221
23
7
港鐵葵芳站 E 出口, 步行約3分鐘 繼續閱讀
所有分店 (5)
電話號碼
23861055
開飯介紹
餐廳裝潢充滿傳統英式農舍風格。菜式主要以豬的不同部分為主題,主打英式及歐陸式菜系,並配合新鮮的當造食材及不同烹調方式處理。另外也有雞,牛,羊和海鮮選擇。 繼續閱讀
營業時間
今日營業
11:30 - 22:00
星期一至日
11:30 - 22:00
付款方式
Visa Master AlipayHK 支付寶 現金 銀聯
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
當面支付
以上資料只供參考, 請與餐廳確認詳情
食評 (269)
等級4 2022-07-20
1045 瀏覽
間唔中嚟葵芳新都會廣場經過都見到呢間餐廳,好想入去試吓。 但永遠都大排長龍。 難得今日唔使等位即刻入去試吓食啦。 餐廳環境清幽,樓底好高,高處望落商場下面嘅感覺,好grand, 有高高在上嘅感覺。餐廳服務員亦非常殷勤我哋需要水時佢都會好快幫我哋加水。呢間餐廳最出名係食豬,父母注重健康,所以就冇叫佢哋最出名嘅豬手試,反而叫咗佢哋嘅烤斧頭豬扒。烤斧頭豬扒配薯條 $252烤斧頭豬扒賣相非常吸引,完全係相機食先。豬扒唔會烤到過老,豬扒肉質煮到剛剛好,口感有啲似烤雞肉,但又唔會好似雞肉咁一絲絲。 豬扒嘅脂肪比例均勻,唔似食豬腩肉咁Heavy。薯條形狀幼細,重薯仔味,炸到好鬆脆,食完一條會想繼續食多條。伴隨芒果汁同茄醬嚟點豬扒,我自己唔識欣賞用豬扒點個芒果汁食,總覺得茄汁最match。墨西哥夾餅(鮮蝦)$178用個鑊仔來上菜,未食已經好吸引。 喺鑊仔入面好多隻蝦。 d 蝦仲有個蝦尾連住。 鮮蝦用燈籠椒、洋蔥、墨西哥辣椒芫荽同辣椒炒香再放上鑊仔上,非常惹味。再配上附送的3塊墨西哥夾餅同幾種醬料或陪菜,無得頂!Minty Grape $62為咗迎接夏日嘅到來,餐廳突登炮製咗兩款mock tail, 俾我呢啲唔飲得酒嘅人order. 我就叫左其中一種青檸味飲品。飲品以薄荷提子梳打、青檸、蘋果汁及蜜糖柚子混合而成。 非常清新,最啱食完肥膩嘢飲,好消濟。 香蕉新地 Go banana Sundae $88食西餐最後點少得甜品。 新地上面有好多新鮮嘅香蕉,入面藏住一球朱古力石板街雪糕、一球雲呢拿雪糕好。 食完唔會覺得太溜,完美嘅晚餐啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-19
1591 瀏覽
今晚我約左屋企人食飯慶祝父親節👨🏼‍🦰諗落我地通常都係食中菜或者自助餐好耐冇一齊食西餐🍽️所以今次就揀左位於葵芳嘅Salted Pig試下呢度出名嘅豬手🐷.🌟Crispy Pork Knuckle ($308)菜單都有提過呢隻豬手係二人份量由於我地好大食所以開頭都半信半疑🤔 諗住唔夠飽就再點 點知黎到真係好大份 所以已經好夠食😂😋豬手嘅皮烤得好脆 有少少乳豬嘅效果加上keep到豬肉夠腍同juicy🤤再點埋芥末籽忌廉汁真係絕配而配菜紅蘿蔔🥕同薯仔🥔都烤得好好 仲有酸菜添!.🌟BBQ Pulled Pork Sandwich ($178)呢個手撕豬肉三文治好有外國風情 🥪手撕豬肉既腍又有香濃BBQ醬味麵包亦好香牛油味🧈 配埋香脆薯條🍟同清新沙律🥗非常滿足.🌟Spaghetti & Meatballs ($158)呢個意粉有四粒大肉丸🧆 味道同漢堡扒相似意粉仲有滿滿茄汁 當中加入左鮮蕃茄🍅配埋Parmesan Cheese🧀 令味道更加豐富!.店內有唔少小豬裝飾🐖而且空間寬敞 坐得幾舒服店員又會成日幫忙加水🫖所以我地都好享受呢餐~☺️ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-22
1945 瀏覽
睇下餐牌先好多選擇,同朋友揀咗嘢飲、一個沙律、一個小食、一個飯同埋一款雞胸扒揀咗橙汁同埋凍咖啡沙律就揀咗牛油果香芒大蝦沙律, 呢個沙律好足料,大蝦就大隻彈牙,脆口惹味,芒果就香甜大粒新鮮,牛油果都好新鮮好靚, 而且份量都好多啲沙律菜都好新鮮個人認為呢個沙律係必試必點小食就揀咗太平洋蟹餅,炸到好脆,好香口,一啲都唔膩,食落去有好多蟹肉, 係真嘅蟹肉大大塊啖啖肉, 味道好鮮,配埋個醬好夾飯就揀咗雜菌松露意大利飯,好濃郁嘅松露味, 意大利飯亦都煮到軟硬適中,兩個人share食,都有好多雜菌好香好惹味,成碟飯清曬,一粒飯都冇淨最後呢個係脆焗火腿芝士雞胸扒,好好食, 塊雞胸扒好嫩滑, 一啲都唔嚡,上面焗咗啲火腿同芝士, 一啖咬落去好有層次,口感好味道亦都好總結呢一餐飯真係色香味俱全, 食得好開心,餐廳嘅服務亦都令人滿意 繼續閱讀
(以上食評乃用戶個人意見 , 並不代表OpenRice之觀點。)
等級6 2022-05-17
2389 瀏覽
大概大半年前同啲舊中學同學到訪過「The Salted Pig 」荔枝角店,一齊嘆吓Brunch,又詳談吓近況,整體感覺幾好,環境舒服,食物出色。今回就約咗兩位亦喺好耐無見嘅夫婦朋友,因為佢哋都住晌葵芳,所以,就不如約晌葵芳嘅「The Salted Pig」,一齊食餐午飯。餐廳位處「新都會」最高層5樓,對出喺大平台,又一面喺落地大玻璃,所以,無論空間感,採光度,都非常之好。 初頭喺門面望落去以為喺得眼前咁大,入咗去轉右原來仲有另一片用餐區,呢邊就感覺好唔同,燈光幽暗啲,比較有氣氛啲。 晏晝嚟就梗喺食午餐啦,午市時段就有「午餐」及「早午餐」供應,其實,兩者都喺一樣,包餐湯或沙律,以及基本餐飲,再以主菜定價,可以加$20試埋是日甜品,而主菜嘅選擇都幾多元化,啱晒諸多要求嘅人。 如果午餐嘅菜式完全唔啱口味,無問題,店家亦提供散點餐,且有好多店家嘅招牌菜式,不過,逐樣計點都比叫午餐貴啦。飲品方面,除汽水、果汁、啡茶之外,仲供應唔同嘅酒品,以及多款雞尾酒特飲。不過,打算食個午餐啫,無諗住豪食,餐飲都喺揀番基本嘢。 是日餐湯餐湯喺椰菜花忌廉湯,大大碗嘅忌廉湯,就算半滿都仲喺叫好大碗,我就無試,聽朋友講唔錯,推得好滑溜,都幾重忌廉味。反而,亮點喺伴有一片熱烘烘嘅酸種麵包,香脆而富麥香。 是日沙律雖然是日沙律喺煙鴨胸沙律,不過,有別平常所見煙鴨胸切成一片片,而喺切絲,加埋一啲青瓜粒、沙律菜及車厘茄,簡單清新,食得出啲食材都好新鮮,為今次午餐小聚有個好開始。 烤牛肉芝士餡餅 $138 估唔到午餐選擇中有一款墨西哥嘢,所以,友人就好想試。整體嚟講,都幾有睇頭,一客有4件墨西哥餡餅,再伴有雜菜沙律、薯條 ,佐以牛油果醬,而薄薄嘅餡餅烘得外層有少少焦脆,內層就帶少少煙韌感,而裡面除有烤牛肉、芝士,仲有墨西哥辣椒、洋蔥,頗為惹味,所以,食味真喺唔錯。 醬燒豬肋骨 $178 餐廳以「豬」為名,點都要叫一客豬肉菜式,就以豬肋骨喺大家嘅共同喜好。大大件嘅豬肋骨,塗上大量自家製烤醬,酸酸甜甜勁惹味,重點喺件肋骨做得鬆化且入味,大家都讚好。此外,除薯條,伴有牛油粟米、椰菜沙律,前者嘅栗米粒好清甜,卻極有牛油香,而後者味道酸爽,正好用嚟平衡番肋骨嘅濃重味道。 燒精選肉眼扒 $238 同枱兩個麻甩佬,都算喺喜歡食肉,所以,第3道主菜就揀肉眼扒伴紅酒汁,要咗五乘熟。燒到一條條縱橫交錯嘅炭火坑紋,已經喺極具吸引,單喺落刀嗰下,已感受到件肉眼有幾高質,入口果然非常腍滑,肉味濃郁,而且,燒得啱啱好,裡面嘅色澤仲帶嫩粉紅,卻無絲毫血水,咬落甚富肉汁,超水準出品。 至於伴菜,專登開一段講講,3款主菜嘅伴菜都配搭唔同,唔會千篇一律,而呢個肉眼扒嘅伴菜喺烤茄、法邊豆同薯條,每樣都處理過,例如烤過、炒過,而薯條都有少少特別,除炸得香脆不膩之外,好似仲喺先撲咗層麵粉先再炸,食落感覺喺有少少唔同,食到尾都仲喺咁脆。 是日甜品 +$20 見只喺加廿蚊,就不妨試一試,而款式喺美式芝士蛋糕,雖然只喺細細件,兩口就食晒,但做得有水準。除咗底層嘅消化餅碎夠薄之外,上層嘅忌廉芝士餡都夠挺身,卻好軟滑,芝士味好突出,加上少少草莓醬同朱古力醬嘅唧花,俾廿蚊都喺抵嘅。 熱咖啡上次就有補錢轉啲特色咖啡,但感覺一般般,所以,今次就只揀番一般熱咖啡,反而仲好,因為始終喺即磨貨色,豆靚嘅話都唔差得去邊,飲落確喺幾醇香。 今餐大家都食得好滿足,一來環境幾舒服,客人唔多,我哋又可以靜靜哋傾吓偈;二來3道主菜都確喺做得有水準,貨真價實,絕無欺場;再者服務亦好唔錯,知道我哋喺共享主菜,就自動奉上額外餐碟、餐具。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-13
2247 瀏覽
新年聚會,我都是提議去食西餐吧,過去一兩個星期食中餐都食到厭了。知道新都會廣場上面有間「豬肉專門店 (The Salted Pig )」,每次行開新都會都會見到其招牌,一直想食很耐了,一於襯著新正頭嚐嚐吧!Salted Pig 位於新都會中園的頂層,幾乎行開新都會的都會望到的。餐廳環境採取開揚式的,坐得相當舒適。星期六的中午有午市餐牌,若然想要更多選擇,餐廳亦有提供a la carte menu 的。這樣的話,倒不如要些lunch set,另外再點一兩款a la carte吧。可以嚐到「豬肉專門店」的不同款式。▼ 1. BBQ Pork Spare Ribs (Lunch set)Lunch menu 竟然有Pork Ribs,那就正好不過。Lunch set的醬燒豬肋骨配有牛油粟米、椰菜沙律及薯條,份量對於午餐來說都是相當十足。Pork Ribs可以切到有4條支架,而且每條豬肋骨都啖啖肉,醬汁和豬肉味互相交融,非常好食。牛油粟米亦很香甜。午餐必推 BBQ Pork Spare Ribs。▼ 2. Chorizo Prawn Risotto (Lunch set)如果說抵食的話,我就會選這道辣肉腸鮮蝦意大利飯。Risotto 內有辣肉腸、鮮蝦、巴馬臣芝士,還食到陣陣牛油香,意大利飯口感亦剛好,搞拌後再食一流,配料的鹹香令到這個飯都提昇了不少鮮味。▼ 3. Seafood Paella 一打開a la carte menu ,就被Seafood Paella 吸引了。果然,餐廳的西班牙海鮮飯賣相夠晒吸睛,海鮮飯上擺放著蝦球、大蜆、青口、魷魚、魚柳、辣肉腸及煙雞肉,看到就已經流口水了。有這麼豐富的海鮮伴隨之下,飯粒就因而充滿陣陣的鮮味,可以感受到不同海鮮的味道。▼ 4. Grilled Pork Tomahawk來得「豬肉專門店」,當然要留肚等待這個主角,烤斧頭豬扒。豬扒就如其名,猶如一塊大斧頭放在枱上,很有霸氣。在斧頭扒旁邊就配有煙肉椰菜仔及薯條。切落去可以見到烤斧頭豬扒不是全熟,這樣做法才是最好,全熟的話就會令到其肉質死實,而Salted Pig 就處理得恰到好處,入口順滑,而且豬味濃郁,果然「豬肉專門店」在處理豬肉的確有一手。喜歡食豬肉的,建議要來The Salted Pig 體驗一下「豬肉專門店」的實力。 繼續閱讀
(以上食評乃用戶個人意見 , 並不代表OpenRice之觀點。)