121
23
5
港鐵中環站 L 出口, 步行約9分鐘
繼續閱讀
電話號碼
31418888
開飯介紹
The Tai Pan無與倫比的菜單以時令有機及手工食材為亮點，風格富有創意同時平易近人，塑造現代餐館的時尚氛圍。從早餐到晚餐，菜式的靈感皆來自最優質的時令食材，為經典美食注入新生命。
繼續閱讀
營業時間
今日營業
12:00 - 14:30
18:30 - 22:00
星期一至日
12:00 - 14:30
18:30 - 22:00
*早午餐:星期六,日及公眾假期: 12:15-14:30
以上資料只供參考, 請與餐廳確認詳情
有關獎賞計劃
食家推介
相關文章
蝦子餅生日，見Murray Hotel 嘅The Tai Pan 有優惠，二人晚餐都係$980，包前菜、主菜及甜品，一於試試。酒店在金鐘站行10分鐘便到，很方便。餐廳設計時尚，座位濶落，環境清幽，一入去已令你喜歡。套餐前菜、主菜、甜品都有選擇，各選所好。落完單，已有熱辣辣的麵包，同樣有幾款可選。味道各有特色，法國豬仔就外脆內軟，軟包就香甜，兩款都好好味。前菜揀了龍蝦湯及蟹肉餅。龍蝦湯底稠度啱啱好，不會太稀或太稠。整個湯充滿龍蝦味，龍蝦肉彈牙，yummy! 😋😋😋而蟹肉煎餅有很多蟹肉，鮮甜幼滑，香口。旁邊有用柑橘做成的他他醬，很夾，多了一重鮮味。可惜蟹餅不夠熱，只是微溫，食落口感溫度略為失色。👍🏻其中一個主菜我們揀了煎三文魚扒，這個魚扒煎得香口，外脆內軟，旁邊的法國邊豆也好味，加或唔加醬汁，同樣好味。😋😋😋這件牛柳絕對優質，肉質軟嫩Juicy，很香牛肉味。我們要七成熟，它則啱啱好，完全冇血汁，但不過火，好味到唔停得口。而伴菜的蘿蔔亦幼滑香甜，冬菇厚身，好好味！👍🏻👍🏻👍🏻甜品選了檸檬撻，樣子美麗。撻皮又薄又脆，甜中帶有點點酸，加埋面有士多啤梨醬及藍莓，能夠化解肥膩，絕佳的飯後甜品。整體而言，Tai Pan 絕對是超值之選。
繼續閱讀
🌟餐廳：The Tai Pan📍地址：中環紅棉路22號The Murray, Hong Kong酒店花園樓層💰價位：～$200 - $400⏰營業時間：星期一至日 12:00 - 14:30 / 18:30 - 22:00📱電話：3141 8888相信大家對The Murray 絕不陌生，坐落於中環紅棉路，由美利大廈活化而成，係城中矚目地標! 無論之前黎staycation 抑或黎打卡影相，環境及氛圍都一流!!今晚就約左個朋友黎呢間酒店既餐廳The Tai Pan 食飯，一於係呢個咁瑰麗堂煌皇既環境底下，品嚐下佢地全新推出既最新美饌先!🌟中式套餐🌟頭盤🔹原隻鮑魚雞粒酥🔹陳醋青瓜海蜇🔹蟹籽燒賣呢幾款頭盤既點心超水準，賣相亦好精緻! 原隻鮑魚雞粒酥既撻底入口非常酥脆，鮑魚夠哂大隻厚身之餘，咬落仲好彈牙，搭配埋內層既雞粒醬，好滋味!陳醋青瓜海蜇調味好出色，陳醋微微酸，搭配爽脆既青瓜及脆口既海蜇，令人好開胃~蟹籽燒賣大大粒，材料充足，蝦肉爽彈有口感，混合豬肉咬落都幾juicy!———————————————————湯 (每位一款)🔹松茸菌竹笙燉響螺🔹龍蝦湯鮮蟹肉燕窩羹呢2款湯品各有特色~松茸菌竹笙燉響螺湯頭好清澈，用料十足，每一啖都充滿螺頭既鮮味，濃而不咸，火喉十足~龍蝦湯鮮蟹肉燕窩羹呢款中西合壁既湯品出奇地夾，濃稠既龍蝦湯加入蟹肉，鮮味十足，上層面更加入燕窩，層次豐富!———————————————————主菜 (每位一款)🔹麥香黃金蝦球🔹杞子蟲草花蒸鱈魚柳🔹蜜汁黑豚叉燒🔹海南雞我地就揀咗杞子蟲草花蒸鱈魚柳同蜜汁黑豚叉燒～呢款杞子蟲草花蒸鱈魚柳，有驚喜!! 鱈魚柳入口好滑順而且啖啖肉，搭配杞子蟲草花，香氣十足～值得一讚佢地個秘制蒸魚豉油，用咗多種材料如香蔥、果皮等調配，更能突顯魚肉嘅鮮味～至於蜜汁黑豚叉燒，肉質唔算太肥膩，口感十足，帶點玫瑰露嘅香氣，都幾出色!———————————————————米飯 (每位一款)🔹飄香荷葉飯🔹雞油飯🔹絲苗白飯飄香荷葉飯賣相好精緻，以籠仔荷葉呈上，一開蓋香氣十足，而且用料亦好豐富，加入蝦米、瑤柱及臘味，食落好滿足～雞油飯既飯粒煮至粒粒分明，雞油味香濃十足而唔太油膩，好正!———————————————————甜品 (每位一款)🔹蛋白杏仁茶🔹椰汁紅豆糕配合桃酥蛋白杏仁茶食落好清甜而且杏仁味十足，蛋白入口都幾嫩滑，熱辣辣好養生～佢地既自家制椰汁紅豆糕椰香味出眾，紅豆份量夠哂豐富～而合桃酥焗得好酥脆，入口鬆化～———————————————————😋味道：4/5🏢環境：4.5/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結係呢一個咁優雅嘅環境食飯真係令人好舒適~The Tai Pan 樓底夠高，氛圍及燈光一流，岩哂打卡～值得一提既係，餐廳店員既服務好貼心，上菜時用心介紹菜式，每一位都溫文有禮，抵讚～
繼續閱讀
1907 瀏覽
雖然遲左，先再講一次，Murray五周年紀念快樂。前排係紀念派對見到佢有好多慶祝活動已經好期待，每間餐廳都會有新餐單，除左之前介紹過嘅Popinjays，我相信另一個必吃嘅就係搵咩The Tai Pan。我已經不斷留意緊佢哋有冇新菜單，搵緊機會再去食，之前staycation食過一次但係兩個人唔算食得多嘢，但上個月同幾個朋友一齊食就試到好多好出色嘅嘢，因為原來好多都係新Menu，呢期節日黎食就最啱。熱身前菜做咩就來杯白酒，Michel Redde & Fils La Moynerie Blanc Pouilly Fume 2018，開胃一流。先上多種唔同嘅麵包，我哋點幾個夾嘅前菜送下麵包。先來半打嘅法國生蠔，可惜當晚無chablis，唔係應該夾好多。不過個生蠔勁出色，海水味濃，礦物味超重，而家肥大肉厚。佢嘅Signature Crab cake，令我想起某間酒店，同樣有名嘅蟹餅，不過呢個蟹餅密度更加高更加好食。lobster Escargot，點剛才的麵包一流，每一隻龍蝦真係同田螺一樣咁嘅形狀，但係個芝士真係無敵夾呢個菜式，幾分鐘乜都無剩。湯品我們點了Clam Chowder，那種蜆湯嘅濃度，絕對值得你叫，還有蜆嘅甜度，又係送麵包一流。上場的Argentina Ribeye，呈粉紅狀態，燒得極為漂亮，講真自己整好難搞到呢啲質素同水準，而且炭香非常濃烈。食完Ribeye就試下有油香嘅Australia Wagyu striploin ，澳洲和牛食嘅係油份，同剛才嘅阿根廷牛可以話係兩個世界，我成日覺得咁樣食先至比較得到自己鍾意食邊類牛肉，我今晚更加明顯。食牛就當然點一支新世界大隻d的紅酒，老婆以WEST level 2選的酒，好夾阿根廷草飼嘅RAW味道。Dover sole Meunière，前牌食荷蘭菜都食過呢隻魚，呢度做法差唔多，但明顯味道取勝，不過最重要當然係條魚新鮮好多，牛油同檸檬比例剛剛好，最重要係個肉質真係好滑嫩。呢度嘅煎鵝肝雖然冇樓上Popinjays 咁出色，相對簡單一啲冇咁花巧，唔係唔好食，只係樓上擺嘅心思多啲，呢度就比較簡單而直接。朋友唔食牛，我地就當然叫個豬俾佢，點了Iberico Pork Chop，由於食牛太多，我呢個只係影相就算，不過朋友話勁好食，又係瞬間清碟。除了呢幾個主菜之外，我哋仲叫咗好多side，當中菠菜同胡蘿蔔真係堅好食，記得唔好錯過。兩個甜品就有freshly based Apple crumble，朱古力opera同lemon And Cassie Tart，其實都已經飽到上心口，但係都錯過唔到個甜品，最喜歡係Apple crumble，即場焗果香一流。希望快啲有機會再黎食啦，期待多啲佢嘅新menu。
繼續閱讀
早前到Popinjays吃了頓精緻有心思的菜，今次一班朋友，就選了樓下的 The Tai Pan，熱鬧一番。阿根廷以美酒和肉類聞名於飲食界，來自阿根廷的大廚對烤肉及扒類自然特別巧手，對一班「食肉獸」更是有不能抗拒的魅力。餐廳樓底特高，開揚闊落，吃得自然更舒適愜意。首先上場的是自家製麵包，外脆內軟，簡單配上牛油已很好吃。Michel Redde & Fils La Moynerie Blanc, Pouilly-Fume 2018~友人選的這支白酒，色澤淡黃，香氣優雅、口感清爽，帶青蘋果及檸檬香。法國生蠔～肉質爽脆柔滑，濃濃的海水及礦物味過後，釋放的是甜鮮味。SIGNATURE CRAB CAKES～金黃香脆的外層包裹著一絲絲的蟹肉，鮮香酥脆，啖啖滿足；先吃原味，再醮一旁的韃靼醬，雙重滋味！LOBSTER ESCARGOT～以龍蝦代替蝸牛，這個變奏版的法式焗田螺自有其獨特的美味，經檸檬香蒜牛油烘焗下；龍蝦肉增添一分燒烤的香氣， 層次也變得多樣化， 跟香脆的多士同吃，無得輸。CLAM CHOWDER～超級濃稠、口感細膩；滿滿的牛奶和忌廉香，每一口都吃到蜆肉、煙肉及芹菜，是我心目中的完美周打蜆湯！喜吃牛的友人知道大廚是肉類烹調能手，雀躍不已，至於我和另一友人則各自選了魚及豬。ARGENTINEAN RIBEYE (280G) 及AUSTRALIAN WAGYU STRIPLOIN M5 (280G)，分量超多，外貌誘人、肉質粉嫩，友人們吃後讚口不絕，吃得興起，沒有紅酒助興又怎能成事？DOVER SOLE MEUNIERE～香煎龍利魚佐牛油汁屬法國傳統菜餚，裹一層薄薄的麵粉落鍋煎至金黃，外層微脆之餘更能鎖住水份，令肉質保持鮮嫩；而由焦糖化了的牛油、檸檬和Capers調成的醬汁更是其靈魂所在。IBERICO PORK CHOP~來自西班牙的Iberico(伊比利亞)豬，以橡果、杏果、野草和水果作食糧，自然放養，肉質緊緻鮮嫩，色澤粉嫩，煎至剛剛熟；至為美味。FRESHLY BAKED APPLE CRUMBLE～香脆的表面，底層是一絲絲的甜蘋果；伴以核桃雪糕及吉士忌廉同吃，冷熱交熾，滋味無窮！LEMON & CASSIS TART～酸酸甜甜的口感分外清新，連一向不愛吃甜的友人也為它着迷。水準出色分量較多，最適合一班朋友齊齊享用！The Tai Pan地址: 中環紅棉路22號The Murray, Hong Kong酒店花園樓層電話: 31418888
繼續閱讀
之前都有上網見朋友同屋企人或者另一半去呢間酒店嘅時候 訂既package都會包埋一個晚餐 睇落都幾吸引 所以決定今次同另一半 試吓呢一間酒店 再加埋呢間餐廳 餐牌睇落好吸引 有海鮮拼盤 同埋自選兩個主菜 嘢飲就要另外付費 所以今日我哋冇叫到頭盤嘅海鮮拼盤，主要都係有生蠔海蝦長腳蟹鮑魚同埋青口，再配以一個特製嘅醬，食落都幾refreshing，長腳蟹係咁多款最好食主菜，我就選擇左食牛，酒店質素嚟講，我覺得合格，但冇去到好出色嘅情況，份量就唔係太大份，配菜就不過不失最後以一個朱古力撻作結，味道都唔錯，不過總括而言期望就有少少落差
繼續閱讀