18
2
2
港鐵上環站 E1 出口, 步行約9分鐘 繼續閱讀
電話號碼
23664880
營業時間
今日營業
12:00 - 01:00
星期一
全日休息
星期二至日
12:00 - 01:00
付款方式
Visa Master 現金
其他資料
Wi-Fi
酒精飲品
自帶酒水
電話訂座
外賣服務
加一服務費
食評 (22)
等級4 2019-12-03
31 瀏覽
小弟一生鐘情手工啤,近日得知第一間手工啤酒吧位於Soho區,所以今日決定拜訪一下。裝潢偏向懷舊,從磚牆同石灰牆感受得到。高身圓枱由鐵桶製成,工業風隨處可見。自己非常鐘意呢幅地圖,地圖顯示所有香港手工啤牌子既酒吧或工廠位置,包括較耳熟能詳既Lion Rock、麥子等。餐廳一共有18款手工啤選擇,最後經職員介紹下,我揀左Carbon Brews既Meringue-Utang V2 Double Ne IPA。啤酒呈迷人嘅燈色,口感非常香滑順口,果香味重,苦澀度較低。食物方面,Big Boy burger用上兩款肉,令burger層次更豐富,切開兩份嘅時候,肉汁已經流晒出嚟,煙肉亦煎到特別脆。我地仲叫左Combo A,可以揀兩款肉類同兩款配菜。肉類係beef brisket同pulled pork,牛肉肉質望落看似好乾,但一食非常軟嫩多汁。原來餐廳用美式煙熏方式,令肉保持一定濕潤度。至於pulled pork同樣道理,賣相比較差,但味道一流。配菜亦係三揀二,女友揀咗Potato salad同Mac’N cheese(第三款配菜係coleslaw,但當時唔知coleslaw點解,所以冇叫)。另外仲有炸pickle,平時唔太喜歡pickle既朋友可能會鐘意,我就係其中一個例子期待下次試更多嘅手工啤,食物賣相雖然較為簡樸,但散發出嚟既煙燻香味非常特別,味道亦不錯。最後等我介紹埋餐廳嘅打卡位,附上私人照一張。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-27
55 瀏覽
適逢週末的晚上,港島區多個地方如蘭桂坊、西環、灣仔等等都充滿人們喝酒的氣息,無可否認,酒精還是有它的吸引力,至少喝的那陣子能令自己感覺暫時放鬆下來。中環的路真的很斜,這也算是在中西區歷史遺留下來的其中一個足跡。星期日放假,這天提議不如下午到中環的酒吧chill chill,反正喝酒又不一定是晚上喝的。隨意的尋找,便尋找到一間在卑利街的酒吧,要走一點斜路也實屬正常。近天花位置擺放了大量的酒樽,大概想選哪一種,餐廳也會有的吧?牆上的則好像是那些行李上的貼紙,我本人倒是沒有密集恐懼症😂反而覺得挺有風格的。餐牌上顯示了不同的啤酒來自什麼產地,也顯示了酒精濃度,好讓大家更清楚明白各種啤酒的資料。午餐主打肉類拼盤,比較特別的有Combo A和 Combo B,每款肉類都有一些的拼盤,好讓客人能夠淺嚐每一種肉的味道。男朋友點了一份牛肉漢堡,裡面的材料非常充足,有牛肉、煙肉、牛展、洋蔥、芝士和BBQ醬,牛肉雖然稱不上是十分軟稔,比較熟,但是牛肉味很濃郁,加上其他的配料也很不錯。原來外國人也會吃牛展,只是味道跟香港的不一樣,而且大小也大很多,肉質結實,不過略嫌鹹了一點。自己點了一份Combo A,以為$250這個價錢應該沒有很大的份量,事實上卻不錯!有1/4份牛胸肉、燒雞半隻、雜菜沙律和芝士通粉。燒雞真的十分好吃又大隻又嫩滑,經過煙燻的味道十分明顯,聽店員說才知道原來餐廳有美式Smoke House(煙熏爐),並以120 度 C 左右的溫度放入各種各種煙熏木,利用小火慢慢熏烤多個小時,製造軟嫩多汁的效果。為了保證肉的濕潤度smokehouse入面仲會擺上一筒水。Combo A同樣有牛展,個人比較喜歡港式的牛展🤣最後有一杯手工啤酒,手工啤在這裡可是必點的,我也不知是什麼名字😅只知道容易入口,酒味不算太濃,也挺好喝的。 繼續閱讀
(以上食評乃用戶個人意見 , 並不代表OpenRice之觀點。)
星期二放工之後當然要去中環SoHo chill下, 今次我地揀左e間有手工啤🍺飲嘅Roundhouse, 酒吧用左磚牆設計掛左唔同嘅裝飾, 仲擺滿左好多唔同嘅手工啤酒樽, 感覺幾正! 每逢星期二三Combo Set A同B都有buy 1 get 1 free嘅優惠🤭🥳, 不過就只能係同一個Set, 店員推介我地試下佢地嘅煙燻肉🍖, 因為用左美式煙熏爐以大約120度放入唔同嘅煙熏木, 再用細火慢慢熏烤, 目的就係想製造出軟嫩多汁嘅效果, 入面仲會擺上一筒水去確保肉質的濕潤度, 相當專業🤔😯 於是我地叫左兩個set A, ALL MEAT🍖🍗🥩有哂牛豬雞😆😆同埋兩款手工啤🍺😋HOLA SENOR PALE LAGER 78/88🍺(左)E款手工啤嚟自美國🇺🇸, 酒精含量較低只有5%, 顏色清澈, 入口順滑, 帶微微麥味, 味道唔苦, 岩哂一d唔中意飲太苦味啤酒嘅朋友仔😊CAPTAIN PSYKICK LARGER🍺(右)E款手工啤係嚟自我地本土🇭🇰出產嘅, 酒精含量高少少有5.2%, 相比下顏色較深, 同樣入口順滑, 苦味較重, 回甘適中Combo ABeef Brisket🐂煙燻味道好濃郁, 肉質軟腍而且多汁, 調味適中!Pulled Pork🐖豬肉味道香濃, 肉質鮮嫩有口感, 幾好味😋Fried Pickles🥒小妹第一次食炸左嘅pickles, 感覺幾特別, 口感香脆, Pickles酸辣嘅味道岩岩好, 幾好味!☺️Potato Salad🥔🥗薯仔沙律味道唔錯, 不過不失Clowslaw🥗一開始就食到用橄欖油整嘅蔥油味道, 之後食落去微酸,加埋口感爽脆嘅紫椰菜絲, 十分醒胃而且解膩!Roasted Chicken🐓份量幾多, 外皮香脆, 雞肉香軟多汁, 非常滋味!😋Homemade Sausage 自家制香腸外層脆皮, 內層嘅肉質微辣有口感, 半肥半瘦帶少少肉汁, 一d都唔乾, 幾正😋有好味嘅肉肉🍖又點少得好味嘅sauce呢🤗 極度推介e枝Mustard BBQ sauce, 芥末醬加埋BBQ sauce, 味道甜甜地又夠哂滋味, 同所有熏烤肉都非常夾, 完全係食唔停口! 簡直將所有食物嘅味道再昇華!😋👍🏻👍🏻總結: 食物質素相當唔錯😋, 份量都算多, 環境幾chill, 而且店員服務質素良好, 十分推介!☺️ 繼續閱讀
(以上食評乃用戶個人意見 , 並不代表OpenRice之觀點。)
星期六日中午去到中環登山電梯附近閒逛,在人流量低既一段卑利街發現呢間餐廳,門口見主打Texas Barbecue 同craft beer覺得幾特別決定一試。餐廳裝修亦好特別,每一面牆都有不同既裝飾設計。手工啤有十多款選擇,本身鐘意Fruity 口味,店員細心介紹左5號香港品牌的Carbon Brews, 入口好滿意,聞落亦好香❤️Bone In Chicken wings - Buffalo sauce 份量算大,醬汁不錯,推介~~Combo A- Homemade sausage- Brisket beef- MAC and cheese- ColeslawCombo 每一件食物都好滿意,尤其是Brisket Beef, 煙薰味好香,肉亦非常香軟多汁🤤🤤店員介紹煙薰肉係用美式Smoke House(煙熏爐) 以120 度 C 左右的溫度, 放入各種各種煙熏木,利用小火慢慢熏烤多個小時,製造軟嫩多汁的效果。為左保證肉的濕潤度smokehouse入面仲會擺上一筒水,非常講究。Sides 既fired pickles 亦幾特別, Coleslaw 解膩到得好爽脆,沙律汁亦不錯。Mac and cheese水準亦高,芝士份量好多好正😍😍 總括來說,店員好親切,服務不錯,食物亦很滿意,係好好享受放鬆既一餐。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-01
7 瀏覽
收工同朋友傾下計飲杯野 隨機入左呢間bar 呢度主打手工啤酒啦 有好多款唔同嘅啤酒俾你揀嘅多到花多眼亂 waiter好樂意去介紹 呢度得手工啤酒飲嘅啫冇其他選擇我朋友就想飲啲濃啲嘅啤酒 waiter就介紹左hoptologist 入口回甘 苦少少 我就鍾意冇咁苦嘅啤酒 crazy rich lupulins都值得一試 比較Fruity 逢星期二三叫combo 係buy one get one free ..好抵食!有兩個combo可以選擇 咁今次我地就簡左combo A 😋 二人食岩岩好 呢度嘅主打係美式煙燻肉 combo A一次過包含咗豬,牛,雞 腸 另外仲有蛋沙律、芝士通粉同埋椰菜絲加炸酸瓜 份量足夠 配埋啤酒食好夾聽佢介紹肉係美式Smoke House(煙熏爐) 以120 度左右既溫度, 加煙熏木,細火慢慢熏烤幾個鐘 咁啲肉就會軟嫩多汁 smokehouse入面仲會擺上一筒水去令d肉無咁dry 如果想同朋友靜靜地飲下野傾下計 黎呢度都唔錯架 繼續閱讀
(以上食評乃用戶個人意見 , 並不代表OpenRice之觀點。)