Tic Tac Room

營業中

休息中

餐廳座落於中環投注站二樓，環境寬敞舒適，佈置上加入馬會元素主題，不但放置電視播放賽馬日賽事，更設有投注機。餐廳以和洋料理為賣點，主要分前菜、三文治、主菜及蛋包飯。我選擇了漢堡扒蛋包飯配紅酒燒汁餐✨ 價錢$186包餐湯及甜品。 蛋包飯方面，蛋包裹著加入茄汁炒過的米飯，味道幾香～不過塊漢堡扒略硬同柴，不夠Juicy🥹 🍮甜點方面，有焙茶布丁燒。滑溜溜嘅布丁下面用了蛋糕配搭，口感幾豐富，不過糖味比較重，但焙茶味就稍為淡。

朋友11月生日，又係搵好嘢食嘅時間了今次我book咗呢間响士丹利街馬會樓上二樓嘅洋日式餐廳。其實之前都嚟過幾次買六合彩，好幾次都話有機會一定要試下呢間餐廳，終於！今次OpenRice可以book到！話說我同朋友一上到餐廳一坐低，侍應過嚟話叫我哋自己去櫃位點餐同俾錢先，話因為唔够點餐code用sorry我真心笑咗，呢個原因太搞笑了吧，結果我提議轉一張有點餐code嘅枱，就係咁解決咗問題（其實侍應應該醒目少少主動提出，因為成間餐廳得一半枱有客，大把枱可轉）好啦，咁我哋坐低後即時有馬會職員過嚟sell做會員開投注戶口，搞咗成十幾分鐘先可以食飯…..正題！我哋今次係食lunch set, 點咗份紐西蘭西冷蛋包飯餐+漢堡扒蛋包飯餐，隨餐有餐湯/沙律+一杯餐飲。食物賣相其實幾好朋友份西冷蛋包飯都好靚仔不過牛肉食落略硬，有改善空間。另外，我哋大家都叫咗杯香茅疆茶（跟餐餐飲），聞落好香，但飲落疆味不足。總結而言，呢間餐廳食物賣相唔錯，質素正常，餐廳環境舒適，不過大家記得點完餐要先付款後送餐！

炸豬扒蛋包飯$148✨炸豬排好鬆脆，好多肉汁！✨蛋包飯入面係茄汁飯✨份量實在太大😂加$38配餐湯/前菜+飲品當日叫咗雜菜湯，同埋cappuccino ！呢度係先QR code落單同俾錢先，後上餐，環境闊落，有卡位，坐得好舒服！#tictacroom #hkjc #馬會 #炸豬扒 #蛋包飯 #foodiehk #foodiehkgirl #catling_foodiehk #foodagram #catling_608

最近中環開咗間餐廳就係呢間位於賽馬會投注站嘅樓上。我哋就點咗四個餐點咗兩個意粉同埋兩個蛋包飯叫咗兩個海鮮湯意粉，不過個海鮮湯意粉係冇湯嘅，其實即係等於佢有啲白汁意粉一樣，但係都幾入味！另外兩個蛋包飯都係牛扒蛋包飯，我哋都覺得個蛋包飯好出色，但係個牛扒就有少少韌。如果加少少錢就可以嗌個餐就可以包埋嘢飲同埋甜品或者沙律！ 正常水平的不錯！環境方面都好舒適坐得都幾舒服，而且服務質素都OK可以接受嘅！可推介一試

中環馬會入面原來有野食，lunch黎試試呢間靚靚餐廳🤩佢坐位唔多，個日想book位話已經full左，但留左d位比walk in客。餐廳入面裝飾都幾靚！單點左個吉列大蝦三文治$88，雖然影相唔係好影到佢咩黎，成堆野咁，但個味道好唔錯👍大蝦脆卜卜熱辣辣，個麵包烘過有牛油味，加埋d醬汁好夾好好食🤤叫左兩個餐，今日係粟米湯，都好好飲👍紐西蘭西冷蛋包飯配 日式咖喱（餐$196）呢度個蛋包飯好好食，個蛋好濃好滑。個牛望落都幾靚，但食落就有少少韌，都重牛味。🐮吉列豬扒蛋包飯配日式咖哩（餐$186）個豬扒都炸得好好，同埋好大塊🙈我地冇要餐飲，揀左兩個甜品—焙茶布丁燒—吉士布丁🍮呢兩個甜品好出色🥰🥰🥰好鐘意個焙茶布丁燒，上面係奶凍下面係蛋糕，唔會好甜，賣相又好靚👍推薦！

又是每月一次的同事月餐，有幾次在中環路過這個我永遠都不會踏入的地方～馬會可能很多人都想不到在馬會內會有主題餐廳，而不是進入沙田或跑馬地馬會內才能品嘗主題餐廳內有不少可以打卡的地方，而裝修很舒適，有點似酒店內的餐廳。由於我一早就查看餐牌價錢較親民才敢選這間，要顧及各同事的負擔能力；而且讓我沒想到的是最近馬會在做招募新會員優惠，只要成為新會員並投注球賽，就可以獲得餐飲現金卷，大家都興致勃勃的忙於登記，而馬會職員服務態度非常專業。好了，話題拉到太遠，說回食物上，有以日本貴族蛋之稱「蘭王蛋」所弄的蛋包飯，自然成為我的首要目標，臨時附上以下蘭王蛋的簡短資料以供參考。在日本九州大分縣出產的「蘭王蛋」被冠以貴族蛋的名號，因其經過嚴格營養及品質控制，就連雞隻也有特定要求，必須要嚴選200至320天的母雞，餵食的飼料必須為原料穀物，而且需經嚴格品質控制，要求營養均衡，不含添加劑、激素及抗生素，綜合上述條件所生下的雞蛋才可稱之為「蘭王蛋」。蘭王蛋的蛋黃呈橙紅色，色澤光亮，而且蛋香非常濃郁，少蛋腥甚至不腥，其特點為杜絕沙門氏菌，品牌更標榜可以放心生吃，一般用作拌飯，加添上「蘭王鼓油」的話就連白飯也可以提升幾

誰會想到投注站能如此新潮？位於中環史丹利街的馬會投注站以幸運著名，曾經幫助47位六合彩幸運兒中頭獎🤩 上年經過翻新後，變成了樓高四層的博彩主題飲食玩樂基地，我與朋友經過中環，決定慕名而來沾沾運氣✨經過可愛的大型馬匹玩偶打卡位，就來到二樓的日式洋食屋Tic Tac Room~ 餐廳完全沒有平常投注站的氣氛，感覺就像來到精緻的喫茶店，有咖喱蛋包飯、意粉、三文治等食物選擇，點完餐就可以到旁邊的DIY工作坊弄個擴香石，或者聽聽busker的音樂表演，還可以在大電視觀看足球及賽馬直播，順道試試手氣🎲 我即場新登記了馬會賬號，餐廳職員送了我卡片套和價值$100的餐飲優惠券作爲迎新獎勵，下一次我還要來嘗嘗下一層的Lady M素食👍🏻🥩 日式咖喱紐西蘭西冷蛋包飯 配 時令蔬菜（$148）一次過滿足我三個願望！牛扒、咖喱、蛋包飯全都是我的最愛，一上桌就看見煎得剛好，粉嫩嫩帶肉汁的西冷牛排，切下去完全不會帶筋或過靭；還有厚厚的的半熟蛋包飯，炒出來橙黃色的，口感柔軟而且充滿蛋香，底下是酸酸甜甜的番茄飯；配上微辣的日式蔬菜咖喱，用牛扒或者蛋包飯去沾都非常適合！推薦給牛扒控和蛋白質控🐮🐷 日式咖喱吉列豬扒蛋包飯

因為有優惠卷可以馬會餐廳平$50，加上見到介紹中環馬會有間chill 餐牌，於是就試下。中環馬會餐廳嘅名物，漢堡扒蛋包飯🤩🤩🤩個set 包左湯，主菜，飲品。蛋包飯賣相好有質感，睇落又滑有光澤，一個半圓完整覆蓋左啲飯。飲品我要左英式奶茶，味道淡淡地。驚喜位就係用鐵茶壼上，有英倫風。食物整體味道ok。整個set 賣相幾好，是日活動主要打卡。😆😛現場有大電視牆俾食客觀賞賽事。如果兩人以上，預早訂位，有機會有個迷你包廂，有部私家小電視。

推介指數 Recommendation Level : 🔥🔥🔥在香港賽馬會的投注站用膳，相信絕對是一個非常特別的體驗。雖然餐牌內的選擇不算太多，但前菜、主菜、甜品、飲品，亦能夠提供。舒適的座位，加上兩部大電視，播放著球賽或賽馬，是球迷或馬迷一個不錯的用餐地點。Having a meal at a betting station in the Hong Kong Jockey Club is definitely a unique experience. Despite a limited selection on the menu, appetizers, entrees, desserts, and drinks are all provided. Comfortable seating along with two large TVs that broadcast games or horse races make it a great dining spot for sports and horse racing enthusiasts.Set Meal ($168)豆腐松露蛋捲

12-6-2023(Mon)傍晚,因同老公,亞姨嚟中環睇BEYOND 40演唱會,所以順便帶亞姨嚟中環逛先,咁啱又有兩隻黃鴨擺喺金鐘.睇完行晒街,就喺4:45pm左右嚟呢間馬會食tea當晚飯,今次唔係二樓嘅Lady M(上次食評係2022年7月27日刊登嘅呢篇: https://www.openrice.com/zh/hongkong/review/%E6%97%A9%E9%A3%9F%E7%9A%84tea-e4475035)我先多一層買六合彩,老公同亞姨就搵個位坐低先.我返落嚟後,老公話下午茶供應到5:30pm,之後就係晚餐,咁我哋叫一個下午茶,兩個upgrade嘅晚餐share食啦,最後我哋要咗下午茶同晚餐各兩set:4. 下午茶跟嘅飲品~熱香茅薑茶好奇之下揀,味道幾淡吓,香茅味唔覺,薑味真係好淡.味道:2.7分3.下午茶跟嘅飲品~熱柑橘甘菊茶我試飲一啖,只有甘菊味道冇柑橘.味道:2分1. $58.00嘅燒雞軟骨整成一支支棒咁,內裡嘅雞軟骨碎卜卜脆,味道正常.味道:3分2. $58.00嘅章魚奄列卷蛋呢個比較正常普通.味道:3分6. 加$30.00成為套餐其中之一嘅前菜呢個係薯蓉

📍Tic Tac Room中環士丹利街10號香港賽馬會投注處2樓2號舖呢間餐廳特色之處係位於最旺嘅投注站同一大樓之下，而佢餐廳亦添上好多博彩嘅裝飾，你亦可以在賽馬日，邊睇賽事邊下注邊享受美食。餐廳嘅色系是啡色，比人高貴踏實感覺，座位間格寬敞，坐得舒適。呢度嘅食物多選擇多元化，有西式，日式等，價錢大眾化，而且水準很不錯，份量亦相當大份，絕對可以一試再試呢。唯獨是呢度嘅投注站同餐廳都要行樓梯，少啲腳力都辛苦少少，不過為了感受吓博彩氣氛，但又想一嚐美食，辛苦少少在所不計啦。

原來佢哋平時無夜馬夜波就8:30pm last order，我哋8:15pm左右先到，因為食素嘅關係，好快就揀定menu度兩個veg嘅main，分別係芝士焗新豬肉野菌通粉同素菜蛋包飯。職員服務好好，有禮貌又友善，特別係一位叫Kathy/Cathy嘅職員 (無問清楚係咩字母開頭)，佢知我哋食素之後，就好仔細問我哋有咩食材唔食得，然後幫我哋入廚房問清楚。我哋兩個main都跟咗套餐可以揀前菜同飲品/甜品各一，本來前菜揀咗一個要湯一個要三文魚薯仔沙律走三文魚。(Kathy/Cathy)知道湯入面有煙肉我哋唔食得後，主動幫我哋轉咗兩個前菜都跟沙律，好細心！之後唔使自己嗌都會一路keep住幫我哋加水，又問吓我哋對食物嘅意見，成件事好似坐緊business class咁！老闆，你嘅員工做得好好，要獎勵佢哋吖！食物方面，兩個main都好好食，但蛋包飯真係更勝一籌，我哋讚不絕口！個蛋又香又滑，蕃茄飯又正，旁邊伴碟蔬菜又多，再加埋個紅酒茶樹菇汁，真係無得頂，食得好開心！另外果個通粉焗到少少燶邊，啱啱好，芝士可以拉絲，成件事係perfect池！真係好想廚房佢哋睇到呢個comment，做得好係值得大大力讚，真

經過中環想搵啲唔太貴又飽肚既餐廳好難發現左士丹利街投注站入面有間日式餐廳主打蛋包飯𝗪𝗲𝗲𝗸𝗲𝗻𝗱黎講價錢抵食有𝘀𝗲𝘁 𝗹𝘂𝗻𝗰𝗵唔洗加一性價比高過海港城滿天星好多餐廳內有一個大螢幕直播足球賽事仲見到有遊戲機/𝗯𝗼𝗮𝗿𝗱 𝗴𝗮𝗺𝗲..🍛吉列豬扒蛋包飯配日式咖喱用日本蘭王蛋整既蛋包飯滑蛋顏色偏向橙蛋包飯用茄汁炒底吉列豬扒炸得好脆太大塊爭啲食唔晒$𝟭𝟲𝟴一個set有前菜/湯+飲品/甜品.🍝芝士焗新豬肉雜菌通粉通粉煮得啱啱好有咬口唔會過淋不過成碟嘢冇乜味.🍮吉士布丁跟餐既甜品都唔馬虎布丁平平實實冇華麗既外表但食落去感覺結實蛋味濃郁.呢個價錢喺中環實在抵食尤其是行完上斜路熱辣辣餐廳內的環境寧靜冷氣充足上黎唞吓都OK

中午過去食唔使店排隊就可以入去，地方雖然唔係好大不過D 位都算鬆動，不會好迫， 里面有不停播放一賽馬賭波既資訊， 幾有氣氛。食物選擇唔算多，主食大概有三文治、飯和意粉。吉列豬扒三文治三文治很大份，中間夾左豬扒和沙律菜。炸豬扒很厚身很香脆，配合沙律菜和醬汁，面頭仲撒上木魚絲，不會太油膩，幾好食！吉列豬扒蛋包飯配日式咖喱賣相很不錯，份量也很多，仲配上咖喱汁，炸豬肉單食有D 乾，配咖喱汁比較適合，蛋包飯上桌時感覺不太熱了，里面的飯有D 都黏成一舊，整體一般，如果熱D 應該會好食好多。

最多人中六合彩嘅史丹利街馬會中間有兩間餐廳Lady M同tic tac room 都係揀依度穩陣可以同時睇兩場波嘅大mon直播緊英超裝修同坐位幾好離得較遠嘅卡位仲有專屬嘅細mon用QR code落單等咗陣職員先埋嚟講qr code落完要去櫃枱俾錢先會出餐 😧漢堡扒蛋包飯配紅酒汁 味道合格芝士焗新豬肉雜菌通粉個汁係豉油嚟芒果雪糕有啲啫喱雪糕都有果肉 唔係hea焙茶布丁燒整體食物都ok以百零蚊個餐 依個味道有埋直播睇 好ok喎