The Market

449
117
47
港鐵尖沙咀/尖東站 P2 出口, 港鐵紅磡站 D1 出口 繼續閱讀
電話號碼
34001388
開飯介紹
The Market採用新鮮食材,提供自助餐,生魚片、叻沙和榴槤甜點等值得一嚐。 繼續閱讀
獎項殊榮
最優秀開飯自助餐 (2012-2016), 最優秀尖沙咀開飯熱店 (2014-15)
營業時間
今日營業
06:30 - 22:00
星期一至日
06:30 - 22:00
付款方式
Visa Master 現金 AE 銀聯
座位數目
160
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
泊車 詳細介紹
電話訂座
加一服務費
前往餐廳網站
http://www.hotel-icon.com/dining/the-market
有關餐廳
Hotel ICON 唯港薈自助餐餐廳 - The Market
設計概念源於極具香港特色的市場,賓客可盡嘗頂級亞洲及環球美食。餐廳設有多個開放式廚房,營造出充滿活力的氛圍。The Market 於OpenRice的專頁已累積達2萬人次瀏覽,並已連續九年於 OpenRice Hong Kong 開飯熱店大賞全民投票中,榮獲最優秀開飯自助餐餐廳殊榮。

餐廳告示
【8折優惠】Silverbox 宴會廳「牛味無窮假日早午餐 」
2021-01-19
唯港薈隆重推出「牛味無窮假日早午餐」,再度俘虜一眾「和牛控」!滋味推介有日式堂灼和牛肉片,The Market廚師將油脂分明的和牛放入高湯快灼,確保和牛在剛熟狀態,讓賓客可品嘗入口即溶,而濃郁的肉味更會在口腔裡縈繞不散,齒頰留香。不得不試的是胡椒和牛艦艇,香脆的麵包配合厚切燒烤和牛肉,加上獨特的胡椒香味,三者互相配合得宜,絕對是滋味推介! 深受大眾歡迎的燒M8澳洲西冷和牛、法國和牛他他多士、自製特色和牛漢堡、The Market招牌菜星洲喇沙及多款新鮮海鮮均會同時供應,讓各位感受與別不同的美食盛宴。 除了令人回味無窮的早午餐,您更有機會贏走以下豐富獎品ICON 36城景客房住宿一晚連早餐兩位、「飄香榴槤甜品」外賣套餐乙份 或The Market 自助午餐兩位。 您還在考慮嗎? 立即預訂「牛味無窮假日早午餐」,為自己創造「牛」味無窮的難忘回憶吧! 「牛味無窮假日早午餐 」詳情 日期: 3月7、13及 28日 時間:早上11時45分至下午3時 地點:1樓Silverbox宴會廳 價錢:成人:港幣760元* | 兒童(3至11歲):港幣530元* 凡預訂2021年3月7、13及28日場次的顧客可享有8折優惠# 立即訂座 *以上價錢需另收加一服務費 #優惠不可與本酒店其他的推廣優惠和會員優惠包同時使用 詳情
有關獎賞計劃
食評 (684)
等級4 2021-03-01
196 瀏覽
2021年3月1日(一)我們又來最愛的唯港薈食午餐🍴The Market@Hotel Icon話說我第一次來The Market 係2011年11月,當時嘅Lunch Buffet係$248,而家已經$388成人每位$388 + 10%中午12:00-14:30每人包一杯餐飲。11:58開始入座,13:35攞賬單來埋單及通知14:30要交枱,因為佢哋要準備做下午茶市。沒有龍蝦、生蠔、熟蠔、鵝肝、鴨肝。凍海鮮類有:長腳蟹、蟹鉗、蝦、青口、蜆。溶雪溶得很好,肉質很好,沒有雪藏味。刺身都新鮮,有三文魚、吞拿魚、甜蝦、魷魚、螺。除咗海鮮湯係苦嘅,唔好飲之外,熟食就中規中矩。燒烤檔女職員不主動,要主動話俾佢知我要乜嘢,要幾多件,否則只會大家互望👀,或者講一樣比一件。燒烤檔有四樣嘢:羊架、牛扒、豬腩肉及雞中翼,肉質及味道都係好的。羊架冇以前咁好,以前是烤羊架,烤好、切好放晒出嚟,自己選擇喜歡的生熟程度,現在就由職員給你,已燒到9成熟。你Order燒烤物後,職員放回已烤熟的肉類在燒烤架上,再大火烤返熱俾你。個人覺得好味道嘅有:片皮鴨、燉湯、羊架、Parma Gam、甜品類、水果。甜品最出色,榴槤甜品、榴槤雪糕、Godiva朱古力軟雪糕、士多啤梨糕點、啫喱...生果、沙律吧都好正,咁多間嘅Parma ham呢一間最好食,一定要落佢嘅黑松露蜜糖醬, 10年如一日咁正。平時唔會食生果嘅,今次我都破例食咗,真係好甜美。有果汁放喺沙律吧附近,橙汁、西柚汁、檸檬茶。食物款式太多,有印度咖喱類,新加坡海南雞飯、喇沙,台式肉操飯,Pizza,仲有中式滷水食物:滷水鵝、豬腸、豆腐、雞蛋,都冇機會一日品嚐,個胃有限,揀咗鍾意食嘅嘢之後,主力都係食甜品。 繼續閱讀
(以上食評乃用戶個人意見 , 並不代表OpenRice之觀點。)
吃過Hotel ICON的榴槤下午茶, 就知道為何如此難訂位, 我會形容為誠意之作, 用了5款榴槤做出各款甜品, 保留了榴槤的味道之餘又不會搶了配搭食材的特色, 超讚.  由於GREEN在做聖誕主題下午茶, 所以榴槤下午茶就在The Market了, 逢星期一至日3-5PM也能品嚐到~入座沒多久, 侍應就奉上唯港薈自家製D101及D24榴槤雪糕, 以這做開場, 邊吃邊等著三層架的到來, 很幸福.  濃郁的榴槤香、厚實的質感, 配有榴槤蓉及咖啡曲奇脆粒, 令人想多吃幾杯!今次我會先吃甜點, 例如Forbidden D24榴槤蛋卷, 好香脆, 榴槤香是一撕開包裝袋就聞到, 建議吃時沾榴槤雪糕, 一絕!馬來西亞直送紅蝦榴槤, 每人一件, 清淡的榴槤香, 纖維比其他榴槤品種多, 那層 ‘衣’ 帶點乾包是我最喜歡的.這小咖啡杯盛著的是D197榴槤tiramisu, 訂位時對這甜點特別感興趣, 沒有失望, 好香滑, 榴槤與咖啡拿到平衡點, 美味也!同層有D198金鳳榴槤泡芙配咖啡曲奇脆粒, 先咬開一半, 香脆的面層加軟滑的內餡, 雙重口感.  吃罷上層及不斷供應的榴槤雪糕, 說真, 已經飽了一半, 但我又怎會放過中間一層的榴槤甜點呢! 既愛吃榴槤, 又愛吃斑蘭, 這件榴槤斑蘭千層蛋糕正合我口味, 真的十分香滑香濃!而D24榴槤椰子糯米糍也是讓人難忘的, 何解呢? 椰子香及那軟糯度, 好像讓人心會軟下來似的.最後一件甜點是24K榴槤拿破崙.  個人認為這件可給平常不愛吃榴槤的來個挑戰, 因拿破崙的香脆足以轉移榴槤的視線.遇著榴槤王子Danny在場, 就有機會吃到榴槤芝士撻啦~ 當吃完一系列的榴槤甜點後, 可吃在上層的烏龍茶啫喱, 清一清口腔, 準備吃咸點啊~   咸點共有5款, 血腥瑪莉香辣鮮蝦夠惹味; 西班牙辣肉腸橄欖串微辣過癮; 芝士釀意大利青瓜相對清淡.外形像魚蛋的是香脆炸薯球配燒烤醬, 最後有蘇格蘭煙三文魚他他多士.  很可惜, 實在太飽了, 放棄了美味的英式傳統鬆餅….飲品有自製檸檬汁、果汁、ILLY咖啡或TEA WG 茶選擇, 其實依然好想選伯爵茶, 因是我至愛, 但今次點一杯凍mocha來配襯啦~All About Durian下午茶, 每位$368/兩位$678, 每日3PM-5PM供應. 繼續閱讀
(以上食評乃用戶個人意見 , 並不代表OpenRice之觀點。)
榴槤呀榴槤,盡管全世界都話你重口味,我都對你不離不棄!🤤​我身邊幾乎無咩人愛榴槤,甚至我細個時都非常抗拒!直至前幾年因工作關係,差不多每個月都會去馬來西亞,當時啲朋友帶我去水果檔食榴槤放題,那時檔販開咗隻紅蝦(榴槤品種之一)比我,我半推半就塞入口,自此對榴槤嘅愛就一發不可收拾!🤤​馬來西亞榴槤果肉雖少,但肉質香甜濃郁,帶有少少酒味,加上綿密嘅口感,味道真係比香港成日食到嘅泰國金枕頭差天共地!可惜家陣無得飛,想再飛馬拉食榴槤都困難重重!😭​▲餐廳環境舒適,對正花園,係度歎下午茶幾爽。前陣子,留意到The Market出咗新嘅榴槤T-Set,仲要以貓山王及紅蝦做主題!聽完立即Book!(本想係佢推出嗰日14/9就食,點知太Full,結果搞到呢排先食到...😅)​呢次呢個T分堂食同外賣版,對我呢種深度重口味人士,當然兩隻都試晒!🤤​✾堂食榴槤飄香下午茶堂食則有埋鹹味點心,合共有15款美點!真係超豐富耶!😍💕​一般喺出面食T都係有10款點心左右,The Market呢套T-set則有15款,款式多出1/3呢!而且數量多,不代表唔足料或質量低,呢款T不但有原件紅蝦榴槤可試(一般馬來西亞榴槤,每個喺香港賣都要3-500蚊,超貴!),仲任食由D101及D24 榴槤做嘅雪糕,以及聯乘意大利咖啡品牌illy嘅甜品系列等等,啱晒我呢啲為食,又想試多啲嘢嘅人~​✦甜點​包括: 24K榴槤拿破崙、D198金鳳榴槤泡芙配咖啡曲奇脆粒、D197榴槤意大利芝士蛋糕、榴槤斑蘭千層蛋糕、D24榴槤椰子糯米滋、馬拉西亞直送紅蝦榴槤(一件)、烏龍茶啫喱、Forbidden D24 榴槤蛋卷​今次下午茶重點,同外賣版一樣,係餐廳聯乘意大利illy濃縮咖啡品牌,打造嘅「榴槤意大利芝士蛋糕」!堂食版本,仲會用隻illy杯仔裝住,打卡幾靚!上層係朱古力片,內裡則有由手指餅、意大利軟芝士及榴槤慕絲做嘅蛋糕,每食一啖都融匯多重質感,正呀!🤤​另一款我好鍾意嘅係D198金鳳榴槤泡芙配咖啡曲奇脆粒,咬開泡芙入面係香滑嘅榴槤蓉,勁邪惡!D24榴槤椰子糯米滋,咬開盡是D24榴槤蓉,味道唔錯!至於原件馬拉西亞直紅蝦榴槤,味道無得輸!平時馬拉係唔出口紅蝦,估唔到唔洗飛,喺呢度可以食到wo,真係止癮一流!最後我非常推薦就係無限添加嘅榴槤雪糕!用咗D101及D24 榴槤做嘅果蓉, 濃郁到無朋友!我直情唔覺得佢係雪糕,濃度好似純榴槤蓉咁!​✦鹹點​包括:血腥瑪莉香辣鮮蝦、蘇格蘭煙三文魚他他多士、西班牙辣肉腸橄欖串、芝士釀意大利青瓜、香脆炸薯球配燒烤醬​鹹點方面無榴槤成分,味道都會偏向冇咁濃烈, 個人感覺佢係為咗襯托榴槤甜品而設計。比如香辣鮮蝦個醬汁,偏清新,入面隻生蝦食上口好爽甜、好開胃, 可以突顯返甜品嘅甜香味。辣肉腸橄欖串,橄欖帶有少少甘香同埋香辣嘅肉腸,又係襯甜品嘅好選擇。​▂﹍▂﹍▂﹍▂﹍▂﹍▂﹍▂﹍▂  ​✾外賣榴槤飄香下午茶包括:馬來西亞貓山王榴槤果肉、D24 榴槤椰子糯米糍、D197榴槤意大利芝士蛋糕配曲奇脆匙、榴槤斑蘭卷配椰子脆脆、抹茶荔枝D24榴槤卷、D197榴槤芝士泡芙、24K榴槤拿破崙、手工花形榴槤曲奇、烏龍茶啫喱、Forbidden D24 榴槤蛋卷、唯港薈自家製榴槤單球雪糕禮券​▲跟堂食版相似,外賣下午茶有D24 榴槤椰子糯米糍及D197榴槤芝士泡芙呢!▲榴槤斑蘭卷配椰子脆脆,好地道馬來西亞糕點風味!▲手工花形榴槤曲奇,香脆可口,而家勁靚!打卡一流!榴槤下午茶外賣版,主要以甜品為主,喺12款甜品之中,重點係用D197榴槤(老樹貓山王)及illy濃縮咖啡做嘅意大利芝士蛋糕!呢款蛋糕有手指餅、意大利軟芝士及榴槤慕絲,多重口感,好豐富。另一款外賣限定嘅榴槤斑蘭卷配椰子脆脆我都好鍾意,斑蘭海綿蛋糕包住榴槤蓉,再加少少椰子碎,幾正!​▲今次有跟Youtube夥伴Timbee拍片,有機會再同大家分享! ▲甜品部主廚Danny好Nice,經常親自出馬招待客人~▲最後附上下午茶Menu,供大家參考~ 繼續閱讀
(以上食評乃用戶個人意見 , 並不代表OpenRice之觀點。)
位於尖沙咀Hotel ICON的The Market,是一間超有人氣的自助餐餐廳。The Market 連續九年獲得「最佳自助餐廳」殊榮! 作為Poly University Tourism Management的舊生🎓,實在感到非常驕傲呀! 當然要即刻預約來吃晚餐,支持母校和支持自已學校的酒店啦。最近與維記牛奶🤝攜手推出 [ 唯笑。維妙 ] ✨主題自助餐,把維記牛奶的產品融入菜式之中,炮製出一系列喚醒童年回憶的美食哦! The Market的廚師團隊創作力驚人,完美呈現出家傳户曉的維記牛奶滋味!不論是鹹點、或是甜點,匀加入牛奶原素。除了配合主題,同時提供一頓有營養又美味的大餐呀!聯手推出的菜式,鹹食包括: 周打海鮮粟米湯、大良松子蟹肉炒鮮奶、俄國燴雞柳、奶香鱈魚等。甜食包括: 港式燉奶、薑汁撞奶、乳酪布甸、乳酪雪糕、乳酪忌廉泡芙。品種豐富,款款味道特別,不能錯過啦!餐廳佔地廣,坐位寬敞舒適,全院滿座也不會有擠逼感,用餐過程令人滿意。自助餐提供多款國家菜式,有東南亞、中式、日本和西式美食等等,當中以優質的龍蝦海鮮和主打的榴槤甜品最受歡迎哦。每台客人入座前已預先好擺放三層海鮮拼盤,讓你安座後可即刻進食啦! 海鮮有大龍蝦、長腳蟹、小龍蝦、青口、蜆和大蝦,更貼心地附上檸檬和醬汁。龍蝦有蝦膏,肉質結實彈牙,長腳蟹超鮮甜,質素很好呢。吃完後可自行追加,吃多少也沒問題。頭盤選擇甚多,有煙三文魚、蜜桃沙律、泰式沙律、蟹柳沙律、薯仔、芝士拼盤、巴馬火腿、莎樂美火腿、黑魚子蟹肉脆包。沙律爽脆新鮮,調味剛好,味道清新不單調。熱盤包含各國美食,有炭燒肉眼扒、奶香鱈魚、美極大蝦、大良松子蟹肉炒鮮奶、蕃茄芝士薄餅、煎鵝肝、蜜汁叉燒等等。肉眼扒充滿炭烤香氣,肉質幼軟美味。鱈魚醬汁用維記牛奶製成,魚濃奶滑,魚肉鮮甜。薄餅味道不錯,鵝肝入口即化,很邪惡呀!甜品方面,大部分用維記牛奶製成,有蜜桃、柑橘、青蘋果和藍莓口味的乳酪布甸和雪糕,味道帶酸,並不膩口,吃多幾杯也沒問題。乳酪泡芙的賣相超吸引,切開更會流心,酸甜夾撃,同時有牛奶香氣,我吃了好多個呀。薑汁撞奶用高鈣低脂牛奶製成,薑味超濃,很不錯呢。最後更可自已唧大名鼎鼎的Godiva雲尼拿白朱古力和朱古力雪糕,非常滿足呀!由即日起至10月31日,客人除了可以品嚐牛奶主題自助餐,更可用優惠價加購食宿體驗,是慶祝生日和週年的不二之選。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-02-19
724 瀏覽
解放晚上堂食的第一天,就嘗試一下眾人推介的The Market,基本上作為消費者的我,當然滿心歡喜,終於有自助餐食,自助餐當然食晚餐才合適,因為環境,氣氛,質素都係晚餐的條件,我本以為食肆也應該嚴待重啟,食物質素應該很好,原來這只是我個人想法。沙律:十數款沙律菜,正正常常,無咩特別好的菜,但奇特在有3款蕃茄,唔通蕃茄唔賣得?頭盤:西式煙三文魚,一款火腿,3款風乾,中式6-7款:鹵豆腐,鹵雞眕,中華沙律,肴肉.....對不起,忘記了,正常可入口,肴肉口感似石頭。麵包:匿埋左沙律區中,找到,見到,但唔會有興趣。湯:同麵包離九丈,一款燈色海鮮湯,不過係大滾中,味道當然係2啖,唔該可以拎走,謝謝。季節:蟹肉醬魚子脆包,對不起,應該有蟹肉芝士同魚子,當然魚子係一定見到,其他部分就......,味道也哈哈哈。中式羊肉,羊肉不是腩,正常,腐乳就唔好食啦,旁邊有鍋可能是汁加水,俾大家自己煮菜。蟹粥:蟹肉霉,粥係正常,但差過很多粥店,湯底濃,濃到咸,個味道似鹽焗雞焗完出來個雞汁。蛇羹:瘦肉瘦肉同瘦肉,蛇肉係有,三份一個一毫子左右大小,數量就.....俾啲心機,一定有,好心啦,大陸急凍蛇肉又唔係貴。冷盤:龍蝦,凍蝦,青口,小龍蝦,長腳蟹,硯,無味道,像筋一樣,我差啲覺得自己中左新冠。刺身壽司:三文魚,吞拿魚,八爪魚,帶子,北寄貝,有殼甜蝦,一款小反卷,味道,質素,新鮮度,中下水平,普通放題或平民爭鮮,水準都好少少。中式熱盤:海南雞,醬煮沙巴龍躉,油浸鴨腿,焗海鮮螺,牛仔骨,巴東牛肉,炸蝦餅,炸豬頸肉,炸石班,好似仲有個菜,三餸飯水平,仲有即煮喇沙,對不起,我無吃。西式熱盤:海鮮闊麵,3款薄餅,燒烤牛、羊、雞翼,煎鵝肝,蝦片,印度雞、魚、豆、薄餅、脆餅,闊麵,薄餅正常,燒烤牛羊過熟,但雞翼反而生生地,鵝肝?鴨肝?肥肝?哈哈哈,對不起,我不太懂,但半個拳頭噤大件落粉煎,到5蚊噤大,老實說油真係香,入口唔溶,但又無味道,我真係可能有新冠,所以我真的分別唔到係咩肝,印度正常,但薯仔可能入貨太多。甜品:榴槤主題款式有醬,雪糕,蛋糕,蛋卷,慕絲等等,另有7款左右不是榴槤,無特別驚訝,最合我口味是烏龍茶大菜糕,4款Movenpick,青檸,咖啡,士多啤梨,糖漿,自助Godiva 軟雪糕機,雲呢拿,朱古力,兩溝,但唔知點解,一種兒童回憶突然出現,牛奶公司家庭裝味道,個人意見,去專門店食吧。 繼續閱讀
(以上食評乃用戶個人意見 , 並不代表OpenRice之觀點。)