103
28
24
港鐵九龍站 C1/ D1 出口, 港鐵柯士甸站 B5 出口 繼續閱讀
所有分店 (3)
電話號碼
28072292
營業時間
今日營業
11:30 - 22:00
星期一至日
11:30 - 22:00
付款方式
Visa Master AlipayHK 支付寶 現金 AE
其他資料
Wi-Fi
酒精飲品
自帶酒水
外賣服務
加一服務費
當面支付
食評 (175)
等級4 2020-03-26
1961 瀏覽
時間緊迫趕搭膠鐵,已經不能係尖沙咀嘆日式鐵板燒,唯有先到圓方較好安排。兩個處女座撐枱腳,談笑風生食得開心!首次與女神出街溫暖開心愉快夾緊張,食飽飽結伴欣賞第一次的電影星戰結局編。夜市泰台莫辨,門口看似泰菜,坐低先知係台菜,都好都好。雖然早年台灣旅行除火鍋打邊爐、生猛海鮮外,幾乎無啖好食。四眼叔叔經理見我地已坐低,但檯未清潔,餐具未設置好而大為緊張,急忙向侍應們問個究竟。冷靜冷靜,因為我地趕時間兼唔想企住等,唔關侍應們事,放心。幸好坐到近門口的圓檯,望去裡面大廳檯椅密道極高,燈光殘眼,食客們嘈吵,人來人往、迫迫夾夾,相比下這邊舒服寧靜悠閑得多。侍應妹妹仔仔叔叔們服務溫暖周到,還不厭其煩幫我落幾次單,辛苦喇!埋單每位只需 $400 蚊,物有所值,最緊要坐外廳夠寬敞有私人空間。鮮果茶,似乎有添加糖水,我較喜歡純天然清甜生果已十分足夠。餐廳有環保意識,全部用不鏽鋼飲管非常有心。凍芒果醋汁,味道似罐裝粒粒芒果汁,不太甜有幾粒芒果肉。太細杯,未食完餐飯都飲完咯。熱檸檬薑蜜,蜂蜜薑茶味道聯想到得力素糖。味道夠薑,越凍越甜,趁熱飲暖胃通喉。洛神花茶,非常濃烈足料,似足利賓立味道,亦有點似山漬味。紅油炒手,比酒樓更有誠意的演繹。新鮮烚起的高質雲吞,結實不散,咬落足料多肉多汁,外皮嫩滑不爛不腍,微微香辣帶給點點的清新味道。蒜泥白肉,另類精緻的演繹。首次遇上有趣的紅色蒜泥,少少辣味微微蒜味,還捲著青瓜條,創意不錯。涼浸浸腩肉嚥韌,乾爽欠肥美,我較喜歡勁蒜浸著,大大啖蒜蓉濃烈的味道。灌湯牛肉煎餅,兩面煎得金黃香脆,咬落應聲分開,非常悅耳動聽。狠狠地大力一咬,肉汁向前激射!如果坐對家既朋友要格外小心,好采女神坐在我身旁。清香的醃味,鬆軟濕潤免治牛肉,美味到有衝動想添食呢!如果配豆瓣醬可能別有另一番風味。鮮炸蚵仔酥,首次讚的鹽酥蠔仔。即炸一食便知龍定蟲,輕輕鹽咸味不討厭,鬆脆外層,肥美蠔仔,散發著鮮氣,流著鮮蠔汁,直接入口不用配汁,滿意食得過。農家麻油雞,感覺普通雞湯加點麻油,厚厚肥肥的雞皮,胸鞋髀嫩一般平庸烹調。花雕醉雞,陰沉的酒味醬油,皮厚肉鞋不喜觀,免強吞下。肉羮湯,芫茜、芽菜、甘筍、魚肉。碗仔翅的質地,單調醬油的味道,散發芫茜獨特香氣,沒怎麼特別。竹笙排骨湯一碗,排骨肉不乾帶嚼勁,竹笙爽脆。濃濃肉湯底,甜甜清爽,熱熱入口好味道。蚵仔大腸麵線,糊糊的感覺強烈,味道還可以的,跟肉羮湯味道近似。腍腍味淡的蚵仔 BB 細細粒,存在感薄弱,未見彈滑肥美。扁撻撻的大腸皮軟綿綿,加點紅油跟麵線一飲而盡,禮成。鴨紅腸旺,麻辣大腸鴨血,這邊的大腸比那邊麵線的大腸肥美好很多!粗壯彈彈一圈圈,味濃多汁。鴨血不夠嫩滑爆彈,過過口癮止止渴還可以。麻辣大腸鴨血,麻辣汁惹味醒胃,先辣後甜,即刻想撈碗靚飯食呢!唔該要碗台灣冠軍級香米。蔥爆羊肉片,沒半點羶味,唔講唔知羊肉呢!全熟嚥韌,每趙都有甜美羊肉汁射出,厚厚的蔥香味非凡,羊肉撈飯不得了!悶悶的羊肉加埋香香白飯,融合昇華好好味!台灣冠軍級香米,罕有地叫碗白飯。因為個麻辣汁,因為堆羊肉,再加上寫明台灣冠軍香米的好奇心囉!堅係香噴噴,聞得我唾液欲滴,我最喜歡白雪雪飽滿乾爽嚥韌的飯粒,淋上大量麻辣汁,配上幾片大腸鴨血或是搭載一大堆羊肉片,同樣美味出眾,沒有挑剔的可能!台灣豆醬炒 A 菜,即油麥菜。廣東或港式都是炒淨葉,台式原來連莖炒喎!莖部即係萵筍,連葉食更多味道更多質感,鮮爽多汁甜美翠綠,加上陣陣咸香麵醬,大注大注地品嚐,開心極至!鳳梨沙拉蝦,顏色單調陰沉,換上橙色蜜桃會更吸引奪目。大大隻煎蝦碌,微脆炸漿抱著結實蝦肉陣陣蝦甜味,混上甜酸沙律醬暖暖品嚐,不過不失悶悶的。菠蘿還菠蘿,蝦碌還蝦碌,撈出來沒有融合,只有違和感。招牌三杯雞,甜甜死實的味道!硬實的質地,不滑不嫩不鮮不香,沒有煙霧,沒有鑊氣,靜蠅蠅端上,只有微溫而乾爭爭,有預早煮定之厭。麻婆豆腐,火紅的顏色,紅卜卜微辣微麻的醬汁。豆腐極幼嫩要輕輕的夾起,大力少少都立即粉碎。清香豆味沾點辣汁好惹味,肉碎嚥韌味濃,超然的咸度完全吃不消!如果撈白飯食會更好。麻婆豆腐撈櫻花蝦炒飯,試試會否減輕一點咸度,不幸地碰上櫻花蝦只會咸上加咸,配個白飯應該會天衣無縫。櫻花蝦炒飯,頂級台灣靚米真的名不虛傳無吹水!飯香野蠻霸道,夾雜香噴噴蛋味,炒得飯粒乾爽不濕不爛,粒粒飽滿!搭著櫻花蝦乾咸咸香口要食多幾啖。古早滷肉飯,醬油五香腩肉絲,不是粒粒肉燥的外觀。滷得香甜開胃不濁不膩,色澤鮮明閃令令,配埋大大啖香飯堅係滋味無窮!飯粒飽滿乾濕適中合格。溏心滷蛋涼涼的撈啖飯,甘甜加咸香同樣一絕。金牌小籠包,薄薄包皮保存湯汁,微量豬肉鬆,味道清新,調味不濁不過份,平淡沒怎樣的衝擊,元朗家上海較美味。牛氣小籠包,味道跟豬肉不相伯仲,灌湯一樣清甜。鬆軟有咬口的牛肉鬆,用富彈性的包皮包著,沾點醋豪氣整粒入口才是皇道!蟹肉小籠包,快快趁熱食,放涼蟹粉會微腥。鮮氣十足,聞得到的鮮蟹味!入口甘香醇美,盡是蟹膏蟹肉塞得滿滿,蟹粉湯汁充滿口腔,注滿齒縫舌頭,頂尖色香味,配埋酸醋盡顯攝人的味道!黃金炸苦瓜,鮮艷紅黃綠顏色配搭已贏盡掌聲!剛出爐飄著濃濃咸蛋黃香駕到。別具一格的口感非常震撼!熱辣辣燙著嘴,外層脆脆咸蛋黃味超凡,包著回甘苦瓜,多汁爽嫩,所有味道各走極端但混得精采神秘,使人更想試多幾啖試真一點!烏魚子炒飯,竟然係烏魚子乾切粒,唔係鮮烏魚子,第一次品嚐。台灣香米?雖然不怎樣有鑊氣,起碼熱熱的,蛋飯炒得香香的,還有夾雜果粒菜葉增加清甜味,飽滿嚥韌飯粒撈埋咸鮮烏魚子,好食架喎!芋香雞,全部雞柳大大舊滑嘟嘟唔洗噒骨非常方便!要趁熱食,放涼變咸,越凍越咸!彈彈啖啖肉,嫩嫩滴著雞汁,芋香奶香重味可口。麻辣石斑塊,厚彈有少少腥,麻辣湯偏水汪汪,不太食到麻味。大豆芽爽脆無渣,芋絲彈彈索汁,兩者都比魚塊吸引。麻辣石斑塊撈烏魚子炒飯,斑塊軟滑微辣配咸鮮炒飯淋點辣汁,比淨食魚塊美味!添多一點味道。芋香雞麻辣石斑塊烏魚子炒飯,半邊紅半邊白即聯想到鴛鴦炒飯!濃汁濃味芋香雞撈烏魚子炒飯食完全無問題,比起撈雞麻辣石斑更加津津有味,味道非常合襯要食多兩啖飯! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-17
48 瀏覽
同女朋友去完迪迪尼,肚仔餓,搭番出去搵野食,搭到九龍站諗住好耐冇去過圓方,出去搵野食,上網見食評唔錯,就依間。😊蚵仔大腸麵線,成個野無味,蚵仔又冇大腸又冇,連個面都冇,D蚵仔又處理得唔乾淨,有啲蠔殼。🧐香酥雞扒麵,個面個味好過蚵仔大腸麵線D啦,個雞扒夠脆身,但粉太厚,個雞扒唔太夠熱,有一舊好似唔太熟添。🥺🤦🏻‍♂️通菜正正常常,少少偏鹹,落生粉水收汁果時,炒得唔均勻,有一舊舊透明。😝得個珍珠同仙草奶茶叫好D,珍珠夠Q夠煙韌,甜度適中。👍🏻整體嚟講,唔會再食多次。亦有可能因為Last柯打,趕收檔,所以食物質素有所影響。🤗🤗 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-12
55 瀏覽
好想念台灣菜,來The night market回味一下懷念的好味道招牌牛肉麵麵不是台式正統牛肉麵的粗麵,使用了偏細的麵,肉給了四塊左右,肉質很軟,味道很入味。隨湯匙送上一匙滿滿的蔥,把整個牛肉湯又拉高了一個層次!酥炸雞排麵雞排外皮炸的酥脆,香味四溢,算是非常好吃的炸雞排。麵本身倒是沒什麼調味,很清淡。餐廳環境不錯,桌距還算寬敞,有談話的隱私空間。雖然價位偏高,食物口味及質素都有相當水準之上。下次再來試試其他菜色。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-06
69 瀏覽
it offers lunch set over weekdays. Cheapest one is Tofu $98 (subject to 10% service charge). Food is not bad, not proportion can be better. It’s quite a set, with a dim sum (eg soup dumplings), main course (rice/ noodle) and tea. I upgraded to bubble milk tea adding $15. It 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-10
252 瀏覽
由於而家仲未去到旅行,同埋喺香港好多地方都好多人,想搵達靜啲嘅地方行吓就諗到去圓方。 圓方通常都係食高級餐廳嘅,而今次就搵到間平平哋嘅台灣美食。首先裝修好特別,座位亦都好空曠冇乜人食,但係環境都好舒適,同朋友坐下傾吓計休息吓都係一個好地方。今次就帶咗啲小食同埋飲品,味道算OK,唔可以話特別好味,但係喺圓方食也不失為一間好的平民餐廳,台灣美食的價錢亦都偏貴。服務算一般唔好要求太高,因為始終都係一間普通嘅台灣餐廳。如果諗唔到食乜又係圓方商場行嘅朋友可以試吓呢間. 繼續閱讀
(以上食評乃用戶個人意見 , 並不代表OpenRice之觀點。)