影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
番工食晏見外賣平台 有20% off discount，所以試下。意粉好好食，但例湯就好普通同偏濃味。1.) 意式奶油蘑菇意粉一打開個外賣，睇得出唔係求其擺入外賣盒到，因為好整齊咁見到啲蘑菇同herb 喺上面。外賣拎到番公司食仲好熱，加啲芝士入去都仲會溶到同拉到絲。第一啖食落去，cream 同芝士味好香，意粉煮得啱啱好，唔會overcook ，然後啲汁好掛汁，唔會食食下無哂味，蘑菇好足料，同好好食，好有咬口，食得出係新鮮同埋無過度洗到佢出水。2.) 例湯因為係喺手機app 到叫外賣，唔知例湯係咩，所以有少少係開盲盒咁。一打開，個例湯似洋蔥湯，望落去少少油，飲落去太濃味。唔係好推介而個湯。
繼續閱讀
The Pasta Shack 📍：灣仔汕頭街4號廣泰樓地下B2A號舖🚗：灣仔地鐵B2出口 步行4分鐘📞：+852 2325-2725💲：~HKD110/head for dinnerFood quality✔️：Penne Creamy Mushroom, Spaghetti Meatballs👌🏼：Garlic Bread總結：😋呢間真係超級小店 因為堂食得兩個位 大部分都係外賣🥡 主要係賣肉醬 肉丸 番茄醬雜菜同忌廉蘑菇 意粉可以另選寛條麵 長通粉或螺絲粉😋佢嘅意式忌廉蘑菇🍄🟫好惹味 好濃稠😋肉丸意粉🍝就有三大舊肉丸 番茄醬充斥住成碟意粉😋老闆娘好nice 雖然忙但都有keep住同我哋吹水🤔蒜蓉麵包+$20幾抵但唔脆有點淋🥲唔太推薦😨堂食嘅話要坐路邊 冬凍死夏熱死 好彩條馬路都唔算多車經過 但都係建議大家試外賣算😣
繼續閱讀
用餐時間（12:22pm lunch）過開呢邊做嘢，睇吓有冇咩可以快食，見到呢間pasta幾吸引叫咗個嚟試。佢個Menu得幾款俾你揀，所以選擇困難症嘅食客唔會出事，店員話Shack Special 係俄式酸奶牛肉Beef Stroganoff🇷🇺🥩 ，最後都係揀咗意式忌廉蘑菇。🇮🇹🍄所有pasta 即叫即整，落完order要等佢12-15分鐘左右🕰️ ，如果趕時間嘅就可能會炆憎啲，但我覺得食物最緊要熱辣辣，我覺得還可接受。一煮起急不及待試一啖，食材簡單有幾種菇🍄同埋蔥🌿，配埋意式蘑菇醬汁，已經好有住家飯嘅感覺（以前英國住Hall，有個意大利妹都會煮意粉pasta，係呢隻味啦❣️令人懷念）長通粉唔會太淋，軟硬適中al dente。份量充足男士都夠飽。個人來講，等15分鐘都值得。佢本身一小盒芝士🧀，因為成件事夠熱，落啲芝士落去會即溶。（落完之後掛住食唔記得影相🤪）佢有張印仔卡可以儲印仔，9 stamps for 1 free pasta❣️
繼續閱讀
叫這間餐廳外賣。起碼要等超過半個鐘。人手嚴重不足。出餐耐。各位趕時間的食客，絕不能叫。一定返工遲到。門外人龍起碼10人以上，而且已經是下午1點，不是做繁忙時間。
繼續閱讀
今日lunch原本去另一間餐廳，但要排晒長龍，唯有放棄。行多幾步見到呢間，聞到香噴噴的味道，打心一橫去試試吧！老板娘好好人，問我係咪第一次嚟食😅（可能我面上已顯示晒出嚟😂），所以介紹給我知道呢間的意粉🍝。最後，我叫咗肉丸意粉+蒜蓉包😋😋。原來有時候，唔使特登諗住食物嘢，就算隨心，也有可以食好西
繼續閱讀