27
6
1
港鐵尖沙咀/尖東站 L5 出口, 步行約3分鐘 繼續閱讀
電話號碼
39880288
開飯介紹
位於尖沙咀的一間特色扒房,團隊雲集多位前星級酒店集團的大廚,主力提供多款來自世界各地的牛肉,更有坊間少見的朱古力和牛,餐廳奉行「從農場到餐桌」的理念,食材、用料講究。 繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 AE OpenRice Pay
其他資料
網上訂座
Wi-Fi
酒精飲品
自帶酒水
切餅費
加一服務費
室外座位
當面支付
有關獎賞計劃
食評 (38)
等級4 2022-05-30
592 瀏覽
今日係咪日子,煙雨濛濛之下,一個人走到歷史保育文物內鋸扒,竟然俾我遇上近乎完美的牛扒。 靚牛扒必須有油花,煎牛扒必須火猛至微焦,再加上特色鹽及醬汁,美味保證在面前,如果配合環境,更是錦上添花!  美國 USDA 肉眼扒開估啦,前水警總部 1881 Heritage 內的 The Steak Room 今午送上的肉眼,烤功出色,四面微焦,口感略脆,就是肥肉上亦烤出若干焦脆,牛扒中央卻是粉嫩,肉汁保持,入口完全無筋,口感豐腴有肉香,不過要唔怕肥肉,見到肥瘦肉交替,呢隻牛真係幾肥! 調味方面,準備了八款鹽,最特色是帶煙燻味的海鹽,嗅到到少許硫磺味,另一款日本黑蒜鹽,同樣獨特。接下來是選擇芥末醬,一款薄荷及七款芥末,各式其式,有些是自製的,我點了紅辣椒芥末,其實只有辛香,並無增加辣度。 以一棵蒜子及幾粒車厘茄子伴碟,皆細心烤過,蒜子已經焗至軟棉棉,一顆顆容易取出,食落完全沒有霸氣的味道實在太好! 大啡菇及芝士薯條兩款配菜亦稱職。若然晚上來吃扒,主餐牌上同級的 USDA Ribeye Cap 收費 $798,配菜估計需另收費,因此來吃個午餐非常超值,我花了每位$588,除牛扒外,包括以下前菜、湯及甜品,只不過不包括咖啡或茶。 麵包新鮮暖暖的麵包三款,法包、軟包及芝士脆條,相信細心考慮過迎合客人對麵包軟硬的不同要求,應該總有一款合你意。 對我來講,由軟至脆吃,食齊三款可享不同層次。 前菜三様蟹肉沙律、北海道帶子、牛肉他他 蟹肉沙律新鮮足料的蟹肉來自珍寶蟹,是一款在美國很普遍的螃蟹。吃到滿嘴蟹肉的之鮮甜,沒有多少雜質,底層放上了一片紅菜頭。  北海道帶子北海道帶子煎至最理想程度,外表金黃焦香,內心如刺身般生嫩,配以黑魚子醬及芥末。 下層搭上不一樣的菠蘿粒,棕色色澤,因為以酪梨醬及酸辣醬調味,因此口感有少少辣。 牛肉他他別於傳統,牛肉他他不配生蛋,牛肉中央黃色的部份似蛋卻非蛋,是採用分子料理做出來的芒果,生牛肉與水果拍擋所向無敵,水果的酵素令牛肉更嫩滑,配搭脆餅或包亦是慣常做法,今次是一片如蝦片的脆物。 龍蝦湯碟底有若干龍蝦肉,面前倒下熱湯,確保温度,香氣撲鼻。 玉桂梨撻配提子冧酒雪糕梨子以檸檬蜜糖慢煮過,酸甜開胃,有助減肉膩;冧酒雪糕酒味不濃。 薄荷茶 $68典雅的茶杯,一大壺至少有三杯。 我喜歡這個牙簽盒 現址上手同樣是一間扒房,基本上裝修沒有任何改變,只因為現由不同集團營運,菜單及價錢自然不一様了。 晚上再次路過,拍張照片,夜景相比日景美。   繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-16
488 瀏覽
星期六難得凈係落毛毛雨,無好似前幾日咁傾盆大雨,所以同朋友碌左出去TST食lunch餐廳位於1881 Heritage,木系裝修又有chandelier。可惜無開outdoor位置,如果唔係可以影下相餐廳由多位前星級酒店主廚主理,所以我地對於食物質素好有期望𝘚𝘌𝘛 𝘓𝘜𝘕𝘊𝘏 𝘔𝘌𝘕𝘜 $588/𝘱𝘱落完order有位侍應行過黎,話請我地食包包,好搞笑😂佢一行過黎我地已經聞到好香麵包味,軟綿綿既麵包配法國海鹽牛油,個first impression已經好好😋𝘈𝘱𝘱𝘦𝘵𝘪𝘻𝘦𝘳 :前菜要跟次序由淡至濃咁食 :蟹肉沙律>>北海道帶子>>生牛肉他他Dungeness Crab Salad啖啖新鮮蟹肉,一啖已經食曬😋✨Hokkaido Scallop & Guacamole w/ Pineapple Chutney, Caviar大大粒帶子,鍾意佢底下既Pineapple Chutney,酸酸甜甜😋✨U.S.D.A Beef Steak Tartare通常食beef tartare都會加蛋,但呢個中間係用左分子料理整既芒果汁,酸酸地幾開胃😋𝘚𝘰𝘶𝘱 : Boston Lobster Bisque上枱果陣侍應先會加龍蝦湯,湯味道好濃郁,除左龍蝦肉之後仲有紅蘿蔔,洋蔥 etc 𝘔𝘢𝘪𝘯 : U.S.D.A Rib EyeServed with French Fries & Baked Portobello MushroomSauce : Garlic Butter主菜我揀左medium既肉眼扒+煙肉,可惜rib eye cap賣曬但就咁肉眼扒都好好味!隻色超靚!肉質超tender !油脂均勻🤤𝘚𝘪𝘥𝘦 𝘥𝘪𝘴𝘩 : Grilled Thick Cut Applewood Bacon +$80煙肉半肥瘦,有applewood香味,甜甜地😋餐廳既salt selection有8款,果然夠誠意😎侍應介紹左smoked sea salt + Japanese black garlic呢2款較濃味既鹽配扒一流個smoked sea salt真係好重smokey flavor!我鍾意👍🏻配菜個薯條雖然睇落平平無奇,但食落係外脆內軟架!𝘋𝘦𝘴𝘴𝘦𝘳𝘵 : Cinnamon Pear Tart w/ Rum Raisin Icecream好香肉桂味,個啤梨同我平時食開既好唔同,個size好mini,食落好爽😋呢一餐真係高水準!係樣樣野都好味呢下先難得!而侍應亦都好用心講解每一樣野食👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-16
357 瀏覽
餐廳位於香港法定古蹟前水警總區總部即現時嘅𝟏𝟖𝟖𝟏 𝐇𝐞𝐫𝐢𝐭𝐚𝐠𝐞內,具有維多利亞時代嘅建築特色。由多位前星級酒店大廚主理,提供多款不同國家嘅牛肉,比較少見嘅朱古力和牛都有。午餐有前菜、餐湯、主菜同甜品。兩款餐包加芝士條,配上法國海鹽牛油,陣陣嘅牛油香同熱辣辣嘅麵包。前菜有三款,北海道帶子配魚子醬、珍寶蟹肉沙律、生牛肉他他。侍應哥哥話先由左手邊食起,由淡到濃。帶子頂層配有牛油果醬同魚子醬,下層有菠蘿蓉煮嘅醬,多種味覺享受。珍寶蟹肉沙律入口有絲絲蟹肉,味道鮮甜。生牛肉他他傳統嘅做法會喺最後加鮮生雞蛋,但佢哋用芒果汁做到好似真嘅蛋汁一樣,好特別,酸酸地好開胃。波士頓龍蝦湯,侍應先上龍蝦肉再將湯加入碗內,清楚見到好多龍蝦肉,加上芹菜同洋蔥粒口感豐富,而且湯嘅味道濃郁,係我飲過最好飲嘅龍蝦湯。主菜揀咗肉眼扒另加煎鴨肝,侍應遞上八款唔同味道嘅鹽,仲分別介紹肉類用邊種,海鮮用邊種,邊種比較濃,邊種比較淡,好細心。除咗八款鹽仲有八款醬汁肉眼揀咗medium,熟嘅程度啱啱好,中間係好靚嘅粉紅色,肉嫩多汁。鴨肝煎到好香,唔會過熟。配菜係薯條同埋大啡菇,薯條上面有碎芝士,而且又熱又脆。大啡色菇好入味,係迷迭香同蒜蓉嘅香味。甜品係肉桂啤梨撻配冧酒提子乾雪糕,第一次食呢個迷你啤梨,好得意,好香嘅肉桂香味,酒香混入提子乾,味覺層次再提升。~食物水準高,服務態度好~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-11
355 瀏覽
未寫食物 先寫服務先expect依個價位嘅餐廳會有返少少服務🤏🏻但啲侍應們都好冷淡好無靈魂咁😢有種唔好煩佢嘅感覺食完之後 以為會講返啲 Thank you 歡迎下次再嚟 依啲官腔說話啦點知埋完單 就無人再理過我😂仲要無人提我拎遮🧐(去茶餐廳就當然唔會預依啲service啦)但依到嘅話 我諗住走嘅時候 會有人係門口遞返把遮比我(我係咪諗多咗🥲🫣開胃小食用青瓜包住啲忌廉三文魚 面頭再鋪啲魚子醬 內餡係幾好味嘅可惜青瓜比例太高 食落去 蓋過晒所有味 浪費咗其他食材麵包 好有港式西餐廳嘅感覺 完全唔係好食😂Set dinner $988 per personAppetiser:-U.S.D.A Beef Steak Tartare芒果汁扮成嘅蛋黃 好酸寧願佢用返普通蛋黃🫢-"New Orleans "Style Crab Cake依個好味啖啖都係蟹肉 面頭煎得好香脆再加啲seasoning 帶少少辣🤏🏻配搭嘅他他醬 同crab cake都好夾Soup-Boston Lobster Bisque 🦞唔知點解有好多紅蘿蔔除咗依樣 都唔錯嘅 夠濃郁夠creamy 仲有幾舊龍蝦肉Main Dish兩塊扒都高質無失望食塊扒都有好多樣嘢揀揀刀又要揀mustard 仲有好多款鹽🧂最鐘意係佢啲鹽特別又有誠意My fav: smoked sea salt 有陣好香嘅煙熏味 配牛牛一流🐮-U.S.D.A Prime Ribeye - 8oz無晒ribeye cap 變咗做prime ribeye😢好在味道都唔錯外面焦香 內裡粉嫩 再加埋啲油脂🥹ribeye真係無得輸想就咁揸住成條嚟咬🦦-U.S.D.A Prime Tenderloin - 6oz一向唔算好鍾意依個部位🤫淨係肉質淋 好似無乜特別咁依塊not bad geh 不過都無乜驚喜😂純粹個人口味Duck Foie Gras 50g $108瘦咗少少😂質感好結實 而且唔係好夠香🥲Lobster macaroni $98 有surprised!!!😍係龍蝦湯嘅味 用嚟撈通粉好濃郁🥹仲要都係有幾舊龍蝦肉 爽口彈牙 好味道Truffle Oil French Fries $88 望落好似無乜味咁 食落有好淡好香嘅松露味Dessert:55% Chocolate Mountain $100嗌之前諗咗好耐 chocolate fondant就知係咩chocolate mountain真係認知以外🤯原來…..係將舊朱古力整成山咁嘅樣😂well 好甜 有啲失望依到唯一好處係易book位如果有得揀 我諗我會去返Morton’s服務同甜品好食啲 又抵食啲重點係服務好一大截🥹 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-01
452 瀏覽
好嘅餐廳不怕回訪今次趁朋友生日又返嚟食呢間由洲際酒店前主廚主理嘅扒房白色枱布配木系椅桌🪞🪑牆上掛滿西式古典掛畫與1881呢棟古蹟相映成趣配上悠和燈光都幾浪漫架💗✨✨🌬Tasting Dinner Menu [$988 pp]比上年貴左100蚊,而食品大致相同🌬Appetiser 前菜▪️附送嘅麵包可無限添食,三款都唔錯▪️Beef Steak Tatare 牛肉他他賣相討好,肉味甚濃,處理出色👍🏻▪️New Orleans Crab Cake 新奧爾良蟹餅炸得香脆,十分足料,勁多蟹肉🌬Soup 湯品▪️Lobster Soup 龍蝦湯湯底超濃郁,出色👍🏻▪️Onion Soup 洋蔥湯洋蔥烤到有焦糖味再攞去熬湯呢個洋蔥湯絕不比龍蝦湯遜色🙌🏻🌬Main 呢度出名係食主菜時,有成十款鹽比你揀不過主菜本身已經好夠味🤪😂▪️USA Prime Tenderloin 美國頂級里脊肉係我地想要嘅medium rare 不過肉味再濃啲會更正😙▪️Boston Lobster 波士頓龍蝦龍蝦手掌咁大隻,肉質實肉而鮮味淋上牛油醬汁,提鮮又回味💛🫶🏻😎🌬 Dessert 甜品▪️Red Velvet Soufflé 紅絲絨梳乎厘 [+$250]上桌時有點小失望,因無想像中咁脹卜卜不過味道甜甜酸酸好食嘅,有解膩效果✨✨🌬後記雖然晚餐份外有情調,不過午餐每位只需$588 性價比比較吸引👋🏻🤪 繼續閱讀
(以上食評乃用戶個人意見 , 並不代表OpenRice之觀點。)