54
16
12
港鐵青衣站 F 出口, 港鐵青衣站 G 出口, 港鐵青衣站 A2 出口 繼續閱讀
電話號碼
31051825
營業時間
今日營業
09:00 - 23:00
星期一至五
09:00 - 23:00
星期六至日
08:00 - 23:00
公眾假期
08:00 - 23:00
付款方式
Visa Master 現金 八達通
食評 (91)
等級4 2018-05-31
343 瀏覽
這間The Story Cafe & Bakery,其實自他開張已經想試,很喜歡餐廳的海洋風佈置。是日餐湯是番茄忌廉湯。咖喱牛肉温泉蛋芝士鐵板焗飯套餐 $65咖喱屬較淡口味的,聞上去很香,入口味道不會太濃,帶微辛,蛋香和芝士味比較重,牛肉口感軟稔夠肉味,還有薯仔和其他蔬菜作配菜,整體感覺不錯,不會太膩。日式鰻魚鐵鍋炒飯套裝 $68鰻魚口感軟稔中有彈性,味道不錯。飯炒得很香,混合了芝麻、薑、甘荀等配料,口感味道同樣豐富,還有香脆飯焦更添美味。粉紅玫瑰 $35 顏色很美,入口淡淡玫瑰香夾草莓的甜,奶味香濃,甜度不會太過。棉花糖曲奇朱古力 $40賣相很可愛,朱古力味夠香濃,口感夠滑,雖然又棉花糖又忌廉,但感覺不會太膩。飯後來一點甜,除餐牌以外,甜品櫃也有一些甜品可供選擇。白色鮮果叢林(草莓、香蕉、蜜桃及藍莓) $62pancake 煎得很香,厚薄剛好,水果比例比忌廉多,而且夠新鮮。藍蝶花荔枝慕絲 $34單是賣相已經夠療癒,上層藍碟花啫喱清香微甜,下層荔枝清甜香軟,感覺清新。說實話,在青衣城內這個價錢有如此水準,還要食物全都大大份,環境舒服,服務亦好,不禁覺得實在是太便宜了,值得多多支持。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-19
384 瀏覽
呢間位於青衣城cafe 以環境同價錢黎講屬幾有驚喜嘅餐廳。店內裝修以海洋小清新風格,感覺悠閒舒服。主食餐牌、飲品、甜品都好多選擇!定價最貴都係$60-70左右。香橙接骨木花冰茶 $28 跟套餐叫半價$14接骨木花香味唔算濃,但香橙冰茶有茶味唔太甜,還不錯!曲奇雪糕朱古力 $45曲奇雪糕幾高質,朱古力冰塊少一點會濃d。套餐+$10 有麵包同忌廉湯。鐵板慢煮春雞仔(半隻)$58可選黑椒、蒜蓉汁。春雞仔size 都幾大,燒雞皮嘅脂肪唔多。雞脾嘅部分幾juicy! 配菜薯角夠脆。芝士咖哩牛肉溫泉蛋鐵板焗飯 $65 (套餐)日式咖哩、溫泉蛋、芝士溫和融合得唔錯。牛肉係牛柳粒嘅部分,大大紮實嘅6、7粒!白色鮮果叢林 $62綜合水果嘅班戟卷,入面仲有吉士、忌廉。班戟外皮煙韌唔似平時食到果種,每件班戟卷都有兩種水果。呢件切開就有士多啤梨、香蕉。鐵板白布朗尼配朱古力蛋糕 $48上碟時店員會淋上焦糖/拖肥口味嘅熱漿。朱古力味雪糕算濃,白布朗尼質感比平常食到嘅布朗尼無甘紮實,口感比較似蛋糕。埋單300幾,兩個晚餐、兩杯特飲加兩款甜品,整體來說都係青衣城內幾好嘅選擇。 繼續閱讀
(以上食評乃用戶個人意見 , 並不代表OpenRice之觀點。)
母親節剛過去,延續Holiday Mood,繼續放媽媽假!一於出街食飯,等媽媽煮少日飯抖返下! 近近地去青衣城尋食,我地選擇左裝修充滿住海洋色彩嘅CAFE-THE STORY!之前剛開業,跟Cherry契媽來過吃TEA,野食都幾多選擇,晚餐就第一次試啦!原來近期換左MENU,新推出了鐵板系列,我地當然試下新野啦!叫左兩個鐵板餐,包湯,餐前麵包同埋飲品。 麵包熱辣辣,好軟熟!忌廉湯就普普通通。 跟餐叫嘅凍咖啡,自已落糖水同奶,自已口味自已調較。 我就叫左呢杯 "清丘",其實即係日式嘅綠茶紅豆鮮奶,紅豆略厭少左D,但綠茶鮮奶味道唔算甜,整體上OK。 主角出場啦!我呢個叫做 "鐵板美國黑毛豬",好味道呀!佢煎到個外皮有D脆,裡面D肉一D都唔鞋口,就算凍左肉質仍舊保持到水準,食落仲好有豬味!配菜有我喜愛的翠玉瓜,咬落好多汁,Balance返D油膩感。 另外Order了這個,叫做 "鐵板紐西蘭牛肉眼扒",比較之下,呢個就失色左D啦!感覺佢唔係好入味,好彩配左黑椒汁姐!扒SIZE都可以接受! 最後不得不提下呢個甜品 - "鐵板布朗尼配雲尼拿雪糕",超得呀!布朗尼確實有D甜,不喜愛嗜甜嘅朋友仔未必覺得好食,但我地就非常好啦!驚喜係鐵板入面有隻香蕉開邊,蕉面灑上砂糖火灸過呀!好好味嘅法式焦糖香蕉呀!食完好開心好滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-10
507 瀏覽
提早慶祝母親節,媽媽想吃點精緻又不太花費的西餐,決定帶媽媽一試青衣城開張不久的The Story Cafe and Bakery! 以海洋為主題的The Story,天花魚兒裝飾,配合藍調的裝潢,讓你尤如置身水底夢幻角度。The Story Cafe 以「鐵板」菜式為賣點,Fusion西日主菜,亦有all day breakfast,華麗的賣相,全部都很吸引呢~意外驚喜發在大商場Cafe價錢可以如此平民,晚市套餐的價錢竟可以由$50至上$90-HKD說好了是cafe,當然少不了甜點供應不一定來吃正餐,朋友們來個dessert time也可以啊~套餐包括是日餐湯(是粒粒甘筍湯呢) 、餐包和飲品飲品可以半價升級特飲,士多啤梨乳酪特飲,輕甜,士多啤梨味濃,好飲! 黃金三文魚鐵鍋炒飯 $65(套餐價)切成粒粒的三文魚炒飯,配上雜菜粒粒和硬身米飯炒製,健康之選咖哩牛肉溫泉蛋芝士鐵鍋焗飯 $65(套餐價)主廚Ricky CHEUNG推介,充滿芝香的咖哩牛肉飯,牛肉肉質鮮軟,菜式配搭惹味吸引鐵板紐西蘭牛肉眼扒 $78(套餐價)鐵板牛肉眼扒,大大塊嫩肉牛扒,滿足牛控的要求鐵板布朗尼配雲呢拿雪糕 $52布朗尼甜品吃得多,以鐵板送上卻是第一次,而且還有醮糖香蕉伴碟,大愛!鐵板上淋上雲呢拿汁的布朗尼配雲呢拿雪糕 ,蒸發了甜甜香氣,溫熱的布朗尼和冰凍的雲呢拿雪糕同步入口,創造出另一番心甜滋味 繼續閱讀
(以上食評乃用戶個人意見 , 並不代表OpenRice之觀點。)
主題甜品一流! 焦點食評
等級4 2017-12-20
1322 瀏覽
今日去咗青衣城呢間以海洋為主題嘅餐廳,The Story Cafe and Bakery, 見佢裝修好得意,好啱小朋友(雖然我冇), 但係都畀佢嘅環境吸引咗。見門口嘅餐牌都唔係太貴,一於入去撐枱腳先。點咗一個晚餐:美國一級安格斯牛肉眼配香草牛油汁$168,可以跟餐加$18配是日精選蛋糕,另一個餐係東京千代咖哩吉列豚肉飯$68。餐飲有英式紅茶同埋抹茶,我哋都揀熱飲,因為天寒地凍飲杯熱茶最啱!覺得英式紅茶好啱食紅肉時喝,可以消滯不油膩,如果唔飲得濃茶的話就不要選擇了,因為我平時都飲開英式紅茶,知道茶味是超濃超香的。柚子抹茶一上桌,就聞到好香柚子味,要用小匙羹攪拌先好飲,因為柚子蜜沉在杯底,與綠茶的香味混合後,感覺非常特別,有柚子清香,有綠茶的清新,吃吉列豬扒怕油膩熱氣,喝一口,消滯又滋潤。跟餐還有餐包和是日餐湯,今日是蕃茄忌廉湯,灑上香草, 蕃茄湯酸酸的很開胃,creamy 口感 也不會覺得油膩,麵包很鬆軟,和著番茄湯一起吃,熱熱的又軟棉棉的,是西餐最捧的東西!東京千代咖哩吉列豚肉飯, 吉列豬扒非常大塊,日式咖哩汁鋪在碟底,不會令吉列豬扒浸淋。吉列豬扒炸得很乾身,外面的麵包糠很脆,而且不覺油膩,豬扒肉非常爽口,還保留了肉汁,口感非常好,廚師炸野的功夫很好,要讚! 點上日式咖哩汁吃更加惹味,咖哩是不辣的, 吃得出是用很多薯仔來煮咖哩,很香薯仔味,撈飯食超讚的!覺得呢個餐非常抵食!美國一級安格斯牛肉眼配香草牛油汁, 塊肉眼扒都算大塊,放上一嚿香草牛油,好精緻!配菜還有翠玉瓜蘿蔔等等。肉眼扒我揀七成熟,因為怕食生肉,人哋話食咁熟啲牛肉會好鞋,但切開都見到仲好有肉汁,食落都唔韌喎,因為是肉眼扒較爽口的,仲好香牛肉味,加埋香草牛油更香呢!$168的價錢比起其他西餐廳都算平,食得過。呢度全部以海洋為主題,塵公仔係呢度嘅主角,都想試下佢嘅 dusty kid 系列, 唔止吸引小朋友,大人見到咁可愛嘅特色食品都好想試,以塵為主題做左d 特色甜品、飲品和小食。因為今日的蛋糕都賣曬, 最想食嘅梳乎厘班戟都食唔到, 所以揀咗天空塵船$68,有四款小食。花形的原來是麵包多士,點上煉奶吃,香甜又脆,似在吃零食,吃得心花怒放!三角形的原來是芝士粒,裏面的芝士以炸到流心,芝士味很香濃。燒汁八爪魚的燒汁非常惹味,是日本的照燒汁,不會太鹹,帶點甜味,越食越香,推介!還有脆薯格,炸得香脆,充滿薯仔味,小朋友肯定鍾意呢四款香口炸嘢食,因為我自己都好鍾意!食少量都唔算過份,而且整成一隻船的形狀,食得賞心悅目!因為食完天空塵船裏面嘅燒汁八爪魚覺得好好味,唔夠喉,於是追加埋避風塘八爪魚$45, 又係炸得超級脆,煎炸嘢食真係魔鬼!但係呢個避風塘八爪魚唔算辣的,小朋友都食得,同埋味道係甜甜哋,非常易入口,完全不是避風塘炒蟹那種辣,當普通香口小食都得。 食咗咁多香口嘢係時候要上甜品啦,呢個係跟晚餐加$18配的甜品,每日都會唔同。今日呢個係荔枝慕斯, 一上桌很有驚喜,因為那是一個迷你海灘! 有一粒貝殼,原來是朱古力做成的!沙灘的沙,就是平時吃中式甜品糖不甩的花生粉,充滿花生味很香。藍色的是薄荷啫喱,扮成海水,最底的是白色慕斯,很香牛奶味,整個甜品口感豐富,而且奶加上薄荷,令口感很清新,完全感受到海洋的清爽舒適!這麼精美的甜品,還是要被我消化啦!呢餐食得好豐富,好滿足!埋單$403.7, 晚餐來說食咁多嘢都唔算貴, 最重要係佢的食物係有配合餐廳的海洋主題,有心思之餘仲幾好味。 繼續閱讀
(以上食評乃用戶個人意見 , 並不代表OpenRice之觀點。)