144
16
5
港鐵葵芳站 E 出口, 步行約3分鐘 繼續閱讀
所有分店 (4)
電話號碼
23861055
開飯介紹
餐廳裝潢充滿傳統英式農舍風格。菜式主要以豬的不同部分為主題,主打英式及歐陸式菜系,並配合新鮮的當造食材及不同烹調方式處理。另外也有雞,牛,羊和海鮮選擇。 繼續閱讀
營業時間
今日營業
12:00 - 21:45
星期一至日
12:00 - 21:45
付款方式
Visa Master AlipayHK 支付寶 現金 銀聯
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
當面支付
食評 (177)
等級4 2021-08-16
1385 瀏覽
上次同男友經過新都會已經覺得呢間餐廳個名好得意,裝修感覺舒服,但果日約左朋友食飯無緣試下🙈今日放假又同男友黎左葵芳就決定黎呢度食晚飯😁 呢度有唔少招牌菜,仲會選用豬最靚既部位確保高質新鮮👏👏我地叫左個太平洋蟹餅配青檸蒜香蛋黃醬,新豬肉肉醬意粉走芝士,招牌德國咸豬手同埋瘋狂香蕉雪糕新地😋太平洋蟹餅香脆足料,啖啖蟹肉,仲混合左啲香蔥味,非常有口感😋 (不過略嫌炸得燶左少少😂)配搭青檸蒜香醬感覺清新啲,可以解一解炸物既油膩感👍新豬肉肉醬意粉超多肉碎,個汁偏酸好開胃,唔乾身,意粉彈牙😋成日都聽“新豬肉”但其實我未試過,原來口感真係同豬肉無分別😯 一場黎到當然要試下呢度既Salted pig啦!😆咸豬手超級脆!!肉質嫰滑,水準令人驚喜!😍伴碟烤薯香脆,酸菜搭配豬手呢個組合非常夾😋瘋狂香蕉雪糕新地仲配埋窩夫,忌廉同朱古力醬,雖然係一個好邪惡既組合但又真係好好食🤣 香蕉面頭有層焦糖,窩夫面頭有啲砂糖同好香濃既雞蛋加肉桂香味😋 食埋個甜品好飽好滿足🤗下次試下同男友黎食lunch或者tea先!玻璃照啲日光入黎應該又會有完全唔同既寫意感覺😊😎 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-16
652 瀏覽
平時晚飯時間一定逼爆要排長龍等位既The Salted Pig,我哋今日終於食到啦!😋同朋友一人叫左一份set dinner ($198/人),可以一次過試多幾款野食🤩,份量仲相當滿足!前菜◭ Caesar Salad 煙三文魚凱撒沙律🥗因為主食我地點肉類為主,所以前菜揀左個沙律◭ Mini Snack Platter🍖有雞翼、豬肋骨、炸魷魚各2件,2個人share剛剛好主菜◭ Slow-cook Veal Cheek 慢煮小牛頰肉🥩小牛頰肉煮得好淋,好重牛味,必須趁熱食喔~最令人驚喜既係配菜—煙肉炒小椰菜非常入味,小編都食唔停口! 🤤◭ Piggy Meat Platter 豬仔集匯拼盤🐖呢間店最出名既係佢地會挑選豬最靚既部位去煮成唔同菜色, 呢個大集匯就可以一次過試哂咁多款啦!拼盤有豬肉腸、豬手、脆皮豬腩、蘇格蘭溏心炸雞蛋配芥末籽忌廉汁、薯條。小編最鐘意就係脆皮豬腩,油脂分佈均勻,口感爽脆彈牙,真係好正咖!飲品◭ Salted Plum Margherita 話梅瑪格利特🍸◭ Passion Apple 熱情果蘋果特飲🍹飲品方面我地叫左期間限定既Apple Cider Cocktail同一杯岩哂打卡既紅粉少女沙冰。鹹鹹地既apple cider又幾得意,有少少似飲緊鹹檸七咁~沙冰就酸酸甜甜咁,好消暑呀!🥳另外我地加左$40要一份朱古力心太軟,熱辣辣既流心朱古力一定要配雲尼拿雪糕先好味🍨~佢地既雪糕仲要有雲尼拿籽既tim,唔知係唔係MOVENPICK既呢?🧐 如果真係,$40一份又真係幾抵食喎!😝 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-09
528 瀏覽
The Salted Pig主要以豬肉為題,選用豬最好的部位來做菜式。最近發現了新豬肉菜式,素食人士亦可以一同跟肉食朋友一起用餐呢!香煎牛扒沙律 $192沙律配料幾多,有藍芝士粒、合桃、煙肉片、車厘茄和炸洋蔥圈。牛扒幾有炭燒香味,內裡顏色粉嫩,不過脂肪比較多了點。新豬肉肉醬意粉 $168素食之選,樣貌跟一般的肉醬意粉沒分別,味道來說茄汁味會偏酸,新豬肉跟肉醬口感差不多。煎原條海鱸魚柳海鮮燴 $198餐廳除了豬肉,亦有這款特別主菜,主角是海鱸魚,魚肉輕輕煎過仍然好嫩滑,重點是沒有骨!除了魚,海鮮燴還有蝦、蜆、辣肉腸片和麵包粒,海鮮湯汁令整個菜式加分。Oreo Milkshake $68Blueberry Milkshake $68Oreo Milkshake好濃郁的Oreo香味,Blueberry Milkshake可能跟牛奶混雜一起,藍莓味會相對沒那麼重。最上面會有大大的cream,大人小朋友都喜歡!香蕉雪糕新地 $88新地都幾大份,絕對足夠2個人食!內裡有2球雪糕,分別是朱古力和雲呢拿味。最上面有waffle、棉花糖、焦糖香蕉、cream和朱古力醬,個人認為新地比較偏甜。餐廳頂部有隻會動的飛天豬, 很容易找到餐廳! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-05
925 瀏覽
好久沒有去葵涌行街,今日心血來潮約朋友去左葵芳行街食飯,原來新都會廣場都已經改頭換面,不少新餐廳,今日我們選擇了有多間分店的"The Salted Pig",餐廳為於5樓,佔地大,不少園林設計,更有半開放式的坐位。看看Menu,食Set Dinner最方便,$198起,選擇多樣。Starters煙三文魚凱撒沙律、羅馬生菜、麵包粒、花馬臣芝士精選餐湯配酸麵包Mains慢煮小牛頰肉、煙肉椰菜仔、砵酒汁、薯蓉牛肉好腍又入味,份量都不少,另有煙肉椰菜仔和薯蓉,再配上砵酒汁,很夾。豬仔集匯拼盤:豬肉腸、豬手、脆皮豬腩、蘇格蘭溏心炸雞蛋配芥末籽忌廉汁、薯條我就對這個拼盤有興趣,豐富多樣,十分吸引,每款都不錯,食材高質,配埋生啤就最啱。Drinks +$40精選紅白酒 / 意大利氣酒 / 自家精釀生啤360ml我們選了意大利氣酒和自家精釀生啤360ml,配豬仔集匯拼盤一流。Dessert +$40朱古力心太軟、雜莓、雲呢拿雪糕最後再點了甜品,心太軟流心好吸引,甜度適中,配埋雲呢拿雪糕,好滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-30
103 瀏覽
極少寫伏評,但呢篇係一篇呻伏文🥲🥲.假日歡天喜地出去搵好野食,結果好似錯信網上評論伏左一次。因為整體用餐體驗都麻麻,簡評如下:.先講正面評價:餐廳坐位尚算闊落唔會好逼,有主題裝修,外面大落地玻璃窗有陽光透入食得舒服環境上合格。服務水平中規中矩,雖然未至於話好殷勤,但都達到最基本要求。出事位其實係餐廳食物出品方面。兩個人散叫左3樣野:.招牌燒雞胸沙律 💲138⭐️3/5沙津係簡單野,賣相唔錯,有雞胸、蛋、菜、青瓜、粟米等等。可能最近去食左好多相類近既菜色,呢間雞胸幾乾同鞋下。雖然為左飽肚都有食哂,但以呢個價位,呢份沙津體驗係麻麻地。 .小食分享拼盤 💲288⭐️1/5呢份小食拼盤睇相好大堆頭,拼盤長長足有八款小食。雖然價錢唔平要成三舊水一份,但見好多人推薦,再加上見大家既相幾靚都列左佢入必食項目。結果中伏了:.1️⃣蘇格蘭雞蛋一隻 – 水煮蛋混合著豬肉。咁多款最正常既一款,雖然鯡層豬肉偏咸但炸左還可以2️⃣脆豬肋骨幾粒 – 全個拼盤最難食一定係呢個肋骨,凍既都算了,口感似翻炸左好多次,好乾好鞋少少肉既口感都無3️⃣蟹餅一件 – 蟹肉幾多,除左偏咸之外都無負評4️⃣雞翼四件 – 又係伏位。上檯見到白雪雪既顏色都係知賴野。凍既、皮淡,好似無點醃過一樣,入面乾哂完全無肉汁。5️⃣酥脆魷魚圈 – 正常發揮,不過不失6️⃣豬皮脆片 – 完全無味既一款小食,咁邪惡,食左一啖果斷放棄7️⃣薯條 – 已經無影相好快食但都凍左..同埋一樣係幾乾8️⃣迷你牛肉漢堡兩件 – 本來幾期待既一款小食,結果我只係食左小半件就放埋一邊,因為中間個塊牛肉漢堡好乾,除左凍既仲要係完全無味。.小總括:就算無點花時間影相,但全部都係凍同似擺左好耐。味道一係過咸,一係就完全無味。三舊水計性價比極低。.烤美國肉眼扒 (10安士) 💲310⭐️3.5/5睇到好多Foodie 推薦呢個扒,所以無叫到豬系餐點無叫佢地推薦既咸豬手要左牛扒。確實,三個菜色計呢款係最好食挽回少少分數。叫左三成熟,上檯最少變左7成。但呢到唔係主打牛扒既地方,同埋以呢個厚度可以做出黎既生熟度,尚可接受。牛扒落足鹽調味,比一般食到牛扒咸好多。食落有炭燒味,肉質幾淋同juicy唔會韌。雖然係咁,但質素上唔算滿意,因為件扒本身太肥太多肥膏同根位,砌出來唔食得既部份佔成塊扒一半以上既比例。而另外一半既薯條,承上,因為凍哂乾哂,所以無浪費QUOTA食。以三百幾蚊一個牛扒來講,我唔覺得佢可以叫抵食。.總結:晚飯時間去到,唔知係唔係因為假日所以唔見有晚市套餐MENU。門口無寫、加上無餐牌所以都無特別問侍應當無。散叫3樣野埋單8百幾蚊,我覺得就算係食物質素提升都係偏。,望一望張單,今餐同食伴一樣覺得是中伏了。但係因為口味因個人以異,我覺得唔好食唔代表其他人唔會覺得好食。所以我照俾個一般嘅評分佢,因為點都好我最終有食晒。 繼續閱讀
(以上食評乃用戶個人意見 , 並不代表OpenRice之觀點。)