205
22
7
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
電話號碼
36908668
開飯介紹
以秘密花園為裝修主題,掛畫、擺設等均融入花的元素,在這休閒舒適的環境聚會,享用西式菜餚及拍照留念充滿特色。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 銀聯 OpenRice Pay
座位數目
78
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
當面支付
以上資料只供參考, 請與餐廳確認詳情
有關獎賞計劃
食評 (259)
💐熊妹太耐無同馬騮妹同埋熊貓妹見面喇,咁難得見面梗係揀返間靚靚餐廳食飯啦。其實熊妹嚟過《THE PONT》都有好幾次,就係覺得裝潢好適合港女打卡📸,而且環境超級大,食物價錢又非常親民🤑,地理位置仲要係超級方便嘅旺角朗豪坊,種種因素都無理由唔揀呢一間做今晚嘅落腳點。📌地點就係位於旺角朗豪坊2️⃣樓,簡單啲嚟講,就係以前麥當勞嘅位置,可想而知舖頭有幾大,頂到咁大間舖頭,睇嚟租金都唔惹少,但係食物價錢又冇因為咁而提高個價,都係大路cafe價錢,係咁嘅餐廳環境入面進食絕對物超所值✅!📌餐廳環境真係好大,有好多張四至六人方形枱,又有梳化位🛋,又有藤椅卡位,仲有幾張少人圓枱。餐廳以花草樹木🍀為主題走田園風🌻。📌牆上又掛咗啲藝術嘅畫像🎭,又帶點歐陸嘅味道🎠,真係每一個點都係打卡位🎦。📌門口仲擺咗個港女打卡吊椅,擺喺門口咁吸睛,望到佢都想入嚟餐廳,唔食嘢都要黎打張卡喇。📌餐牌真係大路cafe美食,有多款前菜🥗同小食🍥、漢堡包🍔、全日早餐🍱、牛角窩夫🥐、麵包多士🍞、意粉🍝、意大利飯🍚、主食牛扒🥩、海鮮🦐同特色甜品🍩,飲品就有咖啡同果茶🍵。📌二月開始仲有新年限定Menu,有三款新推出的新年菜式,期間限定梗係要試吓啦🆕!煙三文魚薯仔沙律, $85嘩!一上枱擺盤咁靚嘅,煙三文魚砌成一朵金花放喺一堆薯仔沙律上面,側邊仲有啲花瓣同蕃茄仔青瓜片🥒做點綴,成件事就好似一碟綻放咗嘅鮮花一樣🌹,花花綠綠,真係賞心悅目。煙三文魚有兩大一片,肉質頗厚又唔散,冇雪藏味,下面嘅薯仔撈左雞蛋🥚同蛋黃醬,食落好杰身,啖啖薯仔肉🥔好飽肚。再發現原來底部襯托嘅係一片炸脆米片,脆卜卜嘅脆米片上面連埋沙律一齊食,多一重脆口感,薯仔沙律濕潤咗脆米片嘅地方,口感就會變咗好煙韌,呢個配搭幾特別喎!泰式辣肉墨西哥脆脆,$69熊貓妹好鍾意食nachos,問佢小食想食咩?佢就一定揀咗呢款。一般坊間nachos都係芝士焗,呢款nachos除咗芝士鋪滿面頭之外,仲加咗啲泰式肉碎。Nachos份量都好多,係香濃芝士味,烤焗過仲香脆,加埋面頭嘅芝士真係Double芝士🧀享受,香辣肉碎唔算好辣,食食吓又會食到啲肉碎粒,餐前食幾片nachos,食食吓飯又食幾片nachos,真係一款好滋味的小食。帶子牛柳粒燴意大利飯,$128新年期間梗係試吓新年限定新嘢啦!兩大粒帶子,兩大粒蕃茄仔🍅,仲有五六嚿牛柳粒🐮鋪係一大堆creamy嘅意大利飯上面,側邊仲灑上芝士碎🧀,成碟飯材料好豐富。帶子表面上下煎烤過,變成金黃色,帶子肉好飽滿,食落去好彈牙好有咬口,簡單咁樣煎烤過,已經可以帶出帶子嘅海水味🌊,唔錯。牛柳粒好大一舊,擺咗少少調味,表面煎香過,已經好出牛肉味🐮,食落肉質都好軟腍,一啲都唔韌,份量又多,真係好抵食。松露忌廉牛肝菌意大利粉, $95實不相瞞,熊妹每次嚟《THE PONT》都會叫呢款牛肝菌意大利粉🍝,因為真係好好味。第一次食,已經俾佢嘅松露牛肝菌味深深吸引住,然後從此就記住左呢個味道。今次一上枱,依然芬香撲鼻👃🏻,香氣四溢,係美食令人增加食慾嘅重要元素⚛️。蘑菇🍄切成粒狀,份量都好多,仲有啲牛肝菌,意粉係有咬口嘅7️⃣分鐘熟度,係熊妹最愛嘅熟度,最怕係淋身嘅意粉。面頭灑滿芝士碎令到忌廉醬汁更濃稠,醬汁撈滿松碎,食落口好creamy又充滿松露味道,松露愛好者一定對它愛不釋手💕,就即係熊妹,亦都係點解咁多次到訪都成為必點的項目💜。磯燒牛扒香蔥莎莎三文治, $128冇諗過又係超大一碟,麵包用上sourdough🍞,面頭鋪咗三大塊磯燒牛扒,淋左啲香蔥莎莎汁,仲有幾片沙律菜🥬同埋蕃茄仔🍅,伴碟有一大堆粗薯條跟蕃茄汁🥫,份量咁多得唔得㗎?磯燒牛扒🥩煎到全熟透,一啲血水都冇,完全沒有根真係啖啖肉。Sourdough中間麵包位超級軟熟,表皮係硬身,就係食呢種強烈對比嘅口感。薯條🍟多到食極都食唔晒,長粗薯條中間有淋身薯仔蓉🥔,熊妹最鍾意食就係呢款薯條。THE PONT 法式野莓吐司配雪糕, $79甜品由馬騮妹揀,一望餐牌就比呢個法式吐司吸引住,賣相真係色彩繽紛🎨。一球雲呢拿雪糕放喺一開二的兩片法式吐司中間🥖,剛煎起嘅法式吐司的熱力令到雪糕溶化🍨,仲淋上草莓醬同埋朱古力醬汁🍫,要食就快啲趁熱食!如果唔係雪糕凍晒啦!側邊仲有好多士多啤梨🍓同藍莓粒🫐,成個甜品變成酸酸甜甜,又有雪糕拼法式多士的冷熱效果,賣相同味道都攞夠分喇!焙茶鮮奶, $40馬嬲妹同熊貓妹要養生,唔食唔飲甜嘢,由熊妹自己叫飲品,正!晚上唔飲咖啡就改飲焙茶鮮奶啦!焙茶味濃🍃,飲到最後都仲見到杰撻撻嘅焙茶粉喺底,茶味濃得來又會滲少少淡淡的牛奶味🥛,焙茶做拿鐵都係幾好嘅配搭!📌整體嚟講,《THE PONT》環境舒適,坐得好舒服,餐廳充滿着花花草草又有歐陸風嘅風格,令人感覺好休閒😌。三個妹子食咗六百幾蚊埋單,六款食物再加一杯飲品,喺旺角嘅核心地段仲有咁舒適嘅環境同埋港女打卡地方,食物嘅價錢都無坐地起價,今時今日嘅香港地真係買少見少,絕對值得真心推介👍🏻! 繼續閱讀
(以上食評乃用戶個人意見 , 並不代表OpenRice之觀點。)
食物味道不錯,可惜入到餐廳喺手機點餐時先知道好多嘢食已經售罄(入座時間為下午6:30),例如斧頭扒、羊扒,剩餘可揀的食物不多。建議店員可在客人入座前提醒已售罄的食物,讓客人即時決定是否繼續選擇此餐廳。另外,員工大致上只會將食物求其放在枱上,唔會問呢碟食物喺邊位客人order,放喺枱上後客人自己在拎返自己嘅食物。我同對面枱嘅情況一樣。除此之外就在冇提供其他任何服務,例如餐枱上沒有足夠餐具也是客人自己去吧枱攞。以呢個價錢,呢個食物味道,有其他的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-18
0 瀏覽
上網見介紹呢間餐廳環境好似幾靚,所以去試下。凍士多啤梨鮮奶,味道好淡😟😟好似飲緊牛奶咁!不過我叫左小甜,唔知關唔關事🫥🫥龍蝦汁大蝦蜆意大利粉,味道正常發揮,不過不失。白酒藍青口蜆肉意大利飯,呢個麻麻哋,口味偏淡,唔係好知自己食緊咩🤣🤣甜品叫左個朱古力心太軟同意大利芝士牛角窩芙。兩個甜品都係正常發揮,但又唔算超好味。試一次夠了🫠🫠🫠🫠餐廳環境係幾靚,冷氣有d凍,侍應唔會主動斟水俾客人。試一次夠了! 繼續閱讀
(以上食評乃用戶個人意見 , 並不代表OpenRice之觀點。)
openrice search:「旺角」、「沙律」,見到呢間喺朗豪坊,有三文魚柳沙律食。附近又諗唔到仲有乜嘢好食,所以就上咗去朗豪坊2樓嗰度睇一睇。位置比較偏僻,正常人都唔會留意。而且一入門口係見到同佢一人一半嘅髮型屋,所以覺得有少少奇怪有冇去錯地方。一向對香港,特別係旺角嘅cafe,喺service方面都不抱有任何期望。入到去一開始好似無咩人理我。。。不過還好,佢俾我地2個人自己揀個中意嘅卡位坐。之後要問佢拎QR code落單,因為佢未俾我。我當然叫我因為佢而嚟幫襯嘅三文魚柳沙律,再加咗個芝士茄子茄汁長通粉。個三文魚好食,唔係煎到硬掘掘嗰啲,我就好滿意。長通粉正常,我都識煮果隻。仲有一杯肉桂蘋果茶(烏龍茶、Earl Grey、水俾我簡)我簡左Earl Grey,$38,唔算貴,好飲嘅,啲蘋果好甜。喺旺角有一間可以坐得咁鬆動嘅餐廳,價錢正常,埋單$280,已經覺得Ok! 繼續閱讀
(以上食評乃用戶個人意見 , 並不代表OpenRice之觀點。)
等級2 2024-07-10
0 瀏覽
朗豪坊 2樓新開一間LOBBY hair 裏面原來隱藏一間餐廳,入面裝修好靚,仲有花牆打卡!真係好似喺花園度咁,同朋友仔一齊打卡,食西餐同影相,成個感覺好田園!🥩香烤美國肉眼扒 (10安土) 肉眼扒唔算厚,肉汁都唔錯,跟餐仲有一桶薯條份量好多,我地加$1 5要埋松露醬,配埋松露醬,真係絕配!仲有一桶厚身薯條,炸到香脆熱辣辣!🍔PONT招牌和牛牛油果醬漢堡健康嘅牛油果醬同burger 原來可以咁夾,中和咗和牛漢堡扒嘅油膩感,果然係招牌菜🥭芒果熱情果牛角窩芙 配雪糕窩夫外脆內軟,配埋滑順嘅cream,唔會太甜🪴The PONT 田園蛋糕好似個盆栽咁靚,係個Tiramisu甜品㗎!係打卡甜品😂🍹火龍果乳酪沙冰飲落去好清爽,如果多啲火龍果味,就更加好!🎈THE PONT🎈旺角亞皆老街8號朗豪坊2樓32、33、35-37號舖 繼續閱讀
(以上食評乃用戶個人意見 , 並不代表OpenRice之觀點。)