THE MOCHIFFON CAKE (已結業)

呢間嘢都有去過兩三次，啲蛋糕係真係好食嘅，唯獨係唔知點解次次去到都係得佢一個攤位冇職員喺度，擺個牌出嚟話職員外出咁樣。我當你要買嘢食、要去廁所，或者行開唞吓氣咁啦，因為屋企人真係幾鍾意呢度嘅蛋糕，而且山長水遠出到嚟尖沙咀都喺度等吓啦。第一次等咗三個字先至有職員返過嚟幫手，最近呢一次去買蛋糕差唔多等咗成半個鐘都唔見有人。企喺度等咗半個鐘之後兩位職員終於帶住啲嘢食施施然咁樣返到嚟。既然你有兩個職員喺度點解唔可以輪流出去，或者一個負責買嘢食一個負責睇檔？根據我嘅觀察似乎成個K11甜品區域真係得呢一個攤位會成日唔見人，其實係咪唔憂做冇心開檔😅營業時間寫明1230-2030，咁我哋咪跟住你嘅營業時間過嚟買蛋糕囉，拎起擺喺櫃檯嗰張卡片搵到個電話號碼打去又冇人聽， send WhatsApp又冇人覆。你如果要長時間外出唔睇檔係咪都應該預咗有心買嘅客會想打電話睇吓有冇職員可以幫手？其實係等職員出現嘅期間都有唔少人走埋嚟睇蛋糕，有啲都應該係真係有興趣買嚟試吓嘅，但係見到冇職員就寧願去幫襯其他攤位。咁樣冇交帶地消失，真係會冇咗好多客㗎，不過你哋應該都唔care啦，反正都唔似係有心出嚟做生意💀蛋糕開心果味濃

適逢朋友生日，佢講到明自己最鍾意食茶味嘅蛋糕，所以就上網為佢搜尋一啲比較新嘅味道然後就搵到呢間The Mochiffon Cake芸芸眾生之中揀到去首先因為佢係本土製作，另外佢係戚風蛋糕，仲要茶味嘅選擇，最最最最重要就係佢有麻糬做餡料，戚風蛋糕加麻糬呢個配搭有邊個會唔鍾意呀？由於花多眼亂太難揀，直接買咗兩個第一個係焙茶物語 Hojicha Delight 由低油低糖焙茶戚風蛋糕組成，入面有招牌煙韌麻糬，仲有輕微嘅紅豆蓉同埋低糖嘅焙茶忌廉。佢嘅焙茶煎香過之後香氣十足，非常之濃郁嘅茶味，但係入口竟然一啲都唔苦澀，如果你係茶味fans一定要試！另一個買咗柚子伯爵 Lady yuzu 蛋糕結構同樣低糖低油嘅伯爵茶戚風蛋糕組成，入邊都有麻糬，但係佢蛋糕入邊有少少柚子果粒，伯爵茶忌廉喺面，同樣做到茶味香濃，但係一啲都唔苦！講真，我試晒兩個茶味蛋糕之後如果而家同我講淨係可以買一個，我都唔知點揀，因為兩個都好出色，大家快啲去試吓啦！

某日經過K11這間蛋糕店，看見有不少人幫襯，價錢不算便宜，但蛋糕賣相吸引，於是湊熱鬧買一盒，可惜買的時候只剩下Baileys Chocolate這個口味，不喜歡酒味的我掙扎一會後最終還是決定買來試試。🍰🍫Baileys Chocolate Mochiffon Cake $80/兩件濕潤的戚風蛋糕中插入煙靭麻薯，還好酒味不濃，吃上去基本上比較像朱古力蛋糕。蛋糕標榜低糖低油，選用日本頂級麵粉及日本忌廉每日新鮮製造，而且是無添加劑和防腐劑，讓人吃得安心又較低罪惡感。Mochiffon 顧名思義就是結合麻糬mochi和戚風蛋糕chiffon cake而成，全港獨家首創，由網店發展到現在兩間實體店，實力不容忽視。