同出一轍,殊途同歸。我仍是喜歡鋸扒,炭燒M6和牛肉眼排,分量很大,炭燒肉的香味已令人垂涎,簡單用了海鹽和黑胡椒調味,天然的味道,肉味香濃,口感柔中帶應有的嚼勁,肉汁充棟,靈與欲都得到滿足。對女仕來說,生活中絕不能缺少一點甜,尤其是看完這裏的甜品餐牌,大家都出現選擇困難症,費煞思量下,太座選了Warm 70% Dark Chocolate Tart with Mascarpone Ice Cream,暖暖的黑朱古力撻,配以冰冷忌廉芝士雪糕,冷靜與熱情對決,結局令人魂牽夢縈。而我鍾情於有香蕉的甜品,又香又甜,又富身體中不能缺少的鉀,必然之選 Caramelized Banana with Bailey's Foam and Coffee Ice Cream,以Bailey’s甜酒加忌廉打成泡沫,覆蓋著加了焦糖的香蕉、一球咖啡雪糕,配搭天衣無縫,誰都喜歡你。驚嘆這餐廳酒吧的餐飲水準如此超卓,服務週到,難怪高朋滿座,歡笑聲此起彼落,雖然價目中上,但份量足,也是值得。我們渡過了一個愉快的晚上。 繼續閱讀
(以上食評乃用戶個人意見 , 並不代表OpenRice之觀點。)