影片
港鐵灣仔站 A2 出口, 步行約2分鐘
繼續閱讀
電話號碼
92919230
開飯介紹
新派法國菜餐廳，主打自家熟成的多種肉類，如牛扒、羊肉、白鴿等，再配搭多國特色料理和過百款葡萄酒，為你帶來全新的用餐體驗。
繼續閱讀
營業時間
今日營業
12:00 - 00:00
星期一至六
12:00 - 00:00
星期日
全日休息
以上資料只供參考, 請與餐廳確認詳情
有關獎賞計劃
相關文章
朋友知道我係牛扒控，生日月就帶我去咗間主打自家乾式熟成牛扒嘅餐廳去慶生餐廳位置非常方便，灣仔地鐵站轉個彎就到店內環境有格調，播放住黑膠唱片音樂，氣氛輕鬆柔和，感覺好似去到巴黎嘅小酒館一樣另外仲設有一個葡萄酒品酒區，鐘意同朋友摸下酒杯底傾下計就非常合適餐廳主打自家熟成的多種肉類，如牛扒、羊肉、白鴿等，再配搭多國特色料理及美酒，為大家帶來高質的用餐體驗食物方面 :6 Course Dinner Set- 前菜 -五天昆布熟成北海道帶子 : 賣相非常精緻，帶子厚身又大粒，肉質彈牙入口，再加上子三文魚籽、胡椒牛油汁、炭燒昆布及中東小米做配料，口感同味道都非常豐富乾式熟成乳鴿髀 : 乳鴿髀用乾式熟成方式，加入糖、鹽、檸檬醃製，肉質結實，非常入味香煎松阪豬 : 松阪豬煎得外皮金黃帶點焦香，肉質爽滑，配上青蘋果及黑魚籽，再蘸少少松露黑醋汁，味道濃郁美味- 第一道主菜 -慢煮鴨髀鴛鴦腸焗飯 : 焗飯加慢煮鴨髀絲、潤腸、辣肉腸、青檸油及雜菌，味道濃郁，口感有層次- 第二道主菜 -14天雞油熟成牛舌芯 : 牛舌芯非常厚身，用乾式熟成製成，再用慢煮方式做到軟淋，入口即化，配上紅酒汁及薯粒一齊食，真係好高質好有驚喜嘅主菜- 甜品 -西班牙焦糖燉蛋 : 燉蛋夠曬嫩滑，蛋味濃郁，底層加入藍莓及杏仁甘金寶脆脆，食落更有口感 30天乾式熟成 Swift 肉眼 : 用上 Swift 30天乾式熟成肉眼，肉眼肉香更加集中，帶來極高的嫩滑嘅感覺，煎到五成熟，色澤粉嫩，蘸少少黑椒汁更加惹味，再配埋極幼滑薯蓉及椰菜花做配菜，真係餐廳必點之選
繼續閱讀
💖 The Victuals (灣仔)✨灣仔軒尼詩道99號彰顯大廈3樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️阿女七個月大，又去慶祝吓，不過老公今日要返工所以我就約咗朋友去食餐好嘅🥳6-COURSE SET 🍽️ $598五天昆布熟成北海道帶子帶子鮮甜可口，昆布嘅香氣令整道菜更加出色，口感滑嫩😋乾式熟成鵪鶉腿鵪鶉腿肉質緊實，乾熟工藝帶來獨特香味，搭配簡單調味更能突顯原味🤗香煎松阪豬松阪豬油花分佈均勻，外脆內嫩，香氣四溢，上面仲有黑魚子做襯托，增加咗鹹香🤤慢煮鴨髀鴛鴦腸焗飯一定要試吓呢個焗飯，因為味道好香濃，鴨髀肉質軟嫩🦆，潤腸令到成個焗飯好似煲仔飯咁正🙈14天雞油熟成牛舌芯牛舌芯口感極佳，好軟腍，雞油香氣提升成道菜嘅層次😘西班牙燉蛋超特別嘅焦糖燉蛋🍮，又係好有驚喜，底層加入咗藍莓同埋金寶粒，食落去就好似食緊芝士蛋糕咁🥰，上面嘅焦糖好脆，燉蛋滑捋捋！-Special Offer Dinner Set 🍴 $398松露芝麻醬雞肉配蘭王蛋雞肉切左粒粒，可以每一啖都食到。松露香氣搭配芝麻醬，蘭王蛋有流心效果❤️，好重蛋香，去埋旁邊嘅炸薯仔絲，好獨特！五香油浸鴨髀福袋酥皮福袋嘅外皮充滿牛油香氣，每一啖都好酥脆😚好有驚喜，福袋內嘅鴨髀肉質鮮美👍🏻14日乾式熟成熊本縣豬柳🐖豬柳肉質細膩，乾式熟成方式令味道更濃郁，肉香四溢，令人難以抗拒。味道更濃郁，另外仲配埋芥辣醬，味道出奇地夾🤤想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
無諗過一間主打乾式熟成扒房餐酒館最驚喜竟然唔係牛扒，而係——雞油熟成14日牛舌芯用細火煉成日本雞油，再將牛舌層層浸透，再放入Dry Aged櫃熟成足足14日，最後慢煮至極致嫩滑！入口即化，完全唔喺平時食牛舌個種煙韌有咬口嘅口感冇諗過牛舌可以淋到呢一個程，食完真係有啲震撼😳◞成個六道菜 $598/位嘅Tasting Menu由淡至濃味，層層遞進，由前菜到甜品再加Wine Pairing，全程由主廚精心設計✨◞前菜有・昆布熟成五日嘅北海道帶子，配埋柚子胡椒牛油汁同炭燒昆布，鮮甜有層次・鹹香濃郁嘅乾式熟成乳鴿髀・香煎松阪豬，配埋味噌、青蘋果、煙肉，味道好平衡而且唔膩主菜重頭戲喺・雞油熟成14日牛舌芯，輕輕一切就開，超嫩！30日熟成CAVINESS西冷，牛味好濃不過覺得略硬咗少少・慢煮鴨髀鴛鴦腸焗飯，每啖都食到配料，飽肚又滿足食完只想讚一句：抵食又好味甜品有兩款可以揀西班牙燉蛋面頭有魚子醬會唔會高級左少少，仲要食落鹹甜鹹甜The Victuals’ Tiramisu 隔嚟舊朱古力好濃好好食。。。就嚟想單嗌舊朱古力◞總結嚟講，呢間真係近期見過超有心思嘅熟成扒房餐酒館其實晚市$598套餐都幾抵食～ 有齊六道菜 aka 一道菜都只係$100到仲要係 dry-aged! 加多 $98已經有埋 wine pairing 👍好啱約會！一班人嚟仲可以book個private room 一路聽黑膠一路飲紅酒食牛扒 yeah
繼續閱讀
The Victuals是位於灣仔軒尼詩道依家樓上西餐廳，環境氣氛非常有格調，九點後仲會搖身一變，播放黑膠唱片的音樂，變身做小酒館，感覺好有氣氛👍👍餐廳有一個熟成肉類專櫃，主打將不同肉類熟成後再烹調，令菜式層次及味道提升，而且每道菜高質精緻，賣相和味道同樣令人驚喜，以這個質素價錢相當抵食，非常適合情侶約會和多人聚餐！▪️松露芝麻醬雞肉配蘭王蛋頭盤也非常用心，流心蘭王蛋上放上松露芝麻醬慕絲，配上雞肉及用炸薯仔絲造成的雀巢底，味道香口又有層次▪️五香油浸鴨髀福袋經焗製過的酥皮特別香口酥脆而且一啲都唔油，包住鴨肝同埋鴨肉碎，餡料肉香四射，非常滋味▪️14日乾式熟成鵪鶉腿鵪鶉腿乾式熟成令肉味更加突出，外層烤得香脆，內裡肉質有口感，味道香口又酥香▪️五天昆布熟成北海道帶子熟成了的北海道帶子，肉質一絲一絲的，厚身又有口感，配上柚子胡椒牛油汁，三文魚籽，炭燒昆布和中東小米，口感豐富味道鮮香▪️香煎松阪豬松阪豬利用層層疊的方法，令豬肉更有咬口，肉質有彈性，肉汁豐富，面層再加上青蘋果粒和黑魚籽，配合松露黑醋醬汁，味道鹹甜鹹甜，超級好食▪️慢煮鴨髀鴛鴦腸焗飯慢煮鴨髀肉一絲一絲鴨味好香濃，加上潤腸、辣肉腸，油潤又甘香，配合香茅青檸油，所有味道滲進米飯，非常之惹味，可想言之有多好食▪️燒牛上肩胛扒賣相極佳，牛肩扒外層燒得焦香，肉質仍呈粉紅狀態，肉質有咬口又鮮嫩，配上自家製醬汁或沾上海鹽同樣美味，另外配菜更有香滑薯蓉和炒椰菜苗，精緻好食▪️龍蝦汁蕃茄意粉Menu套餐上加$98就可以任食意粉，這個龍蝦汁意粉相當高質，大蝦已經有成六隻，而且隻隻爽口有彈牙，意粉軟硬適中，配上味道大甜香的蕃茄龍蝦汁，高度評價必食▪️法式蘋果酥皮撻酥皮焗完之後整碎，然後再堆砌成蛋撻型，非常之用心口感特別酥脆，中層是酸酸甜甜嘅蘋果粒，最頂層是香滑忌廉和果仁碎，口感豐富且美味▪️西班牙燉蛋燉蛋蛋香濃郁又香滑，配上自家製醃製雜莓、杏仁金寶，面層是焦香的焦糖加入咗魚子醬，口感入口Creamy繼而香脆，味道鹹甜鹹甜，層次好豐富
繼續閱讀
過開嚟灣仔區做嘢，一定要試吓呢間人氣扒房西餐廳。店員非常親切友善，並簡單介紹Menu上既食物我們點咗推介dinner set，頭盤非常吸引，先嚟松露芝麻醬雞肉配蘭王蛋. 日本蘭王蛋慢煮至流心狀態，輕輕切開中間蛋黃慢慢流出，雞肉嫩滑得嚟帶啖啖芝麻香。黑松露醬非常甘香，反而同底層炸到金黃嘅薯仔絲形成脆軟對比—熱熱地嘅小薯絲吸晒蛋汁同醬料，一啖放入口有三重質感交疊，呢種味道唔喺度度食到，真係唔錯。八爪魚他他: 碎粒八爪魚肉質彈牙, 他他醬混入少許香草碎。再用迷你雪糕筒盛載，非常之有心思，食落去脆筒好有層次，味道配搭恰到好處，正。14日乾式熟成熊本縣豬柳: 熟成後嘅豬柳外層炭燒得非常甘香，有料到，一刀切落聽到「嚓」聲。肉芯呈淡粉紅色，肉質柔軟得嚟有咬口，油脂分布似帶有小小牛雪花紋，可能係乾式熟成嘅關係，配菇菌西蘭花同埋薯蓉
繼續閱讀