港鐵銅鑼灣站 C 出口, 步行約2分鐘
繼續閱讀
電話號碼
23386908
52039992
開飯介紹
以音樂作主題的美式餐廳，主打美國南部地道菜式、海鮮及燒烤。環境寬敞，場內設有打碟機及專業音響設備。
繼續閱讀
營業時間
今日營業
11:30 - 00:00
星期一至四
11:30 - 00:00
星期五至六
11:30 - 02:00
星期日
11:30 - 00:00
以上資料只供參考, 請與餐廳確認詳情
有關餐廳
有關獎賞計劃
優惠
招牌菜
食家推介
相關文章
銅鑼灣駱克道the L Square 八樓的The Musicbox Grill House & Bar 真係一間唔錯嘅餐廳。被評為 2023 年 top 10 best BBQ restaurant 及 top 10 best club restaurant，真係名不虛傳。星期三去食午餐，差唔多滿座，佢嘅食物質素係有相當保證㗎，份量又足，性價比高。今次叫咗一個午餐有6 courses ，有湯、海鮮拼盤、牛扒、黑松露意大利雲吞、甜品炖蛋和咖啡。食物相當豐富而且有水準，價錢亦都合理。唔怪得知一路食嘅時候，一路見到好多人order了foodpanda👍🏻意大利雜菜湯裏面有好多真材實料嘅蔬菜，粟米仔、菇類、芹菜等。佢嘅牛扒食落去非常之淋，肉汁多、味道好。😋so yummy海鮮拼盤有蝦、青口、蜆、八爪魚仔、粟米、薯仔等，份量夠兩個人食，少辣，好鮮甜美味。十分欣賞餐廳的焦糖燉蛋，味道非常豐富，有蛋味又滑顺。脆卜卜的焦糖，蛋涼冰冰的，夏天吃好開心。另外叫左羊架半份有四塊，就算我哋order全熟嘅羊扒，一啲都唔覺得佢靭，羊扒烤到好到位，醮少少醬汁同埋薄荷醬一齊食，美味，有高級酒店嘅水準。我哋又叫咗個蒜香辣椒蜆肉意大利粉，微辣開胃，蜆肉新鮮大隻🤤，意粉軟硬適中，味道好，值得推介。餐廳嘅咖啡好值得試試，攪拌嘅時候已經聞到咖啡嘅飄香，加咗一粒朱古力落去一齊飲，真是高級享受。我和朋友對這間餐廳都感到十分滿意，無論係食物、服務員嘅態度，都俾人一種舒適享受嘅感覺。推介!
繼續閱讀
同朋友慶生，佢比較喜歡有歌聽，有野食，鍾意chill下享受食物，上openrice search一下銅鑼灣一帶，比我搵倒間非常多好評嘅酒吧餐廳，The Musicbox GrillHouse & Bar。一入門口見倒右手邊有一個比DJ播歌打碟嘅區域，非常特別，坐低大約30分鐘，就見倒有DJ歸位播歌捽碟，真係好有feel。有得散嗌，亦都有set🍹先order飲品Oranger juice，好濃橙汁味道，唔會太甜；Ginger ale，薑汁汽水味道帶有濃郁的薑味和微甜的口感，仲帶有微微的氣泡感，味道清新。🥢香蒜牛油煮蜆估唔到份量咁多，側邊仲有幾塊蒜蓉多士，鬆脆香口；蜆肉每粒都肥嘟嘟，脹卜卜，入口充斥淡淡香蒜牛油鮮甜。🥩澳洲肉眼牛扒medium well ，切開仍然帶粉色，熟度恰到好處，外層煎得微微蕉香入邊肉質嫩滑程度超乎我想像，中間些小帶根位置，油花更香，只需蘸點些小海鹽，令牛嘅鮮味更加特出伴碟嘅大啡菇柔軟爆汁，味道天然重菇味。🍕Pizzaorder一款有肉嘅*食肉獸*用料包括火腿，香腸，漢堡肉粒，煙肉，拉絲芝士….. 餅底做得又薄又鬆脆，係我鍾意嘅口感，芝士鋪滿中間位置，味道都好濃郁，會不知不覺一塊接一塊咁食😆，整體非常滿意😋。
繼續閱讀
🌟餐廳：The Musicbox Grill House & Bar📍地址：銅鑼灣駱克道459-461號The L. Square8樓💰價位：$201-400⏰營業時間：星期一至日11:30 - 00:00📱電話：23386908Happy Friday約咗個好耐無見既朋友仔撐枱腳，傾足成晚計好開心！！今晚揀咗銅鑼灣既The Musicbox Grill House & Bar，有歌聽環境又舒適，野食仲要樣樣都好岩我地，happy gathering🤭———————————————————🔹 野菌松露意大利粉入口滿滿濃郁黑松露香，醬汁仲好creamy添～扁意粉煮得剛好，彈牙又有咬口，野菌份量都好多，飽肚之選～———————————————————🔹 芝士五重奏PIZZA餅底香脆可口，偏薄身岩哂女士們，可以食多幾件～芝士份量非常多，輕鬆做到拉絲效果，五重奏仲可以每一啖都食到唔同芝味！———————————————————🔹 68°C慢煮黃油雞皮香肉厚既黃油雞油分豐富，食落香口啖啖肉，用上慢煮方式令肉質入味同時更嫩滑！伴碟仲有粟米、薯仔等。———————————————————🔹 Iced Mocha香濃咖啡入口柔滑，甜度剛好。———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————
繼續閱讀
呢間西餐位於銅鑼灣 weekend嘅中午時間過嚟食個lunch 真係覺得性價比好高🫢 我哋嗌咗一個假日午市套餐同埋一個7-Course Chef’s tasting menu⭐️ 兩個套餐都有餐湯同埋餐飲 當然Chef’s tasting Menu睇個名都知道多好多款嘢食啦😝餐湯餐湯有兩款可以選擇😮 意大利雜菜湯 入面有好多款唔同嘅蔬菜 幾特別嘅係入面有粟米仔同埋通心粉等等🍲 老海灣栗米周打湯 呢個比想像中稠杰 因為除咗粟米之外 仲有薯仔粒㗎🥔燒香草雞胸凱撒沙律雞胸切成一粒粒 幾方便咬開😙 凱撒沙律都幾足料㗎 有好多脆煙肉同芝士粉🥗海鮮拼盤可以選擇味道 有卡真同蒜蓉牛油揀😳 我揀咗蒜蓉牛油味 入面有好多款海鮮 海蝦 青口 魷魚仔 海蜆 腸仔片 薯仔粒 粟米件🦐 每樣有兩件 方便同朋友分享👍🏻 黑松露意大利雲吞黑松露忌廉汁都好好食 意大利雲吞餡料都幾飽滿 一碟四件 份量剛好🥟120日穀飼阿根廷安格斯肉眼牛扒🥩揀咗medium 呢度嘅牛扒生熟程度係我幾滿意嘅🤤 比起坊間好多西餐都嚟得準確 出面多數係會過熟🥹 牛肉味道香濃 好嫩口 簡單配鹽已經係好美味😋 餐廳仲預備咗燒汁同埋芥末比我地 仲有原隻大啡菇同埋薯粒伴碟 大啡菇都相當有驚喜 因為唔會燒得太乾 一切開係爆汁㗎😻 呢碟好好食呀烤焗海鮮芝士通心粉呢個係brunch menu嘅main 本來我已經係Mac and cheese嘅fans😳 一見到呢一個主菜就一定要嗌啦 份量都幾多㗎 喺煎pan入面有一個小山丘🤩 加上有多種海鮮係上面 有海蜆 魷魚圈 海蝦同埋帶子 四種海鮮都係輕輕煎香 個海蜆係非常鮮甜 入面嘅芝士通心粉唔係得芝士同埋通心粉咁寡 仲有好多粟米粒粒🌽 令到個主食更加豐富 同埋食落口冇咁膩 法式焦糖燉蛋呢個餐後甜品味道唔錯🍮 脆卜卜嘅焦糖上層配下面嘅滑嘟嘟嘅燉蛋 甜度同滑溜程度都幾配合 側邊仲有時令水果🍓飲品凍奶茶 西餐廳嘅凍奶茶 夏天消暑都唔錯☺️ 加咗錢飲Hoegaarden 一杯好大杯 有成500ml🍺 配Mac and cheese食好夾 唔會好膩😝呢間餐廳嘅食物質素真係唔錯 服務上亦都對得住個價錢 食物會按序逐樣上 令客人唔會食得好趕 享受到食物嘅美味😋
繼續閱讀
今日遲左出黎食lunch，諗著搵間無咁多人既上樓餐廳，點知電梯門一開，都差不多滿座，好彩仲有1張枱。原來今日green Monday，午餐加$18就可以享用salad bar，好抵，而且沙律好新鮮。午餐有好多選擇，雞豬牛羊魚，樣樣都有，最後我地叫左一個澳洲肉眼扒set lunch，2個粟米周打湯，再另外叫一個海鮮拼盤。粟米周打湯好香濃，有煙燻既煙肉味，原全無面粉味，應該係薯仔令湯濃厚，好好味。拌碟既小面包才是重點，睇個樣就知好味，我估落左2款芝士，烤得香脆但內裡吾會好乾。👍👍👍跟著食海鮮拼盤，係shake shake 袋上，侍應offer幫我地開，當然好啦，我怕倒到一枱都係😅。海鮮拼盤我地揀左卡真汁，係香草煮帶有微辣，好惹味。海鮮份量好多，有蝦，青口，蜆，八爪魚，仲配上薯仔，粟米同腸仔。海鮮好鮮甜，八爪魚特別有驚喜，煮得剛剛好，爽爽地但係吾會硬。另外set lunch 既肉眼扒係5成熟，外表好香炭燒味，內裡既肉好嫩好林，好有牛味😋。薯條都好好食。最後配上一杯咖啡，完滿地結束今晚既飯局。
繼續閱讀