93
29
6
港鐵尖沙咀/尖東站 C1 出口, 港鐵尖沙咀/尖東站 L5 出口 繼續閱讀
電話號碼
23629828
營業時間
今日營業
12:00 - 21:30
星期一至五
12:00 - 21:30
星期六至日
11:00 - 21:30
公眾假期
11:00 - 21:30
付款方式
Visa Master AlipayHK 支付寶 現金 AE 銀聯 JCB Apple Pay 微信支付
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
食評 (143)
等級4 2021-08-19
975 瀏覽
下午茶餐廳Wish list上頭位既Tiffany Blue Box Cafe今日終於黎到, 呢間全球第二間 The Tiffany Blue Box Cafe, 2019年10月就坐落係尖沙咀北京道. 下面有間舖可以食完去買飾物.  餐廳分為兩部份,前部份係通透既玻璃外牆, 後部份係入面間房,系用左Tiffany Blue做牆, 無論出面裡面都各有特色. TIFFANY AFTERNOON TEA $688/2人份食物用左傳統既三層層架,底層系鬆餅+貝殼蛋糕, 第二層系咸點, 頂層系甜點包點煙肉鬆餅+兩件蛋糕, 一件培茶味, 一件原味牛油味,  煙肉鬆餅幾特別好味咸點醃漬三文魚: 厚切三文魚好新鮮加魚子醬同酸忌廉正吖鵝肝焦糖布甸:鵝肝漿加埋麵包脆片, 一齊食好好味黑毛豬火腿+蕃茄啫喱 : 呢個組合非常特別松葉蟹肉卷: 青瓜沙律卷就覺得幾清新,夏天食最岩仲有個三文魚餅龍蝦包 - 龍蝦肉加紅洋蔥, 香蔥及蜜糖黃醬+麵包呢個組合系無得輸甜點迷你 BLUE BOX - 一望到呢個signature 首飾盒嘅蛋糕,有D期望, 入面係茉莉花慕絲、橙檸檬蜜瓜啫喱、雲尼拿戚風蛋糕組成實在意外驚喜青提子果撻 -青提子粒中和撻底嘅甜膩感都唔錯榛子醬泡芙 - 好似山楂餅既外形, 加埋酸酸甜甜既士多啤梨及紅莓唔會好漏鳥巢朱古力蛋 -造形都非常有趣的烏巢, 加埋焦糖味朱古力紐約芝士蛋糕 -芝士餅加脆餅底, 芝士味好濃食物好味同環境好舒服, 打咭影相好地方 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-19
2288 瀏覽
早排生日嘅時候想去食返個酒店下午茶打下卡,不過而家比較多人推介嘅酒店都好full🙈最後就book咗呢間開幕嘅時候同樣吸引唔少人打卡嘅Tiffany Blue Box Cafe,唔係酒店相對容易啲book,而且2點開始就可以叫下午茶。呢度嘅位置比較搞笑,好似係個商場大堂度整咗個小餐廳咁,不過裝修同擺設都貫徹tiffany blue嘅signature顏色,都幾適合嚟打卡📷不過呢度食tea只有90分鐘時間,要趕住交枱,無得可以慢慢坐係度嘆。呢度嘅tea set要688兩位,但係份量比較細,而且無乜服務可言,又無酒店嘅靚景睇,加上比較趕急嘅時間,呢個價錢真係太overpriced,可一不可再😅😅TIFFANY AFTERNOON TEAPastries🧇煙肉芝士鬆餅 - 呢度嘅scones每人有一舊,同坊間下午茶有啲唔同,呢度係鹹味嘅scone,暖暖地咁有啲煙肉芝士鹹香,味道又幾唔錯,質感鬆化有牛油香,入面唔乾亦唔黏,搽啲番茄sauce一齊食都幾好。不過另外仲有clotted cream同楓糖漿,同鹹嘅scone唔係好match,好似有啲多餘😂🍯焦化牛油瑪德蓮、焙茶瑪德蓮 - 兩款食落都唔錯,不過焙茶就食唔出,質感鬆軟,但拎上手有啲油。Savories🐟醃漬三文魚 - 醃漬三文魚面頭加咗啲魚子醬,魚子醬嘅鹹香就食唔出,整體就正常味道啦。🍮鵝肝焦糖布甸 - 呢個我覺得係成個下午茶最好食,鵝肝味道甘香,質感幼滑,配脆餅一齊食好夾😋😋🍖黑毛豬火腿 - 賣相嚟睇,似乎下面嘅番茄啫喱先係主角,黑毛豬火腿先係配角,食落都係以啫喱嘅味道同口感為主,有啲喧賓奪主嘅感覺。🥒松葉蟹肉卷 - 蟹肉以青瓜包住,帶點清新嘅感覺都ok。🦞龍蝦包 - 個包暖暖地有牛油味幾好食,只係面頭嘅龍蝦餡料比較少,可以再多啲。Sweets🎁迷你 BLUE BOX - 嚟到Tiffany梗係要留意下用佢嘅signature首飾盒為靈感嘅蛋糕,賣相似到十足十,佢嘅顏色令到我感覺會有伏味,不過呢個有意外驚喜,入面係茉莉花慕絲、橙檸檬蜜瓜啫喱、雲尼拿戚風蛋糕仲有雲尼拿曲奇係底,味道幾清新,mousse口感軟滑,又幾好食喎。🍇青提子果撻 - 撻底鬆化有牛油香,面頭有啲青提子粒中和撻底嘅甜膩感都唔錯。🍓榛子醬泡芙 - 紅色嘅賣相好吸睛,泡芙係紅桑子味,面頭仲有士多啤梨朱古力(個樣有啲似山楂餅lol)酸酸甜甜都唔錯。🐣鳥巢朱古力蛋 - 面頭嘅朱古力同埋下面嘅鳥巢都係食得架,朱古力係焦糖味,我自己就一般。🍰紐約芝士蛋糕 - 呢個係個人認為最唔難食嘅一款,餅底太重肉桂味,唔係人人接受到,而且cream cheese太太太太膩喇,好漿口,破壞咗成個下午茶嘅整體觀感。Tiffany Blend、大吉嶺紅茶飲品方面其中兩杯揀咗茶,呢度嘅house blend味道清清地都ok,不過大吉嶺紅茶就非常淡,唔係好飲得出有味。人均消費:$400推介指數(10分為滿分):6.5分 繼續閱讀
(以上食評乃用戶個人意見 , 並不代表OpenRice之觀點。)
等級7 2021-08-19
1150 瀏覽
從閃友嘅網誌得知名首飾店旗下嘅餐廳「The Tiffany Blue Box Cafe」近月搞咗個生日推廣,二人或以上訂座嘅客人只需係該月份生日,並於指定時間內點選套餐,即可獲贈迷你蛋糕及可參與「Tiffany美鑽探索之旅」。貴為Tiffany粉多年嘅契妹八月生日,即相約小肥契哥把握機會去一轉尖沙咀打卡兼慶生!咖啡室位於大廈一樓大堂嘅電梯旁,其藍、白、銀色嘅方盒型設計同品牌相當吻口,唯一個銀漆招牌唔係咁顯眼,如果可以配合返棧啱位嘅射燈應該照得起。招牌嘅藍、白、銀色調延伸至玻璃箱內面積小小嘅用餐大堂。廳內嘅二至四人散座均以透明膠板隔開,相信最舒適就係左方嘅梳化位。桌上嘅餐具好多都係Tiffany出品,唔洗買又可以免費做宣傳,真係有商業頭腦;美中不足就係俾心水清嘅契妹發現銀器冇一件係Tiffany,明顯佢好介意囉!請留意,旗艦店導賞團「Tiffany美鑽探索之旅」雖然短短十五分鐘,但只會去到晚上七點,所以有意參觀或購物的話,訂座時記得預約定時間。由溫婉嘅店員姐姐帶領,方才知悉室內最入位置暗藏有一條通往商店嘅樓梯,啲梯級都幾高吓,穿著高踭鞋嘅女仕們要特別小心。XO仔對珠寶真係外行過外行,嘻嘻,不過進場時都認得出黑白照中為六十年代女神柯德莉夏萍企喺紐約Tiffany櫥窗嘅名電影情景。研發部嘅顯微鏡都油哂Tiffany Blue架,夠哂搶眼!快速睇完珠寶後就返上餐廳點菜。黎得打卡熱店,事前當然係做足功課啦,因深知飲品牌中嘅項目顏值唔高,飲開嘅香檳標價更屬酒店級,絕對不值,結果就只飲水水。食物餐牌共有兩頁之多,要享有生日優惠二人必需點選全日供應嘅兩道菜($358)或三道菜($458)套餐,分別在於前者只可揀前菜或湯,後者就有齊兩道。落好單,服務生迅即換上對應嘅餐具。自己冇潔癖,但總覺得餐具放喺冇枱布或餐墊嘅枱面上唔係咁衛生囉!契妹就解釋面前嘅餐桌獨特在其雲石紋理混入咗Tiffany Blue,屬品牌象徵之一,所以一定唔會遮住;小弟愚見,即使如此,但都可以用個餐具座承托住啲將會用嘅餐具,睇落仲可以高貴少少,一舉兩得。北海道帶子薄片刺身(套餐另加$30;單點$198):晚餐第一道頭盤於寫餸後約三分鐘後上枱,真係轉個頭就有得食,極速得有點兒驚嚇!鮮美亮麗嘅帶子刺身擺盤咁整齊一定需時排出,咁快有得食肯定係一早預備好啦,但餐碟並非冰凍,麵包脆粒又冇腍到,代表唔係直接喺雪櫃攞出黎喎。姑且勿論,半透明嘅帶子刺身巧薄軟潤,捲入鮮濃嘅魚子醬、脆卜卜嘅麵包脆粒及蔥碎, DIY帶子卷鮮甜柔嫩,散發著嘅檸檬香清新怡神,實在美味!法式清雞湯配鴨肝小雲吞(單點$148):師傅好有心機地以星形嘅秋葵及花形嘅BB粟米砌出如花藝般精緻嘅美食圖。上枱時再續一斟上清湯。湯料中嘅秋葵及花形嘅BB粟米樣子可愛且清脆爽甜,無奈湯品唔夠熱,敗筆在於小雲吞咬落又粉又黐牙,爆出嘅鴨肝涼到好似未解凍夠咁,徹底破壞咗設計者嘅構思!簡單啲嘅解決方法就係首先要將清湯滾得夠熱辣,另外鴨肝小雲吞可以變成鴨肝醬或鵝肝醬,以減低出錯嘅機會率。香烤西班牙豬扒(單點$248):XO仔所點嘅豬扒主菜雖則呈粉紅色,但契妹一睇已經話好乾!佢真係講得冇錯,厚厚嘅西班牙豬扒果真毫無肉汁,肉質更粗粗嚡嚡,加上調味欠奉,極為失色!碟上伴配嘅汁液份量少之又少,黏兩黏已用盡,不吃也吧!Petit Blue Box Cake:店子所送贈嘅迷你Tiffany禮盒蛋糕造型精巧菂薂,而且十分逼真,難怪吸引到咁多壽星仔女黎打卡!蛋糕餡心以節令食材所製,當日嘅日本桃味慕絲層微甜軟滑,中間圓圓嘅桂花啫喱拼法國蜜糖梨肉心則清潤爽甜,甜品意外地輕盈。名牌首飾店開設嘅咖啡店「The Tiffany Blue Box Cafe」裝潢看似高雅時尚,不過配備嘅自家品牌傢俱及銀器未夠齊全,加上室內嘈雜嘅聲浪直令其降價不少。服務生態度良好,美觀嘅菜式食材組合原本嘅概念理應不俗,無奈演繹出錯,作品變得好睇唔好食,平均消費要成六百蚊好難會覺得抵囉! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-08-14
395 瀏覽
友人同我都好鐘意tiffany blue,所以引起想黎呢間店打卡印象中,打卡既野食唔會有期望🤣但呢間餐廳今日都打破左呢個念頭 今日叫左2人tea set同1份雞扒三文治~員工有禮貌,又好好服務,仲好細心~1)熱朱古力咖啡+熱日本綠茶(tea set包) 綠茶可以任加滾水,味道正常,唔算太香,但食甜野配返茶岩岩好。而朱古力咖啡都係正常,唔太甜~另一杯就係普通水黎。2)2人tea set 呢個打卡set出乎意料之外好食3層加埋都係得1舊係伏~ 最底層,煙肉芝士鬆餅(超好食!咸咸地,又脆,味道好豐富)焦化牛油瑪德蓮、焙茶瑪德蓮(幾好食,唔太甜,正常鬆軟)麵包脆片(少少脆,但偏硬多,用黎點鵝肝焦糖布甸食) 中間層,黑毛豬火腿番茄啫喱(塊豬勁臭豬氣味,唔新鮮;而番茄jelly係一陣生番茄味,我同友人都唔鐘意食,呢舊係雖一大伏)龍蝦包(正正常常,但個包應該脆到變硬左少少)魚子醬醃漬三文魚(正常味道)青瓜松葉蟹肉卷(正常,但配青瓜怪怪地)鵝肝焦糖布甸(勁重鵝肝味,好似成舊都係鵝肝cream咁,有啲膩) 最頂層,青提子果撻(正常,中間都係cream黎,無咩特別)迷你 BLUE BOX(呢個好驚喜!好好食!陣陣茉莉花香,又唔太甜,超正!)榛子醬泡芙(正常,個皮淋左少少)紐約芝士蛋糕(正常,係面頭果塊野食落好怪,又唔似朱古力,我都唔知咩黎,最後無食呢塊野)鳥巢朱古力蛋(個鳥巢係炸左既麵,無味;而粒蛋唔鍾意入面既焦糖醬,勁甜)3)雞扒三文治 友人叫左呢款三文治走左羽衣甘藍(因為唔食得),佢既食評係幾好食,好濃味!薯條勁新鮮,有埋啲調味粉生色不少)總結:價錢貴左少少,但我覺得都值,起碼啲野食算幾好食,服務又好,又打到卡評分:🌕🌕🌕🌗🌑 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-27
620 瀏覽
✨香煎北海道帶子帶子煎得剛好 略嫌醬汁味道少少濃✨鮮蝦配千層腐竹鮮蝦爽彈同濃湯豆奶汁味道幾夾如果個汁可以稠d會更好✨龍蝦扁意粉龍蝦爽彈 意粉偏硬汁濃但偏稀 ✨鹹蛋黃卡邦尼意粉鹹蛋黃味道不算太突出 味道反而有點似芝士卡邦尼汁同樣偏稀難掛汁 汁味道偏淡✨Mini Blue Box Cake外圍的白朱古力就係想像中嘅甜蛋糕係慕絲蛋糕 面有一層簿簿啫喱狀不太甜微酸 比想像中好食物精緻味道不錯 服務亦好份量偏小(份量可能女士都只是剛好)環境同服務都唔錯 繼續閱讀
(以上食評乃用戶個人意見 , 並不代表OpenRice之觀點。)