The Point - Pizza & Pasta (The ONE)

營業中

休息中

見到尖沙咀The Point而家做緊個龍蝦盛宴，Book咗枱嚟食餐好。店家首先送上龍蝦湯，味道濃郁，正！然後是一小杯的沙律，但內裏材料豐富，面頭一隻鮮蝦，下面是蕃茄它它，混合酸甜嘅芒果及牛油果，配合精美的賣相，不錯啊。最後是今天的主角，波士頓龍蝦海鮮煲配扁意粉。兩大隻龍蝦鋪面，一人一隻，龍蝦鮮甜，啖啖肉，有口感，而且勁多蝦膏。有大蜆有藍青口同埋鮮嫩的魷魚圈。配合呢個蕃茄味濃郁嘅意粉，美味！一路食一路慶幸自己訂咗枱，聽到隔離枱想食龍蝦都係無哂龍蝦餐，真係每日限量供應啊

☞ 前排母親節，同屋企人去咗呢間位於The One嘅西餐食龍蝦二人餐。平日嘅龍蝦dinner set淨係得main cource係有龍蝦，見到呢個Menu由前菜沙律到兩個main course都係原隻龍蝦，都覺得幾吸引，所以就試吓😆.🍴龍蝦二人餐（$428+$98 兩位用）❖ 𝐒𝐭𝐚𝐫𝐭𝐞𝐫: 𝐋𝐨𝐛𝐬𝐭𝐞𝐫 𝐁𝐢𝐬𝐪𝐮𝐞 & 𝐋𝐨𝐛𝐬𝐭𝐞𝐫 𝐁𝐞𝐞𝐭𝐫𝐨𝐨𝐭 𝐒𝐚𝐥𝐚𝐝龍蝦湯 及 龍蝦紅菜頭沙律❖ 𝐏𝐢𝐳𝐳𝐚: 𝐅𝐥𝐚𝐦𝐢𝐧𝐠 𝐋𝐨𝐛𝐬𝐭𝐞𝐫 𝐏𝐢𝐳𝐳𝐚 𝟗” 原隻火焰焗釀龍蝦𝐏𝐢𝐳𝐳𝐚/ 而Pizza係薄批，自己幾鍾意個口感，佢將啲龍蝦肉拆咗落去pizza上面，所以食落都有啖啖龍蝦肉，但係我食完意粉佢都未上pizza（佢想幫我收晒啲餐具，所以應該係漏單？）而個pizza上碟時已經係微暖，食到最尾兩件已經凍晒😂❖ 𝐌𝐚𝐢𝐧: 𝐖𝐡𝐨𝐥𝐞 𝐋𝐨𝐛𝐬𝐭𝐞𝐫 𝐋𝐢𝐧𝐠𝐮𝐢𝐧𝐞 原隻龍蝦車厘茄伏特加忌廉汁扁意粉 (+$98)/ 意粉個忌廉汁偏少，都唔係好食得出咩味，所以有啲乾身🤭/ Overall 三個item嘅龍蝦肉都非常彈牙，但係Pizza同意粉個味道就一般🥲下次未必會再食

同朋友嗌左個二人龍蝦餐個湯還好 唔係果D罐頭味不過 不論係紅菜頭個appretizer  定係意粉既龍蝦 D龍蝦肉都係好「謀」同埋凍凍地  係完全食得出個雪藏味 同想像中爭好遠…咁既價錢 講真我真係唔expect會食到雪藏味真係寧願食番普通pizza

撞正趕要係10點食完飯 大家都趕係8:30前覓食🙈我就誤打誤撞入左呢間餐廳😂因為佢係成個The One最小人排隊 只係等左10分鐘就入得 點知。。。🌟 Lobster Set $428 for 2 persons 🎈Lobster Bisque 個湯完全無龍蝦味 我只係飲到龍蝦湯嘅蔬菜味 個湯打芡打得好勁 好似食粉咁 飲左2啖飲唔落🙄🎈Lobster beetroot salad未食過咁難食嘅龍蝦 我亦都明白呢個價錢一定係雪藏龍蝦 我覺得無問題嘅 但係你都唔係比隻解凍完嘅白焯龍蝦我呀😅啲龍蝦肉啲雪味簡直係過份 仲要無任何調味😇難食到嘔係我lur翻出泥嘅 (抱歉有點噁心)🎈Flaming lobster pizza呢份pizza上面隻龍蝦終於有啲味 佢地將龍蝦肉切碎再放pizza入面 所以啲龍蝦肉就有芝士味😃 其實佢個pizza底唔錯 幾好食 係啲龍蝦難食😄🎈Whole lobster linguine + $98因為呢碟意粉有汁所以個龍蝦肉都有味 佢地將龍蝦肉切碎再放入意粉入面 所以都會有蕃茄味 但係menu上面話佢會用vodka煮 我就完全食唔出有酒香味 但整體ok嘅 唔難食🎈Bro

龍蝦二人餐兩客龍蝦湯 有別於一般既法式龍蝦濃湯，味道似忌廉湯，有小龍蝦肉。龍蝦紅菜頭沙律紅菜頭加上沙律菜，酸酸地好開胃，配埋爽口龍蝦肉。原隻火焰焗龍蝦Pizza侍應係薄餅淋上酒精點火，好搶眼吸睛。薄餅係手拉薄披，配料除左有龍蝦肉同膏，仲有番紅花同大量芝士，好好食原隻龍蝦車厘茄伏特加忌廉汁扁意粉見到有原隻龍蝦意粉，忍唔住加錢叫左！伏特加忌廉汁有蕃茄既酸味又有龍蝦汁既鮮味，加埋龍蝦肉，好夾。叫二人餐叫飲品可以半價，叫左杯Iced Peach and Mint Tea，蜜桃肉粒加上冰茶同薄荷葉，so fresh

The Point 又做龍蝦餐啦，即刻約左朋友去食番餐！.先黎龍蝦湯 比較似忌廉湯，淡淡既海鮮味，同幾粒小龍蝦肉。.龍蝦紅菜頭沙律有半隻剝左殼既龍蝦肉，個龍蝦鉗啖啖肉，下面係新鮮沙律菜蕃茄粒同紅菜頭片。.原隻火焰焗龍蝦Pizza好鍾意呢款Pizza! 上菜時店員係我地面前點火，係咁打卡呃like。薄餅餅底好薄又脆，上面餡料有龍蝦肉、龍蝦膏、車厘茄、芝士等，餐廳仲好有心思係龍蝦頭釀左芝士雜菌。.原隻龍蝦車厘茄伏特加忌廉汁扁意粉呢款意粉既汁好惹味，唔會似一般忌廉汁膩，又有少少酒香，配埋龍蝦肉炒成。.鍾意食龍蝦既朋友一定要去食番次！性價比高！

呢間餐廳主打龍蝦🦞喺湯、意粉、飯，甚至薄餅，都可以搵到佢嘅出沒🙂🦞龍蝦湯 🍄蘑菇湯主打龍蝦，就由龍蝦湯開始。味濃而且好creamy，最緊要係佢唔鹹，仲有粒粒龍蝦肉。試咗少少朋友嘅蘑菇湯，同樣係香濃噃，充滿蘑菇粒。兩款湯都真材實料。🐖 意大利風乾火腿、香腸、水牛芝士拼盤有四款火腿香腸，水準唔錯，唔會好鹹或乾。鍾意食意式火腿嘅，不妨叫一個嚟試吓。🥗柚子味增南瓜羽衣甘藍沙律想食個開胃嘅沙律，推介！一放低嗰下，咁大碟嘅！即刻覺得平衡返食肉獸嘅一面。柚子汁酸酸咪咪好開胃，佢仲有茄子同藜麥，好健康。🦞龍蝦香草意大利飯推！介！一上枱，我同友人都不禁講咗幾次’好香呀！好香呀‘！有好多龍蝦肉!!!! 飯好入味，唔會硬身。配埋青瓜同青豆，好有咬口。以呢個地區同佢嘅美味，值回票價！😃餐廳環境舒適，樓底高而唔會令人感到焗束。除咗晚飯，如果叫杯cocktail，加個platter ，同朋友傾下計，都係唔錯嘅選擇。

踏入盛夏，又係陽光與海灘嘅日子，雖然冇得去旅行，但都想食吓龍蝦，安慰下自己受傷嘅心靈！餐廳位於尖沙咀The One 4樓，採用開放式廚房，大大個火爐就咁放喺中間，非常吸睛！餐廳食物款式以西式為主，林林總總嘅Pizza同埋意粉比大家選擇，我當然揀我最想食嘅龍蝦，所以就簡咗呢個set啦。首先出場嘅，係金黃色嘅龍蝦湯，淡淡的蝦香非常開胃，脆脆嘅麵包配上龍蝦肉，口感一流跟住落嚟就係龍蝦紅菜頭沙律，清新嘅紅菜頭，配上新鮮嘅龍蝦，係一個好好嘅配搭主角就係龍蝦pizza，師傅特登用酒贊一贊，成個Pizza嘅味道唔同晒，特別係嗰陣焦焦脆脆嘅龍蝦味，令我印象深刻呢個龍蝦香草意大利飯不得了啦喇，除咗有好香嘅龍蝦汁之外，佢嗰塊焗左嘅芝士真係好好食😋最後就係呢個朱古力布朗尼考香蕉，典型嘅香蕉配朱古力，作為呢餐嘅總結。

同朋友係尖沙咀行街shopping，突然落大雨，我哋走咗入去The One避雨，順便食個early lunch，朋友鍾意食Pizza，佢揀咗The Point。我哋點咗個午餐及Pizza 一齊share食：🐟香煎鱸魚配番茄醬珍珠粉$128半條鱸魚起肉，外皮煎得漂亮金黃色，魚肉嫩滑，珍珠粉好得意，細細粒，真係好似珍珠；以番茄及蔬菜烹調，鮮甜微酸，令整體味道不膩滯。🥣雜菌湯+$10個湯都幾濃郁，熱辣辣，裏面有蘑菇及雜菌碎，好香菇菌味。🍕 意大利風乾火腿夏威夷披薩$178餐廳有好多特色嘅Pizza，我哋心多多😆，揀咗一陣，最後揀咗呢個意大利風乾火腿夏威夷披薩。批邊脆口，外脆而內帶韌性，口感不錯；餡料份量亦足，有意大利風乾火腿、芝士🧀、焦糖菠蘿片🍍、松子仁、面層有好多火箭菜，具意式風情，好好味😋。跟餐我就選英式早茶☕️+$12，朋友就點咗個手工啤Crazy Rabbit 🍻$58，朋友話個手工啤，味道帶點咖啡味嘅黑啤，夠冰凍，幾得意好飲，配埋Pizza一齊食，好爽🌿。

荔枝茶- 被餐牌上的圖片吸引，以為整杯都有荔枝肉，原來只有一粒做裝飾，而且荔枝茶有沒有荔枝味，有點被坑了龍蝦pizza - 賣相可以味道都OK，芝士分量亦足夠，美中不足的是餅底做得太軟太濕，不夠硬拿起來軟林林的，可惜⋯還有黑松露薯條，忘記拍照，不過都不值得推薦，薯條粗度合格可惜炸得太油膩全部通透，看到食慾大減，加上淋上芝士汁芝士醬把全部薯條黏在一起，冷卻後很容易把薯條弄斷。還點了兩款芝士意粉，味道不錯，芝士份量亦足夠

尖沙咀The One商場，又可以行街又有咁多餐廳，真係落雨最佳安排😂同朋友上左4樓食西餐，絕對係俾佢on the way既扶手電梯宣傳龍蝦照🦞吸引住！餐廳設計簡潔，價錢都算大眾化，對得住地段同食物質素。服務態度亦很好，主動幫你加水換碟收碟，讚👍🐖Antipasto platter幾款不同既風乾火腿，香腸。風乾火腿唔會太咸，配埋火箭菜黑橄欖水牛芝士，中和番整體味道。🥗柚子味南瓜沙律超大碟！綠色小山丘，感覺非常健康，仲有幾舊烤南瓜🎃同茄子🍆，密密麻麻嘅藜麥，配埋酸酸甜甜既柚水汁，開胃醒神🤩🍲朋友點了龍蝦湯，龍蝦味香濃得宜，唔好太咸。小妹就點了野菌湯，淡淡野菌蓉，稀結度調教得很好，私心地覺得野菌湯較出色👍🦞龍蝦意大利飯今晚既主角🥰 上台一刻已經好香，而且食材足料。龍蝦肉超多，食落口係啖啖都有，龍蝦汁又香又濃郁，加埋d蜆仔肉同青豆，成個飯好好食😋依個價錢，絕對係物有所值，推介🤤

約咗朋友喺The ONE 購物，買完嘢之後肚仔餓，要搵地方開餐，喺商場不同樓層行吓，見到呢間餐廳，原來朋友同我都喺其他分店食過，覺得味道幾好，咁就決定一齊食過番尋味😆我叫咗 $168嘅 Lunch Special「石燒美國牛肩扒（200g）配炸薯條」，跟餐加$10 要「是日餐湯」，再用半價$29 叫咗 啤酒 CRAZY RABBITS ；另外再加 $178嘅「意大利風乾火腿夏威夷披薩」，呢個 pizza 我哋 share 嚟食😆-「石燒美國牛肩扒🥩」放喺塊燒熱咗嘅黑石上邊，不停加熱😆；牛肩扒🥩幾軟熟幾有牛味😋；仲有烤原粒蒜頭🧄，我鍾意😋-「是日餐湯」係蘑菇湯，有碎蘑菇喺裏面，濃郁、creamy、好飲😋- 啤酒 CRAZY RABBITS，根據餐牌介紹：「Stout, ABV 5.2%, IBU 28, Roasted Coffee, Dark Chocolate, Caramel. Great with Rich Food & Steak」，依家 Micro-brewing 在各地都越來越多，包括香港在內，味道 / 品質 非常參差😅，呢隻 CRAZY RABBITS 黑啤 就幾好飲，

朝早學完琴就同媽咪一齊去食個晏晝，媽咪話想食pizza，我就想食意大利飯。The one等媽咪，醒起呢度有間餐廳可以食pizza！媽咪就揀咗卡幫尼Pizza呢款pizza係卡邦尼意粉嘅進化版！Pizza底係新鮮自家製，免頭鋪咗熔岩芝士煙肉蛋同埋芝士片！就咁睇已經覺得吸引蛋黃仲半熟流心，餡料都okay多！Even細Pizza一分為四兩個人食啱啱好！仲可以叫埋我想食嘅意大利燴飯餐廳嘅意大利燴飯選擇都幾多我揀咗素食人士都可以食嘅南瓜燴飯，清甜嘅南瓜味軟綿綿嘅飯粒，有埋南瓜粒、蘆筍條，幾好食喎

經常行過the one，見到這個Lobster set~ $428 2位，好似幾抵食終於搵到機會去試試佢龍蝦湯2隻字，好味，賣相好，仲配埋包，不錯!我們還點到Oreo smooth 正常好味 想要comfort food可點龍蝦紅菜頭沙律不過不失，紅菜頭原隻火焰焗釀龍蝦薄餅一來到時火焰焗釀龍蝦pizza，幾得意，但諗唔明點解搵火燒隻龍蝦~pizza底好食 因為他真是薄餅！脆但其實整件事都唔關龍蝦，龍蝦變花樽~多謝mac and cheese~幾好食，做到拉絲ge, 通粉就軟硬適中.. 因為佢真係乾左少少。

難得今日放假，梗係要食返餐！善待自己今天來到尖沙咀The One一間西餐廳，店內環境都算高級，幾靚看見餐牌上有龍蝦餐，我們二話不說，就點了二人龍蝦餐！「龍蝦忌廉湯」大大碗湯，中間還有一塊麵包和一塊龍蝦肉，賣相十分別緻「龍蝦沙律」龍蝦加上紅菜頭的配搭，很新鮮的感覺！「龍蝦意粉」就菜點了龍蝦意粉，大大隻龍蝦，有一整隻，吃得很滋味。意粉滿了香濃的龍蝦汁，十分美味「火焰龍蝦薄餅」全晚最精彩的，可算是吃這個薄餅，想不到廚師會在薄餅上表演火燒龍蝦，看得很開心，為這餐晚餐加添不少趣味！第一次吃龍蝦薄餅，龍蝦肉和pizza皮都幾match