85
15
3
港鐵中環站 L 出口, 步行約9分鐘 繼續閱讀
電話號碼
31418888
開飯介紹
The Tai Pan無與倫比的菜單以時令有機及手工食材為亮點,風格富有創意同時平易近人,塑造現代餐館的時尚氛圍。從早餐到晚餐,菜式的靈感皆來自最優質的時令食材,為經典美食注入新生命。 繼續閱讀
附加資料
The Tai Pan offers a Bistro menu of Western dishes and grilled specialties to entice the appetites of discerning diners. The Tai Pan offers menus for breakfast, lunch, brunch and dinner inspired by seasonal ingredients complemented by a master cellar wine programme celebrating the great wine-making regions of the world.
營業時間
今日營業
06:30 - 11:00
12:30 - 14:30
18:30 - 22:00
星期一至五
06:30 - 10:30
12:30 - 14:30
18:30 - 22:00
星期六至日
06:30 - 11:00
12:30 - 14:30
18:30 - 22:00
公眾假期
12:15 - 14:30
18:30 - 22:30
*早午餐:星期六,日及公眾假期: 12:00-14:00
付款方式
Visa Master 支付寶 現金 AE JCB Apple Pay
座位數目
66
其他資料
網上訂座
餐廳運作模式 - C類
餐廳運作模式 - D類 詳細介紹
Wi-Fi
酒精飲品
自帶酒水
切餅費
泊車
電話訂座
賞訂座積分
加一服務費
室外座位
有關獎賞計劃
食評 (121)
去年今日,在Intercontinental Hotel 的「Harbourside」(現已結業)食自助餐慶祝結婚周年紀念。印象中,當日尚在疫情初期,未有限聚令;但香港人經歷過沙士一疫,深懷恐懼、非常小心。那天晚上餐廳人流稀疏,第一次食自助餐任何食物都不用排隊。估唔到一年過去,期間疫情反反覆覆,到了今天尚未結束,又到了結婚周年紀念日,今次甚至連(餐廳內用膳)晚餐都冇得食!左思右想,為了小公主可以一齊出席,最終還是揀了自助餐,地點就挑選了The Murray。講講The Murray 前身美利大廈,只不過有50年左右歷史,未稱得上是什麼歷史古蹟,但在2012年香港政府遷出美利大廈後,決定將美利大廈活化,而並非拆卸及賣地重建。今日再看,當年這個決定相當明智,因為美利大廈絕對是香港最成功的活化項目之一,可以媲美 PMQ、尖沙咀舊水警總部。從外觀上來講The Murray 是一幢不折不扣的商業大廈,全白色的混凝土建築物,以今時今日標準來看,可能有點老土;但其實大樓的窗戶設計經過精心考量,確保有足夠天然採光之餘,又可避免陽光直接射進室內。這種節能設計以1960年代的標準來說,可以形容為可持續發展的先鋒。拖住個小朋友,由皇后像廣場行到去 The Murray 差不多要10分鐘。從平台層步入,可以見到一棵木棉樹,是項目範圍內原有古樹僅剩下來的一棵,唔怪得平台層喚作 Cotton Tree Terrace。進入酒店範圍,採用新派古典裝修風格,有氣派之餘兼具時尚氣息;大樓內部經過重新規劃,絲毫沒有原辦公樓的痕跡。花園樓層有兩間餐廳,左邊是 The Tai Pan,右邊是 Garden Lounge;今日目標是 The Tai Pan 的週末早午餐,成人每位$698(已包括free flow 鮮榨果汁),小童(5-11歲) 每位$349(不含主菜)。近年週末興食brunch,很多五星級酒店都會有餐廳作出安排,通常又有Free Flow 選項任飲紅白餐酒及香檳,當然要額外加錢;所以,食brunch 隨時貴過食buffet,但卻有食buffet 所沒有的優點。一般人正常食量,其實一份熱盤或主菜已經足夠;buffet只因為任食,所以才盡食回本菜,但brunch 的主菜食材及烹調水準肯定較buffet好味,至於沙律、cold cut、芝士、甜品等等,一律不會缺少。而且,搞weekend brunch 一般都是規格正統的酒店餐廳,與主力buffet的酒店cafe不同;環境更舒適、空間更寬敞,也不會有排隊輪候buffet回本菜的問題,食得更稱心如意。「The Tai Pan」的brunch同樣有free flow beverages,不好酒精的話,brunch 的價錢已包括任飲鮮榨果汁,是日就有四種口味:橙汁、蘋果汁、西瓜汁及西柚汁。以自助餐來說,「The Tai Pan」的食物區排設及擺盤經過精心佈局,較一般自助餐出色;又分成室外室內兩部份,將live carving station 設置在室外,提升了整體室內用餐環境。Brunch一定不能缺少芝士,五款不同口味的芝士,由最淡口味的Goat Cheese,到逐臭之人至愛的blue Stilton cheese,總有一款啱口味。芝士拼盤旁邊是乾果配脆麵包及克力架,坊間其他自助餐少見的歐洲皇室氣派早餐點心。「The Tai Pan」brunch 的另一個特色就是有大量精美麵包,其他brunch少見。唔好以為麵包一定便宜、只求填飽肚子;質素高的麵包可以又貴又美味。經典法國牛油牛角酥充滿濃郁牛油香氣,表層有多重酥皮,夠薄身、入口酥化,內裏鬆軟;只可惜已經出爐一段時間,唔夠熱辣辣。將開心果打成漿作為撻餡,之後再在表面舗上大量去皮新鮮櫻桃焗製而成的櫻桃開心果撻;牛油曲奇撻底鬆脆,開心果撻餡有果仁香氣及甜蜜,再加上櫻桃的果酸及獨有果香,味道又甜又酸,較普通的鮮果撻有特色、更好吃。法式鬆餅也有三款口味,總有一款啱心水,只是同樣有唔夠熱辣辣的問題。還有其他款式精美麵包,包括原味英式鬆餅、朱古力味英式鬆餅、雲石蛋糕;朱古力牛角酥、蘋果批、肉桂卷;鮮果丹麥酥;杏仁手指酥⋯⋯;但實在不能一一品嚐,如果每款麵包也食一個,就不能品嚐主菜及其他美食了。其中以鮮果丹麥酥最為吸引,酥皮批配吉士打醬及新鮮水果,冇可能唔好食。沙律也是brunch不可缺少的一環。一邊是四款已經預先混合了各種材料的頭盤沙律,另一邊則是自選沙律吧。自選沙律吧除了羅馬生菜、芝麻葉、鬼佬沙律雜菜等最基本沙律食材之外,尚有十多種材料隨個人喜好配搭,再加上幾款沙律醬汁、沙律醋及沙律油,各適其適;如果橄欖油可以再多幾種口味,就更加配合五星級酒店brunch沙律吧的水平。Cold cut 有豬肉批及意大利切片凍肉/ 風亁肉。不喜歡吃鬼佬口味的豬肉批,但就非常鍾意食意大利切片凍肉/ 風亁肉,木板上有五款口味供選擇:salami、風乾牛肉、Parma ham、切片火腿及辣椒肉腸。還有較少見的另類冷盤煙燻沙甸魚及燻鯖魚黑麥麵包配青瓜刁草乳酪醬,但似乎原封不動,可能沒有太多香港人識得欣賞。另外又有三款不同味道的三文魚:蘋果木煙燻、醃漬及紅菜頭醃漬;醃漬味道太濃烈,還是喜歡傳統的煙燻口味。蘋果木香氣配上軟滑鮮甜的優質三文魚,而且做到了油潤而沒有油脂,這就是高質煙熏三文魚。「The Tai Pan」brunch 的另一個賣點是kids corner,一如其名,供應的食品滿足大部份小朋友喜好;又刻意佈置在一張矮身餐枱上,迎合小朋友的高度。西式口味有迷你漢堡包、迷你pizza、炸洋蔥圈、焗芝士通心粉,當然不能缺少French Fries炸薯條;全部用高溫射燈照射以保持溫度。中式口味以廣東點心為主,包括乾蒸燒賣、乾蒸牛肉及三款蒸包。Brunch的室外部份同樣有kids corner,有麵包布甸、各式糖果、爆谷及六款口味雪糕,完全滿足小朋友的喜好,不過竟然是鹹爆谷。Carving Station 定時轉換餐單,今日是北京填鴨及烤羊髀。一如其他自助餐,北京填鴨由專人片皮,然後用饃餅皮加入白蔥、青瓜及烤鴨醬包成鴨卷,不用自己落手。根據過往經驗,自助餐的北京填鴨質素麻麻,但今次有意料之外驚喜,味道竟然媲美高級京菜館。鴨皮沒有過多脂肪,咬落酥脆、有鴨油香;鴨肉多肉汁、冇渣,以鴨肉來說,算相當好吃。烤羊髀肉質軟腍,雖然及不上羊架鬆軟、多汁、油香,但勝在肉味濃郁;只是不能多吃,要留肚食主菜。還有其他款式烤肉,不過味道就麻麻地,完全欠缺燒烤應有的香氣及焦燶,尤其是蜜糖烤雞翼,表皮簡直如同沒有燒烤一樣。唯一值得一讚的是六款完全不同風味的醬汁:沙嗲醬、日式照燒汁、泰式辣醬、香草/龍蒿/芫荽汁、BBQ汁及香蔥莎莎醬,無論配什麼烤肉也很合適。主菜五選一,素食、牛、豬、魚、海鮮各一款,明顯係刻意組合,以迎合差不多所有人的口味。食主菜前先為每位客人(不包括小朋友)奉上三隻生蠔,並配上三款醬汁;沒有交代是什麼品種,但味道鮮甜、有海水味。Soft Poached Japanese Eggs配蘆筍、龍蝦肉及crispy sourdough crouton的賣相唔算吸引,味道卻充滿驚喜。將蘆筍近根部位的粗硬表皮刨走,咬落爽脆冇渣,入口清甜又充滿水份。半熟日本流心雞蛋可說是畫龍點睛,將雞蛋黃與龍蝦殻熬煮的醬汁混和後,用來蘸 crispy sourdough crouton,將香脆的酸麵包薄片味道提升。半熟雞蛋黃龍蝦醬汁配龍蝦肉更加是一絶。濃稠的醬汁就似濃縮龍蝦湯,混合了同樣濃稠的雞蛋黃,倍添鮮甜美味,加上爽甜的龍蝦肉,只嫌份量太少。Crispy Iberico Pork Belly有點似廣東燒味的燒腩仔,醬汁及配菜就有蜜糖芥末醬、番薯泥、羽衣甘藍及蘋果片。雖然西餐烹調烤焗豬腩肉的方法肯定與廣東燒味的明爐燒烤不同,但這客Crispy Iberico Pork Belly的豬皮同樣非常香脆鬆化。食材用上優質西班牙Iberico Pork,油脂滲入豬肉內,又有適量的豬油脂肪層;入口甘香油潤、肉質腍滑,沒有一般豬肉的粗嚡口感。四款水果是最常見的西瓜、蜜瓜、哈密瓜及菠蘿,勝在全部熟透、清甜多汁。甜品相對上是比較弱的一環,款式不算多,也不特別吸引,只有馬卡龍、曲奇及四款法式甜點 / 切餅。貴價自助餐或brunch的法式甜點 / 切餅一向是其中一個亮點,偏偏款式太少,而且沒有一款以朱古力為主打。想起Intercontinental Hotel 結業前的「The STEAK HOUSE winebar + grill」,兩年前的weekend brunch索價成人 @$698(含free flow,包括餐酒 @$898),小童(3-11 歲) @$598,與「The Tai Pan」差不多。「The Tai Pan」勝在有kids corner及carving station,「The STEAK HOUSE winebar + grill」的甜品及扒類主菜就較出色。兩間名牌酒店旗下餐廳的brunch各有特色、又同樣出色;只可惜Intercontinental Hotel 已結業,沒有機會互相競爭了! 繼續閱讀
等級4 2021-07-28
1983 瀏覽
美利酒店既The Tai Pan一向都以早午餐(Brunch)為最出名既餐點,今晚小編與老公因為Staycation關係終於可以嘗試到The Tai Pan既食物喇! 但因為時間安排上既關係,今次就先響晚餐時段品嘗下佢地既西餐先!西餐廳既傳統都係會有大量既員工盡量響你有需要既時候可以即時提供協助,The Tai Pan亦唔例外,6:30入座既時候所有員工幾乎都列隊歡迎,而且坐低個陣都溫馨提供餐牌及詢問冷熱水﹑或者品嚐紅白酒既喜好等。由於餐單係因應Staycation而特別設計,所以平時The Tai Pan既餐單未必完全一樣,甚至可以話佢都融合埋The Garden Lounge個邊既菜單去設計,一陣小編都盡量將相對正餐單既價錢列出黎俾大家參考吧:(三道菜晚餐可以於前菜﹑主菜及甜品中每項揀1款,而如果主菜選揀羊架既話就會有$48既附加費)(本身三道菜晚餐並唔包括任何飲品既,所以如果大家想增加情調就可以自由添加 (但小編房內本身已包1枝贈送既白酒,所以就放棄了))揀完喜歡既三道菜菜式後,首先出場既就係西餐廳通常都會免費提供既麵包籃。小編最深刻既就係外脆內軟既法包﹑以及充滿酸酸蕃茄香味既蕃茄包,無論塗上牛油還是淨包咁食都覺得好香口。前菜方面:Creamy Lobster Bisque ($228):龍蝦湯非常濃郁而附有唔少既龍蝦肉,但同時佢唔會因為過份濃郁而令整碗湯變成類似"獻"汁既感覺,反而會似返平時飲既類似松露忌廉湯既密度;龍蝦肉偏向切成細細粒,方便配合湯而一齊食,味道鮮甜!Grilled Wagyu Beef Salad ($248):泰式既和牛沙律,當初小編都無特別為意而以為係一般既沙律加上和牛片而成,但如果係以泰式既辣汁,配以清新既青瓜等等而製成。味道非常有驚喜既辣,但因為香料非常多,所以每片和牛都可以配合豆角﹑蒜粒等一齊享用,配合和牛5成左右而無筋,食個陣非常有肉香! 最後和牛份量有7-8件,非常抵食!主菜方面:Australian Lamb Chops ($378, Staycation Set +$48)):兩大架羊架,再配以茄子及藜麥飯,羊架非常肥美,但同時近骨位既肉又非常有彈性;羊架並無任何羶味,所以食個陣連埋偏向重口味既汁,會帶出羊架既肉味。建議食完1件羊架後,稍為利用茄子及水沖沖口腔再食,咁就會無咁有油膩感。M3+ Rangers Valley Black Onyx Hanger Steak:來自澳洲黑安格斯牛封門柳,係小編響整個晚餐入面感到最驚喜既菜式 - 封門柳以原條燒熟後再慢慢切成薄片 (7件左右),就算以7成熟既情況下,入面既肉仍然保留一定程度既粉紅色嫩感;入口個陣充滿住封門柳獨特重肉味而無脂肪既感覺,肉汁完全鎖住響牛肉內,非常好味! 同時黑松露薯蓉亦有驚喜,唔會因為有過多牛油而有油膩感,反而簡簡單單利用黑松露既原味混入薯蓉而製成,好味! (可惜呢款菜式響美利酒店所有既餐廳都無,希望有機會再黎品嘗個陣會被列入常規餐單啦)最後就到甜品喇! 小編與老公都選擇左Dark Chocolate and Hazelnut Tart ($128),批邊好薄令朱古力比例非常高,同時60%朱古力的確唔會太甜,令你可以無咁大罪惡感下食多少少;如果你覺得太甜而頂唔順既,柚子醬既酸味就正正令你中和返,好味! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-27
2550 瀏覽
🌟The Murray staycation 🌟The Murray staycation 包哂3餐其實真係好抵 呢個係3 course set dinner 🥰🥰服務員好nice好樂意幫我地影相 態度亦都好好 餐前仲會有麵包 我哋揀咗番茄包同芝士薄脆 蕃茄包食落幾新鮮❤️Appetizer Seafood tower海鮮包括生蠔 青口 鮑魚 蝦 螺 基本上全部都好新鮮😍咬落爽口彈牙 一啲都唔難咬 而且佢提供嘅醬汁都好好食 酸酸地好開胃❤️👍🏼MainSurf and turf 呢道菜有hanger steak and lobster tail 😍兩樣我都好鍾意食 牛扒咬落軟滑到爆🤤又保留到肉汁 牛扒嘅面有啲粗鹽 令口感更豐富~而龍蝦都好彈牙 有咬口😋不過調味就落多咗 比較鹹😐Sustainable snapper魚都好大份呀 仲要係可持續嘅魚 概念好環保 確保人類唔會因為食太多呢種魚令到生態唔平衡😍😍魚嘅外皮煎到脆一脆 而魚肉咬落好有咬口 旁邊嘅配菜係小黃米 食粒細細粒好得意 又健康😋🥰DessertSeasonal berries clafoutis呢個有啲似蛋撻入面有啲莓😂酸酸甜甜嘅唔會太漏👍🏼我仲鍾意佢攞嚟頂住塊牌個條cream 係開心果醬😍😍味道新鮮🥰Dark chocolate and hazelnut tart呢個黑朱古力就比較苦啦 不過面頭嘅cream係咁榛子醬 中和返黑朱古力嘅👍🏼 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-10
0 瀏覽
早餐在另一間餐廳享用,是美利酒店的Taipan. 在網上搜集返嚟的資料顯示,美利酒店的半自助早餐好評甚高。我們用餐後感覺一般。自助早餐的部份食物選擇都是一般般,都是酒店自助早餐的日本選擇,有點心、麵包酥皮類、cereal….好抱歉,今次影了Menu,但沒有詳盡影他們的自助早餐的所有款式,老實說,不是太吸引,沒有衝動去影😣⋯⋯Menu 可以order兩份,選擇了中、西各一款式。中式選擇了水餃麵,水餃蝦肉爽甜的。西式方面選擇了Egg Benedict, 在網上大家介紹蛋黃是橙色,是真的!這個推介👍🏻我承認有些私心,只有心情影酥皮及麵包,因為係我嘅至愛🥰Cereal 和粥都是指定動作,品質一般吧環境和服務都良好的。總括egg benedict 最深刻,酥皮和水餃都好食,其他沒有太大感覺。 繼續閱讀
(以上食評乃用戶個人意見 , 並不代表OpenRice之觀點。)